أدخلوا و ابتسموا

[rosa damascena]

بما أن مواضيعنا كلها جدية أحببت ان أضيف بعض النكت الحمصية و غير الحمصية للمرح و الترويح عن النفس و إن شاء الله تعجبكون

------------------------------

جاء في معجم الاطلسي عن ما جاء في معجم الفيروزبادي وما نقله عنالزمخشري
خُلقت المرأة لتسأل زوجها: منقابلت؟ ومن اتصلبك؟ ومن؟ ومن؟ ومن؟ لذلك سميت بالانجليزية: (ومن) woman

وإذا بالغت في السؤال والإلحاح فلا بد أن يقوم الزوج بهز بدنها؛لذلك يسمى: )هزبند)
husband

واحد قلولو احكي اللي بدك إياه عن ديمقراطية البلد، بلش يحكي:

وين حرية الرأي ؟؟

وين المساواة؟؟

وين مصاري الشعب ؟؟

وين آخذيني ؟؟

وين الضو ؟؟

وين انا ؟؟

حمصي بيسأل صاحبه: الهند بعيدة؟

قال: ما أعتقد لأن في هندي معانا في الشغل بيجي على
بسكليت

تاجر مخدرات راح يخطب عروس سألوه شو بتشتغل ؟

قالهم 'فنيي تـكـيـيـيـيـيـف'

بنت دلوعه كتيـــــــــــــر كتيــــــــــــــــر وابوها بيشتغل لحام,

سألوها الناس: بابا شو بيشتغل؟ قالتلهم: بابي بيأشر غنم

ست نسوان عملوا حادث سيارة
كل واحده اتصلت بزوجها .... وهذه هي ردود الأزواج الستة

- اللبناني :بعيد الشرعنيك ...حبيبة ألبي...أنا هلأ جاييعالطريء

- الفلسطيني :سلامةكلبك ياروح كلبي .. أنا جاي ركد عالطريك

- الكويتي:شنوامطلعج الظهر ... طلعت روحج ... ماوراج الا المصايب تغطي زين عن الرياييللين اوصل

- الأردني:خــــــــــــــــــــــخ... إيشحادثالله لا يردك ... دبري حالك

- المصري: يا ولية ...حادس ده لو حصل للعربية حاجة هيكون آخر يوم في حياتك

- السوري :قلتيلي معكخمسنسوان ؟؟؟.. طيب ثواني وبكونعندك

طبعا ما بدنا زعل و حساسيات كلها ضحك و هرج و هزار

مواضيع مشابهة:

• وصيه لكم :::) أدخلوا أعرفوا الوصيه

[tango007]

ههههههههه النكت دمها خفيف جدا , بصراحة الضحكة طالعة من القلب و جزاكى الله خيرا

[امة الرحمن]

الله يبارك فيك أختى

فكهات جميلة شكرا لكى لاضحاكى تقبلى تحياتى

[lyamine-dz]

فكهات جميلة شكرا
ننتضر المزيد

[sally]

[rosa damascena]

الأخوة و الاخوات tango007 وليد امة الرحمن sally lyamin-dz
الحمد لله اني قدرت ان أدخل الضحك لنفوسكم و إلا جماعة حمص كانو ا زعلوا مني كتير

[rosa damascena]

الأن إليكم المجموعة التانية أرجو ان تنال إعجابكم
هذه النكتة واقعية و حدثت معي بالصف الثاني الثانوي
مدرستنا جميلة جدا و من عائلة حمصية معروفة و كانت تحبني كثيرا لكثرة مشاركتي و لفظي الجيد للغة
بأحد الدروس الإنكليزية يعرض علينا قصة بطلها حمار الله يعزكم و اسمه تيدي
أنا و مجموعة البنات حافظين كل شيء بالدرس و حتى المحادثة بادق حذافيرها
الأن جاء وقت الأسئلة و من يسجل اكبر نقاط عند انستنا الحلوة يأخذ علامات اكثر و أكثر
و بلا طول سيرة جاء السؤال القاتل
rosa ماذا قال تيدي طبعا بالإنكليزية
أول مرة روزا لاتجيب عن سؤال
روزا ماذا قال تيدي افندي
روزا ليست هنا خالص
انتقل السؤال من روزا لسمر
سمر الشطورة طأطات راسها و كأن السؤال لايعنيها
مدرستنا الأمورة مستغربة جدا جدا جدا
منال لينا كوثر صافيناز روجينا لم يتبقى احد و لكن لا حياة لمن تنادي لا و لن يجيب احد
انستنا الحلوة وقفت على منصة الصف و صرخت باعلى صوتها
تيدي سيد (يعني قال) هي هو heehooo و كررت هذه الهي و الهو شي عشر مرات
و هو تقليد لصوت الحمار بالقصة
طبعا فقعت مرارتنا من الضحك على معلمتنا الامورة الي بعد فترة لحتى وصلتلها الكهرباء بالمقلب الي اكلته
و ضحكت هي كمان

بصراحة هي احب المعلمات على قلبي لانها طيبة كتير و ما ادركت سبب رفضنا تقليد صوت الحمار الإنكليزي هذا إلا بعد أن وقع ما وقع

إن شاء الله تعجبكم

[plantslover]

ما فهمت ؟؟؟؟!!!! شو قال تيدي يا روزا................

ههههههه حلوة

[م.حنان بيلونة]

شكرا روزا نكت كتير حلوة و اذا لسه عندك تحفينا

[sana]

النكت كتير حلوين راح ابعت وحده بمسج لزوجي بلكي خففت عنه ضغط الشغل

[ALI_ABDUALAZEEZ]

شكرا يا روزا وكل النكات حلوه

الحمد لله ما في عراقي من بين السته *_^

[نيرمين]

مساء الخير روزا ومشكورة على هل النكت الجميلة والمضحكة وخاصة أخر وحدة عجبتني كتيرورح شاركك ببعض النكت عن الحماصنة إذا ما في إزعاج
مرة واحد حمصي اتصل بالاستعلامات قلها عطيني رقم الاطفاء قالتلو 999
قلها يعني تلات تسعات
قالتوو اي
قلها اي انا ما عندي غير تسعة وحدة
قالتلوو بالله مانك حمصي
قلها مركبي كاشف يا ملعوني

حمصي قال لصديقه : بتشرب قهوة
قال صديقه : اذا شربت قهوة ما بقدر نام
قال الأول : أنا بعكسك تمام بس نام ما فيني اشرب قهوة

حمصي بسأل رفيقو
عمرو دياب أخو محمد فؤاد
رد عليه : لا يا أهبل تشابه أسماء

حمصي يفتح البراد على مهله ليه ؟؟؟
عشان يعرف مين بيشعل الضو

مرّة كان في واحد حمصي مسافر بالقطار وقعد جنبه واحد
: فقال اللي جنب الحمصي
انا بردان من الشباك
فقاللو الحمصي : تشرفنا وانا حمدان من حمص

اثنين حماصنة كانوا عم يلعبوا شطرنج
من قد ما طولت المباراة معهم مات الملك بجلطة
بتمنى ما يزعل حدا من هل النكت لأنو الحقيقة إنو الشعب الحمصي من المتفوقين دراسيا بالجامعات وفي نسبة ذكاء عالية عندهن بس كل النكت دائما على الشعب الحمضي
وبالنهاية بحب هنيكي يا روزتا على لقب أفضل عضو لهل الشهر ألف مبروك

[ALI_ABDUALAZEEZ]

يسلموا نرمين والله ضحكتيني
الله يعين اهل حمص
على فكره اهل حمص عرب ولا اكراد ؟

[نيرمين]

أهلا أخي الكريم لا والله أهل حمص عرب وكتير مثقفين و حضاريين بس ما بعرف ليش أغلبية النكت على أهل حمص

[rosa damascena]

احبائي الأعزاء ليش النكت كلها عن حمص و ليش بيعيدوا يوم الأربعاء
العيد المشهور هذا على فكرة تاريخي و قديم و إليكم التفسير
في حملات تيمورلنك التي شملت ضم اجزاء من بلاد الشام مر على في طريقه إلى دمشق بمدينة حمص للإستيلاء عليها
فاجتمع وجهاء المدينة و علمائها بإعداد خطة لمنع تيمور لنك من الدخول ة قدم احدهم الإقتراح التالي
جمع كل الفقراء بجانب جامع خالد بن الوليد ( الصحابي الجليل ) ( سيف الله) و انتقى اكثرهم تشردا و هبلا و مناظر توحي بانهم اناس مجانين تقريبا
ثم ارسل هذا الوفد لملاقاة تيمورلنك قبل دخوله حمص
دخل حاجب تيمورلنك لعنده
سيدي تيمورلنك لقد حضر سادة حمص ووجهائهالمقابلتك و التفاوض على المدينة
خرج تيمورلنك من مكانه ليلقي نظرة خاطفة على هذا الوفد الحمصي المسكين
و قال ما بي فاعل بمدينة وجهائها بهذا الشكل
و قبل دفع اموال فقط و لم يلحق المدينة اي شيء من الضرر بسبب هل المجموعة الفلتة و كان موافقا ليوم الأربعاء
و هو يوم العيد المشهور عنا بحمص
و هذا ان دل على شيء يدل على ذكاء و حنكة و دهاء
اهل حمص لمن يريد ان يستزيد بس لا تثور ثائرة الكثيرين علينا ( لإنها إثباتات تاريخية موثقة)
اكيد في عرب لن البلد عربي
لكن اصول العائلات الحمصية المشهورة هي اصول تركية موثقة بوثائق تعود للعهد العثماني و يوجد مثل مشهور بحمص ( ألي مانو تركماني خلي يروح يدور على اصلو)
طبعا يوجد من كل الأقليات و العرب و الأكراد و الشركس و غيرهم متل كل مدينة سورية بس بالنهاية هم سوريون و يتحدثون اللغة العربية و مخلصون لوطنهم