الموضوع: ما الفرق بين كليات التعليم المفتوح وكليات الزراعة العادية

بسم الله الرحمن الرحيم
لو سمحتم انا بفكر اخش كلية زراعة بإذن الله
بس محتار وعندى سؤال؟
كليات التعليم المفتوح مثلا جامعة القاهرة تكنولوجيا استصلاح واستزراع الاراضى الصحراويه
وجامعة عيش شمس تكنولوجيا و ادارة المشروعات الزراعي
وبين الكليات العادية التى انتم ادرى باقسامها وما بها
واريد من اهل الخبرة منكم يفتينى انهو افضل دلوقتى هنزل هنا رابطين لتفاصيل القسمين بتوع التعليم المفتوح
وعاوز رايكم فيهم ؟
وايه افضليتهم او نقصهم عن الكليات العادية؟
وانهو افضل القسم الخاص بكلية زراعة القاهرة ولا عين شمس؟
هل يوجد لهم تشابه بقسم بالكليات العادية؟

ده رابط لكليه زراعة عين شمس تعليم مفتوح
http://www.olc.shams.edu.eg/olc_guide.aspx
ابقو اختاروا زراعة وانتظروا تحميل الشعبة واختاروها واختاروا السنة وهتنزل المواد

وده رابط كلية زراعية القاهرة تعليم مفتوح
http://www.ou.cu.edu.eg/NewsDetails.aspx?NewNumber=196

وليكم جزيل الشكر
منتظر ارائكم المفيدة


مواضيع مشابهة:

• نتائج كلية الزراعة بمشتهر (جميع الفرق) - جامعة بنها 2011
• دور كليات الزراعة في الواقع الزراعي
• كليات الزراعة في مصر.. إلى البوار!!
• مناهج كليات الزراعة هل تلبي الطموح ؟
• مقال للكاتب الكبير أنيس منصور عن كليات الزراعة

يااخي لاتورط نفسك بتعليم عن بعد انا طالبة دراسات عن طريق نت اي جامحة سانت كليمنتس جامحة فاشلة ومزورة وحتى تصليح اوراقها ووضع اسئلة لااعرف شلون يسوها
بس هدفهم المادة المادة فقط

رد حضرتك والنصيحة فى عينينا واشكرك عليها
واهو ادينى باخذ برضه نصيحة اهل الخبرة هنا
وادينى بانتظار مزيد من الردود

ياأخي الكريم أنا طالب تعليم مفتوح في سوريا أن التعليم المفتوح يقوم بتأمين الفرص للدراسة وعليك أنت أن تقوم بجمع المعلومات والخبرات وهذا رأي بأن التعليم مهما كان لايفيد ألا الأنسان الذي يريد أن يستفاد منه وشكرا

بسم الله الرحمن الرحيم
اشكرك لكلامك الجميل وده الصح
بس انا بقصد شىء تانى
ان التعليم المفتوح فى الجامعتين اللى انا ذكرتهم حاطيين قسمين بس ومختلفين عن اقسام كلية الزراعة العادية
وكنت عاوز اعرف الفرق وهل الاقسام دى جيدة فى سوق العمل
يعنى كنت عاوز رايهم بصراحة عنهم وفى القسمين اللى فى الرابطين
شكرا

انا من رأيى ان كليات الزراعة العادية افضل لأنها شاملة كل حاجة ودى عن تجربة لاني فى كلية زراعة والدراسة فيها متعة تانية بس المشكلة ان اقسامها وموادها كتيرة وعايزة تركيز جامد بس فى الاخر هتوصل لحقيقة واحدة ان الله موجود وسبحان الله ونصيحة لو حبيت تدخل زراعة ياريت تكون شعبة عامة لان فرص الشغل اكبر من التخصصات
والله اعلم

بسم الله الرحمن الرحيم
شكرا لردك الجميل
بس انتى قصدك ايه بقسم عام قصدك مثلا اقتصاد زراعى ولا ايه
وانا لما بصيت على مواد التعليم المفتوح هى متنوعة وده اللى خلانى احتار
هو حضرتك دخلتى على الرابطين اللى انا حطيتهم وشفتى المواد
بس رايك برضه جميل ويأخذ به لان الجامعات العادية فيها فوائد كتير برضه
لكن انا كان سؤالى عن المواد واختلافها بين المفتوح والانتظامى
فانا حاسس ان التعليم المفتوح جامع الاقسام كلها بس انا مش متاكد فقلت اسئل اهل الخبرة
شكرا

لاانصح الشباب التوجه نحو التعليم المفتوح فهو مخصص للذين شغلهم العمر لاسباب اقتصادية او سياسية او غير ذلك

مشكووووووووووووووووووووور على المجهود

بسم الله الرحمن الرحيم
لمجرد زيارتكم موضوعى وتشريفه بردودكم شىء غالى عندى
ولكن للجميع ارجوكم انتبهوا لعنوان الموضوع
انا عايز اعرف ايه الفرق بين المواد اللى فى التعليم المفتوح واللى فى التعليم غير المفتوح
انا عايز اقارن من حيث المواااد والاقسام
لان فى التعليم المفتوح مواد جديدة ومواد متنوعة من اقسام كتير من كليات التعليم غير المفتوح
وكنت عاوز اعرف جدوى تلك المواد فقط القوا نظرة عليها من خلال الروابط ومن خلال دراستكم بكليات الزراعة احكموا وافيدونى
ارجوا ان تكونوا تفهمتم المطلوب
ولكم جزيل الشكر

انت حابب تدرس في كلية علمية عملية فعليك اختيار الكلية بشكل انت تستفيد من خبرتها العملية الجامعات المفتوحة مش بتوفر الجوانب العملية فعليك الدراسة بكلية زراعة مهنية 100% عادية وبالتوفيق يا هندسة

اشكرك فعلا ردك مقنع بشكل كبير يا هندسة
لك تحياتى
ومازل النقاش مفتوح عن رايكم عن المواد ايهما افضل

اخى انا برائى ان كليات الزراعة تعتمد على المعامل والعمل الميدانى وهدا لايتوفر فى الدراسة عن بعد ولهد ننصحك بالدراسة فى الكليات النضاميه التى بها الخبرات والاستفاده من معاملها والتطبيق المباشر

بسم الله الرحمن الرحيم
اخي العزير
انا تخرجت من جامعة القاهره برنامج التعليم المفتوح سنه2004
وكنت احصل علي درجات عاليه
لكوني حصلت ع الخبره قبل الدراسه
يعتمد برنامج التعليم المفتوح علي كون الشخص غير متفرغ او فاته فرصة التعليم النظامي
فهي فرصه لمن لم يستطيع اكمال دراسته بمراحلها الطبيعيه
المهم
الكتب العلميه ع اعلا مستوي بس اكثر الموضيع لا تناقش بل يلغيها الدكتور المحاضر
يدرس بالبرنامج تعمير الصحاري على احدث الطرق العلميه الحديثه
شامل كل شي بالزراعه
المناج
الارض
النبات
الميكنه
المحاسبه الزراعيه
المياه
انا اعتقد ان هذا البرنامج لو طبق على التعليم النظامي
لتخرج منها مهندسون اكفاء ممكن ان يعملو شيء للمستقبل

بالظبط ده تقريبا الرد اللى كنت منتظره
اصل انا كنت شايف ان المواد فى التعليم المفتوح متنوعة وجديدة وجامدة ومثلا فى جامعة القاهرة اضافة على ما قلت بتاخذ طاقة متجدده فى اخر سنة ودى جميلة اوى والميكنة دى اصلا بتاعة هندسة زراعية يعنى تقريبا بتدرس كل الاقسام وفى جامعة عين شمس يوجد ماده لتربية الاسماك ولكن فى الكليات العادلية تقسم اقسام كتييررر والمفروض تتخصص فيها والمفروض انك هتحتاج اكثر من قسم
يلا اشكرك اخى ابو هارون فعلا ردك مميز و جميل
ويعنى افهم من كلامك ان حتى النظامى محتاج خبرة جامدة عشان تستفيد منه وتفيد ولا ايه
يعنى مثلا يبقى اثناء الدراسة الشخص يحاول ياخذ خبرة
وشكرا تانى اخ ابو هارون وللاخ خالد
لان ردك يا استاذ خالد اهو بيدينا امل فى الكليات النظامية
الشكر للجميع