الموضوع: أنا هبدأ أزرع ملخوية و خيار كتجربة أولى

السلام عليكم و رحمة الله و بركاتو أولاً شكراً لسادة الأعضاء على ردهم الدائم علي مواضيعي و شكراً للقائمين على المنتدى لانو بصراحة شديدة حلو جداً إنهردا أنا أشتريت بزور ملخية و خيار و أشتريت معكب بتموس و أنا هزرع عادي يعني في تربة مش عن طريق الزراعة المائية
و الراجل قالي ممكن تحط عليه بدل البرالين رمل على شان معندوش البرالين غير في شكارة و أنا هرزع كمية بسيطه
دلوقتي مكعب البتموس المصمت ده أنا هنقعو في 2 لتر ماء لمدة يوم و بعدين أصفية من المياه و أخلطو بالرمل و تقريباً هحط عليه نص الكيمة البتموس رمل
و بعدين أعبيه في كوبيات مثقوبة من تحت و أضع البزور و أسقيهم
أنا عاوز أسال بقى هل في حاجه ناقصاني ... و المفروض يتم السقي على فترات إيه بنسبة للملوخيه و الخيار ؟؟؟
و المفروض السماد الي أحطو إيه ولا ما أحطش سماد ولا إيه بالظبط ؟؟؟
و إن شاء الله أتابع معاكو بالصور و بالردود

خليط زراعة البذوروالعقل :- 1حجم بيتموس +1 حجم رمل
ويضاف لكل 3 كجم من هذا الخليط 42 جم من الجير + 28 جم من السوبر فوسفات . وتضاف هذه الاسمده اذا وجدت :- 14 جم من سلفات الامونيوم + 14 سلفات بوتاسيوم او 28 جم سماد متوازن . من لينك الموضوع ده

http://f.zira3a.net/t35464
السؤال الجير و السوبر فوسفات دول أجبهم منين و هل هما مهمين و بعدين أنا حسب علمي أن الجير ده يعني لما يطحط عليه مياه بيبقى زي مية النار صح ولا أنا غلطان

و بعدين في واحد عامل موضوع كان حاطط في الخليط أسبداج هل ده يغني عن المكونات التانيه في الخليط المكون من 1 بيتموس و 1 رمل ؟؟؟؟ رجاء يا جماعة سعدوني


تم تعديل المشاركة بالتالي

بسم الله الرحمن الرحيم و السلام عليكم أولاً قبل أي شئ أحب أشكر العضوين الي أجابو عن موضوعي قبل التعديل mohi12 و محمد سكر ثانياً ندخل في شرح تجربتي بالصور على و عسى أن حد يستفيد منها و أخد انا الخبر و الأجر و الثواب أول حاجه أنا رحت أشتريت مكعب بيتموس و ده ثمنو 5 جنيه و تقريباً وزنو كيلو و حطيتو في جردل فيه 3 لتر ماء و سبتو 24 ساعة من الصبح للصبح لقيتو نفش و أنا قمت بنفشو

و لاني مش لاقي براليت إلا بكميات كبيرو على هيئة شكاير و أنا مش عاوز أجيب شكارة على شان أخد منها كيلو ده غير أن سعرها على عضها عالي و ملقتش حد بيبيع سايب و لا حتى في المشاتل للأسف المهم أستخدمت البديل له و هو الرمل ووضعت زي ما البشمهندس محمد سكر قالي ربع الكمية البتموس رمل بس أنا جبت الرمل و قمت بتنظيفو من الحصا الي فيه بإستخدام المصفى الموجوده في المطبخ الي بيعملو بيها المكرونة




صورة الحصى الي طلع من التنقية






صورة الرمل الناعم النظيف





و بعدين خلطت البتموس بالرمل خلط جيد لحد ما بقى شكلو كما في الصورة






و بعدين جبت أنا بقى زجاجات المياه الكبيرة و قمت بخرمها من الأسفل بمسمار من الأسفل على شان تسرب الماء الزائد في ناس ممكن تسخن المسمار و تمسكو بفوطة و تخرق بيه الإزازة أنا بنسبالي محتجتش التسخين الحمد لله أنا أستعملت للملوخية أرتفاع قليل على شان يبقى سهل عملية الحش و في نفس الوقت مستهلكش تربة كثيرة أنما الخيار وضعتو في زجاجات بأرتفاع كبير على أساس أن الجزر بيمتد كتير






دي بزور الملوخية





أنا بقى قمت بالضغط على البتموس الي في قوالب الزجاجات البلاستك بصباعي على شان أعمل حفرة لوضع البزور و وضعت في كل حفرة تقريباً 6 أو 5 بزرات زي ما تيجي




دي بقى بزور الخيار






و أنا وضعت بزرة في كل قالب و جبت كيس بلاستك سميك و فتحتو من تحت و غلفت بيه الزجاجة الي وضعت فيها البتموس الي فيه الخيار و لزقتو بسلتب من الجناب داير ما يدور بحيث أني أقفلو من فوق و يبقى عامل زي صوبة للخيار و قفلتو بس مش بإحكام على أساس يبقى في مسرب صغير لدخول الهواء لاني مش متوافر عندي أي مكان لصوبة حالياً ووضعت تحت الزجاجات غطاء الزجاجات البلاستك يعني على أساس أن يبقى بعيد عن الأرض 2 سم بحيث أنو ميحصلش عفن أو أي حاجه





شكراً ليكو و انا هتابع معاكو يوم بعد يوم كل ما يحصل فيه تطور و أنا مستنى الردود على مشركتي و لو في أي تعقيب على تجربتي يا ريت تقولولي و شكراً تاني مره للأخ العزيز محمد سكر و Mohi12


أنا عندي سؤال ري الخيار كل أد إيه ؟؟؟؟


-------------------------------------------------------------------------------------------
أوبااااااااااااااااااااااا YES YES YES
ده فرحتي بظهور بوادر الملوخية يا جماعة :D







هو فعلاً يا أستاذ محي في تكثيف بخار ماء جامد على جدران الأكياس و انا بكرة هزود عدد الفتحات زي ما حضرتك قلت
بس أنا عاوز أعرف إيه الفرق بين زيادة الفتحات و أني أقوم بعمل فتحات

بعدين سؤال تاني
أنا ناوي إن شاء الله أعمل صوبة زجاجية و هعملها من أساس خشب و هغلفها بالبلستك السميك و شفاف
و مش هسيب حاجه مفتوحة غير الباب الي هدخل و أطلع منو ...
و لتصميم هيبقى على هيئة ضلوع مربعات من الخشب متوصلة ببعضها على هيئة بيت
و البلاستك هيغلفو يعني الشمس هتدخل من كل حته في الصوبه

هل ده ينفع أم في أي أقتراحات تانية ؟؟؟؟؟

-------------------------------------------------------------------------------
السلام عليكم يا جماعة وحشتوني و أنا أسف على عدم المتابعة و ده بسبب أني أتفحت في الشغل الفتره الي فاتت دي

عموماً
أنا الخيار ملقتش له أي بوادر ... و جزفت و قلت أحول أطلع البزرة الي حطتها انا وعملت كده فعلاً
و وجدت أن البزرة ملهاش أي دور في عملية النمو نهائياً

فقلبت التربة و حطيت في الحفرة بزرتين تقريباً و سبتها مكشوفة عملت الكلام ده في 2 فقط
و سبت وحده زي ما هي على شان أشوف النتائج
و عموماً أنا إنهردا كنت عاوز أزود موضوع الزراعة ده و هروح أجيب بزور تانيه و بتموس كمان و أجرب تاني في حاجات تانيه



و دي صورة للملوخية لما كبرت شوية


--------------------------------------------------------------------------------------------------------------------------------
سؤال بقى عندي للأخوة الأعضاء الي ديماً بيسعدوني

هل في حاجه انا ممكن اجبها احطها على النبات تزود من إنتاجو او نموه ؟؟؟

----------------------------------------------------------------------------------------------------------------------------
على فكره أنا عندي معلومة ... موعيد الري كانت كالاتي :
18/2/2014 كانت يوم وضع البزور + الري طبعاً
20/2/2014 كانت تاني مره للري
23/2/2014 كانت ثالث مرة للري
25/2/2014 ظهور بوادر الملخية + الري
28/2/2014 خامس مرة للري
2/3/2014 سادس مرة لري الملخية فقط
5/3/2014 سابع مرة لري الملخية و الخيار + القيام بتعديل وضعية الخيار

و شكراً للمتابعة و أتمنى أني اكون مفيد بموضوعي ده

أنا طبعاً بعد نمو الملخية جربت تزويد عدد البزور في 3 أطباق من الي أنا زرعهم و بعدين لما ظهر البوادر الجديده وضعت الكيماوي الي هي عبارة عن حبوب بيضاء بتباع على الملخية و الخيار

بس للأسف إنبارح لقيت بعض الورق مات ... إيه السبب مش عارف زي الي في الصورة دي في حد قالي لازم تتبع نظرية تعطيش النبات شوية و الدبلان ده بسبب الري الزايد مع العلم أن بقوم بالري لما الاقي التربة نشفة تمام كل يومين أو 3 أيام

و الصورة دي أجب بتموس جديد و زرعت بامية و جرجير و كزبرة







بعد 3 أيام بالظبط ده الجرجير






و على فكره يا جماعة و أنا بسقي من كام يوم لقيت بزور الخيار طلعت بوادر بس و أنا بقوم بالري لفيت البزرة مطلعة جزر و كانت طافية على الماء :( :( :( :( مع أني غرزها بعمق كبير عموماً دي تجارب يعني لو فشلت مش مشكلة أديني بتعلم من خطائي :D و شكراً على الردود و إهتمام الجميع و يا ربت أكون عضو مفيد....

مواضيع مشابهة:

• انا هبدأ فى مشروع زراعه طماطم وعنب وخضار وغيره بس انا مش عارف منين اجيب الشتلات ساعدونى
• انا هبدأ فى مشروع زراعه طماطم وعنب وخضار وغيره بس انا مش عارف منين اجيب الشتلات ساعدونى إقرأ المزيد
• [عرض]  مولد كهربائي 50 ك
• ارجو المساعدة في إنشاء قسم للجودة

السلام عليكم ورحمة الله
اخي الكريم
بالنسبة للبرلايت انصحك لو تحاول تسأل بعض مشاتل الزهور القريبة منك , يمكن تتحصل منهم علي كمية صغيرة مقابل سعر رمزي .
انا اعتقد ان البرلايت يختف عن الرمل كثيرا جدا , حتي ان من اهم خصائص التي يمتلكها البرلايت هو قدرته علي الاحتفاظ برطوبة التربة حيث ان يمتص الماء بعكس الرمل + يساعد علي تهوئة التربة بشكل اكبر من الرمل بكثير
المهم تذكر فقذ تنظيف الرمل جيدا قبل استعمالة

الري : يتم الاحتفاظ برطوبة التربة إلي ان ينجح الانبات , يعد ذلك نقوم بتعطش النبات لفترة قصيرة جدا لنساعد علي انتشار الجذور قليلا

درجة الحرارة : يتم الاحتفاظ بالبذور في مكان يصل إليه الضوء وليس في مكان مظلم كما يعتقد الكثيرون , ودرجة حرارة قريبة من 23 مئوية

بالنسبة لموضوع الاسمدة فلا انصحك بإستعمالها ,خوفا من احتراق النبات حيث ان النبات وهو صغير تكون شعيرات جذوره حساسة ,
وبالتالي البذور لا تحتاج إلي اسمدة , يمكن استخدام المتبقي من الماء الذي تم استخدامه في تنقيع البيتموس في ري البذور فهي تحتوي عل عناصر غذائية كانت موجوده في البتموس

بخصوص الجير وباقي الاسمدة , بما ان البتموس جديد ولم يستعمل من قبل , فلا اعتقد انه يوجد داعي للاسمده والمصاريف الاضافة
إلا في مراحل متقدمة من عمر النبات , حيث انك تستطيع اخذ سماد حيوان طبيعي تنقعه في الماء لمدة اسبوع تم تستخدمه في ري النبات قبل مرحلة الازهار

وبما انك تزرع لتأكل شيئ لنفسك فلا توجد مشكلة من الحصول علي نبات قصير قليلا او ان تكون ثماره قليلة , الذي يهم هو الحصول علي منتج خالي من الاسمدة الكيميائية


تحيتي والله اعلم

شكراً ليك جداً جداً جداً جداً جداً جداً

السلام عليكم اخى

ليس ضرورى ان تجد البيرليت طالما وجد الرمل ولكن ان وجد البيرليت فهو أفضل اكيد كما ذكر أخى محى ولكن فى النهاية يمكن ان يقوم الرمل بدور البديل للبيرليت ويمتاز الرمل برخص ثمنه وتوافره عكس البيرليت فشكارة البيرليت منذ عام تقريبا كانت 75ج مائة لتر فقط اما الرمل متر الرمل تقريبا ب30ج يكفى عندك لمزرعة مش عدة قصارى فأبدأ بعون الله وتوفيقه بإستخدام الرمل ولكن اجعل الرمل ربع كمية البيتموس الموجودة او على الاكثر نصف الكمية كلما كان اقل كان افضل لان الرمل لو زاد سوف يقلل من احتفاظ التربة بالرطوبة وهذا الامر سوف يتطلب منك رعاية خاصة للنبات بعد ذلك وانت فى غنى عن هذا الامر

- -- - - تم تحديث المشاركة بما يلي - - - - - -

اما بخصوص ما تضع على التربة من مكونات اخرى مثل السبيداج او الجير او السوبر فوسفات فاليك اخى ما يفيدك

ما يتم وضعه على البيتموس لمعالجة حموضته هو بودرة البلاط او ما تسمى كربونات الكالسيوم وهى تباع عند بائعى المسامير والبويات والاسمنت بس مش هتلاقيها عند كل الناس بس لو ذهبت لاحدهم سوف يدلك على من يبيعها وهى مادة قلوية تفيد النبات فى معادلة حموضة البيتموس ولكن هناك امر الرمل أيضا يعتبر وسط قلوى ووضعه على البيتموس يعدل قليلا من حموضة البيتموس ولكن بشكل أقل من بودرة البلاط هذه فلو وضعت الرمل ولم تجد بودرة البلاط يمكن الاستغناء عنها ولكن ان شاء الله سوف تجدها متوفرة وتضع كيلو بودرة بلاط على كل 100لتر بيتموس وبما انك عامل كمية صغيرة يمكنك اخذ كمية بسيطة على كف يديك وتنثرها على التربة اثناء تقليبها -- أما استخدام السبيداج فى هذا الامر فهذا الامر غير معروف النتائج فكن مع المجرب والاضمن وهو بودرة البلاط

- -- - - تم تحديث المشاركة بما يلي - - - - - -

أما بالنسبة لاضافة السوبر فوسفات للخليط اثناء التقليب فلا تجعله عقبة امامك فى البدء فهو خاص بتغذية النبات بعد ذلك وانت أكيد سوف تستخدم اى نوع من الاسمدة المتوفرة عندك بعد ذلك وهذه الاسمدة سوف توفر ما يحتاجه النبات من الفسفور

المشاركة الأصلية كتبت بواسطة محمد سكر

السلام عليكم اخى

ليس ضرورى ان تجد البيرليت طالما وجد الرمل ولكن ان وجد البيرليت فهو أفضل اكيد كما ذكر أخى محى ولكن فى النهاية يمكن ان يقوم الرمل بدور البديل للبيرليت ويمتاز الرمل برخص ثمنه وتوافره عكس البيرليت فشكارة البيرليت منذ عام تقريبا كانت 75ج مائة لتر فقط اما الرمل متر الرمل تقريبا ب30ج يكفى عندك لمزرعة مش عدة قصارى فأبدأ بعون الله وتوفيقه بإستخدام الرمل ولكن اجعل الرمل ربع كمية البيتموس الموجودة او على الاكثر نصف الكمية كلما كان اقل كان افضل لان الرمل لو زاد سوف يقلل من احتفاظ التربة بالرطوبة وهذا الامر سوف يتطلب منك رعاية خاصة للنبات بعد ذلك وانت فى غنى عن هذا الامر

- -- - - تم تحديث المشاركة بما يلي - - - - - -

اما بخصوص ما تضع على التربة من مكونات اخرى مثل السبيداج او الجير او السوبر فوسفات فاليك اخى ما يفيدك

ما يتم وضعه على البيتموس لمعالجة حموضته هو بودرة البلاط او ما تسمى كربونات الكالسيوم وهى تباع عند بائعى المسامير والبويات والاسمنت بس مش هتلاقيها عند كل الناس بس لو ذهبت لاحدهم سوف يدلك على من يبيعها وهى مادة قلوية تفيد النبات فى معادلة حموضة البيتموس ولكن هناك امر الرمل أيضا يعتبر وسط قلوى ووضعه على البيتموس يعدل قليلا من حموضة البيتموس ولكن بشكل أقل من بودرة البلاط هذه فلو وضعت الرمل ولم تجد بودرة البلاط يمكن الاستغناء عنها ولكن ان شاء الله سوف تجدها متوفرة وتضع كيلو بودرة بلاط على كل 100لتر بيتموس وبما انك عامل كمية صغيرة يمكنك اخذ كمية بسيطة على كف يديك وتنثرها على التربة اثناء تقليبها -- أما استخدام السبيداج فى هذا الامر فهذا الامر غير معروف النتائج فكن مع المجرب والاضمن وهو بودرة البلاط

- -- - - تم تحديث المشاركة بما يلي - - - - - -

أما بالنسبة لاضافة السوبر فوسفات للخليط اثناء التقليب فلا تجعله عقبة امامك فى البدء فهو خاص بتغذية النبات بعد ذلك وانت أكيد سوف تستخدم اى نوع من الاسمدة المتوفرة عندك بعد ذلك وهذه الاسمدة سوف توفر ما يحتاجه النبات من الفسفور

أنا متشكراً جداً جداً جداً جداً جداً ليك ولله العظلم أنا ممتن حضرتك فعلاً جبت الأخر و أجبت عن حيرتي
أنا ولله متشكر ليك أنت و السادة الأعضاء
على الأهتمام بموضوعي و عموماً أنا حطيت البتموس في الماء إنهردا و هستعملو بكره و هحاول اجيب بدرو البلاط دي من أي موان كويس بكره

و إن شاء الله هتابع معاكو بالصور
يوم بعد يوم إن شاء الله

- -- - - تم تحديث المشاركة بما يلي - - - - - -

عندي سؤال يا جماعة كمان
مواعيد ري الملوخية و الخيار مع العلم أن الخيار هيبقى في علب كبيرة و الملخية هيبقى في كوبيات صغيرة

و الخيار أنا إن شاء الله هزرعو كشتلات يعني هحط البزرة في العلبة الكبيرة بزرة واحده فقط و أسقيها و بعيدن هجيب كيس بلاستك كبير و ألفها بيه بحيث أن الحرارة تزيد جوة
و طبعاً العلب دي هتبقى مخرومة من تحت

لا أنصحك أخى بزراعة الملوخية فى كوبيات صغيرة إن اردت ان تحصد ملوخية وتطبخها ان شاء الله وتكفى على الاقل لعمل وجبة كل ما عليك ان تحضر شئ كبير وليس عميق مثل طبق بلاستيك واسع ولكنه ليس عميق او اى شئ مسطح كبير وليس هاماً ان يكون عميقاً ولو امكن يكون مثل هذا الطبق من الفوم وإليك اخى صور ما زرعته من الملوخية فى هذا الطبق من الفوم





















اما بالنسبة للرى فيكون كلما جفت التربة لن اقول لك كل ثلاثة ايام ولا كل يومين ولكن انت من ستعرف ان النبات يحتاج للرى بوضع اصبعك بالتربة فان خرج جافا فهو يحتاج للرى وان خرج رطبا فلا يحتاج للرى وهذا الامر بشكل عام مع اى نبات


إن شاء الله تأكل اجمل ملوخية من زرع يديك اخى


وإليك اخى بعض صور زراعة الخيار فوق سطحى

ما شاء الله ما شاء الله ما شا الله .. الله أكبر


على الخيار و الملوخية
أنا حالياً مشكلتي هي الصوبة الي حضرتك عملتها
أنا دلوقتي بجرب الزراعة لاني بصراحة مش قادر أستنى أني أروح لبيت جديد ... الي السطح بتاعو هيبقى لي لوحدي

فأنا بس هجرب أزرع في زجاجات مياه كبيرة جداً زي الي ببتحط على التلاجات دي
و هغلف الزجاجات ببأكياس بلاستك بحيث أنها تقوم بعمل الصوبة وبحث أنها تحبس الحرارة للخيار على ما يقدر يمسك نفسو كنظام الشتلات

ده راي لي ... مجرد فكرة هنفزها و أشوف النتائج و هتابع معاكو بالصور ....
عموماً أنا هقوم أشتغل دلوقتي في الموضوع ده حالاً

شكراً ليك أخي محمد سكر على إهتمامك بالموضوع و ربنا يخليك و يكرمك إن شاء الله

تم مسح مضمون الرد و إضافته في أعلى مضمون الموضوع

حلو منك موضوع مصفي المكرونة , ههههههههه

-----------------------------
ماشاء الله عليك اخي الكريم , بصراحة شغل محترفين

موضوع الري "اقتباس من رد المهندس محمد سكر "
((اما بالنسبة للرى فيكون كلما جفت التربة لن اقول لك كل ثلاثة ايام ولا كل يومين ولكن انت من ستعرف ان النبات يحتاج للرى بوضع اصبعك بالتربة فان خرج جافا فهو يحتاج للرى وان خرج رطبا فلا يحتاج للرى وهذا الامر بشكل عام مع اى نبات))


قد تبدو لك إجابة المهندس محمد سكر غامضة قليلا
ولكن هذه إجابة كافية ووافيه و مختصره لموضوع طويل جدا
حيث ان الري يعتمد علي
1- نوع التربة
2-الاحوال الجوية في مكان الزراعة
3- عمق التربة
4- كميات الماء المستخدم في كل مره
5-كميات الاملاح الموجوده في الماء
6-عمر النبات
7- القدرة علي تصريف الماء "عدد الثقوب الموجوده من اسفل"

هذه فقد النقاط التي استطعت ان اتذكرها حاليا , وكيف ما قلت لك موضوع الري طويل ومعقد وتختلف الاجابة فيه من شخص لشخص اخر , ومن منطقة لأخري

انت فقط استخدم الطريقة التي تكلم عليها المهندس , ضع اصبعك السبابة في التربة وشوف إذا اول 5 سنتيمتر من التربة جفت او لا

ملاحظة اخيرة : ان إعطاء كمية ماء غير صحيحه تسبب
1- اصفرار الاوراق
2- سقوط الازهار وعدم القدرة علي إنتاج الثمار
3- تكتل الجذور وعدم انتشارها
4-جذب حشرات غير مرغوب فيها مثل : الحشرة الماصة المن + المن الابيض الذي عليه مثل طبقة القطن البيضاء وهذه تحدث عند الري في ساعات الظهيرة من اليوم لئن هذه الحشرات دائما تبحث عن اماكن ذات رطوبة عالية لتتكاثر


تحيتي وتقبل مروري

ده أنا الي بشكرك على مرور حضرتك ولله يا أستاذ محي
أنا بحتاج ولله المرور الدائم و المتابعة الدائمة لموضوع ولله

عوماً دي كانت صورة اليوم بتاريخ 20-2-2014

أنا قمت الصبح لقيت الأكياس المغلفة الخيار
لقتها بالمنظر ده





أنا لقيت تكسيف بخار ماء جامد جداً على جدار الكيس زي ما حضرتك شايف
و دخلت إيدي جوة لقيت الحرارة عالية جوة حسيت بيها أنا

فقمت فاتح حته صغيرة شوبة للتهوية مش أكتر
على شان الأكسجين و الكلام ده





و شكراً دي كانت ملاحظاتي بالنسبة للخيار و الملخية تمام مافيش أي مشاكل خالص

معلومات مهمه اثناء الزراعة في البيوت المحمية

1-بخصوص منطقة شمال افريقيا
ان اول قصيع "برد" في السنة حوالي يوم 15-اكتوبر
واخر صقيع يحدث في تلك المنطقة يوم 13- مارس

--------------------------------------------------
2- مكان انشاء البيت المحمي (الصوبة)

اتمني ان تساعدك هذه الصور اكثر في فهم افضل الاماكن في انشاء الصوية خلال فصل الشتاء في اللون الابيض (( اقصي الشمال ))
وافضل مكان لوضع الصوبة في الصيف في اللون الاخضر غامق جدا ((في الجهه الجنوبية من الجدران)






بخصوص الموافق 18 و 19 - فبراير كانت درجات الحرارة مرتفعه جدا ( وكأننا موجدون في فصل الصيف )
لدرجة انني قمت بري النباتات الموجود في المزرعة نظرا لشح الامطار مند 10 ايام

وبالتالي يا اخي إما ان تقوم

2- لو كان المكان الموجود به النباتات مشمس طوال , يجب عدم غلق الاكياس من الاعلي خوفا من استمرار ارتفاع درجات الحرارة اليوم
ايضا انصحك بعمل ثقوب من اسفل الاكياس لتسهيل حركة الهواء بداخل الاكياس
والعلم ان هذا البخار الزائد عن حده يوفر للفطريات المناخ المناسب للتكاثر وهذا من خلال تجربتي الشخصية


2- ان تنقل النباتات إلي مكان مضلل طوال اليوم ولاتصل إليه اشعة الشمس المباشرة
ولايوجد حرج في غلق الاكياس جيدا من الاعلي , مع وضع 5ثقوب (2 في الاعلي و 3 في الاسفل ولا داعي لفتح الاكياس يوميا لتجديد الهواء , ولا داعي للري ايضا نظرا لأن البخار الناتج يكفي لأنتاج الماء اللازم لري البذور بعد الرية الاولة )

--------------------------------------
اتمني ان يكون كلامك يتناسب مع درجات الحرارة في منطقتك

تحيتي

السلام عليكم الله ييارك لكى اخى انا جربت برضه زراعه الخيار والملوخيه وكوسه كمان وطلعوا الحمد لله النيت بس لسه الثمار الكوسه هتزهى ان شاء الله ده كله ف البلكونه زرعه ف تربه عاديه وايضا بتموس الله يبارك لك ف التجربه دى ونشوف الثمار شكرا الملوخيه لسه هزرعه وى رب يسهل اوريكم الصور

انا متابع معاك الخيار لاني بدات قبلك باسبوع وبالتوفيق

المشاركة الأصلية كتبت بواسطة mohi12

معلومات مهمه اثناء الزراعة في البيوت المحمية 1-بخصوص منطقة شمال افريقيا ان اول قصيع "برد" في السنة حوالي يوم 15-اكتوبر واخر صقيع يحدث في تلك المنطقة يوم 13- مارس -------------------------------------------------- 2- مكان انشاء البيت المحمي (الصوبة) اتمني ان تساعدك هذه الصور اكثر في فهم افضل الاماكن في انشاء الصوية خلال فصل الشتاء في اللون الابيض (( اقصي الشمال )) وافضل مكان لوضع الصوبة في الصيف في اللون الاخضر غامق جدا ((في الجهه الجنوبية من الجدران) بخصوص الموافق 18 و 19 - فبراير كانت درجات الحرارة مرتفعه جدا ( وكأننا موجدون في فصل الصيف ) لدرجة انني قمت بري النباتات الموجود في المزرعة نظرا لشح الامطار مند 10 ايام وبالتالي يا اخي إما ان تقوم 2- لو كان المكان الموجود به النباتات مشمس طوال , يجب عدم غلق الاكياس من الاعلي خوفا من استمرار ارتفاع درجات الحرارة اليوم ايضا انصحك بعمل ثقوب من اسفل الاكياس لتسهيل حركة الهواء بداخل الاكياس والعلم ان هذا البخار الزائد عن حده يوفر للفطريات المناخ المناسب للتكاثر وهذا من خلال تجربتي الشخصية 2- ان تنقل النباتات إلي مكان مضلل طوال اليوم ولاتصل إليه اشعة الشمس المباشرة ولايوجد حرج في غلق الاكياس جيدا من الاعلي , مع وضع 5ثقوب (2 في الاعلي و 3 في الاسفل ولا داعي لفتح الاكياس يوميا لتجديد الهواء , ولا داعي للري ايضا نظرا لأن البخار الناتج يكفي لأنتاج الماء اللازم لري البذور بعد الرية الاولة ) -------------------------------------- اتمني ان يكون كلامك يتناسب مع درجات الحرارة في منطقتك تحيتي

أستاذ محي أنا عملت بنصيحة حضرتك و قفلت الكيس بأحكام و خرمتو بالظبط زي ما حضرتك قلتلي مع العلم أن الشمس بتبقى ضربة في الخيارة ن الساعة 9 صباحاً إلا الساعة 1 الظهر الري أنا بسقيه لما الاقي التربة جافة تماماً يعني أنا سقيتو يوم اول مره يوم ما عملت الموضوع و تاني مره كان يوم 22/2/2014

اخوي راقب الاكياس وإذا حدث بخار كثيف داخل الاكياس حاول توسيع الفتحات قليلا او زد عددها .
استمر بالمحافظة علي رطوبة التربة إلي حين ان تري نجاح الانبات ان شاء الله

اتمني ان يفيدك اكثر باقي المهندسين المتخصيين في هذا المجال