السلام عليكم ورحمة الله وبكاته
صباح/مساء الفل على عنيكم الحلوه
انا خبرتي بسيطه في الزراعه اتمنى تساعدوني
جاني حوض الورد ده هديه ومش عارفه اعمل ايه
الصورة ف الرابط ده
http://im20.gulfup.com/9kW41.jpg
هو فيه كم نوع وعايزه افصلهم عن بعض مش عارفه ازاي !
ايه سم كل نوع ؟ وهل ينفع يكبروا ولا
وكم مره اسقيها ؟و ينفع تتعرض للشمس ولا لا
والجو هنا حر خايفه تدبلبس الشتاء جاي !
ارجوكم الي عنده خبره يساعدني
وجزاكم الله الف خير
مواضيع مشابهة:
بسم الله الرحمن الرحيم
اختى لطيفه
اولا بالنسبه لنوع النباتات فانا مش متأكده وان شاء الله باقي الاخوه يفيدوكي
لو النباتات دي في حوض فيه تربه ففي طريقه لكن صعبه شويه انك تفصليهم بيها ودي عن تجربه
اولا اتركي التربه تجف قليلا مش لدرجه موت النبات طبعا لكن لمده يوم او اتنين ماترويهاش
ثانيا احطي صوابع ايدك الشمال تحت الورود وبقد الامكان اسندي سيقان النباتات
ثالثا اقلبي الاصيص واضربي عليه من تحت لحد مايطلع في ايدك التربه
لو التربه مش جافه ممكن الجذور تتضرر
دلوقتي الشغله الصعبه شويه
تاخدي النبات بتربته وتحطيه تحت الدش او ماشابه وتغسليه من التربه تماما بس تكون الميه هاديه وواحده واحده
وبعدين بمنتهى منتهى الحرص تفصلي النباتات من بعضها وتبدأي من اول الساق متحاوليش تفصلي الجذور من تحت الاول
الاكيد ان بعض الجذور حتتقطع لكن ادعي ان ان شاء الله مفيش نبات يتضرر
طبعا قبل كل ده تكوني محضره اصص تانيه مجهزه بالتربه لحد نصها تقريبا واول ماتفصلي النباتات تحطيها في التربه الجديده وتغطي جذورها تماما وتتركي من اول الساق خارج التربه
وتروي النبات في بيته الجديد بدون اسراف طبعا
ده لو النباتات في تربه
اما لو هي زي باقه من الورود مقصوصه من تحت فدي بصراحه مش عارفه
الطريقه اللي قلتلك عليها صعبه شويه لو مش حتعرفي تعمليها في حاجه تانيه
انك تجيبي اصيص او حوض اكبر بكتير من ده وتنقلي فيه النباتات بتربتها علشان تلاقي متسع من التغذيه والنمو
وانا ان شاء الله ححاول اجيبلك الطريقه بالتفصيل لو قدرت
لاإله إالا الله وحده لا شريك له ,له الملك وله الحمد وهو على كل شيء قدير
بسمه يا حبيبتي ميرسي اوي على ردك وذوقك
بس صعب اوي ااطلعها واغسلهاوبعدين ارجعها لتربه تانيه من غير ما تتضرر اكيد ح اخرب الدنيا
هي في حوض مش باقه .. لو مالقيتش حل تاني حأعمل بطريقتك الي كتبتيها
بس عندي سؤال يابسمه انتي بتقولي أخليها تجف يومين ما اسقيها .. .. هو لازم اسقيهاكل يوم مش كدا حتتضرر ؟
معليش اسألتي كتير
بسم الله الرحمن الرحيم
اختى لطيفه
في انواع تحتاج سقي كتير وانواع تتحمل الجفاف وانا بصراحه مش عارفه دي من اي نوع
اللي اقصده انك تسيبي التربه تجف شويه وممكن ده يحصل بعد يومين او تلاته حسب نوع النبات
مثلا انا عندي نبات الوينكا لازم ارويه يوميا لو نسيته يوم اوراقه وازهاره بتتهدل وبلاقي تربته جافه وفي انواع تانيه زي الياسمين ممكن ارويه كل 3 ايام ومش بحس انه بيتأثر سلبيا
عموما الطريقه الاسهل انك تجيبي حوض اوسع من ده وتشيلي النبات بتربته للحوض الجديد وتكمليه بالتربه
بالمناسبه نسيت اقولك ان بسم الله ماشاء الله اصلا شكل الحوض يجنن
وتقريبا دي من زهور القطف اللي ممكن تقصي بالمقص منها وتحطها في فازه فيها ماء
لو عملتي كده اضيفي ملعقه صغيره خل وملعقه صغيره سكر للماء بتساعد في اطاله عمر الزهره في الماء ... دي كانت نصيحه من طفل صغير جارنا اهداني ورده بلديه ونجحت والزهره عاشت اكتر من اسبوعين
دراسينا مرسي اوي على ردك ياجميل
بارك الله فيكي
- -- - - تم تحديث المشاركة بما يلي - - - - - -
بسمه مرسي على ردك واهتمامك , انا شكلي حأنقلها في حوض أكبر زي ماقلتي , بس خايفه تدبل مش عارفه اسقيها يوميا او لا,,,ان شاء الله الاعضاء يفيدوني
انا كنت بضيف سكر بس اول مره اعرف انه لازم نضيف خل كمان عشان تعيش في الماء فتره اطول ,, هأعمل زي ما قلتي
وهو مش الحوض الي يجنن بس انتي الي تجنني يا ذووووق ربنا يبارك فيكي
اقتباس
