الموضوع: عضوه جديده تريد المساعده

السلام عليكم ورحمة الله وبركاته
بصراحه أنا عضوه جديده ودخلت المنتدى لما كنت بابحث عن مواضيع تفيدنى عن الزراعه المنزليه
واشتركت معاكوا ونفسى بجد اتعلم كل حاجه عن الزراعه المنزليه لأنى بحب الزراعه جدا جدا
وهى هوايه جميله ومريحه للنفس
أنا كنت بشترى زهور ونباتات واحطها عندى ف البيت بس ده مش كفايه
نفسى اتعلم كل حاجه عن الزراعه المنزليه والزهور والورد ونباتات الظل
كل حاجه
ياريت حد يفيدنى بملف كامل يساعدنى واحده واحده وأبدأ منين واشترى النباتات منين
ولكم جزيل الشكر
ويارب يجعله فى ميزان حسناتكم

مواضيع مشابهة:

• نباتاتى جديده
• [عرض]  تدفئه المزارع من كايرو تريد ( الهياتر الصينيه والايطاليه فقط من كايرو تريد)
• انا عضوه جديده ومحتاجه مساعدتكم
• انا عضوه جديده ومحتاجه مساعدتكم
• [عرض]  برحي نخل عربي برحي ,خلاص ,فراخة ,جميـع الاطول موجوة والاحجام الكمبية كبيرة

اهلا بك عزيزتي معنا في زراعة نت

يسعدنا ان تتعلمي معنا كل فنون الزراعة فاقسام المنتدى زاخرة بتجارب الاعضاء وابتكاراتهم كما ان في قسم الزينة وتنسيق الحدائق الكثير من المواضيع التي تعين هاوي الزراعة في التعلم .. واخيرا اي استفسار تفضلي .. وستجدي الجميع يهب للاجابة وطرح الافكار ..

في البداية اليك هذا الرابط
http://f.zira3a.net/showthread.php?t=15173&page=1

تحياتي لك

شكرا ليكى يا قمر بس ياريت تقوليلى ايه النباتات اللى اشتريها ف البدايه والزهور اللى تناسب هذا الوقت من العام
كتر خيرك

شوفوا قبل تحديدانواع النباتات هناك بعض عوامل تاخذ في الاعتبار:
-درجة الاضاءه بالمنزل
- درجة الحراره واستخدام المكيفات
- اماكن وضع النباتات
اما عن شتلات الزهور متوفر الان انواع توضع بالفارنده ومزهره مثل:
الخبيزه الافرنجي - البنتس - البانسيه - الكريزانتيم - الونكا - اللوبليا - الاقحوان - الورد البلدي - الكلانشو
وفقك الله

شكرا لحضرتك كتير بس أنا من المنوفيه وصعب انى أروح محافظه تانيه ياريت لو فيه فرع بشبين الكوم تفيدنى

يا ام لوجي المنوفيه كلها مشاتل نباتات عالطريق الزراعي ................. اختاري من الاسماء التي سبق الاشاره اليها ..............وفقك الله

هذه قناعه شخصيه انه لا توجد في انحاء مصر المحروسه من فضل الله محافظه دون مشتل قطعا باذن الله تجدي بيناملحافظات علي الطريق السريع مشاتل لبيع النباتات
اختيار اسهل اي محل ورد ستجدي عنده نبات سهل جدا فالعنايه اسمه بوتس نبات ظل يتكيف مع البيئه الداخليه بسهوله و لا يحتاج لعنايه كبيره و يسقي 3 مرات في الاسبوع واعتبريها بدايه سهله و موفقه ان شاء الله