الموضوع: لا فرق بين الكفته والسياسه

الكل بيستوى على نار هاديه
الكفته تتالف من عده عناصر لحمه وبصل وبهارات
والسياسه ايضا تتالف من عده عناصر كلمه حلوه وكذبه جميله وبرواز ذهبى
اما الاثنين فيشتركو ا فى شئ واحد الا وهو السيخ الحديدى
الاول للتسويه والثانى لل & خليكم اذكياء
من يومين ظهر فى مارينا محافظ مطروح على الهواء فى التلفزيون وقال انه ماعنده مشاكل فى مطروح وان الشغل كتير وان المحافظه بتدور على حد يشتغل حتى ان المذيعه قالت انا عندى 100 عايزيين يشتغلوا فرد المحافظ ارسليهم الصبح عمال نظافه والراتب 500ج فى الشهر
قال ان ما عنده مشكله فى المياه وكمان نسبه الاشغال عنده 100 % وان فى عصره اتبدلت مطروح
وانا وغيرى اوافقه ان الكل تبدل
وان الكذب فى مارينا اجمل ... وان المياه النقيه فى مطروح تغلق عن البيوت لتباع بالسيارات باضعاف ثمنها
وان الكذب فى مارينا اجمل .. نسبه الاشغال عنده 100%لانه موقوف كل شئ بامره. المبانى وطلبات الشراء حتى ولو كانت سكنيه او بعيده عن البحر المهم عنده المستثمر وكأن المصريين الغلابه ال عايز 200 او 300 متر كخه . وبالتالى وصل سعر الحجز فى اليوم الى200 ج طبعا بعيدا عن البحر..
وان الكذب فى مارينا اجمل ..اما بعد الصيف اى 9 شهور فى السنه فهى فتره بيات لسكان وشباب مطروح فلا شغل ولا فلوس ولا حتى قهوه
معروف ان مطروح لمتوسطى الدخل اى للموظفين والعمال ويجب ان تظل كذلك فليس المصريين لهم فى الشرم ولا الغردقه ولا مارينا ولا حتى الساحل الشمالى
والغريب انه مثل اى مسؤل اخر لا يحترم القوانين وانه ماشى بذراعه كما نقول فى مصر
الى متى سيظل الناس فى بياتهم الشتوى على الاقل منصب المحافظ يجب ان يكون بالانتخاب حتى يعمل للناس من محافظته وليس للاخرين وان النظام لن يحميه اذا اخطأ
وان مارينا ليست كل مطروح
يا ريت اسمع راى المصريين فيما يحدث الان فى مصر

فين الردود يا اخوانى
واللهى انا ما عندى مشكله مع احد ولكنى مشفق على الشباب وخايف عليهم من بكره
بالامس كان سئ واليوم اسوأ وغدا والله اعلم ولكن بالواقع والحاصل اسوأ وسوأ

ياباشا والله .. فعلا هي دي الحقيقه .. ربنا يتولانا برحمته
شكرالك ياغالي

عند حضرتك حق الكفته والسياسه واحد كلها كوسه مش فى مطروح بس ده فى كل مكان فى كليتى كل الدكاتره والمعيدين قرايب شكلهم كده عملوا خطه واحتلوها من ورانا

شكرا لمرورك روز
والى متى سنظل صامتين عموما انتم الشباب والخساره كلها عليكم الله معكم

بالفعل نحن الخاسرون ولا تنسو اننا الامتداد الطبيعى لصمتكم

بس المشكلة اننانوصل الخوف لا الحبن اللى احنا فية لاولدنا فيما بعد

بس الحل فى المشكلة دى اننا نحاول ان نربى انفسنا واولانا فيما بعد على حرية الراى فى كل المجالات وخاصة السياسة دون الخوف من احد

الاخ سامح شكرا لمرورك
وتعليقا على انكم امتداد لصمتنا
نحن لدينا ما نخاف عليه وهم اولادنا اى انتم ...وانتم على من تخافون ارجو الاجابه الواقعيه

انا ماقصدش انتم كاجيل بل كاجيال سابقة اندثرت فيهم المقاومة واستلمو للامر الواقع
وكل واحد فيهم بيقول يالله نفسى ووياحيطة درينى والكلام دة كلة

لو كل واحد كان قال لا للظلم كنا احنا كمان قولنا لا ولنا فى الحديث بقية باءذن الله

السلام عليكم اخ سامح
انى اعترض معك فى وجهة نظرك الاجيال القادمه والماضيه كانت ومازالت تقول للظلم لا وتبحث عن الحقيقه بس صوتنا مش مسموع مدفون فى الزحمه

نص مقتبص:

المشاركة الأصلية كتبت بواسطة روز

السلام عليكم اخ سامح
انى اعترض معك فى وجهة نظرك الاجيال القادمه والماضيه كانت ومازالت تقول للظلم لا وتبحث عن الحقيقه بس صوتنا مش مسموع مدفون فى الزحمه

الصوت مش مسموع ومدفون لان اللى بيتكلمو وبيقولو لا قلة

ياباشا كله هتصلح.. كله هيبقي تمام بس نطلع بس من تحت الارض .. الخوف لو طلعنا حتي مانعرفش نتكلم .. مشكله ماهو ياتعيش اسد ياتعيش ارنب؟؟

تحب تعيش ايه

بدون شك ان تعلم الاجابه لذلك ما فضلت ان اذكرها
الارانب اليومين دولن كتروا اوي

احب اعيش اسد مهما كانت الاحوال وهعيش طول عمرى اسد واولادى فيما بعد

لو غيرى عايز يعيش؟؟؟؟؟؟ فادى حرية شخصية لة بكرة اولادة هيلموة عليها

وكمان انا لوعايز اعيش ارنب كنت نفضت لاى حاجة واعيش فى جحر الخوف اللى انا بنيتة

صح ياباشا

عموما انا مبسوط لكل من عبر عن رأيه المهم انه كل واحد يبقى عارف هو هيقول اه ليه او لا ليه من قلبه وعلى مسؤليته حتى لو اعتقلوه
وكنت اتمنى ان كل الاخوه فى المنتدى شباب وشابات يعبر كل منهم برايه

الاستقلال التام او الموت سواء دى كانت شعارت زمااااااااااااااان

يسقط الاستقلال للاسف دة شعارنا النهاردة وانا كل كلامى قدة وعلى مسؤليتى

انا بشكرك وبشكر موضوك اللى ادنا فرصة اننا نعبر عن كرهنا للسلبية اللى احنا فيها

بالمناسبة انا رايح المعتقل بكرة(الجيش)