شكرا اخي الابلج
ومشكور علي الرد وعلي المتابعه وشكرا علي الموقع فعلا فيها كل ارقام تليفونات مهندسين المناطق
السؤال اللي مفيش حد جاوبني عليه
الكبريوتوب حد جربه ؟؟؟ ولو فيه حد جربه ياريت يبغلني نتيجته لاني سمعت انه اشتغل في منطقة الغربية في الموسم الحالي في البصل وعمل شغل كويس جدا جدا
حد ياجماعة جربه ؟
شكرا وياريت حد يرد عليا
السلام عليكم ورحمة الله وبركاته
اخي الحبيب انا جربت الكبريتوب بس مره واحده لان سعره غالي تكلفة الرشه في 90جنيه بمعدل 200جرام للفدان بس للاسف نتيجته معايا في المره دي كانت غير مرضيه يعني بصراحه الاميستار اده نتيجه احسن منه معايه بكتير ومن نحيه تانيه انا مبشجعشي اني ارش رشه غاليه علشان تفضل مده اكبر في الارض 15 يوم مثلا الرشه لو يكون سعرها معقول على الاسبوع تكون احسن لان العوامل الجويه ذي المطره والشبوره مع الحر مبتسمحليش بالفتره دي كلها من غي اصابه مع ان الكبريتوب المفروض يفضل 20 يوم في الارض وومن نحيه تانيه لو خلطنا البوليرام مع اي مبيد فيه ميتالاكسيل او سيموكسانيل تيهلي يدي نتيجه كويسه مشكلة المنتجات البليز والاميستار والكبريتوب السعر بس الاميستا يستهل بس اخي الحبيب في منتجات نله بجيب نتيجه كويسه وسعر رخيص جدا بالنسبه للمنتجات دية تكلفة رشته بكتيره اربعين جنيه وكمان بنزود المعدل يعني لو المعدل10جرام لل100 لتر ماء احنا بنحط
30للفدان صراحه فيه منتجات لشركه اسمها نيو جرين بس منتجاته الفطريه شكله جامده ذي الميتاسيل و الاكواسيل فيه 15 ميتالاكسيل وفيه فاموكسادون بتاع الاكواجن وفيه من الماده الفعاله بتاعة روكس والميتاسيل ميتالاكسيل15 وسيموكسانيل18 وب35وبتوصلني كفلاح في حدود اربعين بكتيره المفروض تعمل فدانين لو ضعفت المعدل تكلفته مش هتوصل المنتجات الغاليه بس بصراحه الغايت دلوقتي مش متأكد من مبيداتها في الواقع العملي انا شوفتها وجربت الميتاسيل بس للاسف كنت خلطه مع مبيد تاني كانت النتيجه كويسه بس مش عارف انه اللي جاب النتيجه في المبيدين دلوقتي ياجماعة الخير انا اول سنه ازرع (بصل)واول سنه اشوف المبيدات علشان ما اظلمش اي منتج انا بتكلم من منظور مبتدئ وده واضح من سؤالي في بداية الموضوع
سؤالي دلوقتي احبتي نتيجة الاكواجن برو ايه في البصل لان واحد قلي ان شغله في العنب والبطاطس ممتاز اما في البصل مش بنفس القوه في ناس شكرة فيه جدا جدا طبعا لو على البياض الدقيقي منكن نضيف معاه كربندازيم وياريت لو حد جرب منتجات نيو جيرن على الطبيعه او يعرف معلومات عنها يقولنا بارك الله فيكم
الاخ الفاضل الابلج زرعنا منذ عشرة ايام خمسه افدنة طماطم المروه فهل يمكن الرش وخاصة للذبابة كل يومين ثلاثة وماهى بعض المبيدات الممتدة المفعول لاستخدامها او من فضلك برنامج مكافحة من حضرتك ومتى اتوقف عن رش الذبابة من عمر النبات ارجوا الاهتمام بسرعة الرد وجزاك الله الف خير
في حالة إذا كان الصنف غير متحمل للفيروس يفضل الرش مرتين اسبوعياً إحداهما للذبابة والأخرى للتوتا أبسولوتا وإليك بعض المبيدات المرشحة لكلا الغرضين :
* بالنسبة لمبيدات الذبابة البيضاء :
1- اي مبيد يحتوي على المادة الفعالة أميدا كلوبريد مثل الجاوشو 70% - الكونفيديت 35% - كلوبريد X تركيز 35% - أدمير 20% .
2- موسبيلان
3- أكترا
4- لمبادا 5% - لمبادا 10%
5- دلتا مثرين 5%
6- فنترومثرين .......ويصلح لكلا الغرضين ( ذبابة ودودة )
* بالنسبة لمبيدات الدودة
هي كثيرة وتنوعة جدا ولكن نذكر منها على سبيل المثال لا الحصر
1- إليسان أو سيديال
2- فنتروثيون أو أدويا فينيترو
3- لانيت
4- أفانت
5- ديزانون
6- كوراجين أو أمبليجو
7- بروكليم أو سان استرونج
8-تريسر
9- دايبل -X
10- بيليو
11- ماتش
12- أميتراز ( عنكبوت أحمر ودودة )
13- كيلر
وبشكل عام يتم التوقف عن رش مبيدات الذبابة ابتداءً من عمر 40 يوم أما مبيدات الدودة فلا يتم التوقف عن رشها إلا في حالة عدم وجود وباء في المنطقة المحيطة بالحقل .
يراعى الإعتناء بالرش الفطري جيداً في العروة الشتوية والرش الوقائي خير من العلاجي فداوم على الكبريت الميكروني والنحاس المعدني بالتبادل اسبوعياً .
وشكراً .
اللهم علمنا ما ينفعنا *وانفعنا بما علمتنا *وزدنا علما
اقتباس