يا سلام ...سلم.... يا سلام!!!!

[مندوبة عالم الصمت]

يا سلام ...سلم.... يا سلام
قال ايه...بينا...ســــــــلام؟

ضرب وسجن وتعذيب!!
جرح ودبح وتفجير!!
هدم وطرد وتشريد!!
وده كله..وفيه تطبيع؟؟!!!



يا سلام ...سلم.... يا سلام
قال ايه...بينا...ســــــــلام؟

معاهدة واتفاقات
مقابلة وسلامات
ضحكة وابتسامات
وبعد يوم هجمات


يا سلام ...سلم.... يا سلام
قال ايه...بينا...ســــــــلام؟

اصحى يا عالم فوق
الدم هناك بحور
والكل بس يقول
الله يكون فى العون



يا سلام ...سلم.... يا سلام
قال ايه...بينا...ســــــــلام؟

داهية فى اراضينا
ومصيبة جايا لينا
واحنا ولا علينا
ضربنها بالقديمة


يا سلام ...سلم.... يا سلام
قال ايه...بينا...ســــــــلام؟

مظاهرة وهتافات
لساعة ولا ساعات
وبعدين ننسى اوام
ونقول أهو دا الحال



يا سلام ...سلم.... يا سلام
قال ايه...بينا...ســــــــلام؟

هناك الدم يفور
واحنا للحظة نثور
على كده الحال يدوم
امتى يا رب نفوق؟؟؟



يا سلام ...سلم.... يا سلام
قال ايه...بينا...ســــــــلام؟

حمامة السلام
فى قفص الخيال
واحنا هنا نيام
ونقول يحيا السلام!!




يا سلام ...سلم.... يا سلام
قال ايه...بينا...ســــــــلام؟!!!!






مندوبة عالم الصمت

مواضيع مشابهة:

• توت الارض في شمال المغرب
• سلام

[محمد عبد السلام]

أختى ... كما تكونوا يول عليكم ..... فلا تلوموا الا أنفسكم!!!!!!!!!!!!
لا يغير الله ما بقوم حتى يغيروا ما بأنفسهم !!!!!!!!!!!!!!!!
و الا سيأتكم اليوم الذى تقولون فيه نفسى نفسى !!!!

[مريم يوسف]

يا سلام ...سلم.... يا سلام
قال ايه...بينا...ســــــــلام؟

السلام عليكم و رحمة الله و بركاته

اختى مندوبة عالم الصمت مرحبا بكِ و بمداخلاتك الساخره التى قد تلطف من حدة الموضوع قليلا .

كلمة الرئيس معمر القذافي كانت مثلما ورد على لسانك تماما و لكن بطريقته هو .. السلام السلام ... العرب هما الذين يريدون السلام ، اما اليهود فلا يريدونه ابدا .. تحاموا يا عرب فى دعوى السلام و خبئوا خلفها ضعفكم و عجزكم ... فانتم تستحقون ما يحدث لكم ما دمتم تريدون السلام !
فى امان الله

[م/ فوفو]

[نسرين يونس]

وياااااااااااااااسلاااااااااااااااا اااااام
وشووووووووووووووبش .مشكوره والله اختى مريم تحياتى.

[مندوبة عالم الصمت]

يا سلام ...سلم.... يا سلام
قال ايه...بينا...ســــــــلام؟

شجب وندب ومعازير
بالروح والدم ..نفديك
يا اقصى انت حبيب
بس انا فى ايدى حديد



يا سلام ...سلم.... يا سلام
قال ايه...بينا...ســــــــلام؟

شوف اولاد اللذين
مستقوين علينا
يضربوا دايماً فينا
واحنا حالتنا خيبة




يا سلام ...سلم.... يا سلام
قال ايه...بينا...ســــــــلام؟






مندوبة عالم الصمت

[م.حنان بيلونة]

مظاهرة وهتافات
لساعة ولا ساعات
وبعدين ننسى اوام
ونقول أهو دا الحال
جميل جدا
إن اضعف الإيمان يوجب على العرب أن يتضامنوا و يوحدوا كلمتهم و مواقفهم و أضعف الإيمان هذا غير قابل للتأجيل أو المماطلة فإسرائيل تعمد إلى تحقير العرب و تدنيس مقدساتهم و................... و القول لهم " اضربوا رأسكم في الحيطان".

[مندوبة عالم الصمت]

يا سلام ...سلم.... يا سلام
قال ايه...بينا...ســــــــلام


صهيونى وماله كلمة
ولا حتى امان لثانية
ولو كتب 100 معاهدة
الغدر هو الإمضة

يا سلام ...سلم.... يا سلام
قال ايه...بينا...ســــــــلام


الخوف والجُبن يطول
بكرا على مين الدور؟
ويا سايب المظلوم
اصحى بقى وفوق



يا سلام ...سلم.... يا سلام
قال ايه...بينا...ســــــــلام



مندوبة عالم الصمت

[مندوبة عالم الصمت]

يا سلام ...سلم.... يا سلام
قال ايه...بينا...ســــــــلام


ليفنى ..ومعاها.. باراك
والنتن ..ياهو ...زمان
هما نفس....... الكلام
والضحكة الصفرا كمان



يا سلام ...سلم.... يا سلام
قال ايه...بينا...ســــــــلام


قاعدين على الكراسى
بغلّ ...وبقلب قاسى
يقتلوا ميات من ناسى
وانا اصرخ وآآآآآآسى


يا سلام ...سلم.... يا سلام
قال ايه...بينا...ســــــــلام





مندوبة عالم الصمت

[ابن الشاطىء]

مصر فيها ألف غزة

ياريت نكتب عنها أو نعمل شىء بشأنها

[gamal amin amin]

مندوبه عالم الصمت
ما قلتيه يا اختاه هو صرخه مدويه يسمعها القاصى والدانى
وشعوبنا مع كل اسف تتعامل مع الحدث اثناء وقوعه وبعدهانوم عميق.. لا تعرفى ان كانت طيبه او ظروف الحياه
المهم ان يكون هناك من يذكرهم حتى ولو بكلمات مندوبه عالم الصمت
ولك كل الشكر واستمرى فى اطلاق الصرخات لعل الشعوب تفيق وتنهض بلا عوده للنوم