قصتي الى النجاح - الصفحة 2
صفحة 2 من 9 الأولىالأولى 123456 ... الأخيرةالأخيرة
النتائج 16 إلى 30 من 135

الموضوع: قصتي الى النجاح

  1. #16
    تاريخ التسجيل
    Oct 2007
    الدولة
    مصر
    المهنة
    مهندس زراعى
    الجنس
    ذكر
    العمر
    45
    المشاركات
    256

    الاخ mido awad بإذن الله سيتم شرح كل شئ فى وقته و عشان القصه كمان ما تنحرقش
    و اليكم حلقه اخر من السيناريو
    الاول نراجع مع نفسنا الحلقه اللى فاتت عشان نكمل
    .
    .
    احنا كنا وقفنا عند عمليه الحرث و عرفنا مع بعض نبذه مختصره عن المحراث الحفار و الان بعد عمليه الحرث كان لزاما علينا ان ندخل فى عمليه جديده مهمه جدا و هى عمليه تسويه سطح التربه و نعرف مع بعض اهميه التسويه و هى بالنسبه للفدان اللى انا زرعته كان لها هدفان اول هدف انها تعتبر عمليه تسويه مبدئيه و تدريجيه تتم على عده زرعات مختلفه للوصول الى سطح مستوى فى خلال فتره معينه و سبب انها تدريجيه اولا لعدم كشط كل الطبقه الطحيه الخصبه دفعه واحده و ايضا للتكلفه العاليه فى وجود امكانيات شبه معدومه
    الهدف الثانى و ده سبب انا رأيته من وجهه نظرى انه سيعمل على ضبط الضغوط فى خراطيم الرى بالتنقيط و خاصه حين نعلم ان شبكه الرى المستخدمه هى شبكه قديمه صحيح حالتها كويسه و لكن الامر ما يسلمش
    و بصراحه عمليه التسويه كانت تجربه رائعه لى لانى اول مره فى حياتى كنت اركب جرار و اتعلم السواقه عليه طبعا بعد الحاح منى لصاحبه و كان لازئ جنبى طبعا مش عشان انا مش بعرف اسوق nooo عشان ما بهدلش الارض باله التسويه ( القصابيه ) و التى كانت محتاجه فعلا لمهاره من سائق الجرار امتى يرفع و امتى ينزل القصابيه و طبعا انا كنت طالب قصابيه من بتاعت الناس الغلابه الليزر طبعا ( اوعو تصدقوا )
    القصابيه دى كانت عباره عن لوح من الحديد المقوس و نهايتها به شفره من الصلب تشبه السلاح فى القطع و كانت مثبته على ثلاث محاور فى الجرار و تعمل بجهاز الرفع الهيدروليكى للجرار
    طبعا فى الات تسويه اخرى دقيقه جدا و تعمل بصوره اوتوماتيكيه عن طريق شعاع الليزر و لكنها كانت مكلفه جدا عندنا ففضلت انى استخدم القصابيه العاديه مع العلم انها تحتاج الى وقت اطول للوصول الى نفس الدقه

    بعد عمليه التسويه قمت بتخطيط الارض للزراعه و كان التخطيط على اساس ان الزراعه هاتكون على نظام الرى بالتنقيط و ان الصنف اللى هازرعه كان هجين طماطم سوبر رد و ده صنف غير محدود النمو و يفترش الارض فى دائره و صلت معى اكثر من 75 سم فى القطر و كان لزاما على ان اجعل المسافه بين الخطوط ما بين 1.5 : 1.75 متر يعن ان الفدان كان 28 خط بطول 100 متر و تم التخطيت بمحراث يشبه الصوره التاليه



    و كان عمق التخطيط حوالى 50 سم و ده عشان نعرف نضيف السماد البلدى و الاسمده الكيماويه الاخرى و كانت عباره خليط من الاسمده السوبر فوسفات و سلفات النشادر و الكبريت الزراعى و ايضا اضفت ماده اخرى مهم جدا نعرفها

    سنعرفها المره القادمه بعد ان نرى منكم الردود اللى هاتحفزنى انى اكمل المسلسل
    cut



  2. #17
    تاريخ التسجيل
    Sep 2007
    الدولة
    Egypt
    المهنة
    مهندس زراعي: تخصص إنتاج نباتي "فاكهة"
    الجنس
    ذكر
    المشاركات
    287

    اقتباس المشاركة الأصلية كتبت بواسطة mido awad مشاهدة المشاركة
    السلام عليكم يابشمهندس احمد ..

    جميل جداً الى الان لكن نريد نعرف لما زرعت الفدان طماطم ماهى .......؟
    1- عدد البذور للفدان وتكلفته.
    2- الانتاجية تقريباً كام كيلو جرام.
    3- تكاليف التسميد والمكافحة.
    4- تكاليف الايدى العاملة.
    5- وايه كان اخبار التسويق والاسعار حينها.
    حضرتك ما رديت يابشمهندس


  3. #18
    تاريخ التسجيل
    Jan 2008
    الدولة
    مصر
    المهنة
    مهندس زراعى
    الجنس
    ذكر
    العمر
    42
    المشاركات
    266

    اخى العزيز
    بسم الله ماشاء الله لاقوة الا بالله

    فعلا لكل مجتهد نصيب

    ومشوار اللف ميل يبدا بخطوة

    ان الله لايضيع اجر من احسن عملا

    وكما اخبرنا رسول الله صلى الله علية وسلم ( من اخذ اموال الناس يريد ادائها ادى الله عنة )

    م/على عبد الهادى الشافعى
    نعتز بخدمتكم ونحرص على اسعادكم
    alyhaby[at]maktoob.com
    0124900981

  4. #19
    تاريخ التسجيل
    Dec 2007
    الدولة
    الرياض
    المهنة
    فنان تشكيلي وهاوي زراعة
    الجنس
    ذكر
    العمر
    47
    المشاركات
    57

    ما شاء الله تبارك الله الله يزيدك من فضلة ويرزقك .

    متابعين معاك الموضوع للأخر ...


  5. #20
    تاريخ التسجيل
    Oct 2007
    الدولة
    مصر
    المهنة
    مهندس زراعى
    الجنس
    ذكر
    العمر
    45
    المشاركات
    256

    الاخ mido مش عارف ليه انت مستعجل و خاصه انى عايز كل حاجه تبقى فى ميعادها عشان اقدر افتكر كويس لان البدايه زى ما قلت كانت سنه 2000
    و عامه انا هاقولك
    الفدان اخد شتله طماطم صنف سوبر رد عدد 6000 عود تقريبا و كانت مزروعه فى صوانى فوم 209 عود فى الصينيه x عدد 30 صينيه لزوم الزراعه و الترقيع معا
    الانتاجيه كانت عندى انا بالورقه و القلم 1900 عبوه x وزن 20 كجم يعنى اللهم مصلى عالنبى حوالى 38 طن للفدان
    اما تكاليف التسميد و المكافحه فدى مش ثابته لان انت عارف ان الاسعار اتغيرت من سنه 2000 للان ( زادت حوالى 4 مرات ) يعنى انا كنت باشترى شيكاره نترات النشادر ب 23 جنيه الان عدت ال 100 جنيه و على كل حال انا هابقى احسبها معدلات بعد كده و انت اضرب فى سعر السوق
    و ايضا تكاليف الايدى العامله اتغيرت كتير بس اعمل حسابك ان اثر احتياج للعماله كان عند الجمع و دى هاتكون بسيطه لان هايكون فيه ايراد
    اما التسويق فكان بيعتمد على العرض و الطلب يعنى مش احنا اللى بنتحكم فيه و بصراحه ده مواله كبير و هايخد منى شرح كبير بس انا او انتاج لى بعته ب 45 جنيه للعبوه 20 كجم و ده كان سعر محترم جدا لكن ليس بالضروره انه يكون السعر ده هو اللى ماشى دلوقت
    ارجو انى اكون وضحت الصوره بقدر الامكان

    و لو فيه اى اسئله تانيه او اى حاجه عايز تستفسر عنها كلمنى


  6. #21
    تاريخ التسجيل
    Oct 2007
    الدولة
    مصر
    المهنة
    مهندس زراعى
    الجنس
    ذكر
    العمر
    45
    المشاركات
    256

    اشكر الاخ وبل و الاخ alyhaby على المشاركه فى الموضوع و التفاعل معنا


  7. #22
    تاريخ التسجيل
    Mar 2008
    الدولة
    مصر - السعودية 0541206569
    المهنة
    مهندس زراعي
    الجنس
    ذكر
    المشاركات
    680

    اللهم ما اصبح بى من نعمة أو بأحد من خلقك فمنك وحدك لا شريك لك فلك الحمد ولك الشكر
    نتمنى التوفيق اكتر واكتر من عند الله وربنا يزيدك يا بشمهندس احمد



  8. #23
    تاريخ التسجيل
    Oct 2007
    الدولة
    ****بلاد العجائب****
    المهنة
    طبيب الارض ,,,
    الجنس
    أنثى
    المشاركات
    848

    السلام عليكم ورحمه الله وبركاته،،،
    شكرا لك أستاذى \ احمد مرسى
    اتبعك باهتمام وتركيز شديدين
    فهو فعلا مهم جدا لنا خاصه فى بدايه الطريق وانعدام الخبره والممارسه بالطبع حتى اثناء فترات الدراسه التى من المفترض ان تكون عمليه
    ف حديث سيادتكم ..كانك تتحدث عنى حلم حياتى ولكن لابد من العمل لاكتساب الخبره لولا
    ولكن....هناك شيئا صادفنى لم انتبه اليه الا مع بدايه حديث سيادتكم
    لاحظت ان هناك من ذوى الخبره من يبخل بها حتى لا يظهر من الشباب من يقفز على كتفيه ليسحب من تحت ارجله البساط ويتفوق عليه
    فسبحان الله حقا !!!
    تابع عرض اجازاء مسلسل رحله نجاح فهو لالان مكتسح مسلسلات رمضان



  9. #24
    تاريخ التسجيل
    Apr 2008
    الدولة
    سوريا حلب
    المهنة
    مدير شركة سبأ للتجارة والزراعة
    الجنس
    ذكر
    العمر
    58
    المشاركات
    21

    السلام عليكم يا شمهندس
    هذا فضل من الله ولكل مجتهد نصيب
    واسباب النجاح
    1-توفيق رب العالمين
    2-المتابعة والاهتمام
    3-الاخلاص في العمل
    4-وان يكون العمل خالص لوجه الله عز و جل

    تمنياتي لك بالنجاح الدائم و اعلم ان الله مع العبد الصالح


  10. #25
    تاريخ التسجيل
    Oct 2008
    الدولة
    مصر
    المهنة
    محاسب
    الجنس
    ذكر
    العمر
    43
    المشاركات
    2

    جزاك الله خيراً
    ................................... ...............



  11. #26
    تاريخ التسجيل
    Oct 2007
    الدولة
    مصر
    المهنة
    مهندس زراعى
    الجنس
    ذكر
    العمر
    45
    المشاركات
    256

    اشكر الجميع على الاهتمام و شكر خاص للاخ ( الصفوه الزراعيه ) على التفاعل معنا و مشاركته فى الموضوع
    و اقول للاخ انس و انا متفق فعلا على اسباب النجاح التى ذكرتها
    و اشكر الاخ جهاد على التواجد بالمنتدى
    و احب ان اسأل الاخت أليس سؤال فى الجغرافيا
    و هو اين تقع بلاد العجائب و ما هى عاصمتها ؟؟



  12. #27
    تاريخ التسجيل
    Oct 2007
    الدولة
    مصر
    المهنة
    مهندس زراعى
    الجنس
    ذكر
    العمر
    45
    المشاركات
    256

    اليكم حلقه جديده من مسلسل قصتى الى النجاح

    عايز بس افتكر احنا وقفنا فين و نرجع نكمل
    .
    .
    .
    اوكى

    كنا وقفنا عند انتهاء عمليه التخطيط و اضافه الخدمه للارض قبل الزراعه و كانت الخدمه عباره عن 30 متر سماد بلدى تام التحلل و 200 كجم سوبر فوسفات الجير و 200 كجم سلفات نشادر و تم اضافه هذه الخلطه الى التربه و تم عمل تقليب لهم ثم تغطيه للتربه حوالى 10 سم فوق السماد و لكن قبل ذلك اضفت احد اخطر المبيدات على الاطلاق للتربه و بصراحه هى ما كانتش غلطه لانها كانت مقصوده 100 % لان هذا المبيد كان مسموح به وقتها
    انا بصراحه مش عايز اقول اسمه
    المهم
    قمت بفرد شبكه الرى على المساحه بالكامل و تم اضافه الماء للتربه حوالى8 ساعه على مدى يومين اى بمعدل 4 ساعه فى اليوم و كانت كافيه لعمليه تخمير التربه و هذه العمليه مفيده جدا قبل الزراعه ليه؟
    نقول
    اولا تجعل وسط الزراعه رطب ثانيا يتم طرد كميه كبيره من الاملاح بعيدا عن منطقه غرس الشتله ثالثا يتم تقليل المسافات البينيه بين حبيبات التربه و رابعا حتى نصل بنسبه الرطوبه فى التربه الى حد السعه الحقليه
    اما شبكه الرى فكانت مكونه من خط مواسير PVC رئيسى 4 بوصه متفرع منه خطين فرعين 50 مم و بالتالى تم تقسيم الفدان الى 4 اجزاء متساويه طول كل جزء 25 متر و كانت نوعيه خراطيم الرى من النوع ذو المنقط الذاتى ال GR و تصرفه 4 لتر فى الساعه و كانت المسافه بين النقاطات 50 سم
    و بعد عمليه التخمير قمت بعمليه الزراعه و ذلك بعد اعطاء ريه خفيفه للارض حوالى 0.5 ساعه و تمت الزراعه و لكن هناك نقاط كان يجب مراعتها
    وضع صوانى الشتله فى مكان ظليل و عدم تعريضها للشمس مباشره , ترطيب الشتله فى الصوانى و ذلك لتسهيل نزعها من الصينيه , التأكد التام من ان الشتله تمت عمليه التقسيه لها فى المشتل
    و عند الزراعه تم بعمل جور صغيره بعمق حوالى 15 سم و ذلك باستخدام عصا خشبيه صغيره و يتم وضع الشتله و كبس التربه حولها برفق



    و بعد الزراعه مباشره تم رى التربه لمده حوالى 1 ساعه اخرى
    و بصراحه انا فاكر ان هذا اليوم كان يوم شاق جدا جدا بس هناك شيئ كان بيخلينى اكون مبسوط مع التعب دا كله و هو انى كنت بازداد خبره يوم عن يوم
    و لو تعرفوا ان المكان اللى انا كنت فيه ده كانت امكانياته محدوده للغايه لدرجه ان فيه ناس كتير جدا شبهونى انى بأنحت فى الصخر و فعلا انا كنت كده!
    و كان من مميزات و عيوب مكان الاقامه فى نفس الوقت ان مافيش كهربا ولا وسائل ترفيه بالمره اللهم ما إلا راديو صغير و صحبه جميله من الجيران نتقابل يوميا لنتبادل الاراء و الخبرات
    و الصحبه دى كانت مكونه منى و 5 اخرين احدهم سواق جرار و و صاحب محل صغير يبيع كل شئ تحتاجه من البقاله مرورا بال الاسمده و حتى الجاز ( السولار والكيروسين ) و الكيروسين كان مهم طبعا لزوم اللمبه الجاز اللى قرأت علي ضوئها كتب كتير
    و كان لى هوايه كنت باحب امارسها كتير جدا جدا و خاصه فى الليالى الحالكه السواد و هى ان كانت هوايه بس انا برضه اتعلمت منها شئ انا اراه غايه فى الاهميه
    الهوايه هى مراقبه النجوم و الله انا كنت غاوى فلك من زمان وكان نفسى اطلع عالم فلك بس تقول ايه !
    الحمد لله
    المره الجايه اكمل حكايتى مع النجوم و ازاى كنت باحدد الابراج فى السما على الطبيعه و ازاى حددت النجم القطبى ( كان صعب جدا ) كلفنى اكتر من 6 اشهر و خاصه انى مش خبير
    هاكمل لما اشوف رأيكم طبعا





  13. #28
    تاريخ التسجيل
    Aug 2008
    الدولة
    الاردن
    المهنة
    مزارع
    الجنس
    ذكر
    العمر
    59
    المشاركات
    62

    الله يعطيك العافية . على سيرة لمبة الكاز(الكيروسين) ذكرتني بنفسي لما درست الثانوية كلها على لمبة جاز بس صدقني احلى ذكريات. تابع يا استاذ والله انك مكافح.


  14. #29
    تاريخ التسجيل
    Oct 2007
    الدولة
    ****بلاد العجائب****
    المهنة
    طبيب الارض ,,,
    الجنس
    أنثى
    المشاركات
    848

    السلام عليكم ورحمه الله وبركاته،،،
    أستاذى الفاضل\ احمد
    بالطبع اكرررلك شكرى على مدى الاستفاده التى تمدنا بها مع كل حلقه من مسلسل النجاح
    ثم اجيب سيادتكم على سؤالك...
    تقع بلاد العجائب فى * كل بلاد الدنيا
    وعاصمتها * كل مدينه للخير والسلام
    ((( خاصه مصر بلاد العجايب)))
    وبعدين حكايه الفلك دى ممتعه جدا..
    وانا عن نفسى مهته بيها جدا بلاقى فيها فرصه للتأمل فى عظمه مخلوقات الخالق
    ولك مزيد احترامى،،،،



  15. #30
    تاريخ التسجيل
    Sep 2007
    الدولة
    Egypt
    المهنة
    مهندس زراعي: تخصص إنتاج نباتي "فاكهة"
    الجنس
    ذكر
    المشاركات
    287

    شكراً لك أستاذ أحمد على إستجابتك وردك على الأسئلة
    ننتظر تكملة باقى القصة
    تحياتى لك ...؛؛


    أرى كل إنسان يرى عيب غيره ويعمى عن العيب الذي هو فيه

    أَتَأمُرُونَ النَّاسَ بِالبِرِّ وَتَنسَونَ أَنفُسَكُم (قرآن كريم البقرة44)

صفحة 2 من 9 الأولىالأولى 123456 ... الأخيرةالأخيرة