الأخ الكريم
لي أستفسار بخصوص أحواض تربية الأسماك والتي تقام بالصحراء
انا عندي أرض في وادي النطرون وكان نفسي أعمل حوض لتربية الأسماك علي واحد فدان عالأقل لكن خفت بسبب كمية الفاقد فالمياه المتوقع نتيجة البخر والتسرب فالتربه لكن لاحظت علي جوجل إرث وجود أحواض سمكيه ضخمه جدا عباره عن حوضين منفصلين كل حوض ( 550 متر طول في 550 متر عرض ) يعني تقريبا 300 ألف متر مربع أي أن الحوض الواحد في حدود 70 فدان - وأيضا أحد الحوضين متصل بثلاثه أحواض أخري صغيره كل حوض 5 فدان مفتوحين علي هذا الخزان الكبير - بالأضافه إلي 3 أحواض منفصله أخري مجموعهم 10 فدان تقريبا - يعني المجموع الكلي لمسطحات الأحواض كلها يبقي في حدود 756 ألف متر مسطح أي في حدود ال 180 فدان
والسؤال هنا الأحواض دي بهذا المسطح الضخم : -
منين جابم الميه دي – ملوا الأحواض دي أزاي - وأخدم وقت فالملي أد إيه
وأزاي بيعوضوا المياه المفقوده بالبخر
وأزاي بيعوضوا المياه المفقوده فالتربه نتيجة التسرب
وأزاي بيقدموا الغذاء للأسماك فالمساحه الواسعه دي
وأزاي بيحصدوا الأسماك
وأزاي بيعملو كنترول مظبوط عالأسماك ألي فالمسطح الضخم ده
ملاحظه – موقع الأحواض دى مدينة السادات – مدخلها أمام مدخل وادي النطرون (الرست هاوس) علي عمق 20 كيلو عمودي علي مصر أسكندريه الصحراوي وتحديدا عند الإحداثيات
N 30 28 45.77
E 30 35 34.86
والسؤال الأهم هل ممكن أعمل حوض لتربية الأسماك في أرضي ؟ علما بأن أرضي أمام مزرعة الأوائل بوادي النطرون وعندي بئر أرتوازي ومولد وطلمبه غاطسه بتدي 50 متر مكعب
وتقترح يكون الحوض ترابي ولا مبطن وإيه أرخص ماده ممكن أبطن بيها ولا خرساني - و مسطح الحوض يكون أد إيه - والعمق أد إيه - وأهم حاجه عايز أعرفها - معدل البخر تقريبا أد إيه في الشتاء وأد إيه في الصيف بالتقريب - ومعدل التسرب في الأراضي الصفراء الخفيفه تقريبا أد إيه ؟
وشكرا وجزاك الله خيرا
مهندس هشام بدر
hesham841965[at]yahoo.com
مواضيع مشابهة:
اقتباس