صوتى يا اللى منتش غرمانة
يا لهوووووووووووى
ربنا صبرنا على فراق ابنى الغريق
وقلت يعوض علينا ربنا فى الباقين
الواد ربنا كرمه بشغلانة وماشى الحال
والبنت فى ثانوى هى كمان
والله ما انا عارفة يا ناس!!!
اسيب بنتى تكلم تعليم ونصرف ألوفات
وفى الآخر هتقعد فى البيت زى اخوتها زمان
ولا اعلمها يمكن حظها يبقى تمام؟؟؟
قلت وعلى ايه
اشمعنى هى ومن تانى صرفنا ألوفات
وعدت سنين وأيام
وخلصت البنت التعليم خلاص
و النهاردة....
ربنا رزقها بإبن الحلال
قلنا نفرح بقى ونسبنا من الصويت والأحزان
وجيه العريس ومعه أمه كمان
قدمنا العصير والجاتوهات
وشاف العروسة وبدأنا فى الكلام
ودعينا الناس والزغاريد ملت المكان
وقلنا نجى بقى للإتفاق
قال ايه....
لا هيدفع مهر ولا هيجيب شبكة
قلنا طب بس حاجة رمزية ....
قال هى خاتم ومحبس ودبلة
قلنا مش مشكلة يا احباب
اهم حاجة يكون راجل تمام
جينا للعفش والشقة
قال شقة.........لأ
نلبس الدبل أوام
والشقة هتيجى فى يوم من الأيام
بصيت انا وقلت: يا لهوى
هى دى الجوازة التمام
إلا لا فى شبكة ولا شقة كمان
وانا قلت خلاص هنفرح يا ناس
وبطلنا حزن ونكد خلاص
قلت له معندناش بنات للجواز
وازى تدخل كده بيوت الناس
ويا فرحتى لابس ومتشيك وخلاص
وعامل فيها عريس وجايب أمك كمان معاك!!!
مش قلت لكم يا ناس
صوتى ياللى منتش غرمانة
يا لهووووووووووووووووووووووى
*********************************** *
مندوبة عالم الصمت
اقتباس
المشاركة الأصلية كتبت بواسطة mesry
