أمثال شعبيه remix

[شيماء نبيل حسين]

شكرا أختي أمل الحياة علي الامثال الجميلة دي وفعلا قدرتي ترسمي البسمة علي وجوهنا

[أمل الحياة]

تسلمي حبيتي وان شاء الله دايما يارب مبتسمة يا رب

[شيبو]

-اللى بيته من ازاز ميغيرش هدومه فى الصالون
-فاقد الشئ يدور عليه
-جت الحزينة تفرح شغلت شريط حكيم وقعدت ترقص
-اقطع عرق وحتة بتلو
-اطبخى يا جارية الانبوبة فاضية يا سيدى
-لو حبيبك عسل متحطلوش طحينة
-اللى يتلسع من الشوربة يتصل بالمطافى
-وبكه ترجع ريما من عند خالتها فى مارينا
-ضربوا الاعور على عينه قالهم كسرتو النضارة
-اللى ميشفش من الغربال يكشف نظر
-من خرج من داره مينساش ياخد المفتاح معاه
-الباب اللى يجيلك منه الريح شيله وركب قبنورى
-اللى خادته الارعة تاخده ام الخلول
-اكل العيش يحب الطعمية
-اقلب القدره على فومها الفول يقع منها
-تاتى الرياح محملة بالاتربة
-يا خبر انهاردة بفلوس بكره ينزل عليه اوكازيون
-اللى معاه قرش محيره يجيب حمام ويحمره
-قال يا محششين يكفيكوا شر الكمين
-اللى ياكل لوحده يشبع
-يا داخل بين البصلة وقشرتها حط قطرة عشان هتدمع من ريحتها
اصوم اصوم وافطر على المدف
-القرش الابيض بيعوم فى البحر الاحمر
-المال السايب يعلم الطلبه
-نام وارتاح وكل عسل التمساح
-المضطر يركب التاكسى
-رب صدفة خير من الف ليلة وليلة
-اللى يخاف من العفريت يعمل عبيط
-المركب اللى فيها ريسين يلعبوا طاولة
-اللى ميعرفش يقول what
-العين عليها lenses
-قالوا للحرامى احلف قالهم وحياة قلبى وافراحه

[مريم يوسف]

السلام عليكم ورحمة الله وبركاته
ايه الابداع ده كله يا اخ شيبو
احنا طلعنا مش مدينك حقك
على العموم فعلا امثال هاتنفع نستخدمها الفتره اللى جايه
عايزين كمان وكمان
فى امان الله

[شيبو]

بجد فعلاً في ناس بيستخدكوا بعض من هذه الأمثال في الحياه

[mesry]

السلام عليكم
شكراً لك أخى شيبو ، لقد اصبحت فقراتك بمثابة الفاكهة التى أحلى بها فى نهاية اليوم لأدخال السرور الى قلبى بعد يوم طويييييييل من المعاناة

[شيبو]

ربنا يخليك يا مصري علي كلامك الجميل و اللي بيشجعني علي طول
ربنا يكرمك
شكراً لك

[خالد خليل]

مشكور أخي على هذه التعديلات, إذ يبدو أن التطور نال من كل شيء حتى الأمثال والأقوال الشعبية.
شكراً لك مرة ثانية.

[nona]

لا لا بجد أمثال شعبيهremix
و بجد أنت يا شــــــــــيبو مبدع كتيييييييييييييير
شكرااااااااااااااا

[شيبو]

شكراً أخي خالد و شكراً أختي نونا علي مروركم الرائع و العطر علي هذا الموضوع

[a_h9]

حلوه ياشيبو
الله ينور

[البرق الصاعق]

شو هل البداعه شو هل المثال الحلوه

[شيبو]

شكراً a_h9 علي مرورك الجميل
شكراً البرق الصاعق علي مرورك الكريم

[احمد المحلاوى]

جميل أوي يأأخت أمل الفكرة وهذا أن دل فيدل على شقاوة أفكارك الجميلة شكرا على روحك الجميلة وشكرا على أنك رسمتي البسمة على وجهنا

[عبدالحق]

السلام عليكم
شكرا أخي على الامثال اللي اول مرة أسمعه