مساعدة فى معاملات ما قبل الزراعة
النتائج 1 إلى 2 من 2

الموضوع: مساعدة فى معاملات ما قبل الزراعة

  1. #1
    تاريخ التسجيل
    Oct 2015
    الدولة
    Egypt
    المهنة
    Dentist
    الجنس
    ذكر
    العمر
    33
    المشاركات
    13

    مساعدة فى معاملات ما قبل الزراعة


    السلام عليكم و رحمه الله و بركاته ,, اخوانى الاعزاء اتمنى تكونو جميعا بخير


    لدى قطعه ارض حوالى 4 فدان بمنطقة طور سيناء و نويت باذن الله بدء زراعتها و لكن عندى بعض الاستفسارت من حضراتكم بخصوص معاملات الارض لمرحله ما قبل الزراعه لان زى ما حضراتكم عارفين البداية الصحيحه اهم شىء


    1- الارض بها طبقه سطحية من الصخور و الزلط و القلاقيل كما يظهر فى الصور المرفقة فما هى انسب وسيلة متاحه لازالتها .. و ما هو الحجم الممكن تركه فى الارض دون ان يسبب مشاكل لاحقا


    مع العلم الجيران فى بداية زراعتهم جابو الجرار بالمحراث العادى حرث الارض سكتين و بعدها اللودر دخل سواها و شال الطبقة السطحية بالكامل (( صخور و رمال )) على جوانب الارض ... هل ده هيكون كافى بالعلم انه لايزال هناك كميه لاباس بها من الزلط المتوسط الحجم بالارض و كمان سمعت ان ده هيشيل الطبقة السطحية المهمة فى الارض


    2- نصحنى البعض بعمل حرث تحت سطح التربة Sub soiler عشان نكسر طبقة الاملاح اللى بتكون فى العمق حوالى متر او اكتر لانها بتكون طبقة صماء بتقلل جودة الصرف و تعيق نمو الجذور خصوصا لو هزرع اشجار فاكهة ,, و فى نفس الوقت اخرين قالو ان حرث تحت التربة بيقلب التربة و يجيب الطبقة الى فيها تركيز املاح عالى على السطح


    3-قبل الزراعة قام احد الجيران بزراعه شعير ثم و فى مرحله نمو صغيره قام بفرمه فى الارض عن طريق العزيق و حرث للنبات فى التربة لتغذيتها .. و الاخر نصحنى بزراعه البرسيم الحجازى سنه او اتنين قبل البدء فى الزراعه .. فما رايكم ؟


    4- امتى اقدر اخد عينات من التربة - المياة لتحليلها .. و هل فى مكان قريب من منطقة طور سيناء ؟؟ و هل فى ظروف معينه لحفظ العينات ؟؟


    5- انا لسه مش محدد نهائيا المحصول المستهدف (( ف انتظار نتائج التحاليل )) معظم الجيران زارعين مانجو باصناف الكيت و الناعومى و شغاله معاهم تمام بسم الله ماشاء الله و فى البعض عنب و البعض رمان و نخيل البلح بانواعه بالاضافه لانواع مختلفه من الخضراوات ( فلفل - طماطم - باذنجان - كوسة - بصل - ثوم ) و بعض زراعات الصوب و مساحات كبيرة من البرسيم الحجازى


    6- اى اضافات او معلومات او نصائح اخرى تخص معاملات ما قبل الزراعه مرحب بها جدا


    دى صور الارض










    بعض الصور من ارض الجار (( بعد استئذانه ))










    مواضيع مشابهة:

  2.    روابط المنتدى



  3. #2
    تاريخ التسجيل
    Jan 2011
    الدولة
    مصر
    المهنة
    محاسب مالي
    الجنس
    ذكر
    العمر
    42
    المشاركات
    3,681

    وعليكم السلام ورحمة الله وبركاته

    اهلا ومرحبا بك اخي الكريم بين إخوانك بمنتدى زراعة نت ومبارك عليك ما تهدف اليه وفقك المولى لما فيه الخير - اعتذر لك بالنسبة لي فلن استطيع إفادتك فمعلوماتي عن زراعة الاسطح والحدائق بالخضر ونباتات الزينة وليس عندي دراية بمعاملات ما قبل الزراعة للاراضي الجديدة إن شاء الله بشارك معنا من لديه علم ودراية بهذا الامر أسال الله لك التوفيق والسداد