السلام عليكم و رحمة الله وبركاته
من فضلكم انا كنت عايز اعرف من خبير فى الطرق الفلاحى لمنتجان الالبان اجابة عن سؤال محيرنى - انا شفت فيديوهات كتير تظهر فيه ريفيات اثناء تصنيعهم للجبنة القريش والقشطة والزبدة - والسؤال اللى محيرنى هو :
هل الفلاحة بتقدر تستخرج من نفس الحليب قشطة وجبنة قريش وكمان زبدة ؟ وللا لو عملت من الحليب زبدة بطريقة الخض فى القربة خلاص كدة مينفعش تعمل من اللبن المتبقى فى القربة جبنة قريش؟
معلش يمكن سؤالى مش واضح - حاكتبه بطريقة تانية :
لما الفلاحة تترك الحليب يبات عشان يروب - بتختار:
- يا اما تاخد القشطة وتعمل من الباقى جبنة قريش - يا اما تحط اللبن كله بعد مايروب فى القربة لعمل زبدة بدلا من القشطة والجبنة القريش ؟

وفى حالة لو مينفعش بعد ما عملت زبدة تعمل جبنة قريش - ياترى اللبن المتبقى فى القربة الفلاحة بتعمل منه ايه ؟

وياريت لو حد يعرف فيديو بيوضح عمل الثلاث منتجات فى نفس الفيديو عشان تظهر الخطوات

وجزاكم الله خيرا


مواضيع مشابهة: