السلام عليكم ورحمة الله وبركاته
كنت قد كتبت هذا الموضوع من فترة http://f.zira3a.net/t46415
و فعلا غسلت التربة و منعت المبيدات واخرجتها فى الهواء
و تحسنت كام يوم ثم عادت اسواء من الأول و تقريبا أسود معظم أوراقها وسقطت و وجدت على ظهر ورقة من اللى سقطوا قشرة بيضاء ...
مائل أفعل مع هذه الشيفليرا تعبت معاها جدا و مش لاقية اى حلول وهى خلاص بتموت هل فى حل ولا خلاص الزرعة دى باظت
لو النبات فى مكان به إضاءة جيدة ومفيش إصراف فى الري ولا تعطيش يبقى بنسبة كبيرة جدا فى مشكلة اعفان جذور بالتربة وتحتاج الى مطهر فطري مثل الريزولكس للقضاء على هذه الفطريات والاعفان حول الجذور
افضل مكان يتجمع فيه عدد كبير من محلات المبيدات والبذور والاسمدة بمنطقة باب الخلق خلف مديرية امن القاهرة تسمى تحت الربع ولكن مع الحذر ان هناك نوعين للريزولكس نوع مصري الكيس 100 جرام ب35ج هذا الكيس تقريبا لا قيمة له تاثيره ضعيف جدا اما النوع الجيد جدا هو الياباني العبوة تقريبا 500 جرام ب200جنية لا اعرف هل متوفر بهذه المنطقة ام لا فقد قمت بشرائه من خمس شهور تقريبا من شبين القناطر (كفر الصوهيبة) بهذا المبلغ ولان الكمية كبيرة والثمن ايضا غالي قمنا بتقسيمه انا ومجموعة من الاصدقاء المهتمين بالنباتات ولكن تاثيره جيد جدا
اقتباس