السلام عليكم
حبيت أشارككم بقصة مختصرة عن رحلتى مع الزراعة من عام 2007 حتى اليوم لكن باختصار ...
- اشتريت 20 قدان فى جمعية العاشر من رمضان بالاسماعيلية عام 2006 بمبلغ مليون و 200 الف علما أنه سعرها قبلها بسنة كان 240 الف والسبب ان فى 2006 تم تشغيل محطات الرفع للترع الفرعية اللى عليها الارض والارض على الترعة مباشرة بطول 420 متر - هذى أول خسارة
- رحت أشوف مقاول يستصلح الارض لأنه بها كثبان رملية كثيرة وعالى وواطي ... أق واحد طلب 120 ألف جنيه لتصليحها بميل وليست تسوية كاملة .. أثناء عودتى من الاسماعيلية وجدت جرارات للبيع فتوقفت واشتريت جرار 180 حصان عجل عريض بمبلغ 180 ألف جنيه وكم كانت دهشة البائع في سرعة اتمام الصفقة ودفع المبلغ كاملا ... لكنى حسبتها ... اشترى الجرار أصلح به الارض بكيفى ثم أبيعه ... وهذا أول مكسب
- بدأت اصلح الارض واستغرقت العملية 4 شهور عمل 24 ساعة مع 2 سائقين ليل - نهار يريحون بعضهم ... وبعد تصليح الارض اشتريت قطعة تانية 16 فدان لذلك اشتريت جرار تانى 160 حصان لمساعدة الجرار الاولانى في التصليح لأنه مطلوب نقل 5 متر من فوق 10 افدنة الى 6 افدنة وهى عملية صعبة يعنى ال 10 افدنة أعلى 5 متر من ال 6 أفدنة ... وهذا ثانى مكسب لأنه بعد التصليح لعت الجرار ال 160 حصان بنفس سعر الشراء مع أنى استخدمته فى التصليح لمدة 5 شهور وعمل لدلا الغير 5 شهور أخرى .
- بعد تصليح الـ 20 فدان أنا كنت مخطط أزرع مانجو وبس , لكنى سافرت , وقبل السفر قال لى أحدهم ما رأيك بزراعة 10 افدنة شمام كنتالوب حتى يحين موعد زراعة المانجو فى أبريل ... وافقت وتم شراء بلاستيك ودق مواسير وشراء ماكينات رى ... المهم فى أبريل أخبرونى أنه تم ايداع 180 ألف جنيه فى البنك صافى ربح من الـ 10 أفدنة !!!!!!!!!! وهذا أول مطب .
- عندما وجدت أن 10 أفدنة جابوا 180 ألف قلت يا ولد ازرع الارض كلها ... وكانت أكبر غلطة فى حياتى ... فى موسم الكنتالوب 2006 / 2007 كانت سنة لم ولن تتكرر فيما يخص سعر الكنتالوب وانتاجيته معرفش ليه .. المهم بدأت زرعت العشرين فدان كلهم طماطم شتوى - خسارة 500 ألف - طيب خلينا نعوض الخسارة قلت أزرع الـ 36 فدان كلهم طماطم صيفى - خسارة 700 ألف جنيه - يعنى أفتكر أنى يوميا كنت اشترى بـ 1000 جنيه سولار لماكينات الرى بخلاف أعطال الماكينات وغيره والاسمدة يعنى منها جركن تمنه 2200 جنيه لا اذكر اسمه حاليا .
- لما خسرت المبالغ دى قلت دى أخر مرة وزرعت الارض كلها شتوى - خسارة تتعدى 800 ألف جنيه - يعنى فاكر السنة الاخيرة دخلت الارض ووجدت الطماطم بشاير والشجر مليان وأحمر وبعض الطماطم تعفنت فى الشجر فطلبت جمعها فقالوا تكلفة جمعها أكبر من عائد الجمع كان القفص بـ 5 جنيه يعنى مستحيل يجيب أجرة العربية اللى راح تنقله للسوق .
- فى 2008 توقفت عن زراعة الخضار وزرعت مانجو زبدة مخمسة بمانجو كيت ويوسفى
- الخلاصة : الاراضى الصحراوية بالذات اذا لم تكن متمكن وصاحب تجربة راح تغرق فيها ...
دى صورة أثناء تصليح وتسوية التربة
ودى صورة الارض بعد الاستصلاح وزراعتها مانجو
مواضيع مشابهة:
اقتباس
المشاركة الأصلية كتبت بواسطة محمد الوزير
