بعد طول غياب .. تجربتي ... و جاري التحديث كل فتره

[Aih14]

السلام عليكم
أخبركوا إيه ... وحشني المنتدى جداً
أنا نويت أزرع على سطح البيت .... سبانخ

بس الأول أحب أشكر حبيبي الأستاذ محمد سكر أستاذي في الزراعة

أنا هزرع بأستخدام الكوبوسيت

ما هو الكوموسيت :- ده يا سيدي مركب من تخمير فضلات حيوانات على فضلات نبتات
و بيطحتو في صناديق خشب بطريقة معينه لغاية ما يخمرو و يدوك تربة مسمده
فوائده :- أنو بيحافظ على حرارة التربة و بيحافظ على نفسبة المياه في التربة و بيكون سماد أكتر من كونه تربه
عرفتو إزاي :- عملي بمجال المقاولات .. بلاقي أن على شان تشجر حديقة
محتاج تخلط شكارة الكوبوسيت مع الرمل الناعم على شان تكون التربة صالحة للزراعة
هو أفضل من الطمي لان قوامو خفيف شوية بيسهل على النبات أن جزورو تنتشر
و كمان كل المزارع الي في واد النطرون على طريق مصر أسكندرية الصحراوي بتستعملو
على شان تستطلح بيه الأراضي و كمان لتوفير المياه على شان هما بيشتغلو بالمياه الجوفية و المياه المعالجة
ثمنو كام :- في شكارة بـ 20 جنيه و في شكارة بـ 60 جنيه
إيه الفرق :- أن بيقولوا أم 20 جنيه فيها فضلات نباتات زي الأوراق و الجزور و الخسب
و أم 60 جنيه فيها فضلات حيوانات زي براز الحيوانات و غظم فراخ و حاجات من دي
مع أني جبت الإثنين مالقتش فرق أم 20 جنيه دي فيها فضلات حيوانات على نباتات

ده هو الكوبوسيت

الرمل و أهم حاجه نخل الرمل
في ناس كتير شفتها في تجاربها بتحط الرمل في شكارة و تغسلو من الملح
أنا رملي رمل خرصانات المتر بـ 12 جنيه خالي من الملح و إلا كان الأملح أكل الخرسانة

التربة المكونة من 1:1 رمل : كوموسيت

و خلطت على التربة سوبر فسفات و ده الكيلو منو بـ 1 جنيه

شكارة الكوبوسيت بتعمل 3.5 جردل من بتاع البويات مليان على الأخر

أنا طبعاً السبانخ محتاجه حاجه شبه القارب تتزرع فيه

كان عندي فكره و هي :-
أني اجيب أربع اجناب خشب و أسمرهم في بعض بأرتفاع 10 سم و أأمم من تحت بقطع خشب
و أمسمر فيه من تحت شبك سلك من بتاع الشبابيك
و أحط مشمع بلاستك جواه و أخرمو على شان المياه تنزل من تحت

و في طريقة تانيه أنا عملتها مؤقتاً على ما أجيب الخشب و أعمل الحاجات دي
أني أزرع في أكياس زبالة من المقاس الكبير و احط فيها التربة زي القالب و أخرمها من تحت
زي المنظر ده

دي بزور السبانخ على شان لو في حد عمرو ما شفها
و على فكره بتعور الإيد لأنها بتشوك بطريقة غبية

---

ده بقى شتلات كورنب أحمر بتاع السلطة
و خص كابوتشي
3 شتلات بـ 1 جنيه
أنا قلت أجربهم بأني بحب الإثنين دول

و دي صورة الشتلات




دي لما كبروا عندي شوبة :D






شكراً على تحملكوا قراءة الرغي الكتير بتاعي
و إن شاء الله هبعتلكوا كل التحديثات عن التجربة

مواضيع مشابهة:

[cerise]

شكرا لاطلاعنا على تجربتك الهامة ـ افضل لو استعملت العربية بدل المصرية لكي نستطيع ان نفهمك جيد ـ الكثير من المواضيع بالمنتدى لا افهمها بسبب استعمال العامية
سؤال ـ بزور السبانخ اظن تقصد بذور اذا كان كذلك ارجو ان تخبرنا كم من الوقت تطلبت لكي تظهر اول البادرات وهل موقعها في الشمس طول النهار
ايضا هل تنزل درجة الحرارة بالليل عندك الى تحت 10, وشكرا اخي

[Aih14]

شكرا لاطلاعنا على تجربتك الهامة ـ افضل لو استعملت العربية بدل المصرية لكي نستطيع ان نفهمك جيد ـ الكثير من المواضيع بالمنتدى لا افهمها بسبب استعمال العامية
سؤال ـ بزور السبانخ اظن تقصد بذور اذا كان كذلك ارجو ان تخبرنا كم من الوقت تطلبت لكي تظهر اول البادرات وهل موقعها في الشمس طول النهار
ايضا هل تنزل درجة الحرارة بالليل عندك الى تحت 10, وشكرا اخي

أنا أسف جداً إذا أستخدمت العامية
بس أنا كنت أعتقد أن العامية المصرية سهلة

أنا وضعت البزو من أعدت التربة ووضعت البزور من خمس أيام و قمت بالري مرة واحده فقط
و لظروف تعرضي لحادث تركت التربة و الشتلات 5 أيام بدون ري و توقعت أن الشتلات ماتت

لكن حدث العكس في اليوم السادس وجت أن الشتلات كبرت
لكن بدارات السبانخ مازالت لم تظهر و لم أضع بزور جديده على شان أنا لا أعرف ما حال البزور القديمة داخل التربة
ممكن تكون أنبتت الجزور لكن لم تخرج الأوراق بعد و إذا وضعت بزور جديده و القدمية أنبتت فهيحدث إزدحام في التربة

درجة الحرارة بالنهار عندي بتوصل لـ 25 و باليل ممكن توصل لـ 10 بسبب أني أعيش في الصحراء
التربة معرضة للشمس طوال اليوم

أتمنى أني أكون وصلت لحضرتك الأستفسار

[شيمو حنه]

السلام عليكم الف مبروك ع التجربه الرائعه ى ري تتم ع خير ىرب شكرا

[m4m4]

السلام عليكم اخى العزيز
احب ابشرك با الخير
نفس الخلطه ديه انا بزرع فيه فوق سطح منزلى وشغال تمام ونجحت ايضا مع
فى شجرة ليمون و على فكره الكمبوست بيتباع فعلا ب٢٥ جنيه فى القاهره

[Aih14]

السلام عليكم اخى العزيز
احب ابشرك با الخير
نفس الخلطه ديه انا بزرع فيه فوق سطح منزلى وشغال تمام ونجحت ايضا مع
فى شجرة ليمون و على فكره الكمبوست بيتباع فعلا ب٢٥ جنيه فى القاهره

لا لا لا صدقني هو بـ 20 جنيه فقط و في نوع تاني بيبقى فيه عظام بـ 60 جنيه
فاصل و خد حقك :D :D
و على فكره الفرق بين الإثنين بسيط مش زي الفرق في السعر

[m4m4]

تمام يا اخى المره القادمه سوف افاصل
بس انا اعرف ان هما نوعين نفس الموصفات
بس واحد باسم الجمال والاخر المهندس والاثنين
ليس بينهم فرق

[Aih14]

دي صور التجربة بعد مضي 7 أيام

نبدأ بالملوخية و بداية زهور البدارات بس طبعاً ده وحده أو إثنين في كل كيس
بس على شان الواحد مستعجل شوية :D :D :D




و دي صور للشتلات الخص و الكرنب بعد ما كبرت شوية بردو بعد 7 أيام







السؤال الي عندي أنا أبدأ تسميد أمتى ؟؟؟؟
أنا عموماً هستعمل سماد PNK 20 20 20
و عموماً الري بيكون كل يومين

[Aih14]

السلام عليكم تاني .... بعد 18 يوم من الزراعة يأتي التالي و هو ظهر بدارات جميع البزور
أنا لا أعرف لماذا تأخرت عن الظهور
و لكن لكم الصور التالية





تأتي بقى لشلات الخص هي في نمو مستمر
و لكن بلاحظ في واحده أن فيه أصفرار على أطراف بعض الأوراق فيها
مع العلم أني لم أقم بالتسميد حتى الأن

[شيمو حنه]

السلام عليكم اولا الف مبروك ظهور الانبات ممكن الاصفرار ده زياده رطوبه والاخوه يدلوك اكتر شكرا

[Aih14]

السلام عليكم اولا الف مبروك ظهور الانبات ممكن الاصفرار ده زياده رطوبه والاخوه يدلوك اكتر شكرا

فعلاً مممكن تكون الرطوبة لأني بلاقي الصبح قطرات ندى على السطح كأن في حد راشش مياه

[ned(11)ved]

ما شاء الله تجربه ممتازه

بس الكمبوست هو كمبوست او باتموس

لان الباتموس انواع فيه شي نظيف وجوده عاليه مره

اما اللي انت تستخدمه جودته اقل اتوقع

بس اهم شي المحصول يطلع ممتاز ما تفقع الجوده مع التسميد npk

هل سوف تستخدم نفس هذه الماده

http://f.zira3a.net/t42769

[محمد سكر]

السلام عليكم ورحمة الله وبركاته

تاخرت عليك كثيراً اخى عمرو أعذرنى اخى الحبيب

ما شاء الله عليك أصبحت خبيراً فى زراعات الاسطح التربة المكونة من الكمبوست والرمل تربة ممتازة وغير مكلفة كما لو استعملت البيتموس والبيرليت مثلا فهما اغلى فى الثمن كثيراً ولكن فى حالة إستخدام الكمبوست كتربة مع الرمل لا نستخدم محلول مغذى لان الكمبوست يتفاعل مع المحلول ويجعل بعض العناصر بالمحلول فى صورة غير صالحة للامتصاص للنباتات فالصحيح كما ذكرت اخى التسميد بالسمادالمركب npk والمتوزان يعتبر سماد عام يصلح لجميع النباتات الورقية الملوخية السبانخ الجرجير الفجل كل ما يستخدم اوراقه اما النباتات الثمرية كالطماطم والفلفل والخيار وهكذا الافضل فى مرحلة العقد وتكوين الثمار استخدام سماد عالى البوتاسيوم حتى يزداد حجم الثمار وتجد ما يكفيها من عناصر وخصوصا البوتاسيوم فهو المسئول عن نمو الثمار وكبر حجمها متابعين معك اخى الكريم

[Aih14]

ما شاء الله تجربه ممتازه

بس الكمبوست هو كمبوست او باتموس

لان الباتموس انواع فيه شي نظيف وجوده عاليه مره

اما اللي انت تستخدمه جودته اقل اتوقع

بس اهم شي المحصول يطلع ممتاز ما تفقع الجوده مع التسميد npk

هل سوف تستخدم نفس هذه الماده

http://f.zira3a.net/t42769

ولله أنا لما بفتح الشكارة بلاقي فيها بيئة كاملة بمعنى تراب و بتموت و بريليت و كمان بلاقي فيها جزور و أوراق نباتات و خشب نباتات
و عظام فراخ و أكياس و قطع ورق كرتون ... طبعاً الخشب لو مسكتو ممكن تكسرو كذا حته بإيدك و كذلك العظام الفراخ
لأنها في الغالب تلكون متحللة و هشة

و المره الجاية هصور كل حاجه غريبة موجوده في الشكارة على شان تقدرو تشوفوها


- -- - - تم تحديث المشاركة بما يلي - - - - - -

السلام عليكم ورحمة الله وبركاته

تاخرت عليك كثيراً اخى عمرو أعذرنى اخى الحبيب

ما شاء الله عليك أصبحت خبيراً فى زراعات الاسطح التربة المكونة من الكمبوست والرمل تربة ممتازة وغير مكلفة كما لو استعملت البيتموس والبيرليت مثلا فهما اغلى فى الثمن كثيراً ولكن فى حالة إستخدام الكمبوست كتربة مع الرمل لا نستخدم محلول مغذى لان الكمبوست يتفاعل مع المحلول ويجعل بعض العناصر بالمحلول فى صورة غير صالحة للامتصاص للنباتات فالصحيح كما ذكرت اخى التسميد بالسمادالمركب npk والمتوزان يعتبر سماد عام يصلح لجميع النباتات الورقية الملوخية السبانخ الجرجير الفجل كل ما يستخدم اوراقه اما النباتات الثمرية كالطماطم والفلفل والخيار وهكذا الافضل فى مرحلة العقد وتكوين الثمار استخدام سماد عالى البوتاسيوم حتى يزداد حجم الثمار وتجد ما يكفيها من عناصر وخصوصا البوتاسيوم فهو المسئول عن نمو الثمار وكبر حجمها متابعين معك اخى الكريم

ياااااااااااااااااااااااااااااااااا ه يا أستاذ محمد أنا كنت مستنى الكومنت ده من زمااااااااااااااااااااااااااااااااا ااااان
و بعدين إذا أنا كنت بعرف أزرع حاجه فالفضل يعود لحضرتك ولله
انا كنت عندي أستفسار صغير أنا مش عارف المفروض أحط أد إيه من الـ PNK 20 20 20
و المدة الزمنية الي أحط فيها السماد
مع العلم أني بروي كل يومين أو ثلاثة على حسب رطوبة الجو في الصباح
بمعنى أن لو الجو كان بقالو 4 أيام في قطرات ندى كتير بسيبو لكن لو الرطوبة كانت يوم واحد مثلاًُ برويه كل يومين

[محمد سكر]

ربنا يبارك فيك أخى عمرو معدل وضع السماد ملعقة شاى على لتر ماء وهذا الامر مرة واحدة بالاسبوع وليكن كل يوم جمعة حتى يكون يوم محدد وغالبا سوف تحتاج الى ريه بالماء فقط بالاسبوع وقد لا تحتاجها على حسب طبيعة الجو بالنسبة لى انا الان زارع بطاطس وطماطم وفلفل لا اقوم بالرى الا مرة واحدة فقط بالاسبوع وهى التى يكون بها السماد فكل يوم جمعة اقوم بخلط 20 ملعقة سماد اقوم بإذابتها فى زجاجة صغيرة ثم أقوم بتخفيفها على 20 لتر ماء واسقى بها النباتات تقريبا ياخذ كل نبات لتر الا ربع ماء وهذا الامر يختلف من تربة لاخرى فانا ازرع فى تربة من البيتموس والرمل والكمبوست فالبيتموس يحتفظ بالرطوبة لفترة كبيرة والجو الان شتاء فلا تحتاج التربة الى الرى الا يوم الجمعة وقد يحدث بعد الاوقات استثناء لبعض الاصص فاقوم بريها وسط الاسبوع إن احسست بجفاف بها