السلام عليكم و رحمة الله و بركاتة


انا بحاول ادخل فى مجال تصنيع الموزاريلا و بفضل الله المعمل عندى بينتج جبنة رومي و اسطنبولي
مراحل العمل عندى الى الان تمام انا بحمض ب حمض الللاكتيك و بيوصل الى 5.6 ph وبنفح بمنفحة ميكروبية على درجة حراره 35 درجة
و
برفع الحرارة لدرجة 42 : 45 درجة و ببدا فى اخراج الخثرة علي طرابيزة وتركها حتى تصفي الشرش
و هنا السؤال
راي حضراتكم في الخطوات السابقة ؟؟؟
و ازاى اعرف ان عملية الشدرنة تمت بنجاح لان اهل الخبرة بتجرب كل فترة تسيح جزء فى المياه السخنةحرارتها من 80 الى 85 درجة لو اشتغلت معاه بيبدا يعجن
لكن انا خبرتي قليله جدا عايز اختبار اعرف بيه ان الشدرنة تمت مع العلم انى عندى جهاز ph بس ازاى هاعرف ان الخثرة ph 5.02 لان الجهاز بيقيس سوائل بس

المهندس عمرو نجيب قال انه بيجيب الخثرة و يطلعها فى قوالب جبنة راس و يتركها الى ان يصل ph 5.02
طيب قاس ال ph ازاى من الخثرة وهى فى قالب الجبنة الراس






مواضيع مشابهة: