تمهيد مشروع أغنام ولاده وتسمين بإذن الله
صفحة 1 من 2 12 الأخيرةالأخيرة
النتائج 1 إلى 15 من 19

الموضوع: تمهيد مشروع أغنام ولاده وتسمين بإذن الله

  1. #1
    تاريخ التسجيل
    Jul 2013
    الدولة
    مصر
    المهنة
    هاوى
    الجنس
    ذكر
    المشاركات
    33

    notice تمهيد مشروع أغنام ولاده وتسمين بإذن الله


    بسم الله الرحمن الرحيم
    ان شاء وبإذنه ابتديت من يوم 16/8/2013 التمهيد لإنشاء مزرعة أغنام ولاده ثم تسمين بعد ما يقارب سنه

    مع العلم الارض تم تجهيزها للزراعه من فتره كبيره وفيها عدد 2 بئر وشبكه رى رئيسيه كامله ومعظم المساحه شغاله تنقيط ومنزرعه رمان وجوافه وطماطم وباذنجان وبرسيم حجازى وجراوه ونخيل وزيتون بس لا يوجد اهتمام بكل ما تم ذكره وطبعا كله بلا انتاجيه وجارى الاهتمام وانشاء موضوع بذلك للإفاده والإستفاده

    ابتديت بتجهيز عدد 2 فدان برسيم حجازى بالأرض كتجربه تمهيدا للتوسع مع العلم ان الارض استصلاح على الطريق الصحراوى الغربى بزمام مركز سمالوط محافظة المنيا
    والتجهيز كان كالاتى حرث الارض بإشراف القائم على الشبكه لتحضيرها للرى بالرشاشات ثم عمل شبكه الرش فى المساحه وتجهيز عدد 10 نقلات سباخ مواشى وعدد 2 شيكاره كبريت وعدد 4 سوبر ناعم وجبت عدد 4500 بلوك لتجهيز حظيره مبدئيه للاغنام

    والمفروض انى ان شاء الله هبتدى بعدد 50 غنمه ولاده كل 24 معاهم دكر والحظيره مقسومه عنبرين لكل مجموعه

    والمساحه على الطريق الصحراوى مباشرة ومحاطه باشجار كافور بس مش مغلقه بشكل جيد فاشتريت 300 شجره كافور للترقيع وبعمل جواهم عدد 700 شجره ليمون بلدى وسيتم زراعتهم على مسافه نصف متر بين كل شجره كسياج للمكان

    تم الانتهاء من الشبكه الحمد لله وحاليا ابتدينا نفرش السباخ والكبريت والسوبر وان شاء الله يخلصو نبتدى الرى لمده اسبوع اول يوم 5 ساعات وباقى الايام ساعتين كل يوم
    المعلومات اللى عندى كلها مصدرها تقريبا للناس المعارف اللى على درايه عمليه بالتربيه وقائمين عليها

    من المعلومات ان الاغنام الجيده هى الغنمه البكر اللى اول عشار ليها وتكون عدت الثلاث شهور عشار واسعارها فى السوق ما بين 1200 جنيه الى 1600 جنيه والنوع بيسموه الغنم الصعيدى ومعرفش ليه اسم تانى ولا لأ
    وان المساحه المزروعه تكفى رعى لحد 50 راس - مع العلم ان الارض فيها فدان برسيم حجازى وفدانين جراوه - ويكفى للرعى ده ان يقوم عليه راعى واحد وممكن يساعده واحد صغير 12 سنه - ويكفى للرعى انه يطلعهم كل يوم الصبح من 7 ل 10 صباجا ويرجعوا الحظيره للشرب والبعد عن الشمس لحد بعد العصر ويطلعهم تانى ساعه بعد العصر - والمفروض امراضهم قليله بس برضوا ممكن بيطرى كل اسبوع يجى مره - والميه عندنا فيها نسبه ملوحه انا معملتلهاش تحاليل بس حسب كلام الجيران المربين ان الميه جيده وصالحه للاغنام ومفيهاش مشكله

    وانا هحاول انسق الموضوع اكتر من كده بس احنا لسه فى طور الانشاء فانا قلت اكتب الموضوع للإفاده والاستفاده وان شاء الله هأدعمه بالصور والحسابات كلها من الواقع العملى


    مواضيع مشابهة:

  2.    روابط المنتدى



  3. #2
    تاريخ التسجيل
    Jul 2013
    الدولة
    مصر
    المهنة
    هاوى
    الجنس
    ذكر
    المشاركات
    33

    ايه الصحرا دى ........................


  4. #3
    تاريخ التسجيل
    May 2011
    الدولة
    مصر
    المهنة
    مراقب
    الجنس
    ذكر
    المشاركات
    100

    بالتوفيق ان شاء الله و متابعين )))))))))))))))))))))))))))


  5. #4
    تاريخ التسجيل
    Mar 2013
    الدولة
    egypt
    المهنة
    مهندس
    الجنس
    ذكر
    المشاركات
    13

    بالتوفيق ان شاء الله انا عندي قطعة ارض و هتابع مشروعك و ممكن انفذه عندي في الارض بعد كده


  6. #5
    تاريخ التسجيل
    Jul 2013
    الدولة
    مصر
    المهنة
    هاوى
    الجنس
    ذكر
    المشاركات
    33

    اقتباس المشاركة الأصلية كتبت بواسطة samx مشاهدة المشاركة
    بالتوفيق ان شاء الله و متابعين )))))))))))))))))))))))))))
    ربنا يبارك فيك وشكرا على المتابعه ودعواتك ان شاء الله

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة Eng.Ahmed Hamdy مشاهدة المشاركة
    بالتوفيق ان شاء الله انا عندي قطعة ارض و هتابع مشروعك و ممكن انفذه عندي في الارض بعد كده
    بإذن الله وانا ان شاء الله بظبط كل حاجه دلوقت واول ما هجيب الغنم هعدل الموضوع واضيف كل خطوه بأدق التفاصيل لتعم الفايده على الجميع بإذن الله


  7. #6
    تاريخ التسجيل
    Aug 2013
    الدولة
    مصر
    المهنة
    محامى وزراعى
    الجنس
    ذكر
    العمر
    53
    المشاركات
    4

    ربنا يوفقك ولو فية مساحات جنبك للبيع عرفنى اشترى جنبك ان شاء الله ونفيد بعض فى المعلومات والادارة رقمى 01001089881


  8. #7
    تاريخ التسجيل
    Apr 2013
    الدولة
    مصر
    المهنة
    مهندس
    الجنس
    ذكر
    العمر
    35
    المشاركات
    42

    بالتوفيق وجزاكم الله خيرا علي الروح الطيبه ديه وبانتظار المزيد جزاكم الله خيرا


  9. #8
    تاريخ التسجيل
    Mar 2011
    الدولة
    الجزائر
    المهنة
    .........
    الجنس
    ذكر
    العمر
    39
    المشاركات
    446

    السلام عليكم و رحمة الله و بركاته الله يوفقك اخي للخير و هنا نصيحة لو احببت الربح و ما فيه الخسارة باذن الله تعالى فعليك بامرين اخي النية و التوكل على الله تعالى و من ابواب التوكل البحث و التعرف على الامر الذي تريد التجارة فيه كي لا يكون في تجارتك اي عبء و انا احاورك بمثابت ان لك رؤوس اغنام و في وقت زكاتها باذن الله تعالى و لا محال في ذالك مع الله و هناك نوع من الاغنام تسمى السردي لها اللون الاسود حول العينين و كذا الرجلين و هي نوعية مفقودة جدا و مشاريعها قليلة الا لمن كانت له تلك النوعية و يوجد منها في اليمن و الحجاز و كذا رايت منها انواعا في بلاد المغرب و هاته صورتها للتنبيه اكثر سلالة السردي








    سلالة السردي هي سلالة المراعي الفقيرة و الهضاب الغربية، أظهرت عدة تجارب أنها تتكيف بصعوبة خارج مناطق مهدها، ذكور هذه السلالة مشهورة جدا و مرغوب فيها في عيد الأضحى، تستخدم فحول هذه السلالة في التهجين الصناعي. أعدادها تقدر ب750.000 نعجة.




    تعريف السلالة



    هي سلالة ذات قامة كبيرة ( 80 إلى 90 سنتم لدى الذكور)، بيضاء بكاملها، لها سواد بمقدمة الوجه و حول العينين (نظارات) و عند نهاية الأذنين و الأرجل، الرأس، العنق، و البطن خالية من الصوف. الخشم مستقيم لدى النعاج، واسع و قليل التقوس عند الذكور، نلاحظ غياب القرون لدى الإناث في حين نجدها جد قوية التكوين و منفتحة في شكل حلزوني لدى الذكور، لونها عادة أبيض مع تخديدات سوداء.



    الموطن



    مهد هذه السلالة يوجد بأقاليم سطات، قلعة السراغنة و على امتداد نهر أم الربيع، منطقة بني مسكين ( السراغنة و الرحامنة).



    الخصائص الإنتاجية



    التوالد: متوسط معدل الخصوبة يصل إلى 85- 90 بالمائة، نسبة الولادات تتراوح ما بين 1 و 1,26 اللحوم: متوسط الوزن عند الازدياد يتراوح ما بين 3 إلى 4 كلغ، متوسط الوزن لدى الكبار يتراوح ما بين 45 إلى 60 عند النعاج، و 70 إلى 100 كلغ عند الفحول.

    إنتاج الحليب: بفضل إنتاجيتها العالية للحليب فأنثى السردي توفر الحليب الكافي لصغارها.

    متوسط معدل النمو يتراوح ما بين 170 إلى 200 غ/للرأس في اليوم ما بين 10 إلى 30 يوما، و 160إلى 200 غ/اليوم ما بين 30 إلى 70 يوما

    إنتاج الصوف: الجزة بيضاء، كثيفة التركيبة و متجانسة، خالية من البقع أو الشوائب، دون ألياف ملونة.

    متوسط وزن الجزة الواحدة يصل إلى 2,2 كلغ.

    نعومة الصوف تتراوح ما بين 50 و 60 حسب سلم برادفورد





  10. #9
    تاريخ التسجيل
    Aug 2013
    الدولة
    مصر
    المهنة
    محامى
    الجنس
    ذكر
    المشاركات
    15

    بالتوفيق انشاء الله وربنا يبارك لك ويوفقك لما يحبه ويرضاه .... متابعين وانشاء الله تطلعنا على كل جديد للاستفاده والتعلم
    شكرا .



  11. #10
    تاريخ التسجيل
    May 2011
    الدولة
    مصر
    المهنة
    مراقب
    الجنس
    ذكر
    المشاركات
    100

    بانتظار الجديد يا باشا بس سؤال هل قمت بدراسة للسوق ؟


  12. #11
    تاريخ التسجيل
    Jul 2013
    الدولة
    مصر
    المهنة
    هاوى
    الجنس
    ذكر
    المشاركات
    33

    شكرا للجمبع على الردود وقريبا ان شاء الله هنزل الصور لكل المراحل والشرح وهدعمه بالمبالغ الماديه تفصيلا

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة عصام العدل مشاهدة المشاركة
    ربنا يوفقك ولو فية مساحات جنبك للبيع عرفنى اشترى جنبك ان شاء الله ونفيد بعض فى المعلومات والادارة رقمى 01001089881
    والله اسألك ولو فيه حاجه هتصل بيك على طول بإذن الله يا أستاذ عصام

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة mzhraa مشاهدة المشاركة
    بالتوفيق وجزاكم الله خيرا علي الروح الطيبه ديه وبانتظار المزيد جزاكم الله خيرا
    ربنا يبارك فيك ويوفقك فى عملك وشكرا على ردك

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة عبد السلام الجزائري مشاهدة المشاركة
    السلام عليكم و رحمة الله و بركاته الله يوفقك اخي للخير و هنا نصيحة لو احببت الربح و ما فيه الخسارة باذن الله تعالى فعليك بامرين اخي النية و التوكل على الله تعالى و من ابواب التوكل البحث و التعرف على الامر الذي تريد التجارة فيه كي لا يكون في تجارتك اي عبء و انا احاورك بمثابت ان لك رؤوس اغنام و في وقت زكاتها باذن الله تعالى و لا محال في ذالك مع الله و هناك نوع من الاغنام تسمى السردي لها اللون الاسود حول العينين و كذا الرجلين و هي نوعية مفقودة جدا و مشاريعها قليلة الا لمن كانت له تلك النوعية و يوجد منها في اليمن و الحجاز و كذا رايت منها انواعا في بلاد المغرب و هاته صورتها للتنبيه اكثر سلالة السردي








    سلالة السردي هي سلالة المراعي الفقيرة و الهضاب الغربية، أظهرت عدة تجارب أنها تتكيف بصعوبة خارج مناطق مهدها، ذكور هذه السلالة مشهورة جدا و مرغوب فيها في عيد الأضحى، تستخدم فحول هذه السلالة في التهجين الصناعي. أعدادها تقدر ب750.000 نعجة.




    تعريف السلالة



    هي سلالة ذات قامة كبيرة ( 80 إلى 90 سنتم لدى الذكور)، بيضاء بكاملها، لها سواد بمقدمة الوجه و حول العينين (نظارات) و عند نهاية الأذنين و الأرجل، الرأس، العنق، و البطن خالية من الصوف. الخشم مستقيم لدى النعاج، واسع و قليل التقوس عند الذكور، نلاحظ غياب القرون لدى الإناث في حين نجدها جد قوية التكوين و منفتحة في شكل حلزوني لدى الذكور، لونها عادة أبيض مع تخديدات سوداء.



    الموطن



    مهد هذه السلالة يوجد بأقاليم سطات، قلعة السراغنة و على امتداد نهر أم الربيع، منطقة بني مسكين ( السراغنة و الرحامنة).



    الخصائص الإنتاجية



    التوالد: متوسط معدل الخصوبة يصل إلى 85- 90 بالمائة، نسبة الولادات تتراوح ما بين 1 و 1,26 اللحوم: متوسط الوزن عند الازدياد يتراوح ما بين 3 إلى 4 كلغ، متوسط الوزن لدى الكبار يتراوح ما بين 45 إلى 60 عند النعاج، و 70 إلى 100 كلغ عند الفحول.

    إنتاج الحليب: بفضل إنتاجيتها العالية للحليب فأنثى السردي توفر الحليب الكافي لصغارها.

    متوسط معدل النمو يتراوح ما بين 170 إلى 200 غ/للرأس في اليوم ما بين 10 إلى 30 يوما، و 160إلى 200 غ/اليوم ما بين 30 إلى 70 يوما

    إنتاج الصوف: الجزة بيضاء، كثيفة التركيبة و متجانسة، خالية من البقع أو الشوائب، دون ألياف ملونة.

    متوسط وزن الجزة الواحدة يصل إلى 2,2 كلغ.

    نعومة الصوف تتراوح ما بين 50 و 60 حسب سلم برادفورد



    هسأل عن مدى تواجدها فى المنطقه واذا كانت تصلح للتربيه فى المكان الخاص بى وان شاء الله لو عرفت اجيي منها هارد عليك وشكرا على المعلومه والنصيحه جزاك الله خير عنها

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة سامح عبد المنعم مشاهدة المشاركة
    بالتوفيق انشاء الله وربنا يبارك لك ويوفقك لما يحبه ويرضاه .... متابعين وانشاء الله تطلعنا على كل جديد للاستفاده والتعلم
    شكرا .
    شكرا جزيلا واان شاء الله هجدد الموضوع بإستمرار والله الموقق

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة samx مشاهدة المشاركة
    بانتظار الجديد يا باشا بس سؤال هل قمت بدراسة للسوق ؟

    الموضوع بالنسبالى بداية غنم ولاده لمده سنتين كمان على الاقل بدون انتظار اى ارباح ان شاء الله والسوق بالنسبالى هيبقى العائله والأصدقاء ومسقط رأسى وهما الحمد لله اكتر من المطلوب لفتره كبيره وغير كده سوق الاغنام على حد علمى مش محتاج دراسه كبيره لان فى عيد الاضحى كل عام بيبقى الطلب كبير جدا والسلعه هى اللى بتظهر جودتها وان شاء الله خير



  13. #12
    تاريخ التسجيل
    Sep 2013
    الدولة
    اليمن
    المهنة
    صاحب مشتل + معمل لبن رائب
    الجنس
    ذكر
    المشاركات
    2

    ربنا يوفقك انشاء الله ومتابعينك ونتمنى لكم التوفيق والسداد،
    كما نطمح نحن بإنشاء مشروع جديد لتربية الماعز وبصدد تجميع معلومات من هنا وهناك وربنا يوفق الجميع بمشيئته تعالى.


  14. #13
    تاريخ التسجيل
    Jun 2011
    الدولة
    مصر
    المهنة
    محاسب
    الجنس
    ذكر
    العمر
    49
    المشاركات
    86

    السلام عليكم ورحمة الله
    نتمني ليك التوفيق ان شاء الله و لكن لي بعض الاستفسارات من السادة المختصين و هو ما هو المقصود بالغنم هل هو الماعز ام الخروف وما هو الفرق بينهم و افضلهم في انتاج اللحوم وبصفه عامة و اي الانواع مناسبة للشمال سيناء مدينة القنطرة

    تحياتي ومع التوفيق للجميع


  15. 01-10-2013, 12:50 PM
    سبب آخر
    الدعاية والاعلان في منتدى عرض وطلب

  16. #14
    تاريخ التسجيل
    Mar 2013
    الدولة
    egypt
    المهنة
    مهندس
    الجنس
    ذكر
    المشاركات
    13

    ايه الاخبار وصلت بمشروعك فين و لا اجلت لبعد العيد


  17. #15
    تاريخ التسجيل
    Jul 2013
    الدولة
    مصر
    المهنة
    هاوى
    الجنس
    ذكر
    المشاركات
    33

    اقتباس المشاركة الأصلية كتبت بواسطة شفيق الشعبي مشاهدة المشاركة
    ربنا يوفقك انشاء الله ومتابعينك ونتمنى لكم التوفيق والسداد،
    كما نطمح نحن بإنشاء مشروع جديد لتربية الماعز وبصدد تجميع معلومات من هنا وهناك وربنا يوفق الجميع بمشيئته تعالى.
    بإذن الله ربنا يوفقك ويوفقنا ان شاء الله

    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة Eng.Ahmed Hamdy مشاهدة المشاركة
    ايه الاخبار وصلت بمشروعك فين و لا اجلت لبعد العيد
    لا والله شغال فيه واحده واحده وقريب قوى هنزل صور للمكان من اول ما ابتديت لحد ما وصلت بأدق التفاصيل ان شاء الله بس انا متعطل علشان ظروف شغلى بوفق الاجازه بالعافيه والله


صفحة 1 من 2 12 الأخيرةالأخيرة