السلام عليكم

الحمد لله نجحت في زراعة شجرة اليوسفي كل اللي عملته هو انى طلعت ثلاث بذرات من ثمرة اليوسفي و بفضل الله التلاتة طلعوا زرعت كل وحدة بطريقة مختلفة


البذرة الاولى اخدتها زى ما هيا و عملت خرم صغير في التربة بصباعى و حطيت فيه البذرة و ردمت الخرم

البذرة الثانية شلت الطبقة البيضة و عملت خرم صغير تانى

اما بقي البذرة الثالثة فشلت الطبقة البيضة و اللي جرب يفتح البذرة قبل كدا هيلاقي بعد الطبقة البيضة قشرة بنى حفيفة كدا شلتها بردو و عملت خرم تالت و حطيتها فيه

بس انا بقي معملتش بكلام المواقع اللي هو اغسلتها مرة بالمية و مرة بالرملة انا حطيتها زى ما هيا في التربة من غير غسيل ولا حاجة


انا عشان عندى كدا اصيص و معظمهم في زرع انشغلت عنهم بس جي مرة ابص فيه من كام يوم لقيت التلات بذرات طلعوا المهم البذرة الاولي و التانية طلعوا هما طلعوا اه بس النمو بتعهم وقف اما البذرة التالتة ما شاء الله لسة بتنمو اهو يعنى انا شايف ان اللي عايز يزرع اليوسفي يزرع بالطريقة البذرة الاخيرة لان هيا دى اللي نجحت في الاخر

و هذه صورها الان

ImageShack® - Online Photo and Video Hosting

ImageShack® - Online Photo and Video Hosting

ImageShack® - Online Photo and Video Hosting


ان شاء الله كل شوية هنزل صور ليها عشان تتابعوا معايا الموضوع

و في انتظار تعليقاتكم

مواضيع مشابهة: