بدأت فى العمل فى مشروع جديد وهو مشروع كبير الى حد ما وأنا مهندس الرى فى المشروع وقررت إنى أنقل خبرتى العمليه لكل زمايل المهنه من أجل المنفعه وتبادل المعلومات وكل فتره هانزل بوست خاص بنفس المشروع.........
الصوره بتوضح عملية الحفر للخط الرئيسى فى شبكة الرى الحفر لازم يكون مستقيم قدر الامكان و"الترنش" لازم يكون واضح المعالم وجدرانه واضح ومايبقاش فيه انهيارات كتير وده بيحصل لما تكون الاض متماسكه (بها نسبة صخور) وفى حالة الاراضى الرمليه الناعمه يتم تحديد مكان الخط الرئيس ونرش ماء بغزاره بطول الخط وأثناء الحفر الرمل بيعمل على جعل الرمل متماسك وبيدى للترنش شكل واضح يمكن تسليمه للاستشارى
..........
المواسير مقاس 315 ملى و 225 ملى بيكون عمق الحفر تقريبا متر ونصف والمواسير قياس 160 ملى و 110 ملى و 90 ملى بيكون عمق الحفر تقريبا واحد متر والموسير قياس 63 ملى و 50 ملى و 32 ملى بيكون عمق الحفر حوالى 40-60 سم وبيكون معظم استعمالها فى الخطوط الفرعيه
............
مكان الخط الرئيسى بيحدده المساح (السريفيور) بياخد الكوردينيشن من مخطط الاوتوكاد وبينزله فى الموقع على شكل علامات بنسميها "فلاج" وكذلك يتك تحديد مكان المحابس وباقى اجزاء الشبكه من المخططات
........
أى سؤال وأى معلومات أنا تحت أمركم يا باشمهندسين انا ماعرفتش ارفع الصوره فنزلت اللينك بتاعها من صفحتى على الفيس ياريت حد يقولى ازاى بيتم رفع الصور لانه بتجيلى رساله انى تجاوزت الحد الاقصى للملفات المخزنه Hossam Fathi Nasr's Photos | Facebook
بعد السلام عليكم
انا عندي مزرعة مانجو بالاسماعيلية مساحة 40 فدان والاشجار عمرها من 17 الي 25 سنه وعدد الاشجار في حدود 4000 شجرة في مساحة ال 40 فدان وكنت عاوز اعرف انسب نظام ري حديث للاشجار في العمر ده بحيث لا يؤثر علي الاشجار في حالة التحويل من الري بالغمر لهذا النظام وايضا معرفة متوسط التكلفة للشبكة كاملة بكل مشملاتها ( وحدة الرفع + الفلاتر + الخط الرئيسي + الشبكة الفرعية )
طبيعة الري من ترعة بحاري
الارض رمليه
متوسط استهلاك الشجره 250 لتر ماء يوميا
اقصي استهلاك في شهور الصيف 350 لتر ماء
يمكن المتابعة علي ايميلي
mohamedatala[at]yahoo.com
ولكم وافر الشكر والاحترام
اقتباس