اهلا بيك يا بشمهندس
حضرتك انا هرد على اساس انها مواسير بى فى سىPVC
المواسير اللصق ليها اقصار 32مم و 50 و63 و ........الى اخره ديه ليها حضرتك وصلات معينه بتركب عليها Fitting كوع و جلبه و تى و ديه بتركب عن طريق اللصق بال717 الرمادى مثلا
و الواسير اللصق ليها ضغط معين بتستحمله يعنى فيه مواسير 4بار و 6 بار و 10 بار و 16 بار
و كل ما الضغط يعلى كل ما سمك الماسوره بيكبر مع ثبات قطر المواسير الخارجى يعنى نفس الوصلات FItting بتركب على 4 بار و 6 بار و 10بار و 16 بار
دا بالنسبه للمواسير اللصق
- -- - - تم تحديث المشاركة بما يلي - - - - - -
اما بالنسبه للمواسير السن يطلق عليها مواسير (قلاووظ) مع انها مش مقلوظه انما هيا بتبقا قابله للقلوظهزى ما انتا عايز او حسب طلبك من المصنع او المحل
و ديه مقاساتها 1"و2"و3"الى اخره و بتبقا تقريبا 16 بار او 10بار بالكتير
و ديه بتستخدم فى مجموعات المحابس و تستخدم كقوائم لمجاميع المحابس عشلن بتبقى قويه و بتستحمل الالشد و الجذب و الخبطات فوق الارض
و ديه ليها وصلات خاصه بيها الكوع و الجلبه و راس الخط و التى كل الوصلاتFitting بتبقى بالبوصه يعنى كوع 1" سن او تى 2"سن مثلا
- -- - - تم تحديث المشاركة بما يلي - - - - - -
مع وجود بعض الاختلافات البسيطه فى الشركات المصنعه بس مش مشكله اوى
و حضرتك بتسأل ينفع تحط الرشاشات و التنقيط مع بعض على محبس واحد؟(دا اللى فهمته)
مش ممكن لأن معدل ترسيب الرشاش غير النقاط و ضغط التشغيل بيختلف
الأ اذا حضرتك ظبط الاتنين مع بعض يعنى صصمت شبكه الرشاشات انها تشتغل على ضغط قليل و دا هيقلل قطر رمى الرشاش مع ضغط و تصرف خطوط التنقيط
حضرتك لو فيه اى سؤال او استفسار كلمنى بدون اى تكليف
م/محمد سعيد
مهندس مشروعات
شركه تكنوجرين للمشروعات الزراعيه
01004538095
أنا بشكرك جدا جدا جدا والله يا بشمهندس محمد والله مش عارف أقولك ايه بصراحة
أنا فى الحقيقة شغال مهندس ميكانيكا فى مكتب فنى لشركة مقاولات, بالتحديد قسم التسعير وجالى مشروع مناقصة, المشروع فيه منظومة رى , بالتالى ببعت للموردين عشان أجيب عروض منهم وأبتدى أسعر كتوريد وتركيب , وده تطلب منى إنى أفهم منظومة الرى عشان يبقى عندى تخيل لطريقة التركيب لأن كل ده هحسبه معايا فى التسعير اللى بعمله , حضرتك أفدتنى جدا جدا , وهشوف كده ولو فى استفسارات تانيه وده أكيد مش هتردد على طول إنى أكلمك وبشكرك مرة تانية
حضرتك شكرا على ذوقك
لو فيه اى استفسار او حتى تسعير منتجات فى مهمات شبكات الرى مواسير او محابس او رشاشات بوب اب او فلاتر ............عموما كل حاجه فى الرى اطلب بس و ان شاء الله هفيدك بأقل سعر و اقولك تلاقى فين و احسن شركه مصنعه ان شاء الله
بالتوفيق ان شاء الله
الفرق بين اللصق والسن ؟
مش هتردد على طول إنى أكلمك وبشكرك مرة تانية
اقتباس