نعمل كيك سريعة جدا وتعطى كمان نتيجة ممتازة ولكن هنستخدم الخلاط بدلا من المضرب
المقادير :
1.5كوب دقيق +اذرة ملح
كوب سكر
1/2 كوب زيت ذرة
1/2كوب لبن
2بيضة +1/4ملعقة فانيليا خام
1ملعقة صغيرة بينكج بودر
الطريقة:
ننخل الدقيق لادخال الهواء فيه وحجز اى شوائب ان وجدت واضافة عليه الملح والبينكج بودر
نضع البيض والفانيليا فى الخلاط ونشغله حوالى 2 دقيقة ثم اضافة السكر ونشغله كمان 2دقيقة
نضيف بعد ذلك الزيت ونشغله دقيقة ثم اضافة اللبن ثم اضافة الدقيق وطبعا الفرن شغال قبل البدء فى العمل ثم نصبها فى الصنية وممكن نضع فاكهة جافة على وشها قبل دخولها الفرن بشرط ان نغلف الفاكهة بالدقيق حتى لا تسقط فى القاع وتحرق وندخلها الفرن حوالى تلت ساعة او على حسب الفرن المستخدم حتى يحمر وشها وللتاكد انها استويت نختبرها بوضع خلة رفيع او سكين رفيع
عندما تخرج من غير اى شىء عليها تكون كده استويت وبالهنا والشفا
اقتباس
