اماكن شراء الشتلات في المنصورة
صفحة 1 من 2 12 الأخيرةالأخيرة
النتائج 1 إلى 15 من 19

الموضوع: اماكن شراء الشتلات في المنصورة

  1. #1
    تاريخ التسجيل
    Jun 2012
    الدولة
    مصر
    المهنة
    طالب ثانوي
    الجنس
    ذكر
    العمر
    27
    المشاركات
    84

    debate اماكن شراء الشتلات في المنصورة


    اصحابي الاعزاء
    انا من المنصورة وارجو ان يكون هناك احد من المنصورة ايضا
    فانا احتاج الي بذور ولا اعرف من اين أتي بها
    وليس هناك مشاتل في المنصورة
    ارجو الرد


    مواضيع مشابهة:

  2.    روابط المنتدى



  3. #2
    تاريخ التسجيل
    Dec 2011
    الدولة
    مصر
    المهنة
    مهندس معماري
    الجنس
    ذكر
    العمر
    35
    المشاركات
    636

    سلام عليكم
    من قال لك تلك الاشاعات
    اعرف المنصوره جيدا و بالدقهليه تحديدا من خيره مشاتل الجمهوريه باكملها
    ولي منهم من اصدقائي المقرين
    تتوافر لديهم كثير من اصنف الزهور ونباتات الزينه
    حدد ماذا تريد و ساوصفه لك ان شاء الله و تحياتي



  4. #3
    تاريخ التسجيل
    Jun 2012
    الدولة
    مصر
    المهنة
    طالب ثانوي
    الجنس
    ذكر
    العمر
    27
    المشاركات
    84

    انا لا اعرف اي مشاتل في المنصورة
    ارجو منك اخي احمد ان توصف لي اماكن المشاتل علي قدر استطاعتك
    انا اسكن في شارع الايمان فما اقرب مشتل؟


  5. #4
    تاريخ التسجيل
    Apr 2012
    الدولة
    مصر
    المهنة
    صاحب مشتل
    الجنس
    ذكر
    العمر
    44
    المشاركات
    40

    ماهو الصنف اللي حضرتك عاوزةارجو التوضيح

    -----||-- الدمج الآلي للمشاركات المتعاقبة - المشاركة التالية أضيفت الساعة 07:14 PM -----||----- المشاركة السابقة أضيفت الساعة 07:10 PM --||-----


    01062454415 دة رقم الهاتف لشركة البسملة


  6. #5
    تاريخ التسجيل
    Jun 2012
    الدولة
    مصر
    المهنة
    طالب ثانوي
    الجنس
    ذكر
    العمر
    27
    المشاركات
    84

    احتاج الي نبات نعناع
    وخضراوات مثل الخيار
    وبعض الورود التي لا تحتاج الي شمس


  7. #6
    تاريخ التسجيل
    Dec 2011
    الدولة
    مصر
    المهنة
    مهندس معماري
    الجنس
    ذكر
    العمر
    35
    المشاركات
    636

    اهلا ا ماركوس
    بالنسبه للمنصوره و الدقهليه
    تعرف كوبري المنصوره كوبري الجا معه تحته من الاسفل مشتل داليا لصاحبه م جابر اسال عنه تقدر تروحله امتداد المشايه متجه لموقف ويش هوا جمبه عند الصينيه اسال عليه معروف
    ارخص و اادب مشتل في الدقهليه
    تتواجد لديه شتلات نعناع وورد و ريحان و كل شيء اخر
    قوله جايلك من طرف م- احمد منتدي زراعه و هو راجل محترم جدا و رخيص و امين جدا


    لو انت بقي معاك عربيه و ممكن تسافر ففيه قبل السنبلاوين بلد اسمها طوخ الاقلام دي فيها تجمع مشاتل و خضر و شتلات فواكه الزينه مشاتل كبيره جدا و انتاجها متعدد
    تحياتي و لكل اهل المنصوره ارشح المحترم م- جابر مشتل داليا لاند سكيب اسفل كوبري الجامعه دا بالنسبه للمنصوره
    لو عايز مشاتل القاهره او الاسكندريه تقدر تتواصل معايا برضه من فضل الله من حبي للنبات عندي قاعده بيانات و اصدقاء ماشاء الله و من فضله
    تحياتي لك و اتمني ان توفق في موضوعك



  8. #7
    تاريخ التسجيل
    Jun 2012
    الدولة
    مصر
    المهنة
    طالب ثانوي
    الجنس
    ذكر
    العمر
    27
    المشاركات
    84

    اخي احمد
    بجد بجد
    شكرا
    thanks
    mersi
    ان عايز الايميل بتاعك علشان التواصل يبقا اكتر
    ولو كنت اعرف لغات تانية كنت شكرتك بيها


  9. #8
    تاريخ التسجيل
    Jun 2012
    الدولة
    مصر
    المهنة
    معلمه علوم
    الجنس
    أنثى
    المشاركات
    251

    اخى الكريم المنصورة فيها مشاتل كثيرة
    اشهرها المشتل اللى بجوار موقف ويش اللى المهندس احمد قال عليه
    والتانى مشتل كليه زراعه داخل الجامعه نفسها تقدر توصله من بوابه ويش الخلفيه للجامعه اللى عندها مدينه الامل للشباب وتسأل هتلاقيه ادامك واعتقد متوفر فيه كل شئ وبالتوفيق



  10. #9
    تاريخ التسجيل
    Sep 2012
    الدولة
    مصر
    المهنة
    طبيب بشرى
    الجنس
    ذكر
    العمر
    51
    المشاركات
    134

    فرصه للتواصل


    أخى الفاضل Markus
    أزور المنصورة بصورة دورية مرة أو مرتين فى الشهر وسأزورها مرتين فى خلال أسبوع
    يمكنك التواصل على الخاص ولك عندى هدايا زراعية من نباتاتى
    حيث أقوم باكثار النبات وتوزيعه هدايا على الأصدقاء والمهتمين وتكون فرصه للتواصل الواقعى بين أعضاء المنتدى
    سعدت باهتمامك فقد بدأت الاهتمام بالزراعة المنزلية فى مثل سنك


  11. #10
    تاريخ التسجيل
    Jun 2012
    الدولة
    مصر
    المهنة
    طالب ثانوي
    الجنس
    ذكر
    العمر
    27
    المشاركات
    84

    طب ينفع رقم التليفون علشان اعرف اتواصل معاك؟


  12. 02-04-2013, 12:27 PM
    سبب آخر
    الدعاية والاعلان في منتدى عرض وطلب

  13. #11
    تاريخ التسجيل
    Jul 2016
    الدولة
    مصر
    المهنة
    طالب جامعي
    الجنس
    أنثى
    العمر
    25
    المشاركات
    25

    أنا بحاجة إلى هذه النباتات:
    تيكوما صفراء
    ياسمين بلدي أو هندي
    فل بلدي مجوز
    ورد بلدي
    نعناع
    جاردينيا
    كوكيا حمراء
    كزبرة البئر أو اسبرجس
    سرو ليمون
    أنا أيضًا من المنصورة ولا أجد مكانا لشراء ما أحتاجه من شتلات ولم أجد بمديرية الزراعة بالاستاد ما أبحث عنه فضلا عن غلو الأسعار بها جدا
    أرجو من أصحاب الخبرة والتجربة أن يدلوني أي هذه المشاتل هو الأفضل من حيث جودة الشتلات وخلوها من الحشرات وأيضا من حيث السعر المناسب


  14. #12
    تاريخ التسجيل
    Dec 2011
    الدولة
    مصر
    المهنة
    مهندس معماري
    الجنس
    ذكر
    العمر
    35
    المشاركات
    636

    كل ما طلبتيه حضرتك متوافر عند مشتل داليا للنباتات ان شاء الله .... ماعدا الكوكيا و الجاردينيا و لكن هناك اصناف اخري
    المهند
    س جابر اسفل كوبري الجامعه وهو صديق شخصي ليا لاي كميات او اي طلبات بيعملي تخفيض كويس جدا



    - -- - - تم تحديث المشاركة بما يلي - - - - - -

    اقتباس المشاركة الأصلية كتبت بواسطة Menna Muhammad مشاهدة المشاركة
    أنا بحاجة إلى هذه النباتات:
    تيكوما صفراء
    ياسمين بلدي أو هندي
    فل بلدي مجوز
    ورد بلدي
    نعناع
    جاردينيا
    كوكيا حمراء
    كزبرة البئر أو اسبرجس
    سرو ليمون
    أنا أيضًا من المنصورة ولا أجد مكانا لشراء ما أحتاجه من شتلات ولم أجد بمديرية الزراعة بالاستاد ما أبحث عنه فضلا عن غلو الأسعار بها جدا
    أرجو من أصحاب الخبرة والتجربة أن يدلوني أي هذه المشاتل هو الأفضل من حيث جودة الشتلات وخلوها من الحشرات وأيضا من حيث السعر المناسب
    نباتات الزينه دي موجوده عندي و الخضروات و الفواكه تعامل فيها قريبا


  15. #13
    تاريخ التسجيل
    Jul 2016
    الدولة
    مصر
    المهنة
    طالب جامعي
    الجنس
    أنثى
    العمر
    25
    المشاركات
    25

    اقتباس المشاركة الأصلية كتبت بواسطة مهندس معماري /احمد مشاهدة المشاركة
    كل ما طلبتيه حضرتك متوافر عند مشتل داليا للنباتات ان شاء الله .... ماعدا الكوكيا و الجاردينيا و لكن هناك اصناف اخري
    المهند
    س جابر اسفل كوبري الجامعه وهو صديق شخصي ليا لاي كميات او اي طلبات بيعملي تخفيض كويس جدا



    - -- - - تم تحديث المشاركة بما يلي - - - - - -


    نباتات الزينه دي موجوده عندي و الخضروات و الفواكه تعامل فيها قريبا
    طيب الحاجات دي تتكلف حوالي قد ايه؟ وأقول للباشمهندس جابر ان حضرتك اللي دلتني عليه؟


  16. #14
    تاريخ التسجيل
    Jul 2016
    الدولة
    مصر
    المهنة
    طالب جامعي
    الجنس
    أنثى
    العمر
    25
    المشاركات
    25

    شكرا باشمهندس أحمد أنا رحت النهاردة وجبت 6 أصناف الحمد لله : ياسمين بلدي- فل- ريحان- روزماري- نعناع - Iresine herbstii
    الشتلات كلها في أصص صغيرة خالص انقلهم دلوقتي؟ أصل فيه واحدة قالتلي ان تكدس الجذور بيساعد على الإزهار في بعض النباتات
    حجم الأصص المناسبة لكل نوع قد ايه؟ والري يكون كل قد ايه؟ ولو حابة أزرع أكتر من نوع في حوص واحد ايه الأنواع اللي تنفع تتزرع مع بعض؟
    وكان عندي استفسار: اللافندر مستديم الخضرة ولا بيدي زهرة في موسم معين وبعدين يموت؟
    المجعجعة (زنبق الوادي) موجودة في مصر؟ ومستديمة الخضرة؟
    ويا ريت حضرتك تقترح عليا أسمار أزهار عطرية مختلفة الألوان غير اللي فوق علشان يبقى فيه تناسق في الألوان
    شكرا مقدما



  17. #15
    تاريخ التسجيل
    Dec 2011
    الدولة
    مصر
    المهنة
    مهندس معماري
    الجنس
    ذكر
    العمر
    35
    المشاركات
    636

    اهلا بيكي مبارك عليكي النباتات ....

    1- ايوه طبعا فكره التجميع فكره سديده و موفقه و دي امثله لنباتات مجمعهم في احواض و كلهم من عند م جابر




    2- اه تنقليهم الوقتي مع مراعاه الاحترافيه في النقل ووجود تربه او بيتموس او طين عشان لما تجميعهمي في حوض هتحتاجي طين او تربه زياده لملا الفراغات
    و مراعاه ريهم مباشره بعد التجميع ولو انت هاويه زي الحجر لتغطي التربه جهزي كيسين تلاته من عند بتوع اسماك الزينه و مستلزمات الحيوانات لتغطيه التربه
    وفي اشكال كتير و الوان كتير لكسر الحجاره و الزلط



    3- لو عندك مساحه حطي كل نبات في شاليت دائريه- شكل كاس او اسطواني بقطر - 40 سم فيها تربه كتير و هيكبر ان شاء الله بسرعه و جذوره هتمتد انما لو حابه تعملي احواض تجميع زي الصوره بتاعتي كدا فعليكي و علي الاحواض و هذا ما ارشحه ليكي و بقوه احواض مستطيله - ولو كنتي سالتيني كنت قلتلك خلي جنايني جابر - عم رمزي او عم محمد يجمعهملك و كنتي جبتي الاحواض من قبلها عموما خير اهي فرصه تتدربي علي تجميع النباتات هي بتبقي حلوه
    و عموما اشكال الاصص زي الصوره كدا و افضل شركه اسمها خورشيد للبلاستيك - بالنسبه للمصري و المستورد IKEA -و الاصص الالماني و الحمد لله عندي كافه الانواع بكلمك عن تجربه و اسواهم الاسود .....
    اشكال الاحواض شركه خورشيد


    ودا رابط تنزيل كتالوج شركه خورشيد للبلاستيك فيه كافه انواع و اشكال الاصص و الاحواض :

    http://www.khorshedplast.com/catalog_2016.pdf

    4- حجم الاصص قد ايه؟ السؤال اجابته علي حسب كام نبات هيتجمعوا في الحوض - انا شخصيا بجمع 3 نباتات في حوض مثلا 60 سم الطرف و الطرف و المنتصف عشان ادي فرصه لما يكبروا ان شاء الله - و احيانا شاليه دائريه اجمع فيها 3 حاجات اهم حاجه ميكونوش زحمه و دا مثال لبعض حاجاتي..



    5- الاسماء اللي قلتيها لو انا منك هجمع :
    - النعناع و الريحان مع بعض - لانهم نباتات عطريه اضافه الي احتياجهم المستمر للماء و كرههم للعطش او ندره المياه
    - الياسمين و الفل مع بعض لانهم نباتات مزهره نفس اللون الزهره و احتياجهم للماء شبه واحد - هحط ياسمين في المنتصف و فله يمينها و يسارها
    - الروز ماري هسيبه لوحده
    - و النبات الاخير هجمع كذا واحده منه في حوض مع بعضه - علي ما اعتقد اسمه دم العاشق Iresine herbstii
    * معيار نجاح تجميع الاحواض هو احتياج النبات للماء و المورفولوجي بتاعته او شكلها الظاهري العام لما يكبر ....( يعني نموه بالنسبه للي جمبه )
    مثال مثلا انا اشتريت صباره عمه القاضي و هي كرويه الشكل حطيتها و هي صغيره بين صبارتين لما كبرت بقت اسطوانه لانها اتحشرت بينهم فخدت شكل اسطوانه بدل كوره و هكذا ... كمان مينفعش اجمع مثلا صباريات مع نعناع لا شكل ولا عائله ولا احتياج للماء ....كمان تناسق الالوان و كذا احسن وقت تجميع هو قبل الربيع - حيث الزهور في موسمها المعروف و دي امثله للاستدلال لا الحصر





    6- اللافندر و زنبق الوادي غير موجودين في المنصوره مشاتل القاهره و مستورديها ان شاء الله تجديها عندهم

    7- اقتراحي للاحواض المجمعه
    - بيتونيا الوان متعدده - نبات حولي غير عطر
    - فربينيا و زهره البانسيه
    - نبات العتر و النعناع و الريحان
    - جيرانيوم او جارونيا الوان متعدده
    - متهدل و نبات متدلي كالبوتس و معه نخله دراسينا طرف احمر او ثلاثيه اللون TRI COLOUR
    - فيتونيا و كوليس و كروتونس - نباتات ملونه و مزرقشه مع بعضها *بعضها سام
    - قرنفل بلدي و مستورد في حوض واحد
    - صبارات جلد النمر الصغير و عمه القاضي و الامريكي و خلافه
    - دورانتا صفراء او ذهبيه GOLDEN DORANTA





    --------------------------------------------------------------------------
    - ان شاء الله اكون رديت بشكل موفق
    وشكرا


صفحة 1 من 2 12 الأخيرةالأخيرة