مرحبا
عندي استفسار عن المغذيات والاضاءة الاصطناعية للزراعة بدون تربة ...في اي بلد عربي ممكن الاقيها ؟ لاني كل مرة عم اضطر اشتريها اونلاين ..
شكرا سلف .
والله الموضوع ده صعب جدا ودوخت السبع دوخات بس فيه حاجه اسمها الارتجال وده اللى انا عملته بالظبط
بس هاتكلم عن مصر ( بلدى ) لانى معرفش تقدم الدول العربية الاخرى فى المجال ده
اول حاجه مفيش حد فى مصر بينتج هذه المواد لذا قررت اشتريها من كل مكان زى
المضخة وحجر الاكسجين ومستلزمات المية وماده مزيبة للكلور اللى فى المية من عند تجار الحيوانات الاليفة ومحلات بيع اسماك الزينة ( pet store)
المواسير وحرف تى والكوع وعلى حسب شكل النظام المتبع PVC مثلا من عند محلات السباكه والادوات الصحية والسيراميك
والبوكت والجردل والبرميل والحاجات اللى بتستخدم فى deep water culture من هايبر مثلا قسم الادوات المنزلية
والاضاءة وخلافه من محلات الاجهزة الكهربائية
والسلك والمقص والخراطيم والمسامير واى حاجه تانية من hardware store ( محلات العدد والادوات )
والبذور والتربة وخلافه والبيتموس والبيرليت من شركات المنتجات الزراعية
اما بالنسبة للمحلول المغذى الجاهز ممكن تطلبى حاجه اورجانك زى طحالب الجفريك المركزة محتوية على عناصر صغرى وكبرى وممكن تستخدمى معاها NPK 20-20-20 واى حاجه تانية محتوية على احماض امينية بردو كويسة وكل ده ومعندناش شركات شحن كويسة يعنى لازم كل ما اعوز حاجه انزل ادور عليها بنفسى واجيبها من السوق
سؤال عن مستلزمات الزراعة بدون تربة
اقتباس