بدأت أزرع أخييييييييييييرا .. طماطم و فلفل و فراولة :)

[همساية]

السلام عليكم جميعا .. يا رب تكونوا بكل خير ..

باركولى بدأت ازرع أنا و ماما ..
عندنا مساحات كبيره و جميلة غير مستغلة فى شقتها و شقتى .. فبدأت اقنعها بالموضوع .. و الحمد لله بدأنا ..

الصور قريبا إن شاء الله ..

فى البداية .. أود أشكر استاذ محمد سكر بالذات .. فهو أول موضوع قرأته و بصراحة هو من اتبعت خطواته مع بعض التعديل ..
و طبعا الشكر موصول للعديد من الاخوه و الأخوات .. الذين استفدت من مواضيهم ..


بسم الله نبدأ .. - أولا بدأت بشراء البيتموس .. من مشتل فى أكتوبر .. بجوار مسجد الحصري .. شيكارة سعتها 40 كيلو تقريبا .. ب 40 جنية ..
و سماد 19-19-19 ب 40 جنية ..

ثم بدأت فى غسل الرمل و وضعته فى "طشت كبييييير" .. وثم بدأنا نضيف مجراف بتموس و السماد المذاب 19-19-19 و نفرك و نقلب .. الى أن أنهينا الكمية كلها ..
و غطيناها بكيس بلاستيك كبير و سيبناها تتخمر يومين ..

- و بعدين اشتريت 8 شتلات طماطم و 4 فلفل .. و 6 فراولة .. و 4 ريحان .. و 2 نعناع .. و واحده لويزا .. و واحده زعتر لبناني ورق عريض ..

- بدأنا فى زرع الشتلات فى جراكن البويا الفارغه "عندنا منها الكثيييير .. لاننا كنا بنشطب" .. طبعا بعد ما غسلناها كويس .. و خرمناها من تحت ..

طبعا التربه لم تكفى .. و تمكنا من زرع شتلات الطماطم و الفلفل فقط .. و بذور ملوخية ..

- لسه هاشتري تانى تربه و رمل و اخلط و أزرع الباقى .. هاوافيكم بالتفاصيل أول بأول ..

.....................
دلوقتى بقى عايزة نصايح منكم الله يكرمكم ..

1- المحلول المغذي اجيبة منين ؟؟ و احط منه على كل الشتلات و لا ايه ؟؟ و هل ينفع استخدم السماد الى معايا بدله ..
2- هل شتلات الفراولة تحتاج ظل .. ام ممكن اتركها فى الشمس ..؟؟ انا حاليا حاطاها تحت كرسي فى الجنينة .. لغاية ما ازرعها ..

جزاكم الله خيرا كثيرا

مواضيع مشابهة:

• مشكلة فى النباتات المثمرة فراوله و طماطم و شبت و فلفل
• اخيرا نجحت التجربة --- تجربتي في زراعة كزبره - طماطم - بصل - ثوم - جرجير - فلفل - نعناع - بقدونس
• كم الوقت الزمني من البذر الى النتاج(طماطم خيار فلفل..الخ)
• تراب طيني او رمل ايهما افضل لذرع طماطم و فلفل
• هل تنصحون وضع البتموس مع التراب لزرع بذور طماطم

[دراسينا]

أهلا همساية .... حياك الله اختي .... موفقة في تجربتك الرائعة

بامكانك متابعة موضوع الاخ محمد سكر ربما تجدين فيها الاجابة على سؤالك

http://f.zira3a.net/showthread.php?t=31419

ننتظرنتائج تجربتك الصور اشتقنا لها من حديثك

[soso2020]

وعليكم السلام
الله اسمك حلو حسيت بالنعومه والصفاء

ربنا يبارك لك فى اللى زرعتيه

ويديك الصحه انت وماما وتزرعى كل اللى نفسك فيه

وماتنسيش الصور

انا بحب الصور خصوصا للزرع

تقبلى حبى ومودتى اختك سوسو

[محمد سكر]

السلام عليكم

اول امر لفت نظرى شتلات الفراولة -- لانها لا تزرع فى هذا الوقت ابدا فافضل وقت لزراعتها شهرى سبتمبر واكتوبر اى فى اوئل الشتاء فهى نبات شتوى
فيمكنك احضار هذه العقل ووضعها فى كيس بلاستيك يملئ بالرمل المبلل ثم يوضع فى الثلاجة الى حين زراعتها فى شهرى سبتمبر واكتوبر


بالنسبة للمحلول المغذى يمكنك ركوب مترو الانفاق وتنزلى محطة كلية الزراعة وتسالى داخل الجامعه عن قسم الاراضى القاحلة وهو خلف الكلية وعندما تصلى اليه تخبرى الامن على البوابه بشراء المحلول المغذى -- ولابد من ان تحضرى معكى جركنين بغطاء لوضع المحلول به لانهم ان لم يجدو معكى شئ سوف يضعون المحلول فى كيس بلاستيك مما يتسبب فى مخاطره بعض الشئ
فى تسربه يمكنك شراء خمسة لتر فى اول الامر وهذا معناه انكى سوف تاخذين 5 لتر من محلول (أ) و5لتر من محلول (ب) وهذه صوره لعبوتين قد اشتريت فيهما المحلول ولكن كانت الكمية 15 لتر






لابد وان يكون لديكى فى البيت برميل سعة 100 لتر لوضع واحد لتر من المحلولين عليه وتسقى
من هذا البرميل بعد ذلك لمدة ثلاثة ايام واليوم الرابع تسقى بماء عادى ليتم غسيل التربه من اى املاح قد تحدث من الرى بالمحلول

من الافضل ملئ البرميل بالماء ثم تركه يوم كامل قبل وضع المحلول عليه حتى يتبخر الكلور الموجود بالماء


الشتلات التى لم تزرعيها حتى الان لابد من زراعتها فورا ولو فى كوب بلاستيك صغير او علب صغيره ولو علب كشرى علب زبادى كبيرة ومن الممكن ان تظل هكذا فترة كبيرة حتى تجهزى التربه والقصارى لهم وسوف اضع صوره لعلبه صغيره بها شتله كما كانت عندى ظلت هكذا حتى وضعتها فى قصريه مناسبة بعد حوالى 20 يوم

[hikmat500]

شي جميل والله عاشت الايادي

[همساية]

جزاكم الله خيرا على ردودكم .. فرحتوني و الله

دراسينا .. انا فعلا باتابع موضوعاته .. تحفة ما شاء الله .. ربنا يكرمك يا رب الصور قريبا بإذن الله
سوسو .. شكرا يا جميلة .. فى الحقيقة اسمي مزيج من اسمين .. اسمي و اسم بنتى "آيه" و "همس" .. أستاذ محمد بجد بجد .. ربنا يكرمك يا رب .. ان شاء الله احاول اروح قسم الاراضى القاحلة و اجيب المحلول ..
لكن كنت حضرتك قلت فى موضوع قبل كدا اننا ممكن نستخدم سماد 19-19-19 .. و انا بصراحة عملت كدا النهاردة مع الملوخية !!
مش عارفه بقى هينفع و لا ايه .. بالنسبة للفراولة .. الراجل الى انا باشتري منه فى المشتل كان زارعها .. و قالى ان دا موسمها .. و انا فعلا بلاحظ ان الفراولة فى الصيف كتير ..
مش عارفه بقى .. بصراحة انا لسه ما روتهاش بالمحلول بتاع السماد 19-19-19 .. هارويها بكره ان شاء الله هى و الطماطم و الفلفل ..

كنت عايزه اعرف .. هل ينفع اروي الملوخية عادى من المحلول دا و لا لا .. و كمان النعناع و الزعتر و الريحان و اللويزا ؟

ربنا يكرمكم يا رب و شكرا لردودكم بجد

[محمد سكر]

جزاكم الله خيرا على ردودكم .. فرحتوني و الله

دراسينا .. انا فعلا باتابع موضوعاته .. تحفة ما شاء الله .. ربنا يكرمك يا رب الصور قريبا بإذن الله
سوسو .. شكرا يا جميلة .. فى الحقيقة اسمي مزيج من اسمين .. اسمي و اسم بنتى "آيه" و "همس" .. أستاذ محمد بجد بجد .. ربنا يكرمك يا رب .. ان شاء الله احاول اروح قسم الاراضى القاحلة و اجيب المحلول ..
لكن كنت حضرتك قلت فى موضوع قبل كدا اننا ممكن نستخدم سماد 19-19-19 .. و انا بصراحة عملت كدا النهاردة مع الملوخية !!
مش عارفه بقى هينفع و لا ايه .. بالنسبة للفراولة .. الراجل الى انا باشتري منه فى المشتل كان زارعها .. و قالى ان دا موسمها .. و انا فعلا بلاحظ ان الفراولة فى الصيف كتير ..
مش عارفه بقى .. بصراحة انا لسه ما روتهاش بالمحلول بتاع السماد 19-19-19 .. هارويها بكره ان شاء الله هى و الطماطم و الفلفل ..

كنت عايزه اعرف .. هل ينفع اروي الملوخية عادى من المحلول دا و لا لا .. و كمان النعناع و الزعتر و الريحان و اللويزا ؟

ربنا يكرمكم يا رب و شكرا لردودكم بجد

السلام عليكم

فعلا ممكن نستخدم السماد المركب (NPK) مثل الذى اشرتى اليه 19-19-19 ويوجد منه 20-20-20

بالنسبة لموعد زراعة الفراولة ما اعلمه جيدا انها تزرع فى شهرى سبتمبر واكتوبر

وما ذكرتيه من وجود الفراولة الان فى السوق دليل على صحة هذا الكلام من انها تزرع فى سبتمبر واكتوبر وتاخذ حوالى ثلاثة اشهر او اكثر قليلا

فتنزل السوق فى فبراير ومارس وابريل

عموما خير معلم التجربة ازرعى شتلتين فقط وخزنى الباقى ولاحظى ما يحدث

طبعا يمكن رى الملوخية من هذا المحلول ولكن احذرى ان تزيدى من تركيز السماد فى هذا السن المبكر للنبات

وخصوصا مع الملوخية فهى لا تحتاج الى تسميد عالى وقاعدة عامة لاى نبات تتم زيادة تركيز المحلول مع مراحل نمو النبات

ففى مرحلة الانبات وبدايات النمو يكون التركيز قليل جدا وهكذا يتم الزيادة تدريجيا

[همساية]

جزاكم الله خيرا يا استاذ محمد ..

و الله ما شاء الله الفراولة حلوة لغاية دلوقتى .. و زهرت جديد .. و كمان فى ثمرات جديدة




حتى بنتى أصرت انها تقطف الفرولاية الحمراء دى ..


رغم محاولاتى انى ابقيها شوية .. غسلتهلها و كلتها .. و دقتها معاها .. كانت حلوة الصراحة


هارفعلكم شوية صور للزرعات الصغيرة

الركن البعيد الهادي




الريحان و النعناع

[همساية]

الزعتر اللبناني



نبته روعة .. اسمها لويزا .. بتتحط على الشاي ..

الشتلات السته للفراولة


نسيت اقولكم .. شتلات الفلفل الاربعه تبقى منها واحده .. عندنا خروفين صغيرين أكلوا الشتلات التانيه الله يسامحهم .. مع انى كنت مغطياهم بسلك

[المطروحى]

السلام غليكم ورحمة الله وبركاته
تجربة رائغة أختنا الفاضلة وفقك الله فيها
سؤال : بالنسبة للمحلول المغذى نصف لتر من كل نوع ليكونا فى النهاية لتر لكل 100 لتر ماء أم لتر من كل نوع من المحلولين لكل 100لتر ماء ولكم جزيل الشكر

[محمد سكر]

السلام غليكم ورحمة الله وبركاته
تجربة رائغة أختنا الفاضلة وفقك الله فيها
سؤال : بالنسبة للمحلول المغذى نصف لتر من كل نوع ليكونا فى النهاية لتر لكل 100 لتر ماء أم لتر من كل نوع من المحلولين لكل 100لتر ماء ولكم جزيل الشكر

لتر من كل نوع على 100 لتر ماء

[بــدور]

جميييل ,
لازم اشتري شتلة فراولة ..
=)

[محمد سكر]

جزاكم الله خيرا يا استاذ محمد ..

و الله ما شاء الله الفراولة حلوة لغاية دلوقتى .. و زهرت جديد .. و كمان فى ثمرات جديدة




حتى بنتى أصرت انها تقطف الفرولاية الحمراء دى ..


رغم محاولاتى انى ابقيها شوية .. غسلتهلها و كلتها .. و دقتها معاها .. كانت حلوة الصراحة


هارفعلكم شوية صور للزرعات الصغيرة

الركن البعيد الهادي




الريحان و النعناع

ما شاء الله شكل الفراولة مفرح جدا جدا

احب ان اعرف متى زرعت هذه الشتلات تحديدا

[همساية]

ما شاء الله شكل الفراولة مفرح جدا جدا

احب ان اعرف متى زرعت هذه الشتلات تحديدا

أنا مش عارفه هى اتزرعت امتى الصراحة .. انا جيبتها من المشتل .. بس الناهرده كنت فى مشتل تانى .. أكدلى كلامك .. و قالى ان الشتلات الى عندك دى الأمهات الى بيعملوا منها المحصول الى بيتزرع فى سبتمبر

كلام حضرتك مظبوط

[طموحة جداً]

السلام عليكم ورحمة الله وبركاته

ما شاء الله لا قوة إل بالله

أنا مبسوطة جداً بكِ يا همساية برافو عليكِ والله .. إنتِ شجعتيني إني أبدأ وآخد الخطوة دي فوراً

إن شاء الله ..

ممكن يا همساية تبعتيلي إيميلك ع الخاص ؟