خبراء الرمان .. مساعدة من فضلكم ..

[همساية]

السلام عليكم و رحمة الله و بركاته

ما شاء الله منتدى أكثر من رائع .. بصراحة مفيد جدا .. و ممتع للغاية

كان عندى سؤال . .عن الرمان ..
عندى شجرة رمان فى البيت الجديد الى نقلت له .. الجيران بيقولوا انها من حاولي 7 سنين ..
لما نقلت للبيت كانت موقعه كل شجرها .. لدرجة انى افتكرتها ميته .. و كنت هاشيلها ..
بس رويتها .. و الان مورقة جدا .. بس لم تزهر ..

كنت اريد أسأل .. هل تحتاج الشجرة منى رعاية أكثر من الري ؟؟
يعنى هل هناك سماد معين ..؟؟

ملحوظة: التربه عندى رملية .. لاني فى اكتوبر .. و كان فى طبقة بيتموس و فوقها نجيلة .. بس نشفت لانها من زمان لا تسقي ..

مواضيع مشابهة:

• مساعدة عاجلة من فضلكم
• مساعدة من فضلكم..عن النباتات المعمرة.......
• مساعدة فى زراعة الرمان
• الإكثار بالبذور + الرمان ((مساعدة عاجلة))
• طلب مساعدة من فضلكم

[haitham aly]

عليكم السلام ورحمة الله وبركاتة

حضرتك الرى لوحدة مش كفاية علشان انتاج الشجرة يكون كويس لازم التسميد

من اى شركة مبيدات زراعية هتشترى سلفات نشادر وسلفات بوتاسيوم
الشجر عمر سبع سنوات زى ماحضرتك ذكرتى هتضيفيلها 400 جرام سلفات نشادر و 200 جرام سلفات بوتاسيوم
والتسميد دا هيكون مره كل 15 يوم

وراعى موضوع الرى لان الشجرة 7 سنوات يعنى بتشرب اكتر من 40 لتر ميه وطبعا بنقلل المية خالص وقت التزهير علشان نتجنب تساقط الازهار

[همساية]

جزاكم الله خيرا يا رب ..

ان شاء الله أشتري السماد دا .. و أصور الشجرة و انزل صورها .. بس هانزل لحضرتك الصور قبل ما اشترى السماد .. علشان إتأكد انها رمان انا معتمده على شكلها و على حكاوى الجيران

ربنا يكرمك يا رب

[المهندسة بثينة]

اختي العزيزة الاشجار تحتاج الى عناية سواء بالري او التسميد وكذلك من الافات والتسميد قد يكون ارضي او رش ورقي ومن اجل ان تكون الاشجار منتجة يجب ان يكون نموها الخضري جيد وبالتالي تعطي انتاج ثمري جيد وكلما اهتممنا اكثر كان انتاجها اكثر

[haitham aly]

جزاكم الله خيرا يا رب ..

ان شاء الله أشتري السماد دا .. و أصور الشجرة و انزل صورها .. بس هانزل لحضرتك الصور قبل ما اشترى السماد .. علشان إتأكد انها رمان انا معتمده على شكلها و على حكاوى الجيران

ربنا يكرمك يا رب

العفو يافندم وفى انتظار الصورة .