زرعت بذور أزهاري الموسميه .. تجربتي يوم بيوم

[بسمه]

بسم الله الرحمن الرحيم

السلام عليكم
اعتذر ن تأخري في لارد نظرا لانقطاع النت المتكرر :( القطط دمروا السلك

اخي عمار اهلا بيك وان شاء الله جرب ويارب تنفع معاك ومعايا

اخي مازن
افكار غريبه وذكيه خصوصا الساعه لانى شفت اللمبه قبل كده انما الساعه دي جديده


اختي مزارعه المستقبل
المره اللي فاتت حصل معايا نفس مشكلتك بس يمكن لأن الجو كان شديييييييييد البروده بس اليومين دول الجو اتحسن وبشعر بنمو النباتات اي نعم بطيء لكن ملحوظ
او جايز انا اللي مستعجله ونفسي اشوفهم لما يكبروا فحاسه ببطئهم
على العموم ياريت اخواننا هنا يفيدونا بسيبب المشكله وحلها ان شاء الله

اختي نورهان

انا شفت الاقراص اللي بتقولي عليها في مشاركه لاحد الاخوه هنا لكن للأسف غير متوفره عندنا انا زي ماقلت قبل كده عايشه في مدينه امكانيتها متواضعه وأصحاب المحلات الزراعيه اخرهم بذور الفجل والجرجير
فلا تأملي في اكتر من كده ههههههههه
بالنسبه للثقوب انا جربت اثقبها من تحت اتقطعت لانها صلبه اكتر من الجنب فمش عارفه اعمل ايه !!

اختى ندوه
دايما مشاركتك تنور اي موضوع
وان شاء الله انا بفكر في شويه حاجات تنفع الفتره الجايه لما البذور تكبر .. قولوا يارب

انتظروا الصوره بعد قليل ان شاء الله لان البذور كبرت ورعرعت وطلع كام واحده جديده كمان الحمد لله

[الباهي]

بالنسبه للثقوب انا جربت اثقبها من تحت اتقطعت لانها صلبه اكتر من الجنب فمش عارفه اعمل ايه !!

مسمار حامي (ولكن ليس لدرجة الاحمرار) أختي بسمه وسنرى كيف يصمد البلاستيك أمامه؟!

[بسمه]

بسم الله الرحمن الرحيم

اخي الباهي
معاك حق فاتتني دي
حعملها ان شاء الله

الصور واعذروني لو غير واضحه لأن حجاره الكاميرا بتشطب
وبكره ان شاء الله اجيب حجاره جديده

[دراسينا]

ماشاء الله تبارك الله

تجربة جميلة يابسمة ننتظرالمزيد من الصور

[ahmedelhossiny]

جميلة جدا ........... روعه

شكرا لكي

[norhan]

عزيزتي جميل روح الابداع والمثابره
مهما كانت صلبه تستطيعي اي ابره او سيخ او مفك رفيع الرأس، ثم سخني راسه وبالحراره التسخين بسهوله تستطيعي ان تثقبي اي نوع بلاستيكي وبسهوله دون ان يكسر

اتمنى نرى زهورك منوره

[مهندس معماري /احمد]

رحله البذور ممتعه جدا .........تتجلي فيها قدره الخالق ......
....اما بخصوص الاواني ففي راي الشخصي الفخاريه اكثرهم جمالا لكن للاسف اكثرهم وزنا
والاواني المصنوعه منزليا اكثرهما ابتكارا.............

و بخصوص توافر الاصص او الشليه البلاستيك فهي متوافره بكثره في مصر علي الاقل و سااستعرض مع حضراتكم دليل ملخص لاهم ماركات و محال بيع تلك الاصص

اشهر الاحواض او الشليه كما نطلق عليها في مصر من انتاج مصانع خورشيد للبلاستيك
شركة خورشيد للبلاستيك من الشركات الرائدة في مجالها
بمنطقة خورشيد إحدى ضواحي الإسكندرية و توزع انتاجها علي مستوي محافظات الجمهوريه
الموقع الرسمي
http://www.khorshedplast.com/index2.html
وهذا الرابط لقسم اصص الزرع للتعرف علي انواعها و مقاساتها المختلفه
http://www.khorshedplast.com/pots101.html

هذه هي الشركه الاشهر اما عن منافذ توزيعها فحدث و لاحرج علي سبيل المثال لا الحصر
مركز ومعارض الشريف بفروعه المختلفه علي مستوي الجمهوريه.....
وهناك ايضا مراكز ديكور متخصصه بها طابق كامل للوازم الحدائق و بذور و رشاشات و خلافه قد زرتها بالقاهره من قبل ارشد من يريدها علي المكان اذا اردتم..............لكنها كثيرا ما تكون اغلي من محال بيع مستلزمات البلاستيك بكل تاكيد

ولكني برغم كل هذا احرص علي شراء اي اصص من المشتل الذي اتعامل معه من سنوات فهي كثيرا او غالبا تكون اكثر رخصا مثال
شليه 30 سم 2 ومقاسات اكبر ب5 + التربه بها وبذلك اقضي علي مشكله البحث عن تربه

بالتوفيق في رحله زراعه البذور و ان شاء الله نره الازهار قريبا حينما تنتقل هذه النباتات الي الشمس قريبا ......

[محمد سكر]

ما شاء الله بدأت البذور تعلن عن نفسها وتتكلم وتقول انا هنا

ان شاء الله نجدها مزهره فى اقرب وقت بارك الله لكم

المهندس المعمارى / احمد----جزاكم الله كل خير على على عرض تفاصيل شراء الاصص بارك الله لكم

[هيما]

ماشاء الله نشاط رائع

الله يباركلك فى مجهودك الرائع

[ندوة]

ماشاء الله نشاط ممتع ..

الاحظ اسطالة البادرات احذري من قلة الضوء ..

[norhan]

السلام عليكم ورحة الله

في الزراعة كل شئ يصلح لان يكون جميل فقط تكون الطيقة صحيحة لديمومة النباتات فيها .. حتى في حالة ان تكون الاوعية المستعملة غير مثقوبة كآن تكون زجاجية .









http://www.facebook.com/pages/Orname...14563808632095

عزيزتي ندوه نعم مثل ماتفضلت ولكن في حال استخدام الاباريق القديمه او الدوارق الزجاجيه علينا او غير مثقوبه يجب علينا التأكيد على تغيير طريقة المعامله مع النبات، طبعا متأكده ان حضرتك تعرف ذلك لكن بالنسبه لمن ليست لهم خبره يجب التنبيه على ذلك، لك مني كل تقدير لكل مواضيعك التي اشاهدها يوميا

[ندوة]

شكرا لك عزيزتي

من الافضل زراعة نباتات لاتحتاج الى السقي الكثير وتتحمل الجفاف .. وشكرا لك على التنبيه لاستفادة الاعضاء .. ومع وجود الحصى سيخفف من الخطأ في اغداق الماء نوعا ما .. الصباراتنباتات مهمة في استخدامها لهذه الاباريق ..

تحياتي لك

[الباهي]

حتى ﻻ تكون الفخاريات والزجاجيات حاجزا أمام الزراعة يمكن ثقبها بسهولة ودون خوف بواسطة رأس يركب في المثقاب الكهربي وهو رخيص الثمن خصوصا كلما قل القطر.

يسمى Diamond Hole Cutter bit ومتوفر في معظم المحلات التي تبيع العدد الكهربية ولوازمها كما يمكن شراؤه من الانترنت.

تمنياتي لكم بالتوفيق.

[حلمي الرباعي]

اخت بسمة بصراحة موضوع اكثر من شيق.............روعة
لكن ما الغاية من الاكياس البلاستيكية,الطقس عندنا بارد جدا هل من الضروري استعمالها؟

[بسمه]

بسم الله الرحمن الرحيم

اولا اعتذر بشده على تأخري في الرد
سلك النت القطط خلصوا عليه واشتريت غيره ولسه مركباه حالا

اعزائي اللي نوروني في الموضوع اتمنى يارب اكون عند حسن ظنكم وارجوا منكم الدعاء لأن دي اكتر مرحله بخاف فيها ان البذور تدبل او تموت
سمحوا لي ارد بالترتيب من تحت لفوق عشان ماتلخبطتش

اخي حلمي
اشكرك لعى ردك المشجع
بالنسبه للأكياس فلإخوه في المنتدى نصحوني بيه لتوفير التدفئه للبذور واسراع الانبات وده لاحظته فعلا

اخي الباهي
شكرا على المعلومه والله فكره كويسه خصوصا ان الاصص الفخاريه اللي اشتريتها مش مثقوبه وعندنا المثقاب الكهربي ويارب الاقيهم

عزيزتي ندوه
ياريت تفيديني بالاضاءه اللازمه
لأني خايفه احطهم في الشمس طبعا وفي نفس الوقت هما موجودين في غرفتي وهي للأسف مش بيدخلها اضاءه كافيه

اخي هيما
اهلا بيك وشكرا على اهتمامك

اخي محمد سكر
لك جزيل الشكر .. دعواتك معانا

اخي المهندس المعماري
لك كل الشكر على الاهتمام والمعلومات لكني للأسف بعيده عن منافذ التوزيع
وان شاء الله باقي الاخوه يستفيدوا من الشرح

عزيزتي نورهان
تسلمي على النصيحه ان شاء الله اعملها

اخي احمد الحسيني
شكرا لك

عزيزتي دراسينا
نورتيني وان شاء الله المزيد من الصور في الطريق


........

اتمنى ماكنش نسيت ارد على حد من اخوتي الاعزاء

جديدي اليوم

جميع البذور انبتت ولله الحمد
مع العلم انهم مجموعتين من البذور
المجموعه الاولى مجموعه غير معروفه
هيا عباره عن عبوه فيها مجموعه متنوعه من الازهار الموسميه ومش مكتوب اسمهم
المجموعه التانيه عباره عن عبوات منفصله لكل نوع ازهار
يعني الماري جولد لوحدها واللوبيليا لوحدها ودورا الشمس لوحدها وهكذا
اذن كل الللي زرعته بفضل الله تعالى انبت
ماعدا
strawflower

مش عارفه ليه
مع انها اكتر زهره كان نفسي تنبت
حتى اللوبيليا اللي كنت بقول مش حتنبت انبتت بس لاترى بالعين المجرده هههههههه
منمنمه جدا جدا جدا جدا

ان شاء الله الليله اوافيكم بالصور

دمتم في حفظ الله جميعا