كرسي الاعتراف

[شيماء نبيل حسين]

1ـ ما رأيك ياشيبو في كلية الزراعة بعد ما دخلت ودرست فيها ....؟؟؟؟؟؟؟؟؟؟؟؟
2ـ وهل ممكن تنصح حد أنه يدخل كلية الزراعة ولا هتحظرهم من الدخول فيها ؟؟؟؟
3ـ وإذا كنت هتحظرهم قول السبب ؟؟
4ـ وما هي تقديراتك كل سنة ؟؟
5ـ وانت دخلت قسم ايه ؟؟؟؟؟؟؟؟؟؟؟
6ـ هل أنت متفائل أم متشائم ؟؟؟؟؟؟؟؟؟
7ـ عندما تغضب من شخص هل تسامحه بسرعة ولا هتفضل شايل منه ؟؟؟
كفاية عليك كده

[شيبو]

1-كلية الزراعه كلية حلو جداً و جميله
2- بجد لو حد قادر أنه يدخلها يدخلها
3- أنها محتاجه شغل كتير
4- تقدير الشعب
5- إنتاج حيواني
6- متفائل في بعض الأحيان و متشائم في بعض الأحيان
7- أنا من الناس اللي مش بتزعل بسرعه بس لما بزعل من حد جاء علي كرامتي بأخد حقي و بعد كده أسامحه

(( أنا عايز أسئله جامده أنا عايز أتعصر ))

[مريم يوسف]

السلام عليكم ورحمة الله وبركاته
بدام دى رغبتك اخ شيبو . يبقى لازم تجاوب بصراحه على السؤال ده علشان تتعصر صح من المنتدى كله
مين العضو فى المنتدى اللى لما بتكتب موضوع بتحب تشوف تعليقه اول تعليق ؟؟؟ ومين العضو اللى بتتمنى ما يعلقش تانى على موضوعاتك ؟؟؟ ومين العضو اللى بتتمنى تشوف تعليق ليه على اى موضوع كتبته ويكون اول مره هايرد عليك؟؟؟
طبعا الموضوع مش هايتاخد بحساسيه بس علشان نلبى لاخونا شيبو رغبته فى الانعصار
فى امان الله

[شيبو]

[quote=مريم يوسف;32790]السلام عليكم ورحمة الله وبركاته
بدام دى رغبتك اخ شيبو . يبقى لازم تجاوب بصراحه على السؤال ده علشان تتعصر صح من المنتدى كله
مين العضو فى المنتدى اللى لما بتكتب موضوع بتحب تشوف تعليقه اول تعليق ؟؟؟
نونا
ومين العضو اللى بتتمنى ما يعلقش تانى على موضوعاتك ؟؟؟
ناس كتير بس بعد السؤال ده أنتي

ومين العضو اللى بتتمنى تشوف تعليق ليه على اى موضوع كتبته ويكون اول مره هايرد عليك؟؟؟
سيترس

فى امان الله

[nona]

يلا يا شيبو بسرعة أقعد على كرسى الأعتراف
قمت لييييييييييييييييييه ها لييييييييه ؟؟؟؟؟؟؟؟
يلا أتفضل جاوب ...
1- مــــن انـــــــت ...؟؟ ... طبعا أنت جاوبت فى البداية ( الأسم - العمر - .. ) يعنى سؤالى مش كده... ياااارب تكون فهمت السؤال
2- اسوأ خبر سمعته...؟؟

3- ماهو اكثر شئ تخشاه...؟؟
4- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
5- ماهي التجربه التي تتمنى تكرارها ...؟؟
6- شخص لاترفض له طلبا ..؟؟
7- باقة ورد لمن تهديها ...؟؟

وووووو ................ 8 - ...............

يلا كفاية كده هفكر وجاية تااااااااااااااااااااااااااااااااان ى و مش تقوم من على كرسى الأعتراف

[شيبو]

1- مــــن انـــــــت ...؟؟
إنسان بسيط أحب الحياه و لكن لا أخشي الموت أحب الضحك و أخاف من الحزن أحب أصحابي و أخاف من كل خائن أحب أن أكون متفوق في مجال ما و أن أنفرد بالتفوق فيه أعيش حياه بسيطه مع كل الناس و أحب التعامل مع كل أنواع البشر أخاف من أن يكرهني أحد
2- اسوأ خبر سمعته...؟؟
خبر وفاة عمي الكبير لأنه كان أفضل و أحسن شخص عرفته علي وجه الأرض
3- ماهو اكثر شئ تخشاه...؟؟
أخشي الخيانه و أخشي أيضاً الكرهه
4- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
أرسم وجه أمي و أكتب لها أحب يا أمي و شكراً علي أنك صنعتي شخص يسمي شعبان
5- ماهي التجربه التي تتمنى تكرارها ...؟؟
التجربه التي أتمني تكرارها تجربة الحب وتجربة الإخراج

6- شخص لاترفض له طلبا ..؟؟
أمي و أختي
7- باقة ورد لمن تهديها ...؟؟

أهديها لحبيبتي السابقه

[شيبو]

مش معقوله أسئلتكم سهله جداً أنا عايز أتعصر مش تحسسوا عليا كده
أسئله في الصميم

[ALais]

شوف باه يا سيدى
انا جايه يعنى اسالك كام سؤال كدا وهمشى على طول
1. ما هم مقياس الصداقه بالنسبه لك؟
2. كيف تحكم على شخص اول مره بتقابله فيها؟
3.لو انت عينت رئيس جمهوريه لمده 24 ساعه فقط هتعمل فيهم ايييييييييييييه؟
4.كيف تطبق الدين فى حياتك اليوميه؟
5.ما هى علاقه شيبو ب شيبو ؟
( علاقتك بنفسك شكلها ازاى )
5. قلت ف رد لسؤال سابق انك حبيت مره واحده قبل كدا
السؤال جى باه :
ايه الغلطه اللى انت غلطتها ف التجربه دى واتعلمت منها ؟
6. اخر سؤال باه
كلمه لكل شخص فى المنتدى كدا تعبر فيها عن رايك فيه من خلال موضوعاته اللى انت قريتها له؟

وعايزه الرد بسرعه ماشى

يلا سلام

[شيبو]

. ما هم مقياس الصداقه بالنسبه لك؟
الصداقه تأتي من الصدق يعني مقياس الصداقه بمدي الصدق بس الصديقين
2. كيف تحكم على شخص اول مره بتقابله فيها؟
مبحكمش علي أي شخص من خلال أول لقاء و لكن بتعامل معاه و بأخذ عنه إنطباع و بشوف الإنطباع ده صح و لا غلط
3.لو انت عينت رئيس جمهوريه لمده 24 ساعه فقط هتعمل فيهم ايييييييييييييه؟
هطبق الشريعه الإسلاميه
4.كيف تطبق الدين فى حياتك اليوميه؟
بطبقه كأساس في كل حاجه في شغلي في دراستي و في معاملتي مع أصحابي يعني بمعني أصح بعامل ربنا قبل ما أعامل الناس

5.ما هى علاقه شيبو ب شيبو ؟
( علاقتك بنفسك شكلها ازاى )
علاقه صراع عشان أتحول للأفضل
5. قلت ف رد لسؤال سابق انك حبيت مره واحده قبل كدا
السؤال جى باه :
ايه الغلطه اللى انت غلطتها ف التجربه دى واتعلمت منها ؟
أني كنت بعملها ل اللي هي عايزاه عشان تبقي فرحانه و ده كان غلطه كبيره
6. اخر سؤال باه
كلمه لكل شخص فى المنتدى كدا تعبر فيها عن رايك فيه من خلال موضوعاته اللى انت قريتها له؟
للكل: عايزين مواضيع أكتر من كده و عايز نشاط في المنتدي علي وجه العموم و في القسم خربشات علي و جه الخصوص

[شيبو]

طيب أنا هقوم من علي الكرسي و برشح المشرفه الجميله نونا هي اللي تقعد علي الكرسي بدالي

[شيبو]

1-نونا يعني ايه حب بالنسبه ليكي ؟
2-الحب ده من وجهة نظرك ضعف و لا قوه ؟
3-لو أنتي كنتي بتحبي حد جداً و باعك و بعد كده عرفتي أنه باعك عشان شئ غصب عنه و جالك عشان يرجعلك هتعملي ايه و قالك أنه بيحبك ؟
4- ماذا يعني لكي كلاً من: ( الصداقه - الأخوه - الأمانه - الشمس - القمر - الليل - النهار )
5- ماذا تقولي عن كلاً من : ( شيبو - مصعب النفيعي - أليس - مريم يوسف - د/ أحمد - هيما - سيترس - الأستاذ عوني)

أنتي رايحه فين ؟
لسه
امنية لم تحققها لغاية الان ونفسك تحققها؟


امنية حققت؟

امنية تتمنى ان تحقق؟

ماهى كل امنياتك؟

ما هو الانسان الذى ترتاح معة؟
هل تقبل اعتزار رجل غلط فى حقك؟
الرجل الذى يدمع ماذا يكون فى نظرك؟
هل انت من اللذين يدمع؟
ايجابيات والسلبيات النت على حياتك؟
بس خلاص نكتفى من هذا القدر اليوم
ولـــــى عــــــودة

[nona]

أيه ده أنا على كرسى الأعتراف .. ليه كده يا شيبو ... أوك أوك ...

1-نونا يعني ايه حب بالنسبه ليكي ؟
الحب أحساس جميل صادق
2-الحب ده من وجهة نظرك ضعف و لا قوه ؟
قوووووووووووووووووووة
3-لو أنتي كنتي بتحبي حد جداً و باعك و بعد كده عرفتي أنه باعك عشان شئ غصب عنه و جالك عشان يرجعلك هتعملي ايه و قالك أنه بيحبك ؟
أه أكيييييييييييييد
4- ماذا يعني لكي كلاً من: ( الصداقه - الأخوه - الأمانه - الشمس - القمر - الليل - النهار )
الصداقة : الصدق مع النفس و مع الأخرين
الأخوة : أخويا حبيبى محمد
الأمانة : من أهم الاشياء فى الحياة .. أن يكون الأنسان أمين مع ربه ومع نفسه ومع الأخرين .
الشمس : الدفء - النور الذى يضئ السماء
القمر : الليل و الرومانسية و حلو كتييييير وهو بدر سبحان الخالق ..
الليل : الهدوء - وقت النوم -الجلوس مع نفسى و مراجعتها والبكاء وأرتاح معه كتيييييير - معه كل الأسرار
النهار : يوم جديد - الأمل .
5- ماذا تقولي عن كلاً من : ( شيبو - مصعب النفيعي - أليس - مريم يوسف - د/ أحمد - هيما - سيترس - الأستاذ عوني)
شيبو : طيب و مرح وحساس . بس حاسة أنه عصبى كتييير فى بعض الردود ..
مصعب : بحس أنه أخ كبير .
أليس : عسولة كتييير و طيبة مووووت بجد .. و وحشتنى و وحشنى الكلام معاها .
مريم يوسف : مرحة و منظمة و شخصيتها حلوه كتييييييير ..
دكتور أحمد : التنوع فى المواضيع و الخبرة .
هيما : يحب الزراعة بجد .. وخاصة مجال المحاصيل ..
سيترس : شخصية مثقفة و طيبة و موضوعاتها قيمة وحيوية كتيييييير و زى ما قالت مريم (الشخص المناسب فى المكان المناسب )
الأستاذ عونى : أحساسى أن شخصيته قوية جدااا و كنت حاسه أن سنه أكبر من 23 - يعبر عن رأيه و أفكاره بأسلوب رااائع و شعور جميل - أستاذ عونى ( منتدى زراعة نت ) .

أنتي رايحه فين ؟ لسه
مش تخاف أنا لسه قاعدة على كرسى الاعتراف.. بس بصراحة أنا تعبت خااااااالص أسئلتك صعبة كتييييييير .. حراااااام عليك أنا سألتك أسئلة سهلة لما كنت على كرسى الأعتراف ...

6- أمنية لم تحققها
دخول كلية طب أسنان .. بس سنة ثالثة حطمت أمنيتى .. و بعد كدة قلت الحمد لله أنا عايزة أدخل فنون جميلة بجد كنت بحب الكليتين جدااااااااا ... بس للأسف بابا مش وافق على أقاليم .. فالحمد لله دخلت زراعة .


7- أمنية حققت؟
حتى الأن ..................... لم أحقق أى شئ . الحمد لله .

8- أمنية تتمنى ان تحقق؟
رضى الله و التقرب من الله أكثر - الأنتظام فى الصلاة اكثر - ويااااااااااا رب أحفظ القران كله - أسعاد ماما حبيبتى و بابا حبيبى -النجاح فى حيااااتى فى كل شئ ( الحب الحقيقى - التفوق فى دراستى - ............. )

9- ماهى كل امنياتك؟
زى ما قلت قبل كده
10 - ما هو الانسان الذى ترتاح معه؟
مـــــامـــــا حبيبتى .
11- هل تقبل اعتزار رجل غلط فى حقك؟
نعم أقبل أعتزار أى شخص .
12 - الرجل الذى يدمع ماذا يكون فى نظرك؟
أنسان بجد حساس موووووووووووووووت
13 - هل انت من اللذين يدمع؟
اه كتيييييييييييييييييييييييييييييييير
14- ايجابيات والسلبيات النت على حياتك؟
إيجابيات النت : المعلومات القيمة و توسيع الأفق . مساعدتى فى الكلية و عمل reports - التسلية الممتعة .
سلبيات النت : تضييع الوقت .

حرااااااااااااام عليك يا شيبو بجد 14 سؤال .. ومش 14 كماااااااان ده كل سؤال منهم فى أسئلة تاااااااااااانية ..

بليز اللى هيسأل بعد كده أسئلة سهلة
إيهأ إيهأ

[aouniat]

أختي نونا أنا جايبلك كم سؤال معي بهالمشاركة يا رب ما يكونو تقال أو صعبين، و أتمنى أن تكون أجوتك عفوية:
1- ما البلد الذي تحبين زيارته و لماذا؟
2- إذا وُضعتي في مكان لا يعبر عنك و لا عن أفكارك و فيه أناس يصعب التعامل معهم، كيف تتصرفين؟ ما الذي تفضلينه: الإندماج أم العزلة؟
3- ما أكثر ما يبكيكي؟
4- ما هي أجمل ذكرى مررتي بها؟
5- هل أنت مغامرة؟ أي نوع من المغامرات تحبين أو تكرهين؟ كيف تحققين ال enjoyment في حياتك؟
6- كيف هي علاقتك بنفسك (سؤال سرقته منك) ؟
7- لو أخذت فكرة عن شخص و صدقتها لفترة طويلة ثم إلتقيتي به و وجدتي أنه عكس ما توقعتي، كيف يكون شعورك؟
8- إذا حاول شخص ما لا تعرفيه أن يغدر بك، هل تقبلين و تتفادي المشاكل والأذى، أم أنك تواجهينه و تتحدينه؟

يكفي هذا و لي عودة إن شاء الله

[nona]

1- ما البلد الذي تحبين زيارته و لماذا؟
أنا مش سافرت خااااااااالص لأى بلد ... بس بجد أحب زيارة بلاد كتيييييييير أتعرف عليها .. وخاصة لبنان و فلسطين ..
و فى مصر ... أحب زيارة القاهرة و أتمنى أن أعيش فيها ..


2- إذا وُضعتي في مكان لا يعبر عنك و لا عن أفكارك و فيه أناس يصعب التعامل معهم، كيف تتصرفين؟
الصمت و الخروج من هذا المكان .
أنا ألجأ الى الصمت فى حيااااااتى كتييير


ما الذي تفضلينه: الإندماج أم العزلة؟
اتمنى و أحـــــــــــــــاول أن أكون مندمجة بس أنا مش أجتماعية خاااااااالص .. و أفضل العزلة


3- ما أكثر ما يبكيكي؟
اشياء كتيييييييير بس انا أبكى بسرعة من أقل حاجة .. أبكى من موقف .. أبكى من مشهد . أبكى من أشخاص .. .... أبكى من ....................... أبكى مع نفسى .. البكاء رااااااااااااحة



4- ما هي أجمل ذكرى مررتي بها؟

أجمل ذكرى ... ذكريات طفولتى ..


5- هل أنت مغامرة؟ أي نوع من المغامرات تحبين أو تكرهين؟
نووووووووووو أنا مش مغامرة خااااااااالص . انا بخاف كتيييييير ... بخاف من أى شئ ..


كيف تحققين ال enjoyment في حياتك؟
مش عااااااااارفة .. بس أنا بحب أرسم كتييييييير ... و ممكن أرسم صورة مش فيه حد يفهمها غير أنا بس ..


6- كيف هي علاقتك بنفسك (سؤال سرقته منك) ؟
علاقتى بنفسى علاقة تحدى بحاول أتحدى نفسى كتييييييير لتحقيق أمنياتى .. و أتحدى أمنيتى و حلمى كمااااااااان



7- لو أخذت فكرة عن شخص و صدقتها لفترة طويلة ثم إلتقيتي به و وجدتي أنه عكس ما توقعتي، كيف يكون شعورك؟
شعور حزييييييييييين كتييييييييييير بزعل كتيييييييير بجد


8- إذا حاول شخص ما لا تعرفيه أن يغدر بك، هل تقبلين و تتفادي المشاكل والأذى، أم أنك تواجهينه و تتحدينه؟
لا أقبل أن يغدر بيا شخص بس حاسة أن أنا مش هقدر أواجهه و أتحدااااااه ..
كلمة صعبة كتيييييير الغدر

أستاذ عونى .... أسئلة صعبة كتييييييييييييييييييييييييييير

[مريم يوسف]

السلام عليكم ورحمة الله وبركاته
ازيك يا نونا واهلا بيكى على الكرسى المحترم ده
اسئلتى لك هى:
*صفى لنا نونا (التى لانعرفها )فى جمله او اتنين على الاكثر؟
*غمضى عينك ( بس بعد ما تشوفى السؤال) وقوليلى اول حاجه او شخص خطر على بالك او ظهرلك على الشاشه السوداء؟
*ايه اكتر حاجه بتخوف نونا؟؟؟
*نونا بتعمل ايه لما بتكون متضايقه ( تبكى - تشكى لحد قريب - تصمت - تتعامل بايجابيه وتحول الموقف سبب الضيق لحاجه مفرحه)؟؟؟
*اسكندريه بتمثل ايه بالنسبه لنونا ؟؟؟
*واخيرا .... لو فرضنا انك اصبحتى مديرة ( زراعه نت) لمدة يوم واحد . يمن العضو او الفرد عموما فى المنتدى اللى هاترقيه ( نجمه زياده - اشراف - عضويه خاصه - ..........) ؟؟؟
كفايه عليكى كده وربنا معاكى