رسالة ماجستير؟

**sokar2020** · 13-09-2007, 05:26 AM

بسم الله الرحمن الرحيم
الاخوة المشاركين فى المنتدى
تحية طيبة وبعد
انا خريج كلية زراعة قسم علوم اغذية 2005
بتقدير جيد جدا وقدمت للحصول على رسالة ماجستير فى موضوع تغذية اطفال متلازمة داون " ذوى الاحتياجات الخاصة "
عايز اعرف بس الموضوع دا كويس وجميل وممكن الواحد يعمل حاجة تنفع نفسه وبلده
ولا اصرف النظر عن فكرة الماجستير دى خالص واتعلم اى حرفة تانية من الحرف خاصة وانا كاره حاجة اسمها زراعة بس دخلت صناعات غذائية لانه قسم الواحد كان من خلاله يشتغل فى مصانع ويتعرف على ماكينات وكدا
ارجو الرد على موضوع
اكمل فى الماجستير ولا اتعلم اى حرفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
مهندس سكر

مواضيع مشابهة:

**mhezz** · 13-09-2007, 05:35 AM

look law enta shayef en el mawdo3 da momken yefedak w sho3'lak w momken y7asen mn mostawak mn el na7ia el 3lmia wly bardo 7tfedak f sho3'lak yb2a aked te3melo , w mn na7iet el balad f ay takadom 3elmy geded aw ab7as gededa f hia 100% efada lelbalad..
Rabena Ywafa2ak..

Mohamed , Food Science & Technology..

**prof.rana** · 13-09-2007, 05:36 AM

السلام عليكم
فكرة جميلة انك تفكر في رساله الماجستير وموضوعها كويس بس لو تقدر تعمل حاجة وعنك فكرة ابدأ في الموضوع وان ربن
ا ماأردش ممكن تفتح مشروع خاص بالتخصص الناس دلوقتي مابتستغناش عن الاكل .
وربنا يوفقك الي الخير

**engmazen** · 15-09-2007, 05:08 PM

بالتأكيد تحضير لرسالة الماجيستير أمر مهم
مستوى علمى و كذلك أجتماعى
و لكن اختيار موضوع الرسالة هو الأهم لا يهم كم تأخذ فى عملها و لكن المهم ان تكون مفيدة
أرى انك اهتتمت بموضوع للتغذية و هو امر رائع و لكن اذا قمت بعملة ستحصر نفسك فى مجال التغذية و التغذية العلاجية
و الذى افضلة ان تختار موضوع له علاقة بالصناعة و او بتطوير المنتجات صناعيا أو من ناحية تغذاوية فهذا افضل فيجمع بين الصناعة و هذا يسهل لك الحصول على عمل فى المصانع الكبرى فى البحوث و التطوير و كذلك ان اهتممت بالبتطوير المنتج تغذاويا يصلح للهدفين و تكون ضربت عصفورين بحجر واحد

فكر و ناقش مع مشرف الرسالة فى ذلك
و شكرا

**hohoyagogo2** · 16-09-2007, 01:48 AM

علي فكرة انا سعيد جدا بالموضوع بجد

انا أري انك تواصل في الماجستير ولو كان في مشاكل من الكلية عادي انت مش أول واحد

وممكن كمان يكون في فرصة اكبر لما تحصل علي الماجستير وخصوصا انك بتقدير جيد جدا كماذكرت

بس بالنسبة لموضوع الماجستير انت ممكن تسال حد قبلك علشان يكون عنده خبره اكبر

وأستخير الله وهو أعلم بكل شئ

**رشدى** · 21-09-2007, 03:05 PM

ياباشا مهندس
العملية أسهل وأحسن من جده خريج قسم الصناعات يعمل بمجالات كثيرة
بالمصانع و هيئات حكومية كثيرة والعمل فى مجال التغذائية شىء جميل مطلوب
فى سوق العمل هذة الايام ...... ... المهم عمل رسالة حقيقة

**Dairy Man** · 22-09-2007, 01:06 AM

اخى العزيز:
اكمال الدراسه بالدرسات العليا شئ مهم ولكن الاهم هو موضوع الرساله يجب ان تفيد ومن هنا تستطيع ان تأخذ قرارك ولكن اقول لك بحكم خبرتى العمليه انه من الافضل ان تختار موضوعك فى تكنولوجيا التصنيع هذا أفضل .

**amonaa** · 22-09-2007, 11:27 AM

اخى الكريم بالنسبة لعمل الماجستير اؤكد لك انك سوف ترتقى به لاعلى الدرجات لانك فى الصناعات خاصة سوف تتعمل الكثير من خلاله نظرى او عملى مما يؤهلك بشكل لائق لمكانة جيدة وبالنسبة لموضوعك المختار فالان يوجد تغذية الفئات الخاصة (الاعاقة الذهنية والحركية - مرضى الكلى والسكرى والكبد - المسنين - الحوامل - واخرى )فى الكورسات المدروسة فى الكليات كاساس لعلم مرغوب ومتواجد مستقبلا فى الساحة للصناعات الغذائية ................واتمنى اخى ان التحقت بالعمل باى مصنع اغذية او معمل مراقبة جودة لتكون لك الخبرة الكافية فيما بعد للالتحاق بسوق العمل لانه يمكنك الدراسة والعمل كذلك (والان يوجد طلب بنسبة كبيرة على مهندسين الاغذية بشركات مختلفة ).............فنرجوا لك التوفيق من الله ولا تيأس من رحمته

**egyption_soccer** · 24-09-2007, 05:51 PM

طبعا موضوع الدرسات العليا دا جميل بس خد بالك انو مش سهل وعاوز مجهود كبير وكمان انا شايف انك تختار موضوع فى تكنولوجيا الصناعه افضل واحسن و اهم حاجه المشرفين اللى معاك هيوقف عليهم حاجات كتير لان انا وقفت عن استكمال الدراسه بسبب المشرفين وعلى فكره انا خريج 2005 كمان وبتقدير جيد جدا ومن قسم الصناعات

**amonaa** · 24-09-2007, 08:38 PM

فعلا موضوع المشرفين ده صح بس اعتقد ان الالتزام مفيش افضل منه وطبعا موضوع الرساله له موجود بس فى حالات خاصة وحتطبق مستقبليا لكن شغل التكنولوجى شىء تانى فى الصناعة

**نورا جمل** · 29-10-2011, 12:22 AM

المشاركة الأصلية كتبت بواسطة sokar2020

بسم الله الرحمن الرحيم
الاخوة المشاركين فى المنتدى
تحية طيبة وبعد
انا خريج كلية زراعة قسم علوم اغذية 2005
بتقدير جيد جدا وقدمت للحصول على رسالة ماجستير فى موضوع تغذية اطفال متلازمة داون " ذوى الاحتياجات الخاصة "
عايز اعرف بس الموضوع دا كويس وجميل وممكن الواحد يعمل حاجة تنفع نفسه وبلده
ولا اصرف النظر عن فكرة الماجستير دى خالص واتعلم اى حرفة تانية من الحرف خاصة وانا كاره حاجة اسمها زراعة بس دخلت صناعات غذائية لانه قسم الواحد كان من خلاله يشتغل فى مصانع ويتعرف على ماكينات وكدا
ارجو الرد على موضوع
اكمل فى الماجستير ولا اتعلم اى حرفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
مهندس سكر

**م- عمرو نجيب** · 29-10-2011, 01:21 AM

يا سيدي أنت خريخ تصنيع مش تغذية والكلام دة تضيع وقت ع الفاضى ومش هينفعك عاوز تعمل ماجستير الأفضل أنك تحاول تركز على أدارة المخلفات الصناعية أو البيئة أو منظومات الجودة زي الهاسب والايزو والتى أصبح ليها مجال ومستقبل ممتاز جدا في مصر وجميع الدول العربية وأنا عارف الجماعة الاكادمين دول ملهومش في البطيخ وبيضيعوا مستقبل ناس كتير بسبب مواضيع أحيانا بتكون مكملة لأبحاثهم وبيستغلوا الطلبة المساكين للأسف وأنا لي تجربة مؤسفة في ذالك بس الحمد لله خلعت بدري

الموضوع: رسالة ماجستير؟

أدوات الموضوع

رسالة ماجستير؟

روابط المنتدى