بسم الله الرحمن الرحيم

انا جايب لكل مهندسى معامل التفريغ وبالتحديد تفريغ البط

بالنسبه للكعرباء وليس الغاااز هابقى انزل معلومات لتفريغ البط بالنسبه للغاز

مثلا ماكينه games way

نبدأ برص البيض


يجب عند رص البيض اتباع الاتى ان نضع البيضه زو الحجم المناسب

مع تجنب

البيضه المكسوره طبعا او بها اى كسر او ثقب مهما كان

البيضه الرفيعه والصغيره والمكوره

والبيضه الدوبل او ذات حجم كبير

يتم رص البيض فى البلاستيك ووضعه فى الترول

ملحوظه

لو هايتم تخزين البيض ليوم او يومين ووضعه فى البلاستيك وليس فى الترول مراعاه ان لا يتم رص اكثر من 6 بلاستيكات فوق بعض نظرا للعمر الافتراضى للبلاستيك و تجنب كسره البيض لقدر الله


بعد الانتهاء وتكمله الدفعه يتم تطهير الدفعه باليوم واى مطهر

يتم ادخال الدفعه فى الماكينه حسب ترتيب الماكينات


يتم عمل اخصاب فى اليوم 17

يتم خروج الدفعه خارج الماكينه ويقوم المهندس بتعريض بلاستيك البيض
تحت ضوء اللمبه وتجنب البيض التالف والبيض الغير مخصب


مع مراعاه قبل اخراج الترول الاول اطفاء التكييفات والمراوح

ملحوظه

يجب السرعه فى عمليه الاخصاب ولا تستغرق اكثر من 60 دقيقه ده حد اقصى طبعا

بعد الانتهاء من الاخصاب يتم رجوع الدفعه الى الماكينه

فى اليوم 18 يقوم المهندس برش الدفعه مره واحده

وفى اليوم 19 مرتين فى اليوم

ومن 20 حتى تسطيح الدفعه صباح 25 يتم المهندس برش الدفعه 3 مرات الى 4 وانا بفضل 3 مرات فى اليوم

عمليه رش البيض هى تسهيل عمليه الفقص للجنين يقوم المهندس برش البيض بالمياه عن طريق الرشاشه ويوجه المياه بطريقه سريعه جدا على البيض


فى اليوم 25 يتم تسطيح الدفعه وهى ازاله خراطيم الهواااء او التقليب ويتم توجيه البيض على الشكل المستقيم ليس على الجانب الايمن ولا الايسر ذلك لتهيىء الجنين على ذلك


هذه العمليه تستغرق من 6 الى 8 ساعات

يتم بعد ذلك نقل الدفعه الى الهاتش

الهاتش عباره عن ماكينه اخرى ينقل فيها الدفعه من اليوم 25 الى يوم الفقص 28


نقل الدفعه للهاتش بيكون الهاتش متجهز على درجه رطوبه 88.5 ودرجه الحراره ثابته مثل الماكينه 98
عمليه التدريج

بعد ساعتين يتم تذويد الرطوبه نصف درجه فى اول يوم حتى وصولها 90 الى 91

فى اليوم الثانى صباحا يتم تذويدها 92 وكل 4 ساعات درجه حتى وصولها 94 درجه

ومن ثم وضع الفورمااالين الفورمالين يوضع تحت الدفعه

وطبعا الفايده مننه لعدم التهاب الصره للبط وتلوين البط الابيض والاسمر

ومتابعه الهاتش عندما تذداد الرطوبه 94.3 فأكثر يتم تذويد الدفعه الى 95 درجه ودى اخر مرحله التدريج

وافضل طريقه للتدريج فى طريقه اخرى ولاكن دى افضلهم بالتأكيد



طبعا بالنسبه للماكينه

بتكون درجه الرطوبه 87

درجه الحراره 98



طبعا اكيييد اى راجل مهندس يقول الله ده اناا كده هاروح امسك معمل تفريغ بيض الصبح اقوله لا طبعا كل المعلومات دى لازم انته الا تعملها بأيدك مره واتنين وعشره وكل شخص حسب استيعاابه

هذا المجال بالتحديد يحتاج التركيز الشديد لان الشرح ده بالنسبه لدفعه هادخلها


لاكن انت هاتبقى فى معمل وفى ماكينات وفى ترتيب دفع

الدفعه ليها تسجيل فى السجلات معينه وليها ميعاد بتتكتب فيه معين وطبعا انته مش بتدخل دفعه وبتستناها شهر بيبقى فيه يوم ويوم دفعه ياعنى بتعمل اخصاب النهارده وبتنقل وعندك عد دفعه وعندكط دخول دفعه ههههههههههه ياعنى عايزه استيعااب بحد كبير منك

لما تستوعب كل ده يبقى كده اتعلمت 50 فى الميه فقط هاتقولى ليه ياهندسه الكلام ده

هاقولك لو انته اشتريت سياره وانا علمتك السواقه وانته اتعلمت طيب لو عطلت منك هاتعمل ايييييه

انا اديتلك المعلومااات بس اعطال الماكينات طبعا مش هاقولك ايه اى حد هايشتغل فى المجاااال ده ويروح اى معمل هايعرف ايه الاعطال وازااى يتعمال معاهاا

اى استفسار بخصوص التفريغ انا موجود وموبايلى مفتوح لو مش فى المنتدى دايما

مهندس محمد رضا

مهندس تفريغ دواجن
مراقب جوده الاغذيه

0175985359

ارجوا اكون افاادت حضراتكواااا


مواضيع مشابهة: