دراسه جدوى ( 1000 بطه مسكوفى ) طازه

[كوتكوت]

دراسه جدوى ( 1000 بطه مسكوفى )
1000 بطه *متوسط سعر 15 جنيه للبطه الواحده (عمر 21 يوم ) = 15,000 جنيه
معدل 9 كيلو علف للبطه الواحده سعر الكيلو 3,50 = 31.5 جنيه للبطه الواحده طول الدوره
استهلاك علف لاجمالى 1000 بطه 9طن علف *3300 جنيه تمن الطن = 29700,000
مصروفات ( علاج ونشاره للفرشه وغاز )= 1000 جنيه
مصروفات ( عماله ) = 1500 جنيه
اجمالى المصاريف =(تمن البط ) 15000,000 + (تمن العلف ) 29700,000 + ( مصروفات ) 2500,00 جنيه
ايرادات = متوسط وزن * متوسط سعر
نسبه نافق 2% نافق ( وفيات ) = 20 بطه للالف بطه
عدد980 بطه فى متوسط وزن 3.5 = 3430 كيلو
3طن و 430 كيلو*متوسط سعر 17 جنيه للكيلو = 58300 جنيه
اجمالى المصاريف =47200 - 58300 =10100 جنيه
صافى الربح 1000,000 جنيه للالف بطه
مع الوضع فى الاعتبار ان دا متوسط سعر يعنى احيانا بيبقى السعر افضل من كده وبيوصل 21 جنيه للكيلو
ودا لان البط شغله موسمى يعنى ليه اوقات فى السنه بيبقى سعره افضل
للعلم انا شغال فى هذا المجال وعندى مزارع تحضين للبط المسكوفى والفرخ الساسو ولى اعلان بالمنتدى ومصدرى
المجموعه الفرنسيه وتعتبر من افضل شركات البط المسكوفى فى مصر
وتحت امركم فى اى استفسار
تمنياتى بالتوفيق وربنا يرزق الجميع
هذه الدراسه بتاريخ 1 /9 /2011 وهذه الاسعار واقعيه حسب طبيعه السوق فى هذا التوقيت

مواضيع مشابهة:

• دراسه جدوى دجاج التسمين
• مطلوب دراسه جدوى
• دراسه جدوى لصناعه الزبادي
• دراسه جدوى عن تربية الارانب
• برنامج دراسه جدوى اون لاين مجانى

[waled_2010]

ازاى اخى الكلام دا ارجو اعادة النظر فى الموضوع
يعنى مشروع يتكلف 50 الف ويكسب الف ؟؟

[كوتكوت]

معاك حق اخى العزيز
صافى الربح = 10000,00 عشره الاف جنيه
وكمان ناتج الطرح غلط المفروض 11100,00
بعتزر عن هذا الخطا
وشكرا لتواصلك

[اسعدالفقى]

بسم الله الرحمن الرحيم
الاخوة والاخوات
اشكركم على هذا الحوار الراقى
اما بعد فانى ارى الاتى
1- 100 بطة سعرالشراء عند عمر يوم 11 جنية
2- سعر الشراء عند عمر اسبوع 16 جنية
3- سعر الشراء عند عند عمر اسبوعين 20 جنية
4- سعر الشراء عند عمر 21 يوم 25جنية
** بافتراض اننا سنقوم بتحضين وشراء البط عند عمر يوم كما هو مبين بالدراسة
فيكون سعر البط للعدد المطلوب 100 بطة ×11 جنية =1100 جنية
**معدل استهلاك العلائق بافتراض انها كما تقول مع العلم ان البطة تستهلك ما لا يقل عن 12 كجم فى فترة التربية من عمر يوم وحتى 75الى 90 يوم لتعطى متوسط وزن 3.5 كجم لكن دعنا نتكلم ان استهلاك العلائق كما تفضلتم سيادتكم
فيكون معدل استهلاك او ثمن الاعئق الخاصة بالتربية =100بطة ×9كجم =900 كجم اى ما يقارب 9. طن عليقة
سعر طن العليقة 3500 جنية بافتراض ان العليقة 21% بروتين
=9 .طن ×3500جنية=3150 جنية
*8 لابد من زكر ايجار للمكان حتى لو مملوك لصاحب المشروع حتى يكون النظر للمشروع نظرة اقتصادية فنقول ان المساحة المطلوبة لتربية 100 بطة من عمر يوم وحتى التسويق لا تقل عن 150متر
=القيمة الايجارية للمساحة فى الشهر 150 جنيةعلى اقل تقدير فيكون قيمة ايجار المساحة فى فترة التربية 450 جنية
* استهلاك كهرباء وغاز وفرشة سنعتبرها كما زكرت 1000 جنية
* اجور عمال
يكفى عامل واحد للعدد المذكور بافتراض ان اجر العامل الشهرى 700 جنية فقك بواقع 23 جنية عن اليوم واعتقد هذا اقل تقدير للاجور اللهم الا اذا كان هناك اعلى من هذا الراتب يصل الى الضعف
فيكون الرواتب للفترة التى قد تصل الى من 75 الى 90 يوم سيكون 700 جنية ×2.5 شهرفقط =1750 جنية
*أدوية بيطرية ولقاحات وخلافة =500 جنية فقط واعتقد ان هذا رقم بسيط جدا
** ارجو ان يتم الحساب على هذا الاساس
**يتم حساب نسبة النافق ايضا ومن بعدها يتم حساب الارباح بشرط مهم جدا وهو ضرورة وجود مصدر تسويق مضمون قبل الشروع فى الدخول فى المشروع
لانه كما نعلم ان تسويق البط بطيء بعض الشيء
اتمنى ان نكون قد اوصلنا المعلومة بشيء من الوضوح للجميع واشكركم جميعا"

[كوتكوت]

استاذى الفاضل / اسعد الفقى
شكرك على مرورك الكريم ،وسعيد جدا على تعليقك وملاحظاتك
فقد شرفت بذلك انا متابع جيد لمواضيعك ودراستك ،
عفوا ان كنت قد نسيت بعض المصاريف البسيطه مثل ايجار المكان

لكن اسمح لى ان اتحفظ على بعض الملاحظات البسيطه

اولا : انا دراستى للمشروع مبنيه فى الاساس على البطه العمر 21 يوم
لانى انا عندى مزارع تحضين للبط المسكوفى وبطلعه فى العمر دا فقط
يبقى اذن مفيش خلاف على كميه العلف كما ذكرت لانى المربى سوف يقوم بتربيه البط من بعد عمر 21 يوم
ودا طبعا اسهل للمربى اللى معندوش خلفيه عن الموضوع
وحضرتك اكيد عارف ان الفتره الاولى فى التحضين صعبه شويه على مربى حديث

* وفى نفس الوقت حضرتك رغم تحفظك على كميه العلف
ولكن اخطات فى استهلاك العدد اللى حضرتك زكرته 100 بطه × 9 = 9000 ك
معدل 9 طن علف ل 100 بطه اكيد حضرتك متقصدش كده طبعا
ان ال 100 بطه يستهلكوا 9 طن علف لان توضيحاتك مبنيه فى الاساس على 100 بطه

* ولكن تحفظى هنا على تمن طن العلف كما تفضلت حضرتك وذكرت ان الطن تمنه 3500
فانا اظن ان هذا التمن كتير شويه عن الواقع . لان الطن سعره 3300 اقصى حاجه
وللعلم انا بجيب علف الوادى وحضرتك اكيد عارف جوده العلف دا يعنى ليس بالرخيص
اذن هنا فى 1800 جنيه فرق فى تمن مجموع 9 طن علف

* ودا عشان النظره الاقتصاديه تبقى دقيقه لذكر حضرتك ابسط التفاصيل كايجار المكان

* اما من ناحيه سعر البطه على جميع الاعمار لى تحفظ بسيط على تمن سعر البطه عمر 21 يوم انها 25 جنيه
لان دا تمن غالى على مستوى اوقات السنه حتى لو افضل اوقات السوق لان اعلى سعر انا بعت بيه كان 22 جنيه للبطه
ودا قبل موسم رمضان افضل اوقات السوق من ناحيه الطلب
اما حاليا لا يتعدى 17 جنيه للبطه وللعلم انا بجيب بطايه المجموعه الفرنسيه
يعنى مش بط محلى ومع ذلك دى الاسعار الحاليه
ارجوا ان تتقبل تعليقى ويعلم الله انى سعيدا بمرورك وشرفت بتعلقيك
ولكن ارجوا تعديل بعض الامور حتى تكون المعلومه اكثرا وضوحا
وللجميع التوفيق

[reda21]

السلام عليكم ورحمة الله
اشكرك اخي على المجهود الطيب فى عمل هذه الدراسه وارجو ان نتواصل وتعطيني رقم تليفونك لاني اريد العمل فى هذا المجال

[redahanafy]

أنا شايف أن كلام المهندس أسعد منطقي جدا وعملي لأن لو حضرتك بتطلع البط عمر 21يوم الجوز ب34 جنيه في الوقت الحالي الي سعر البطه عمر يوم 10.5جنيه يبقى لازم تكتب تليفون حضرتك علشان اشتغل معاك مع مراعاة فرق الكميات مع مراعاة ايضا أن وزن البطه عمر يوم من 800جرام لكيلو في الحاله دي يبقى السعر ده ممتاز

[reda21]

ياجماعه حد يتكرم ويساعدني فى مشروعي انا عندي المكان الجاهز لاقامة مزرعه سواء للدواجن او للبط ومعي راس المال لكن ينقصني الخبرة ودراسة الجدوى والنصيحة فى مجال ابدأ مشروعي

[reda21]

ياجماعه حد يتكرم ويساعدني فى مشروعي انا عندي المكان الجاهز لاقامة مزرعه سواء للدواجن او للبط ومعي راس المال لكن ينقصني الخبرة ودراسة الجدوى والنصيحة فى مجال ابدأ مشروعي

إقرأ المزيد: دراسه جدوى ( 1000 بطه مسكوفى ) طازه http://f.zira3a.net/showthread.php?t...#ixzz1aa05Raoo

[كوتكوت]

شكرا للتواصل اخوانى الكرام
ردا ... على الاخ / reda 21
من حيث انك جاهز بمكانك وراس مالك ، فتوكل على الله وربنا يوفقك ويرزقك .
وبخصوص الخبره وخلافه بتيجى بالممارسه والشغل مع اتباع النصائح والمشوره .
وانا تحت امرك باى استفسار او معلومه ، حتى لو مفيش تعامل بينا .
والله الموفق .

وردا ...... على الاخ / redahanafy
شكرا لتعليقك على المناقشه دى . ولو انى انتظرت من الاستاذ اسعد الفقى التواصل
ورده على فيما قولت . وطبعا كلام الاستاذ اسعد على راسى وانا اشاد بمواضيعه
وسعدت بمروره على الموضوع . ولكن حضرتك ما اخدتش بالك ان الدراسه دى اتعملت فى تاريخ 1/9/2011 يعنى عدى عليه 40 يوم وطبعا اكيد الاسعار اختلفت شويه بس مش كتير يعنى النهارده انا ببيع ب 35 جنيه الجوز . لكن بعد 10 ايام هيزيد السعر شويه ويبقى 37 جنيه يعنى زاد 1.5 للبطايه فى ال 40 يوم . لان اللى بينزل رخيص عندى ببيع على سعره واللى بينزل غالى ببيعه على سعره . اللى ب 10.5 البطايه دا لسه مطلعش من العنابر بيتحضن لسه فمنقدرش نقول النهارده غالى وبقه ب 37 او 38 انا ببيع لحد النهارده 14/10 ب 35 جنيه يعنى زاد عندى .50 قرش للبطه فى ال 40 يوم دول . دى حاجه وبعدين انا اختلفت معاه من ناحيه السعر لانه ذكر سعر مبالغ فيه وبيعمل عليه الدراسه . انا راجل شغال ومبعتش فى اى وقت فى السنه الجوز بالتمن دا الا هو 50 جنيه . فالمفروض احط متوسط سعر مش احط سعر محدش بيبع بيه خالص .
فاذا كنت حضرتك شايف ان الكلام منطقى كان من المفروض رد على الاستاذ اسعد وقال غير اللى انا قولته . لكن انا بقول الواقع واللى عايز يشوف ويتاكد يجى يحجز بضاعه معانا ويشوف اسعارنا واى كميه الحمد لله نقدر نجيبها ونوفرها . وانا شغال بطايه شركات مش محلى يعنى اعلى سعر وافضل جوده مش بنجيب بضاعه رخيصه .
ام من ناحيه مراعاه ان البطه 21 يوم 800 جرام فانا مذكرتش الوزن دا فى اعلانى ولكن بيبقى وزنه 600جرام ودا وزن كويس ومثالى
حضرتك علقت على الموضوع بعد 40 يوم من مشاركته فحين انتظرت رد الاستاذ اسعد
ولم يتواصل معى وطلبت منه تعديل بعض المعلومات عشان تكون اكثرا وضوحا وفايده للناس
كما ذكر .ولكن هو اكتفى بعدم الرد
وعموما الموضوع ليس مجالا للخلاف ولكن فى النهايه اكن الاحترام والتقدير للجميع
وتمنياتى بالتوفيق 0103024333

[dr.hulk]

موضوع جميل جدا استاذ اسعد كما عودتنا ولكن لي ملاحظه انا افضل بالنسبه للبط المحضن الشركات المعروفه التي لها باع وخبره في التحضين ولذلك اقترح علي من يربي من زملائي ان يشتري من شركه لا ان يشتر من الافراد .......واقترحعليكم شركة الوفاء وشركة الصفوه للبط والكتاكيت ودي ارقامهم :
0238916375
01220046155

-----||-- الدمج الآلي للمشاركات المتعاقبة - المشاركة التالية أضيفت الساعة 12:11 PM -----||----- المشاركة السابقة أضيفت الساعة 12:02 PM --||-----

وذلك لان الشركه تعطي التحصينات الكامله للبط ولها نظام متكامل في الاشراف والمتابعه وممكن تشتكيها وتاخد منها تعويض كمان عن اي مشكله تقابلك ...
ان من سنه ونصف خدت منهم بط ومات 130 بطه بعد اسبوع اتصلت بهم بعتوا دكتور من عندهم للمزرعه وخد عينه وحللها واتضح انه سموم فطريه من العلف اللي كلته البطه عندهم وعوضوني 100 بطه فلو الشركه غاليه شويه مش مشكله خالص وده راي وكل واحد حر يشتغل مع مين بس انا لفيت كتير ومرتحتش الا مع الصفوه وربنا يسترها وميقلوش مع الواحد ويمشوا مظبوط زي ما هما ماشيين .................................

[كوتكوت]

الاخ الفاضل / dr.hulk
انا مش عارف حضرتك واخد بالك من كاتب الموضوع ولا . لا المفروض الموضوع فى الاساس
مش موضوع الاستاذ اسعد كما عودك ، وبالنسبه لاقتراحك انا افضل انك تقترحه فى اعلاناتك
لشركه الوفاء والصفوه بالاخص . لان شركه الوفاء اكبر من انك تعملها اعلان ودعايه
الاستاذ اسعد عامل تعليق مش موضوع وانا رديت عليه واكتفى هو بعدم الرد والتواصل .
اللى حضرتك داخل تشكره وتقترح وتسىء للموضوع وصاحب الاعلان فى قولك اننا افراد وبتنصح بعدم التعامل معنا وان شغل الشركات افضل للتعويض والاشراف وخلافه فيما ذكرت . وبما انك شغلك محدود
وبتتعامل مع الشركات فى 130 بطايه فتهيالىء انصحك انك تشوفلك تاجر بقفص فهو كفيل انه يكفيك شغل ، ومن ناحيه التعويض اللى بيعوض الكل ربنا ، والافراد اللى بتتكلم عنهم دول افضل ميت مره من امثالك اللى بيدعوا انهم بينصحوا الناس وهما فى الاصل بيعملوا دعايه لشركه الصفوه وتابعين ليها ،
بعكس ما انت بتحاول تظهر للناس انك مش مستفاد وانك بتقدم المشوره والنصيحه فقط ، ولكن يا ترى دا كله عشان ال130 بطايه اللى انت ربيتهم وماتوا وجابولك غيرهم بقا التعامل معهم افضل من الافراد وعموما يا سيدى احنا مش افراد احنا فرد واحد ،
يا ترى مواضيعك ودراستك وتعليقاتك اللى كلها مرفقه بارقام تليفونات شركه الصفوه دا عشان انت جربت شغلهم وعجبك ولا فى الاصل دعايه ليهم بس بطريقه رخيصه شويه انك تشوه الغير لتبقى انتم الافضل عموما انا ارى انك امتداد ليس اكتر للدكتور محمود عبدالعال فالدعايه لشركه الصفوه
وانصحك تتدخل وتشوف التعليق والرد عليه فى شغلكم كشركه واسلوب دعايه
دراسة جدوي لمشروع البط المسكوفي لشركه الصفوه

وردى عليك كما كان الرد على الدكتور محمود عبد العال .....إنما الأمم الاخلاق مابقيت

[dr.hulk]

كتكوت زعلان اوي ليه من الشركات : وبعدين انا احب الاستاذ اسعد واعجب بارائه وتعليقاته والحمدلله انا بكتب ارقام الصفوه علشان افيد الناس وشركة الوفاء والصفوه اكبر بكثير منك وفي بداية مشوارك لا تناطح العظماء في المهنه لان مهنتنا مهنة خبره ليست عافيه واثقه زائده في النفس واحب اقول لك شيء بسيط الارزاق ليس بالشطاره او بتشويه الاخرين وربنا يوسع عليك ويكرمك ويرزقك الرزق الحلال وعلي فكره لا تستهين باحد الحمد لله الواحد شغال علي قده وده لا يعيبني فاول الغيث قطره ولكنك فهمت غلط انا بقول مات 130 بطه مش انا مدخل 130 بطه وربنا يجعلنا كلنا ياعم تجار بقفص طلاما هناكل حلال وربنا يوسع عليك ويزيدك .....استاذ كتكوت

[dr_khaled]

يا كتكوت كلنا نحترم دوكتور اسعد مش عارف انت زعلان ليه

-----||-- الدمج الآلي للمشاركات المتعاقبة - المشاركة التالية أضيفت الساعة 08:29 PM -----||----- المشاركة السابقة أضيفت الساعة 08:20 PM --||-----

مش عارف يا استاذ كتكوت انت عايز تبيع للناس بالعافيه عامل اعلان علي منتدي تاني غيرمنتدانا انك بتبيع بط علشان كده بتهاجم اي حد يكتب عنوان او رقم شركه بتبيع البط ليه انا مش فاهم وتتريق علي الدوكتور علشان شغال علي قده وبيجيب عدد قليل دي مش جدعنه برضه والله انا احترمة الراجل ده علشان رد عليك رد محترم وانت بتقول له لف بقفص .......مشكور دوكتور هاك علي التعليق وعندك حق بخصوص شركت الصفوه انا كنت اشرف علي عنبرين بط في الخطاطبه كانوا مشتريين البط من الشركه اللي اسمه الصفوه وفعلا البطه كانت جميله ومتعبتهمش خالص وربنا يهدي ..........نصيحه استاذ كتكوت البيع مش بالعافيه مش هتفرض نفسك علي الناس مين يسيب شركه الناس كلها عرفاه ويشتري حاجه بالفات من مكان تحت السلم

[اسعدالفقى]

استاذى الفاضل / اسعد الفقى
شكرك على مرورك الكريم ،وسعيد جدا على تعليقك وملاحظاتك
فقد شرفت بذلك انا متابع جيد لمواضيعك ودراستك ،
عفوا ان كنت قد نسيت بعض المصاريف البسيطه مثل ايجار المكان

لكن اسمح لى ان اتحفظ على بعض الملاحظات البسيطه

اولا : انا دراستى للمشروع مبنيه فى الاساس على البطه العمر 21 يوم
لانى انا عندى مزارع تحضين للبط المسكوفى وبطلعه فى العمر دا فقط
يبقى اذن مفيش خلاف على كميه العلف كما ذكرت لانى المربى سوف يقوم بتربيه البط من بعد عمر 21 يوم
ودا طبعا اسهل للمربى اللى معندوش خلفيه عن الموضوع
وحضرتك اكيد عارف ان الفتره الاولى فى التحضين صعبه شويه على مربى حديث

* وفى نفس الوقت حضرتك رغم تحفظك على كميه العلف
ولكن اخطات فى استهلاك العدد اللى حضرتك زكرته 100 بطه × 9 = 9000 ك
معدل 9 طن علف ل 100 بطه اكيد حضرتك متقصدش كده طبعا
ان ال 100 بطه يستهلكوا 9 طن علف لان توضيحاتك مبنيه فى الاساس على 100 بطه

* ولكن تحفظى هنا على تمن طن العلف كما تفضلت حضرتك وذكرت ان الطن تمنه 3500
فانا اظن ان هذا التمن كتير شويه عن الواقع . لان الطن سعره 3300 اقصى حاجه
وللعلم انا بجيب علف الوادى وحضرتك اكيد عارف جوده العلف دا يعنى ليس بالرخيص
اذن هنا فى 1800 جنيه فرق فى تمن مجموع 9 طن علف

* ودا عشان النظره الاقتصاديه تبقى دقيقه لذكر حضرتك ابسط التفاصيل كايجار المكان

* اما من ناحيه سعر البطه على جميع الاعمار لى تحفظ بسيط على تمن سعر البطه عمر 21 يوم انها 25 جنيه
لان دا تمن غالى على مستوى اوقات السنه حتى لو افضل اوقات السوق لان اعلى سعر انا بعت بيه كان 22 جنيه للبطه
ودا قبل موسم رمضان افضل اوقات السوق من ناحيه الطلب
اما حاليا لا يتعدى 17 جنيه للبطه وللعلم انا بجيب بطايه المجموعه الفرنسيه
يعنى مش بط محلى ومع ذلك دى الاسعار الحاليه
ارجوا ان تتقبل تعليقى ويعلم الله انى سعيدا بمرورك وشرفت بتعلقيك
ولكن ارجوا تعديل بعض الامور حتى تكون المعلومه اكثرا وضوحا
وللجميع التوفيق

اخى الفاضل كوتكوت
السلام عليكم ورحمة الله وبركاته
اعتذر عن التاخر فى الرد لاسباب خاجة عن اراداتى وخاصة بدخولى الموقع ليس اكثر
ولكن يعلم الله انى لم اتحفظ او اتعمد التاخر او اكتفى بعدم الرد لاننا هنا نحاول ان ننير الطريق امام الاخوة الفضلاء وهذا علم ينبغى لنا ان نقدمة ونبينه للناس ولا نكتمة والله الهادى