مروحه دلوقتى و لا قاعده شويه ؟؟؟

[الملاك]

كنت مره خارجه من المحاضره و وقفتنى واحده من اصحابى و فوجئت بيها بتقولى انتى مروحه دلوقتى و لا قاعده شويه ؟؟؟ قولتلها خير فى حاجه قالتلى كنت عايزه اخد رايك فى حاجه قولتلها خلاص تعالى نقعد و نتكلم زى ما انتى عايزه و فعلا قعدنا و بدات تحكى و انا اسمع لكن للاسف معرفتش اديها اى رد حقيقى مشكلتها محيره و انا عايزه كل اللى يقرا الحكايه يا ريت يفيدنا برايه عشان ابقى اقولها على حل و الحكايه هيه ان البنت دى كانت مرتبطه بزميل معانا لكن محصلش نصيب و بعد ما سابو بعض فى يوم جه واحد تانى معانا و كلمها و قالها انه بيحبها و كان عارف ان هيه مرتبطه و كان مستنيها لما تفضا عشان يرتبط هوه بيها و الولد ده قالها انه مش عايزها تكلم اى واحد غيره مهما كان راحت البنت دى حكت لواحده صاحبتها على اللى حصل لكن صاحبتها الاولى قالتلها ده انا عرفاه و كلمنى قبل كده ده ولد سمعته وحشه فى الكليه و لئيم خدى بالك منه كويس راحت قالتلها حاضر و بعد كده حكت لواحده صاحبتها تانيه راحت قالتلها انا مش عارفه و متصدقيش كلام حد شوفى انتى بتحبيه و لا لا وخدى بالك من صاحبتك الاولى قالتلها ليه ؟ قالتلها عشان هيه مش بتنصحك دى بتوقع لانها كانت قايلالى انها كانت بتحبه و هوه مكنش حاسس بيها فخدى بالك المهم البنت بطلت تكلم الولد و هوه مكنش بيكلمها كمان فمره شافته فوقفته و قالتله انا عملتلك حاجه انت مش بتكلمنى ليه ؟ قالها اصل انا حاسس اننا بنعمل حاجه غلط عشان بنكلم بعض معلش انا بفكر بطريقه متدينه شويه و بعدين انا بتكسف اندهك من وسط اصحابك و بعدين بطلوا يكلمو بعض تانى فهيه بتقولى انا مش عارفه اعمل ايه ؟ هل اكبر دماغى و اسيبه و ابعد و مدام هوه مبداش يبقى خلاص و لا اروح و اكلمه و ابدا انا؟ انا مش عارفه!!!انا برضه بتكسف و اخاف لو بدات تتجرح كرمتى و خايفه برضه يكون بيحبنى بجد و بيكسف هوه كمان و اضيعه من ايدى مش عارفه انتى ايه رايك ؟ سكت شويه و قولتلها بصراحه انامش عارفه اعمل ايه ؟ انا عمرى ما مر عليه الموقف ده قبل كده سيبينى شويه افكر و بعدين هتصل بيكى و اقولك رايى و اتفقنا على كده ياريت بقى اعرف رايكو ايه و ساعدونى الاقى حل كويس و اقوله لها مع العلم انها بقلها حوالى 3 شهور لابيكلمو بعض و لابيشوفو بعض كمان هيه كانت بتحس ان صاحبتها الاولى بتقرب منها زياده عن اللزوم منها ايام ما كان الولد بيكلمها و كانت على طول تسالها ها حصل ايه احكيلى ؟ و هيه تحكيلها و كان الولد بيقولها متكلميش البنت دى دى بارده و بعدين البنت صاحبتها الاولى راحت و صالحت الولد و فى النهايه اقولكم معلش صدعتكم من اول مشاركه بس هوه ده هدف المنتدى ده اننا نساعد بعض فى كل حاجه و شكرا

مواضيع مشابهة:

• حد يعرف اسعار البتموس و البرليت في مصر بكام دلوقتي
• زوجه تكشف لزوجها سراً دفنته 60عاماً
• شويه نكت بس ايه جامده .....

[mloshm]

نصيحتي .. متكلمش حد خالص .. بلاحب بلا بتنجان كل دة كلام ملوش لزمه خالص .. اعتقد هي بدايه لسكه الضياع لذلك تبعد عن دة كله وتلتفت لمذاكرتها ودروسها.. ولو هو عايزها فعلا كان يتقدم لابوها ...بلاش تعيش الاوهام اللي ملهاش لزمه .. مفيش حاجه اسمها حب والكلام الفاضي دة .. كله كدب .. ياريت انها تقطع كل شيء من دلوقتي .. حتي ما يااثرش عليها فيما بعد ..وشكرا لكي ربنا يهدي الجميع

[aouniat]

نص مقتبص:

نصيحتي .. متكلمش حد خالص .. بلاحب بلا بتنجان كل دة كلام ملوش لزمه خالص .. اعتقد هي بدايه لسكه الضياع لذلك تبعد عن دة كله وتلتفت لمذاكرتها ودروسها.. ولو هو عايزها فعلا كان يتقدم لابوها ...بلاش تعيش الاوهام اللي ملهاش لزمه .. مفيش حاجه اسمها حب والكلام الفاضي دة .. كله كدب .. ياريت انها تقطع كل شيء من دلوقتي .. حتي ما يااثرش عليها فيما بعد ..وشكرا لكي ربنا يهدي الجميع

رأي حكيم منك أخي mloshm. اللي بدو يتقدم لفتاة بفوت من الباب مش من الشباك (وليس البر أن تأتوا البيوت من ظهورها ولكن البر من اتقى و اتوا البيوت من أبوابها واتقوا الله لعلكم تفلحون)

[شيبو]

أنا رأيي ان الحب ده شئ كويس علي عكس رأي mloshm مع أحترامي لرأيه طبعاً
و لكن أنا مع الأستاذ عوني ان اللي عايز حد أو عايز بنت بيتقدم من الباب مش من الشباك
فنصيحتي : أن البنت متبدأش بحاجه الولد لو عايز البنت هو اللي يروح لكن هي متبدأش
و احنا تحت أمرك في أي شئ لأننا كلنا أخوات

[الملاك]

شكرا اخواتى على المرور و الردود و اوعدكم انى هانصحها بكده و هقولها كل ردودكم و فعلا احنا اخوات

[خالد خليل]

السلام عليكم ورحمة الله وبركاته
بسم الله الرحمن الرحيم, والصلاة والسلام على رسول الله وبعد:
إخواني أخواتي زوار المنتدى, أحب أن أقدم لكم بعضا من التجارب التي مرت أمام ملقى أنظارنا في أيام دراستنا الجامعية, بالنسبة للحب واللقاءات في الجامعة فهي كلها فاشلة, ولا ينجح منها إلا 1% ولفترة محدودة, أما الباقي فمصيره الفشل كما ذكرت, ولا تحاول أن تقنع نفسك أخي, ولا تحاولي أن تقنعي نفسك أختي بأنكم ستكونون من هذه الـ1%, فالحذر الحذر يا إخواني.

أما من يفكر من الشبان بشكل عملي بالارتباط فتاة راقبها وأعجبته عن بعد, فيحاول أن يتوصل لن يستفسر عنها وعن أخلاقها, وحتى عن بيئتها, فإن وجد فيها خيرا, يستخير ربه, ثم يأخذ موافقة أهله أولا عن رضاهم وقدرتهم أو قدرته ,وفي حين الموافقة, يستشف من نفسه القدرة على القيام بما يتوجب عليه, ثم لقاء واحد لا غير ولا أكثر ولا أقل إذا كان له ضرورة مع الفتاة التي يراها تناسبه, فقط ليسألها إن كان هناك من إمكانية لإرسال أهله, أو التقدم مباشرة لأهلها, فإن كان هناك إمكانية لا يكرر اللقاء حتى يحصل موافقة أهلها, ثم تجري الأمور ضمن الشرع.

أما أن نحاول إقناع أنفسنا أن الشاب ملتزم, والفتاة ملتزمة, ولكن يريدون أن يتعرفوا على بعضهما بشكل جيد ببضع لقاءات فهذا هراء.

إخواني هذا الشكل الوحيد الذي رأيته قد ينجح من تعارف طلاب الجامعة وطالباتها.
وما سواه فهو فاشل وقد يرتبط بأكاذيب وأضاليل لا يحمد عقباها.

أضف إلى ذلك أن معظم الحالات في مجتمعنا (وأقولها مع الأسف) لا يستطيع الشاب بشكل عام أن يتقدم لمثل هذه الخطوة عملية بسبب أعباء تكوين المستقبل أو خدمة العلم (الجيش, العسكرية) بعد التخرج من الجامعة, وبهذا يضع الشاب حجة أن لا يستطيع الأن الارتباط عمليا حتى ينتهي من مرحلة التكوين بعد التخرج, وبهذا الشكل يضيع على الفتاة وحتى لو كانت ملتزمة مدة لا يستهان بها من الزمن قد تسنزف فيها أعصابها وصبرها, وبل قد تضيع فرصا عليها أثمن من الانتظار المر غير المضمون, كما قد تضيع (بما لا أستطيع أن أخفيه) شيئا ثمينا من السمعة.

لذلك ودرءا للمشاكل والمحرمات والوقوع في ما يغضب العزيز الجبار, إما التقدم المباشرة والإرتباط بالخطبة والزواج, أو يكتم الشاب هواه, وتكتم الشابة هواها, فلا يحدث أحد نفسه ولا أصدقاءه حتى يسهل عليه نسيان ما قد يعتبره حبا بغض النظر عن مصداقيته, وشكرا لكم

والحمد لله رب العالمين

[الملاك]

اشكرك يا اخ خالد على النصيحه الغاليه دى و اوعدك انى ساحاول جاهده ان شاء الله لاقنعها بذلك و لى و لك و لكل من حاول المشاركه برايه و النصيحه الثواب عند الله ان شاء الله

[الملاك]

1- ما هو الشيء الذي كلما طال قصر ؟

2- ترك 17 جمل وأوصى بأن يأخذ الابن الأول نصفها والثاني ثلثها و الثالث تسعها فجاء قاضي المدينة راكبا جمله ليفصل في هذه الواقعة فماذا فعل؟

3- ما هو الطائر الملقب بالطائر الجمل ؟

4- ما هو اللقب الشعبي الذي يطلق على الولايات المتحدة ويرمز إليه بالرمز U S ؟

5- ما هو الشيء الذي يوصلك من بيتك إلى عملك دون أن يتحرك؟

6- ما هو الشيء الذي يقرصك دون أن تراه؟

كفايه دول دلوقتى و لما تحلوهم صح هكتب غيرهم

[nona]

1-0 الشئ 0الذى0 كلما0 طال 0قصر0 هو0 0 0العمر
وحفكر 0فى0 الباقى 0يا 0ملاك 0ان0 شاء0 الله

[الملاك]

و انا مستنياكى نونا

[nona]

بالنسبة للغز الثانى : القاضى حيدخل جمله مع 17جمل حيبقى المجموع 18 ...... حيقسمهم على 2 الأول حياخد 9 ... وبعد كده حيقسمهم على 3 الثانى حياخد 6 ....
وبعدكده يقسمهم على 9 الثالث حياخد 2 ....حيبقى المجموع(9+6+2=17جمل)0 حياخد بأه القاضى الجمل بتاعه ويمشى اللى هو باقى 18 بس كده

بالنسبة للغز الثالث :الطائر الملقب بالطائر الحمل هو النعام ... والله أعلم


بالنسبة للغز الرابع : اللقب الشعبى الذى يطلق على الولايات المتحده ويرمز له بالرمز us هو0 ...العم سام

بالنسبة للغز الخامس : الشئ الذى يوصلك من بيتك الى عملك دون أن يتحرك هو0 ... الطريق

بالنسبة للغز السادس : الشئ الذى يقرصك دون أن تراه ...هو ...... الجوع


بس بجدألغاز حلوة موووووت أنت خلتينى أفكر وأناباكل كمان ......0لغز الجمل ده..حليته وأنا باكل يارب يكون صح0 عااااااااااااااايزه0 تاااااااااااااانى

[الملاك]

برافووووووووو نونا ما شاء الله عليكى و اوعدك حجبلك تانى طالما عجبك

[amonaa]

جميله الالغاز فعلا ملاك وارى ان الاخت نونا قامت بالواجب ..................شكرا للمتعه التى تقدميها اختى لنا فى التفكير والتفاهم

[الملاك]

شكرا على ذوقك يا اختى Amonaa و اعدك بالمزيد ان شاء الله

[شيبو]

موضوع جميل يا الملاك و نرجو التجديد دائماً و الأبتكار