السلام عليكم
يا جماعه احنا عايزين نستفيد من الظروف و المناخ الجديد عشان نطالب بحقوقنا اللى المفروض انها كانت من حقنا من زمان و هى ان الدوله توفر لنا اراضى زراعيه بسعر مناسب وبقسط مناسب , ايضا امال الدوله بتساعد على توسع الزراعه ازاى و الا هى العمليه كانت للحراميه و خلاص عشان كده عايزين نجمع نفسنا و نرتب لوقفه احتجاجيه امام وزاره الزراعه للمطالبه بتخصيص اراضى للمهندسين الزراعيين بدل الحراميه اللى كانو سارقين الاف الفدادين باسعار رمزيه اظن من حقنا يكون لنا حصه بسيطه منها .على فكره انا كنت رحت عشان اقدم على ارض زراعيه بعد التخرج سنه 95 قالو لى لما تقرا اعلان فى الجريده عن توزيع اراضى تعالى قدم و لغاية الان لم اقرا اعلان عن توزيع اراض
الحاجه التانيه اللى عاوز انبه لها هى ان المفروض مجال تجاره الاسمده و المبيدات يكون للمهندس الزراعى فقط مثل الصيدليات و ادارتها كذلك يجب ان تكون بمهندس زراعى مش اى واحد يشتغل فى محل اسمده لمده شهرين يروح يفتح محل وعلى فكره من خلال خبرتى فى المجال ده لمده عشر سنوات الناس الدخيله على هذه المهنه هما اللى بيبيعو الخامات المغشوشه و بيساعدو الناس اللى معندهمش ضمير فى انتاج هذه المواد لانه بيلاقى اللى ياخدها منه و يبيعها له لان الناس دى واخده الموضوع تجاره فقط بغض النظر عن نوع المنتج او جودته . يعنى الموضوع ده عايز ضوابط جديده لابد منها
وشكرا
الحمد لله من قبل و من بعد
صاحب شركه بيت الخبره للخدمات الزراعيه
انشاء مزارع و الاشراف عليها حتى الانتاج
نحو نقابه زراعيه افضل
اقتباس
