فنون البحث العلمي

[mloshm]

بسم الله والصلاة والسلام علي اشرف المرسلين سيدنا ونبينا محمد
انا كان نفسي من فترة كبير اوي اني اتكلم معكم عن فنون البحث العلمي وذلك من خبرة مش كبيرة اوي ولكن كانت غنيه جدا بمعلومات عن حاجات كتير اتمني تستفيدا منها
لاني انا عارف الا غلب والمعظم مفتقر مساله البحث العلمي كيف تكون هل هي عبارة عن موضوع بتاخدة ومثلا تضعه في تكست الجوجل وشويه نتائج وخلاص
بردة هنتكلم في المواضيع دي علي حلقات واحاول ان انا وانتا نوصل لبعض لمعلومه جميله وسهله ونوصل لطرق وابتكارات في البحث العلمي علي النترنت بدون ايه مشاكل بالاضافه لكيفيه الدخول وكل دة
هنبدا مع بعض الحلقه الاولي وهي بتتكلم عن كيفيه التحميل من الرابيد شير rapidshare
دي مشكله كتير من الناس وهي بتنحصر في حاجتين ملهومش تالت عدم دخولك ليه بسبب عدم وجود accountمسبق وهو غالي صراحه كان بيقولوا 79يوروا فلوس كتير اوي ولكن انا هتكلم عن نفسي وعن الناس اللي معندهاش account تعمل ايه؟
انتا اول مابتضغط علي لينك رابيدشير ايه اللي بيحصل ؟
بيحصل ان الصفحه بتظهرلك في نهايتها كلمتين
premium او freee
بتقوم داخل علي freee
البعض بيدخل علي freee وبعدين يبدا العد ثم يقولك تحميل download
ولكن لما تيجي تنزل ملف تاني في وقتها انظر كدة وحاول تقرا الكلام تلاقي ياحاجه من اللي اتنين
يقولك هتنتظر تارة ساعه
او تجد IPبتاعك محطوط علي الصفحه في الرساله


احنا دلوقتي عشان يتم التحميل بكل سهوله لازم 3 حاجات مهمين جدا
مبدئيا
في حاجه اسمها REGISTERY EDITOR
وهقولك يعني ايه وركز لان دي لازم دي للمحترفين فقط
ليه مشغرور ولا حاجه ومتفهمنيش غلط
انتا ممكن تغلط غلطه تضيع الجهاز انا بتكلم جد ركز اوي
اوي كمان
هنبدا بالامر الاول وسهل وامشي زي مابقولك بالحرف الواحد
انتا طبعا عارف START
ادخل START
ثم ادخل RUN
اكتب في التكست ل RUN
REGEDIT
هتلاقيه فتحلك اللي انا كلمتك عليها من شويهREGISTRY EDITOR
هتلاقي تحتها مجموعه من المفاتيح
هتدخل HKEY_LOCAL_MACHINE
وتمشي باترتيب زي ماهقولك
SYSTEM
ثم
CurrentControlSet
ثم
Control
ثم
Session Manager
ثم
Memory Management
ثم
PrefetchParameters
هتنظر في الصفحه اللي جمبها بالظبط تدور علي
EnablePrefetcher
هتقوم ضغط عليها بالماوس ضغطتين
هيظهر مربع صغير اوي
او انك تقف عليها كليك يمين MODIFY
وتقوم عامل VALUE DATA 0
ليه WHY THATE
نختار ارقام
اما 0 أو 1 أو 2 أو 3
الرقم 0 لتفريغ محتويات المجلد بشكل تلقائي
الرقم 1 لعمل prefetch للتطبيقات والبرامج
الرقم 2 لعمل prefetch خاص بالاقلاع
الرقم 3 لعمل prefetch لكل شيئ
لذلك نقوم باختيار الرقم 0
وبذلك يتم حذف محتوياته بشكل اوتوماتيكي
بلاش لغه البرمجه ونتكلم عادي دة جزء من النظام SYSTEMيتم تخزين فيه حاجات كتير اوي تطبيقاتك علي الجهاز وكل حاجه بتعملها وبيتقل الجهاز
الاستفادة حاجتين انك تخفف الجهاز ودة ليه دور في زيادة سرعه التحميل
بالا ضافه ازاي اي ملفات تطبيقات ليك
يارب تكونوا استوعبتوا
بالنسبه للمبرمجين منكم الامر كامل اهووة هو يعرف يتعامل علطول بدو ن مشاكل
HKEY_LOCAL_MACHINE\SYSTEM\CurrentCo ntrolSet\Contro l\Session Manager\Memory Management\PrefetchParameters
كما في الشكل ثم نقوم بالنقر المزدوج فوق المفتاح EnablePrefetcher
فتظهر لنا الشاشة التالية
هذة تكون الحلقه الاولي يارب تكون وصلتوا لاي شيء بكل سهوله وانا اتعاملت فيها مع كل الفئات مبرمج خلافه باحث بشرح مبسط جدا بدون تعقيد

مواضيع مشابهة:

• رابط لكتاب اساسيات البحث العلمى
• أدوات البحث العلمي في الإدارة المز رعية
• البحث العلمى فى مصر ...
• اقتراح - البحث العلمي فى خدمة التنمية الزراعية
• البحث العلمي ..كتاب اكثر من رائع (عربي)

[mloshm]

الحلقه التانيه

شيلنا ملفات PREFETCH وانتهينا خلاص من الفيلم دة
الخطوة التانيه

برنامج خفيف جدا يشيل اي اثار لمين وركز معايا
اليوسير نيم والباص واي تطبيقات ليك ودة صدقني افضل ليك من اي شيء حتي يصعب عمليه الاختراق
سهل وبسيط وبالعربي وبالانجليزي وحاجه اوريجينال اسمه ccleaner
ادخل الموقع وقوم بالضغط علي

Download
Latest Version
http://www.ccleaner.com/
زمانكوا بتقولوا ايه كل دة بردة انتا ماتكلمتيش علي التحميل من rapidshare
اقولك ياعمي ما انا لسه جايلك اهووة
الخطوة التالته
نفترض ان امامك لينك مرفوع عليه كتاب
قبل الضغط علي اللينك
ايديك علي ALT جمب المسطرة ضاغط جامد متسيبش ايديك حالص من علي ALT حبيب قلبي وتظل ايديك ثم الضغط علي لينك اللي مرفوع فيه الكتاب وبردة ايديك موضوعه علي ALT
لما تظهر ليك الصفحه زي ماقولتلك في
تحت خالص كلمه FREEوكلمه PREMIUM
وانتا بتضغط علي FREEايديك بردة علي ALT لغااااااااااايه مايقولك اكتب الرقم الذي امامك تكتبه وتعمل تحميل والله يحب المحسنين
وانشاء الله تجيب اي شيء في RAPIDSHARE وتحدي
مهما ان كان باتباع 3 خطوات ودي تجربه شخصيه وانا مدرك مااقوله الله يعلم انا منزل الاف الكتب من الرابيد شير بالطريقه دي
وعلي فكرة مافي اي منتدي اوضح كما اوضحت هذة الطرق الثلاثه فهي باسلوبي الخاص في البرمجه وبالتجربه الشخصيه وهنا المنتدي ليس منتدي برامج ولكن ذلك يخدم ولو البعض في فنون ابحث العلمي
انا مااحتاج منك شيء غير دعوة تقولي فيها الله يكرمك ياخي
ومعذرة عن عدم ذكر اسباب فعل ذلك فهي حاجات كتير جدا ومشعايز اوجع دماغك اكتر من كدة
شكر ا لك اخي

[mloshm]

الحلقه الثالثه وهي تمهيد لموضوع

السؤال ماهو الفرق بين البحث العلمي في مصر وفي الدول الاجنبيه؟
الفرق في البحث العلمي بينا وبنهم زي لما اقولك تمشي من مصر لغايه امريكا مشي علي الاقدام
اضحك عشان خاطري وهقولك ليه
من المعروف ان طالب البحث هنا بيااخد البحث اللي بيعطيه ليه الدكتور او SUPERVISION المشرف علي الرساله ومهما تكون هذة الرساله لها اهميه او غير
ولكن هل هناك يحدث نفس الكلام؟ لا مفيش الكلام دة خالص ولا زي ما انتا متوقع اني انا لما اسافر اوربا اعمل البحث اللي علي مزاجي مفيش الكلام دة خالص
ولكن المشرف علي رساله البحث لطالب سواء مصري يهودي امريكي انشله مين في اي دوله من دول العالم فرنسا انجلترا امريكا وماشابه يتم وفق متطلبات الدوله
ودة طبعا بيتدخل فيه معايير سياسيه واقتصاديه في نفس الوقت ازاي دة؟ اقولك طالب البحث في اوربا توفر ليه مالا يختر علي قلب بشر يعني ايه ؟ يعني انتا حبيبي بتعد توجع دماغك وتدخل مكاتب وتدور في الكتب وهناك بعد المواقع مقفوله ومابتفتح والكلام دة كله ؟ ارجع واقولك الفرق هو مايتعب كل التعب دة خالص لانه لازم وحتميا يكون متصل بالابحاث في العالم كله علي نفس الموضوع لانه سيدي بيكمل البحث اللي توقف عند نقطه معينه ويكملها يجيب شيء جديد ودة سبب ان طالب البحث في الدول الاوربيه توفر له الجامعه او المركز البحثي كل دة بالاضافه الي وجود الاجهزة الحديثه وعلي اعلي مستويات ولو اني الطالب طلب اي جهاز مش موجود يحضر في الحال كل دة سيدي مقابل انه يعمل شيء جديد ويبتكر ويخترع طبعا دة بيكلف الدوله اقتصاديا وماديا فلوس كتير اوي فوق ماتتخيل ولكن مكسب الدوله واعادة كل هذة الاموال ثانيا من خلال ان الطالب عمل بحث وليكن زيادة انتا جيه محصول معين وفر حاجات كتيرة جدا وتستفيد منه الدوله بعكس مصر للاسف الشديد اغلب الابحاث والله شفتها بعيني عبارة عن مجلدات انا اعتقد انها هامه جدا وفعاله الا ان طبعا لا يستند بها ولا تعرض وتطبق بالشكل المرموق لها
الموضوع التاني
دول الاتحاد الاوربي وانا اقصد اخي الباحث انجلترا فرنسا المانيا ووالخ كل دوله مختصه بشيء يسمي مدرسه
يعني ايه انتا لما بتدرس نظريه او تقسيم لاي حاجه في المرجع
يقولك دة مصدر المدرسه الانجليزيه ومحلها انجلترا وانا اشد اشد المعجبين بانجلترا كشعب وكدراسه وكفكر انجليزي جادي لا اشاهدة في كثير من العالم خاصه امريكا
نتكلم شويه عن الزراعه هنا والزراعه هناك احبك تعرف المعلومات دي
الزراعه سيدي هناك لاانتا تتخيلها ولا عمرك هتتخيلها الا اذا احتكيت بدة
اولها انتا تعرف ان دخل الفاكهه بيعادل دخل البترول في كاليفيرونيا بالاضافه ان عندك دوله زي شيلي في امريكا الاتنيه متخصصه في العنب واكبر انتاج منه ودة طبعا مهم عشان صناعه الفودكا والخمر والنبيز والحاجات دي
هناك سيدي المساحات واسعه جدا بتعامل بالهكتار احنا هنا بنتعامل بالفدان الهكتار بيعادل 10000او عشر الاف متر مربع
الالات اللي بتستخدم هناك الالات جبارة كبيرة الحجم والاوصاف واختلاف مهامها بالاضافه ان كل الاجهزة هناك والمعدات كومبتاريز يعني مزودة باجهزة متصله بالكمبيوتر
بالاضافه انه هناك اضافه الكميه مثلا من ماء الري للارض عن طريق اجهزة متحكم بها بالكمبيوتر بحيث تحدد الكميه التي تود اضافتها ومعدة الري تلقائي بتقوم باخد ORDERوتعمله وقد تكون متصله بالقمر الصناعي SATALITE وكل دة حتي يمنع فقد في كميه المياة بعكس مصر ياللحزن
الماء يترك حتي يسبب ملوحه للتربه بالاضافه الي المنازل
ودة مشكله كبيرة جداااا
من ضمن الحاجات الجميله اللي شفتها وعرفتها عن طريق الانترنت وانتا كل دة ممكن تعرف كمان LIVE ان مثلا كل جامعه لها باحثين خاصين بها ولمنطقه معينه وتجد ان لكل جامعه جبهه علماء AGROLOGIST خاص بالجامعه واذا بالحقيقي عايز تعد اعداد العلماء الزراعيين في شتي المجالات كتير جدا ولا يعد للاسف وانا مكنتش متخيل دة
ولكن هنا العالم الزراعي ليس كالعالم المخترع كما تظن ولكن انه بيعطي فكرة جديدة للحصول لانتاجيه عاليه وتطوير نظام معين والدراسه هناك ياجماعه مش زينا هنا خالص دة كمان كل محصول فاكهه او خضر لو ايه قمح تجد قسم ومبني مختص بالقمح مبني مختص بالعنب كل مبني مختص بمحصول معين ومايشمله من التجارب الوراثيه والمسؤلين عن نوعيه التربه التي يتحملها هذا المحصول لدرجه بيسموا اللي بيعرف في خصوبه التربه وكدة زي ماتقولوا الطبيب المعالج وانا معلشي بتكلم عن اراضي لاني اغلب المواقع اللي زورتها علي الانترنت علي الاراضي وكدة وعند دراستي للابحاث المقدمه من اي جامعه من الجامعات موضوعات وابحاث في غايه الاهميه والشيء الجميل ان كل سنه بيعملوا مجلد كبير اوي اوي يقولك فيه الزراعه للمحاصيل ودي طبعا بتختلف باختلاف الظروف ويقولك كان الانتاجيه لمحصول معين في العام السابق كان كذا والعام الحالي قد ايه ويعملوا مقارنه بمنحنيات ويتدخل فيها الاقتصاديون والمتخصصون في البرمجه الزراعيه عن طريق الكمبيوتر وتقدم وتنشر للعالم لا يحتفظوا بها تنشر
والكل يشاهدها وتجد نفسك الجامعات في صراع علي من يكون الاكثر ابحاثا واكثر انتاجيه والذي يترتب علي قائمه جامعات عالميه ودة بالنسبه للزراعه ولكن هناك علوم اخري ولكن انا ضيفت الذي اعلمة عن الزراعه فقط؟
وفي حاجه انا عايز اقولك عليها الجامعات هناك في الدول المتقدمه محل استثمار كبير جدااااااااا فوق ماتخيل مش زي عندنا حكوميه وعدم اهتمام ؟ لا طبعا استثمار من الدرجه الاولي وبفلوس مليارات الدولارات ودة طبعا بيشكل مكسب اقتصادي كبير جدا انه احد البحاث او الطلبه المقيمين واللي بيدفعوا طبعا مبلغ للتعلم في الجامعه انه يكتشف شيء جدا ويطبقه المستثمر ويكون الناتج مكاسب كبيرة جدا
يعني طبعا مشعارف بردة تعرفوا الجامعه دي ولا ايه
بيقولك في جامعه هارفارد ودي في امريكا تكلفه الطالب الواحد فيها يعادل ميزانيه دوله بجد
دة يعني لما انتا شوفت متش الاهلي عشان تكريمه لانه بقاله 100 سنه العيبه اللي جات تلاعبهم واحد زي لوناردنهو بيقولك بتمن الفريق اضرب في 100
حاجه يعني بجد تحرق الدم
طبعا كل دة عشان تعرفه لازم تكون انتا في غايه الراحه من كل شيء يعني اقصد غير مرتبط ببحث اوكدة فطبعا انا طالب في الكليه وكنت بدل مااعد اعمل CHATE اشوف الحاجات دي وكانت متعه بعكس طالب البحث اللي ياعيني مخنوق بسبب عندة بحث ووالخ ولكن والله ياجماعه حقيقي بجد اللي عايز يعرف يعني ايه زراعه ويحس بجاذبيه
يعني يبقي يخش كدة اي جامعه وانا افتكر دخلت نبراسكا و الاكوادور واوهايو وكندا ومونتانا والميسسبي وكتير اوي
وجامعات مختلفه في المدارس والتفكير والدراسه وكل شيء يعني اقصد مفيش ملل مش كله زي يعضه لا افكار جديدة ابحاث جديدة كل ماتتخيله
طيب انتا ممكن تستفيد من دة ايه حاجات كتير انتا مش واخد بالك منها
اولا اي جامعه من دولن لها دكاترة وكدة وكل واحد بيبيقي ليه ايميل واسمه وكل شيء وبينتظر لاي سؤال من اي مكان لايشترط بالاضافه الي انه بيكون متخصص في شيء معين فليه انتا ماتستغل دة وانك ترسل رساله علي الايميل الخاص بسؤالك في اي شيء وعمرة ماهيقولك لا
هما في قمه الاحترام وبيقدروا كل شيء ويمكن انتا كمان تفيدة وتستفيد منه ودي لغه العصر وابقي اعمل الفكرة دي صدقني ناجحه جدا ودي من فنون البحث العلمي

[mloshm]

من ضمن المعلومات اللي احبك تعرفها في فنون البحث العلمي
انتا ازاي بتبحث علي goole؟
المهم اقولك وخلاص
عايز افهمك حاجه مهمه الجوجل افضل من الياهو لاسباب كتير وانا بصراحه مش هذكر الاسبب واحد والباقي معذرة مقدرش اقوله
طبعا شبكه الياهو في معلومات سريه باختصار لبعض العملاء بعتها لشركات ودة طبعا يعني قلل من شانهاواللي ضرب الجوجل والياهو بردة معلومه يمكن تعرفها وضرب شركات كتيرة جدا youtubeماعلينا في اسباب اخري كتير بس انا مقدرش اقول عشان ماروحش ورا الشمس
اولا لازم تحدد هدفك يعني ايه اقصد؟
انتا البحث دة فين بالظبط واديك امثله يعني عايزة مثلا في انجلترا او كندا او استراليا
http://www.google.com/
http://www.google.co.uk/
http://www.google.com.au/
احنا بنقول علي سبيل المثال فبصحح علامه علي pages from وليكن uk
يبقي انتا حددت ابحاثك في انجلترا ولكن بشكل كلي يبقي طبعا the web
الحاجه التانيه الجوجل دة بيتعامل مع كثير اوي من انواع الملفات زي word,pdf,ppt,html ,dos
نااخد مثال انا عندي بحث عن تثبيت النتروجين
طبعا ياجماعه اهم شيء في البحث keywords

في حاجات مهمه جدا مهمه بالنسبه للبحث عن مواقع
اولا العلامه +
الفائدة منها هي البحث عن جميع المواقع التي تحوي جميع الكلمات
مثال لكي تبحث عن المواقع التي تحوي الكلمتين TEACHER,SCHOOLضع البحث في هذة الصورة
SCHOOL+TEATCHER
ثانيا العلامه -
الفائدة منها هي البحث عن جميع المواقع التي تحوي كلمه ولاتحوي كلمه اخري
مثال
لكي تبحث عن المواقع التي تحوي الكلمه SCHOOL
ولا تحوي الكلمه TEATCHERضع البحث بهذة الصورة
SCHOOL-TEATCHER
ثالثا علامات التنصيص" "
الفائدة منها هي البحث عن جميع المواقع التي تحوي مابداخلها بالكامل وبنفس الترتيب
مثال
لكي تبحث عن المواقع التي تحوي الجمله PLEASE LEARN ME
وبالكامل وبنفس الترتيب ضع البحث بهذة الصورة
"please learn me"
رابعا OR
الفائدة منها هي البحث عن جميع المواقع التي تحوي احدي الكلمات او جميعها
مثال
نفترض انت تبحث علي المواقع التي تحوي كلمه SCHOOLاو TEATCHER
او كليهما معا ضع البحث في هذة الصورة
TEACHER OR SCHOOL OR TEATCHER+SCHOOL
خامسا INTITLE
الفائدة منها هي البحث عن جميع المواقع التي تحوي كلمه في العنوان المخصص للمواقع علي GOOGLEمثال
لكي تبحث عن المواقع التي تحوي الكلمه SCHOOL في العنوان الظاهر علي GOOGLEضع البحث بهذة الصورة
INTITLE:SCHOOL
سادسا ALLINTITLE
هي نفس الفائدة رقم 5 ولكن الفرق انه هنا بامكانك ان تبحث عن اكثر من كلمه
مثال
لكي تبحث عن المواقع التي تحوي الكلمات SCHOOLو TEATCHERوBOOKوذلك في العنوان الظاهر علي GOOGLEوضع البحث في هذة الصورة
ALLINTITLE:SCHOOL TEATCHER BOOK
سابعا INURL
الفائدة هي البحث عن جميع المواقع التي تحوي كلمه في عنوان الموقع علي الانترنت
مثال INURL:SCHOOL
ثامنا ALLINURAL
نفس الفائدة رقم 7 ولكن الفرق انه هنا بامكانك ان تبحث عن اكثر من كلمه
البحث يكون في صورة
ALLINURAL:SCHOOL TEATCHER BOOK
تاسعا CACHE
الفائدة منه هي الاستفادة من موقع GOOGLE لسحب الموقع المراد بالكامل مع الاشارة الي الكلمات المراد البحث عنها
مثال
نريد ان نبحث كلمه BOY في الموقع WWW.SCHOOL.COM
ضع البحث في هذة الصورة
CACHE:WWW.SCHOOL.COM BOY
عاشرا LINK
الفائدة منه ايجاد المواقع التي تحوي رابطا للموقع المراد البحث عنه
مثال
تريد ان نبحث عن المواقع التي تحوي الرابط WWW.YAHOO.COM
ضع البحث بهذة الصورة
LINK:WWW.YAHOO.COM
الحادي عشر RELATED
الفائدة منه هي ايجاد الروابط التي تكون فيها الموقع المذكور الصفحه الرئيسه
مثال
تريد ان تبحث عن الروابط الموجودة في الموقع WWW.YAHOO.COM ضع البحث بهذة الصورة
RELATED:WWW.YAHOO.COM
الثاني عشر
INFO
يعطيك معلومات عن الموقع الذي تريدة
مثال عايز معلومات عن موقع WWW.YAHOO.COM
ضع البحث في هذة الصورة INFO:WWW.YAHOO.COM
الثالث عشر
لكي تحصل علي معلومات مفصله مثلا عليك وضع رمز شركه ازاي
مثلا انا عايز YAHOO,INTEL
مش انك تضع اسم الشركه ولكن رمز الشركه خلي بالك دي مهمه اوي
وهيكون في صورة
STOCK:INTEL YAHOO

اما لو ان كان انا عايز ملفات في الصيغ اللي انا قلتلك عليهم
DOC,PDF,PPT
بطريقتي اناعن نفسي
بكتب مثلا الموضوع وليكن تثبيت نتروجين
اكتبها كدة
Nitrogen Fixation
ولا حظ الحرف الاول من الكلمه الاولي capitalوالحرف الاول من الكلمه التانيه capital خلي بالك من المعلومه دي وبعدين احدد جمبه نوع الملف اللي انا عايزة
Nitrogen Fixation.pdf
ممكن تكون دوت يعني اقصد بعد الموضوع مباشرة نقطه
او , cooma فصله او + او- كماتشاء بس الافضل ,فصله والصورة تبقي كدة
Nitrogen Fixation,pdf
ودة كان ملخص عن معرفه المواقع والملفات
اما النسبه للصورة والفيديو والكتب سهله خالص
تكتب نفس الكلام ولكن قبل ما تضغط علي search
تكون محدد image,vedioوهكذا هيجيبلك اللي انتا عايزة
زمانك بتقول كل دة يااانكل احمد البحث في الجوجل دة؟ ارجع واقولك دة فيه اكتر من كدة ولكن دولن اللي اعرفهم
ومساله الكلام دة يكون سهل بالنسبه ليك ازاي
بالممارسه هتلاقي نفسك تلقائي بتعمل كل شيء ....

[mloshm]

سؤال جميل

هو ليه كل ملفات العالم والكتب والبرامج وكل مايختر علي بالك مرفوع علي rapidshare وايه الفرق بينه وبين مواقع الرفع uploadالتانيه؟
طبعا انتا عارف الدخول تجيب ملف لازم Accountوكدة وغالي اوي علي فكرة انا بقول يعني بالنسبه اللي زي حلاتي يمكن يكون رخيص بالنسبه للخليجيين جدا والاجانب بصفه عامه طبعا دة مكسب كبير ليه بالاضافه ان الرابيد شير متصل بشركات كبيرة جدا وعمل تعاقد وصفقات فظيعه فوق ماتتخيل يمكن الكتب والملفات المهمه موجودة بيه بالاضافه انه كمان بيعرف يحمي ملفاته بطريقه تصعب علي اي مخترق الدخول اليه والتغيير في العرض والملفات وكدة ومش عايز اتكلم في دة كتير .....................
احنا نتكلم علي اللي يهمنا وخلاص
الحاجه التانيه انه حتي لما تيجي تعمل Accountبيبقي لمدة معينه ودي رخامته ماهواش Demoفطبعا بقولك ماهواش هيفضل معاك علطول بيتغير باستمرار
ولكن طبعا القراصنه او الهاكرز المتخصصين احيانااهو بنسمع ان في برامج بتخترقه والكلام دة.. باختصار شديد للاسف ميعملش حاجه خالص
دة سيرفير صعب جدا مش سهل زي ماانتا متخيل الاختراق او التغيير فيه فاالنقاط التي اشارت فيها للتحميل مجرد محاوله بعد تفكير عميق وهي ناتجه عن تجربه .. كنت اشد الاحتياج لتحميل ملفات وكتب مهمه جدا من الموقع وافضل ذلك بدلا من دخولي المكتبات ووجع الدماغ والخزعبلات دي اللي هي لاهتوصل ولا هتفيد في رايي لان الموقع فيه كل حاجه بصراحه
انا حبيت بس اقولك بعض المعلومات عنه
النقطه التانيه الفرق بينه وبين المواقع التانيه
انه يقدر يحافظ علي الملفات لمدة اطول وبياخد مساحه اكبر والرفع بيكون سريع وليه مميزات كتير جدا ودولي كمان والعائد بالنسبه للسيرفير دة اكيد حتميا يتفوق اي سيرفير صغير زي 4shared ,2sharedومواقع upload المعروفه

[mloshm]

انا حقيقي تعبت اوي عشان اعمل ليك كل دة ولو اني ذكرت قليل جدا ولكن انشاء الله اي شيء جديدة هقولكم عليه
كله مااحتاجه منك الاستفادة ودعوة عن ظهر قلب الله يوفقه ينجحه كدة وشكرا اوي

[ahmedkamel2]

موضوعك جميل ومزيدا من التقدم

[mloshm]

كنت اتمني ان الموضوع دة وخاصه انه من الموضوعات القويه اللي ذاكرتها وتعبت عشان اعمله ليكم يكون ذو اهميه بالنسبه لكم اشكركم جداااا

[loody]

فعلا اخي موضوع البحث العلمي موضوع مهم وحساس جداً خاصة في وطننا العربي .. اذا تنقصنا الكثير من ادوات البحث العلمي السليم وليس ذلك وحسب بل نفتقر الى دراسة العلوم المختلفة بمنهج علمي واضح يؤدي الى نتيجة فعلية وعملية بعيداً عن الحشو النظري الذي لا يغني ولا يسمن من جوع .. فتقرأ البحث من اوله الى اخره ولا تخرج بنتيجة يمكن ان تقنعك او تحفزك لاكمال دراسة الموضوع من زاوية اخرى .. فقط ما يهمنا هو عدد الصفحات وكم من المؤلفات والدراسات عملت .. وندور في حلقة مفرغة من المصادر الفقيرة دون انفتاح على افكار الاخرين والاستفادة منها بما يلائم موضعاتنا البحثية .. فلا نزال نتخبط بين البحوث والدراسات النظرية ..

مني التحية ..

[mloshm]

اشكرك وياريت يكون كلامي واضح ونظرة واقعيه اكبر لكم من خبرة محدودة ولكنها غنيه ببعض المعلومات الهامه اللي احبكوا تعرفوها

[Citrus]

سلام عليكم
الموضوع جيد جدا ولو ان به نسبة من الخطورة خاصة ان الرابيدشير زى مبتقول اقوى من الانتربول ايه اللى يحميك منه لو نزلت منه ملف بدون اكونت ؟؟؟ واعتقد ان ممكن يوصلك وانت بتنزله فعلا؟؟
تحياتى

[mloshm]

اشكررك
هو انتي لما بتنزلي ملف بالطريقه اللي عرضتها طالما ان IP لم يظهر علي الصفحه هذا معناة انك نزلتي الملف من غير معرفه الموقع بانك غير مسجل فيه
اما لو عرف اللي بيحصل انه بيرفض انك تحملي الملف بالاضافه يظل فترة كبيرة دون تحميل والتخلص من دة بانك بتنضفي الريجيستر بببرنامج CCLEANER بحيث وكانك لم تدخلي وبعد فترة من الوقت تدخلي تاني بدون اي مشاكل
وانا اقصد ان الحمايه علي الملفات من قبل الموقع متحفظ عليها بدرجه بالغه التعقيد جداااا
وانا والله بحاول ادرسها هي تحت الميكروسكوب واي شيء جديد هقوله لكم
وشكرا لسؤالك CITRUS
واحب اضيف شيء دة في حاله واحدة فقط اذا تم تغيير اي شيء في الموقع دة ممكن يكون خطورة ودة طبعا عايز واحد هكرز جامد وعموما مش في مصر
الهاكرز اللي في مصر محدود اوي عشان يغير ترتيب وشكل الموقع ويهيك عليه مش الموقع دة لان لو دة حصل هيسبب خسارة كبيرة جداااااااااااااااااا فوق ماتتخيلي لان اغلب الملفات في العالم مرفوعه علي الرابيد بفلوس كتير اوي اوي لاتقدر ودة الموقع مجهز ليه كل حاجه

[mloshm]

حلقه جديدة وموضوع جديد
sometimes احيانا انتا بتدخل منتديات وتجد شخص ما بيعرض اليوسير والباص لمواقع جامعات عالميه ؟ وهي طبعا انتا لما تدخل في العمق وتعرف بجد مواقع جامعيه عالميه هتغير رئيك فيها وهتعرف انها ماتساوي شيء في المواقع دي واللي يعرف دي خبراء ومتخصصين في البحث العلمي علي الانترنت
انتا عارف البحث علي الانترنت عن اي شيء بالنسبه ليه للاسف وصلني لادمان البحث وكيفيه الوصول للي انا عايزة ووالخ وقابلت كتير مشاكل ولكن هي بالنسبه ليه كانت هواايه ويمكن انا بحاول انساها
ولكن السؤال اللي بيجي في ذهنك ؟
ازاي وصلوا لليوسير والباص هل دة هاكينج؟
لا طبعا مش هاك نهائي كل الحكايه ان واحد كان بيدرس في اوربا او اي مكان تابع لاي جامعه هي بتوفر ليه يوسير نيم وباص خاص بيه
لما يقوله واحد زميل له انا عايز الباص واليوسير بيديهوله
وهكذا لحد ماانتشر الموضوع دة واصبح في شباب قاموا بتجميع اكبر عدد ممكن علي هذا النهج هاك دي ماكدبش عليك صعب الا في بعض مش كل الجامعات
اما سؤال اخر بيراودك في دماغك؟
احيانا بتدخل علي الجامعه وتكتب الباص وورد واليوسير تجد انه مقفول
دة طبعا بسبب تغيير في اليوسير والباص ممكن من اي شخص غيرك اخدة حتي يتملكه بمفردة ولا يستطيع اي حد يدخل ودة سهل عمله خالص
تحياتي لكم
محبكم في الله
احمد السيد

[خالد خليل]

معلومات قيمة أخي , جزاك الله خيرا, وبارك الله فيك.

[amonaa]

راااااااااااااااااااااااااااائع اخى احمد موضوعك بجد هااااااااااااااااااائل ....................... .بارك الله فيك واتمنى انضمام الموضوع ده للمكتبة عند انشائها باذن الله وفعلا اخى الكثير من الطلاب والباحثين يحتاجون لمثل تلك الامور لتكون عونا لهم ولقد افدتنا كثيرا بمجهودك الممتاز فتمنياتى بالتوفيق باذن الله والنجاح الدائم