سأبدء تربية العجول فى منتصف مايو 2010، أرجو المساعدة و النصح و الرد على الإستفسارات
إخوانى الكرام
بدءت من الآن زراعة البرسيم الحجازى حتى يسد جزء من حاجة العلف ليوفر فى النفقات و حيث أن الحشة الأولى ستكون فى منتصف مايو إن شاء الله. فإنى اقوم الآن بتجهيز عنبر الإيواء.
المكان: الفيوم
الأسئلة التى أريد مساعدتكم فيها هى:
هل اربى بلدى ام فريزيان
ما هى الأسعار الحالية مقارنة بالوزن و العمر
هل تنصحون بعدم التسمين و الإتجاه لتربية الإناث
مواضيع مشابهة:
ربنا يوفقق وتحقق ارباح جيده وتصبح السنه القادمه تاجر كبير واشتري منك واعمل مشروع التسمين مشروع ان شاء الله جيد وكله خير وانا هستنا منك عرض تفاصيل التجربه التي اتمني لك ان توفق بس هي الاسعار دلوقتي هاتكون مرتفعة بس اكيد في المقابل بعد التسمين هاتكون برضة مرتفعه وبالتوفيق ان شاء الله
المشاركة الأصلية كتبت بواسطة على ماجد
السلام عليكم ورحمة الله
الاخ الكريم انت منين من الفيوم انا من الفيوم وعاوز اعمل نفس المشروع ارجو المراسله
وشكرا
اخي العزيز
من تجربة لاتقم بعمل لست تعرف عنه , واذا اردت اعمل به كهواية لان ما تجده على الواقع غير ما تحسبه بالدراسة
يفضل الشراء في نهاية شهر مايو حيث يزيد العرض ويقل الطلب فتنخفض الاسعار
يفضل تسمين العجول الجاموسي لتأقلمها الشديد مع كل الظروف بالاضافه لقلة امراضها ولاتحتاج لرعايه خاصه علي عكس البقري وبالذات الفريزيان ونموها جيد متقارب مع البقري علي عكس اعتقاد الكثيرون
في حالة توفر الاعلاف الخضراء بكميه كافيه يفضل شراء عجلات جاموسي علي وش عشر وتعشيرها وبيعها في بداية موسم الربيع باسعار مرتفعه جدا او شراء جاموس عشار بكر لاول مره وتوليها وبيعها في بداية موسم البرسيم حيث تزيد الاسعار بالاضافه الي الزياده الكبيره في جسمها
بالنسبه لاسعار العجول البقري كجم قائم 20-21 ج م والعجول الجاموسي 19-20 ج م ولمتابعة تغير اسعار المواشي ومواد العلف يمكن زيارة موقع الرابطه المصريه لمنتجي الجاموس
http://www.ebpa.com.eg/arabic03-2007/history3.htm
نصيحه لوجه الله ابعد عن تسمين العجول وتربيه الايناث لانها مشاريع فاشله فى مصر وده بسبب عدم وجود مراعى طبعيه فى البلاد وكمان مفيش حيوان متخصص فى انتاج اللحمه وانتاج اللبن
الاخ العزيز جزاك الله كل خير على النصحيه ولكن عدم وجود المراعى ده بصفه عامه ولا فى مناطق معينه لانى بسمع ان فى طريق الاسكندريه مزارع كثيره
اخى الفاضل انا عمل مشروع التسمين منذ فتره بل عملت جميع مشاريع الانتاج الحيوانى والانتاج الحيوانى بصفه عامه مرهق جدا والعايد المادى ضعيف جدا ده لو حصل من اصله وبقى فيه عايد مادى وده يرجع كما قلت لحضرتك لسببين الاول ان مفيش مراعى طبيعيه بمصر يعنى مفيش غابات مثل السودان او جنوب افريقيا لان الرعى سيوفر عليكى ثلاث اربع التكلفه ثانيا معدل تحويل العجل البلدى ضعيف جدا جدا بمعنى ان المفترض ان العجل فى مرحلة نموه الطبيعى ياكل 7 كيلو علف المفروض يديك 700 جرم لحمه ولاكن ده عير متوفر فى العجل البلدى ده عن تجربه ثانيا التسويق التجار هنا فى مصر معدومين الضمير وخاصه تجار الماشيه يبيعو لك باسعار مرتفعه ويشترو منك باسعار متدنيه باختصار شديد اخى الكريم وده والله ثم والله نصيحه لوجه الله لانريد منكم جزاء ولا شكورا والدين النصيحه فانصحك ابتعد عن الاستثمار فى الانتاج الحيوانى اما لو عندك مساحة ارض مثل 100 فدان ممكن تزرعها حشايش وبرسيم وتربى عليها الماشيه اما لو معندكش ارض زراعيه فبتعد ثم ابتعد عن هذا المشروع وربنا يوفقك ولاكن هناك مشاريع كثيره ناجحه ممكن لو حبيت تعرفها ممكن ادلك عليها وانا مجربها وعلى العموم ربنا يوفقك لما فيه رضاه
الاخ الفضل
اولا اشكرك كثيرا على ماقدمته من نصيحه وخصوصا انك دخل التجربه بنفسك
ثانيا لوتقدر تدلنا على مشاريع ناجحه نكون شاكربن لانى محتاج ذلك
وشكرا لك
اخواني الاعزاء نحن في حاجة الي التشجيع وسرد تجارب ناجحه مش معقول ان كل التجارب فاشله مع العلم انه من المعروف للجميع ان تجار المواشي يعتبرو من الاغنياء في مصر وياريت لو فيه تجربه فاشله يشرح لنا التجربه وان كان هو مش عارف سبب فشل تجربته اكيد القارء هايكتشف انه في سبب ما ادي الي فشل المشروع لكن انا عاتب علي مشرفين القسم ودكاترتنا المختصين في هذا المجال لانهم مش بيعملو مداخلات لتوضيح اسباب فشل اي مشروع عشان اي واحد عايز يبدأ يتجنب الاسباب التي ذكرت كاسباب للفشل ياريت من اخونا المختصين ان يعملوا معنا مداخله وياريت من اخونا المجربين يذكرولنا سبب الفشل وتحياتي ودعواتي للجميع واناهابدأ اخر السنه ان شاء الله مشروع تربية ماعز اتعلم فيه وكل شئ بالعلم والتوفيق من ربنا سبحانه وتعالي لبد ان ينجح ان شاء الله
السلام عليكم ورحمة الله وبركاته اخى الكريم يوجد فى مصر مشاريع كثيره مربحه فضل الله وعلى العموم ده اميلى يا ريت لو حضرتك تضفنى وان شاء الله سنتحدث على المشاريع الناجحه والتى جربتها انا شخصيا وما زالت شغاله وهى تدر ربح جيد والحمد الله bdlmohamd[at]yahoo.com اخوكم منهدس زراعى عبد الله شعبان
تسمين العجول البقري من انجح المشاريع الحالية حيث ان عائد الربح يصل الي 60% سنويا وانصحك اخي العزيز بالشراء الان وشراء الانواع الخليط
والله الموفق
شكرا لكل من ساهم بالرأى
و أكون شاكر جدا لكل من يحدد اسباب الفشل حتى يمكن تجنبها
اخى المحترم
عليك بأخذ الرأى الناجح وتستطيع الذيادة من عوامل النجاح اولا لازم تعرف تاريخ التسويق الذى سوف تقوم بالتسويق فيه وعليه احسب 1كجم وزن ذيادة لحم يومى لمدة دورة 180 يوم بافتراض وزن عجل التربيه 230:240كجم يكون ان شاء الله وزن البيع من 400:450 كجم ويتوقف هذا على النوعيه للقطيع ونوعيه الاعلاف والتحصين الواجب وخبرتك وخبرة الكلاف ونوع التربيه مربوط ولا سايب وتحياتى وامنياتى بالتوفيق
اخى الفاضل انا كنت بافكر جديا فى موضوع تربية ابقار حلابه و بتلو صغير بس انت خوفتنى انا معنديش ارض زراعيه هى ارض مبانى ممكن يتعمل عليه عنبر ايواء و الاعلاف تشترى من برة فهل الموضوع مجزى خصوصا فى ازمة اللحمه اللى فى مصر
اقتباس