طماطم الباشا 1077 تصلح للزراعة على مدار العام

[abowalaa]

مشكور يا باشا علي اهتمامك وردك
سؤال اخر ايه النوع اللي حضرتك تنصح به الان من حيث جودة الانتاج وكميته وخلافة ومناسبة لجو الصيف عندنا وتكلفة زراعة الفدان الواحد كام من الزراعة حتىى جمع المحصول
انا متفهم طبعا انه مش معقول اني ابداء كده علي طول بزراعة اربعة ونصف مرة واحده حتى علشان التكاليف
وبالنسبة لواحد خبير مثلي خبرته وصلت الي صفر في الميه تقريبا ( تخيل بقي حجم الخبرة ده ) ممكن مع المتابعة مع مهندس زراعي وكذلك حضرتك مثلا والاخوة في المنتدي ممكن المشروع ينجح معايا
وهل ممكن مثلا اني اشكل لان بصراحة خبرتي في الخضروات هي بعينها خبرتي في المحاصيل النتاج 0%
وعشان اتعلم من احد المزارعين معانا هنا في البلد كلهم ثاتين ومركزين في حاجتين اما محاصيل تقليدية زي ( دره شامي بيضاء - قمح - كزبرة - برسيم - ثوم ) او خيار يعني بالنسبة لقسم الخضروات ما فيش غير خيار بس في جعبة اي مزارع هنا عندنا وغير كده محاصيل تقليدية بالتبادل كما ذكرت لحضرتك
من هنا انا حبيت اني اغير واستخدم امكانياتي مش امكانياتي الزراعية لا طبعا امكانياتي في حب التعلم والتواصلل في سبيل الحصول علي المعلومة
استخدم ده في التغيير ( مش الحكومة ) التغيير في شكل الخريطة الزراعية في القرية رغم انها تشمل مساحة زراعية كبيرة بس الناسة مش عارف ليه ثابتة علي محاصيل معينة
المهم انا اسف اني طولت عليك واللي هايحكم بيني وبين طموحاتي هي عنصر التكاليف طبعا
واخيرا شكرا لاهتمامك وردك عليا

[aahmed0055]

لو حبيت تزرع طماطم صنف طماطم السوبر جكال او طماطم الباشا 1077 تكلفة الفدان فى الارض الطينية حوالى 9000 الى 10000 للفدات تقريبا حتى نهاية الجمع
تحياتى

[abowalaa]

شكرا يا باشا علي سرعة ردك ايهما افضل من ناحية الانتاجية
وهل ينفع زراعتة الحين واحنا في شهر يونيو والمده كام من الزراعة حتى الانتاج
شوف رشح واحد واكتب البرنامج المناسب ليه من رعاية الارض قبل وبعد الزراعة وبعدين متابعة المحصول
كانها دراسة جدوي لو ممكن

[abowalaa]

فينك يا باشا
المهم انا عايز اعرف سعر الصينية من نوع الباشا 1077 وفيها كام شتلة

[aahmed0055]

شكرا يا باشا علي سرعة ردك ايهما افضل من ناحية الانتاجية
وهل ينفع زراعتة الحين واحنا في شهر يونيو والمده كام من الزراعة حتى الانتاج
شوف رشح واحد واكتب البرنامج المناسب ليه من رعاية الارض قبل وبعد الزراعة وبعدين متابعة المحصول
كانها دراسة جدوي لو ممكن

طبعا اكيد ممكن تزرع دلوقتى صنف طماطم الباشا 1077 يزرع صيفى وكمان شتوى المدة من بداية الزراعة حتى بداية الجمع 75 يوم
التكلفة للفدات تتراوح من 9000 حتى 11000 للفدان على حسب العناية والتكلفة والامراض المنتشرة
سعر الصنية ب 35 جنية عدد الشتلات فى الصنية 209 شتلة
وعلى فكرة ملحوظة وللعلم
نزل من صنف طماطم الباشا بزور غير معتمدة ومنشرة فى السوق تحزير الى جميع الاخوة المزارعين من جهة السودان
وطبعا سعرها اقل

وتحياتى للجميع

[abowalaa]

شكرا يا باشا علي ردك
بس كده انت حيرتني طب انا اعرف ازاي ان الشتل اللي انا هاشتريها اصلي ولا سوداني
هاتقول اتأكد من مدي الثقة اللي في المشتل طب ودي اعرفها ازاي وانا اول مرة هاتعامل معاهم ده انا الي الان مش عارف المشاتل عندنا فين واوصلها ازاي ربنا يستر

سؤال تاني احد الاصدقاء اولا هو شكر فعلا في صنف الباشاا 1077
كان اشار علي اني ازرع فدان باذنجان وفدان اخر خيار
وكان رايه ان في فعلا خيار بينزرع الحين

انت ايه رايك بقي وايه الانواع المناسبة للظروف اللي احنا فيها من حيث الحرارة
وهل ترشح نوع معين من الباذنجان

اخيرا ممكن تنصحني بمشتل معين تكون واثق فيه اكون شاكر ليك انا من بني مزار بالمناسبة محافظة المنيا

[aahmed0055]

اخى انا هقول الى حضرتك
اولا صنف طماطم الباشا سواء نجح او فشل مش هحكم على الصنف من خلال فرد معين بل من عددة اشخاص
الصنف ناجح جدا جدا بدليل 90% مع المزارعين المتخصصين فى الزراعة و 10% فشل مع المزارعين الجدد
طبعا الخبرة لها دور كبير جدا فى اى مجال مش الزراعة فقط فى كل المجالات
بالنسبة لزراعة البذنجان افضل المواعيد 25 / 8 بالنسبة لوجة اقبلى حتى 25 / 9 من كل عام
مواصفات الصنف
صنف بذنجان بترا رومى هجين مقاوم للبرد انتاج عالى جدا
شركة فيتو الاستيراد والتوزيع شركة تكنوجرين سعة الفدان شتلات 5000 شتلة
سعر الصنية او الطبق على حسب السوق بتتراوح من 50 الى 55 جنية
بالنسبة للمشتل
يوجد مشتل اخ وصديق محترم ومضمون على مسئوليتى الشخصية فى المنيا
ممكن تتصل بى على الموبيل واعطيك الرقم
تحياتى الكبيرة لشخصك الكريم

[aahmed0055]

كل عام وانتم بخير لجميع اعضاء المنتدى
والى جميع الاخوة الزائرين
واتمنى التوفيق
للجميع

[بيان الحق]

لقد قمت بزراعة بذور الطماطم والخيار فى حديقة البيت الخيار نبت ثم مات وكذلك الطماطم ولم اعرف السبب هل بسبب الرى او لعدم معرفتى بالزراعة ؟
علما انى زرعتهم فى شهر اكتوبر. فى فصل الخريف

[aahmed0055]

لقد قمت بزراعة بذور الطماطم والخيار فى حديقة البيت الخيار نبت ثم مات وكذلك الطماطم ولم اعرف السبب هل بسبب الرى او لعدم معرفتى بالزراعة ؟
علما انى زرعتهم فى شهر اكتوبر. فى فصل الخريف

السلام عليكم اختى الفاضلة بيان الحق
الاهم من الزراعة والانبات
هو معرفة مواعيد الزراعة للصنف المنزرع سواء كان خيار او طماطم او اصناف اخرى
وبالنسبة اللى حدث حصل مع حضرتك
ممكن وجود اعفان جزور او حشرات قارضة
من تحت التربة

[norhan]

اسعد اللـه صباحكم

واسعدني مروري بكل مشاركات هذا الموضـوع الجميل والمبشر بالخير

يارب يديـم عليكم النعـم

اتمنى معرفة الاوقـات المثلى للتســميد ونوع الســماد

تحياتي وتمنياتي لكم

[aahmed0055]

اسعد اللـه صباحكم

واسعدني مروري بكل مشاركات هذا الموضـوع الجميل والمبشر بالخير

يارب يديـم عليكم النعـم

اتمنى معرفة الاوقـات المثلى للتســميد ونوع الســماد

تحياتي وتمنياتي لكم

شكرا جزيلا" على الاحساس الطيب
الاوقات المثلى هى
اولا لو النبات منزرع على نظام الشتلات التسميد بيكون بعد مرور من 7 الى 10 ايام يراعى التعطيش والتقسية قبل التسميد ب 3 ايام حتى يحدث تعمق لجزور النبات بحثا" عن الماء
ثانيا لو النبات منزرع بذور التسميد بيكون عندما يكون النبات عدد اجمالى الورق علية 5 ورقات يراعى التعطيش والتقسية نفس النظام السابق
نظام التسميد
يراعى فى التسميد ان يحصل النبات على جميع العناصر الصغر والكبرى بكميات معتدلة فى توقيت مناسب لة فى الصباح الباكر او فى المساء
ونبدء بكميات صغيرة وبعد ذلك نزود على حسب عمر النبات ودرجة تقبلة للسماد هى التى تحدد الكميات
تحياتى

[norhan]

شكرا جزيلا" على الاحساس الطيب
الاوقات المثلى هى
اولا لو النبات منزرع على نظام الشتلات التسميد بيكون بعد مرور من 7 الى 10 ايام يراعى التعطيش والتقسية قبل التسميد ب 3 ايام حتى يحدث تعمق لجزور النبات بحثا" عن الماء
ثانيا لو النبات منزرع بذور التسميد بيكون عندما يكون النبات عدد اجمالى الورق علية 5 ورقات يراعى التعطيش والتقسية نفس النظام السابق
نظام التسميد
يراعى فى التسميد ان يحصل النبات على جميع العناصر الصغر والكبرى بكميات معتدلة فى توقيت مناسب لة فى الصباح الباكر او فى المساء
ونبدء بكميات صغيرة وبعد ذلك نزود على حسب عمر النبات ودرجة تقبلة للسماد هى التى تحدد الكميات
تحياتى

شكرا لك اخي الفاضل على ردك المتكامل وقد طلبت بذور لبعض انواع الطماطه وقد وصلني نوعين من البذور لا اعلم ان كانت هي طماطة الباشا ام لا

تحياتي

[aahmed0055]

ممكن تصورى الكيس لو امكن من الاتاجهين حتى اتمكن من تحديد نوعة
تحياتى

[norhan]

ممكن تصورى الكيس لو امكن من الاتاجهين حتى اتمكن من تحديد نوعة
تحياتى

شكرا اخي الكريم لاهتمامك

واتمنى ان تنصحني بخصوص الاكياس لان انـوي إن نجحت عندي ان اتوســع بزراعتها لتكون زراعه انتاجيــه

هذه اول كيس

[IMG] Uploaded with ImageShack.us[/IMG]

[IMG] Uploaded with ImageShack.us[/IMG]



وهذا النوع الاخر

[IMG] Uploaded with ImageShack.us[/IMG]



[IMG] Uploaded with ImageShack.us[/IMG]

وهذا النوع الثالث




[IMG] Uploaded with ImageShack.us[/IMG]


وهل من الممكن ان ازرعها الان ودرجة الحراره المنخفضه (اكيد تحت كيس نايلون) وان وفقني الله ممستقبلا في بيوت زجاجيه

وهل ممكن اعرف متى افتح الاكياس



اتمنى لو تكرمت علينا بنصحك بخطوات الزراعه لها لان اول مره ازرع طماطه

مع كل شــكري وتقديري