لأسئلتكم في مجال الدواجن بكل انواعها

[rtaa545]

[QUOTE=carmonsun;135119]احى الكريم انا مقدم على مشروع انتاج البيض البلدى
اروجو توضيح احسن الأصناف البلديه التى يمكن البدء بها ومن اى مكان يمكننى الحصول عليها
وبرنامج الرعايه والتربيه الخاص بها
يعنى بأختصار دراسه جدوى شامله للموضوع لو امكن
وشكرا

افضل سلالة بلدى فى مصر ساسو

[مشروع المستقبل]

أخي العزيز
اشكرك أولاً على جهودك في الردود

انا اخي عازم مع ثلاثة اشخاص ان نبدأ بمشروع الدجاج البياض

وكن لانعلم كيف يمكننا استيراد او طلب البطاريات الخاصة لذلك الى السعودية

وهل يمكن الدجاج اللاحم يكمل دورته ويصبح بياض مستقبلاً؟؟

انتظر ردك على ووجه السرعة

[rtaa545]

اولا فية شركات فى السعودية تمدك بالبطاريات
ثانيا
لا يمكن للاحم ان يكمل ويصير بياض لكن فية صوص بياض خاص يربى لمدة اربع شهور فى حظائر للتربية وينقل الى حظائر اخرى تسمى حظائر الانتاج استعداد للبيض

[البدالى]

جزاكم الله كل خير وانفع بكم الناس وشكرا جزيلا
ونتمنى دوام التوفيق والنجاح
اخوكم البدالى

[amansour2003]

السلام عليكم ورحمة الله وبركاته
أولا : أشكر المهندس الزراعي الرامز إلى نفسه ب ( زراعي جديد ) وأتفق معه فيما علق عليه
ثانيا : أنا مهندس زراعي فى كبرى شركات الدواجن بالسعودية منذ 17 سنة ولو سمح لى الإخوة من وقت لآخر سوف أعلق على المشاكل التى سأراها علما بلأن معظم عملي كان فى التسمين وحضرت من الندوات وساعات التدريب مايتعدى 2500 ساعة
ثالثا : عملت مع أكثر من 65 جنسية اوربية واسيوية وامريكية وافريقية سواء رئيس او مرؤوس

[amansour2003]

للتصحيح
المهندس الذى أعنيه هو rtaa545

[samy35211]

السلام عليكم يا باشمهندس rtaa545
انا خريج زراعه جديد وفكرت فى مشروع دواجن تسمين وفعلا بدات فى تجهيز مكان يسع 500 كتكوت كتجربه لو نجحت ان شاء الله ناوي اتوسع وافتح مكان سعه 5000 ان شاء الله
انا النهارده فى اليوم ال 18 من الدورة الى معايا
كتكوت ساسو
عند عمر 12 يوم كان متوسط الاوزان عندي 200 جرام وكانت الكتاكيت تمام وحيويتها ممتازه ومفيش اي امراض
بداية من اليوم 15 بدات تظهر العراض التاليه ( واسمحلي اقول لحضرتك على تشخيصي المتواضع لكل حاله قصادها طبعا علشان حضرتك تصححلى وتعلمني )

1- الزرق جزء منه عباره عن اسهال ابيض ................................... ................................... ................................... .............(سالمونيلا بلوريم)
2- احيانا بيقابلني اسهال بني غامق واحيانا فى اخر الزرق نقطه حمراء دمويه ................................... ..................................( كوكسيديا)
3- بيقابلني زرق خشن تكاد تكون العليقه مش مهضومه فيه ................................... ................................... ......................(الله اعلم بس اعتقد كوكسيديا)
4- ظهر عندي 3 حلات عندهم التواء شديد فى العنق مع العلم انهم عايشين بقالهم 3 ايام بس طبعا عايشين ومش عايشين ......(بحثت على النت ولقيت منتدى اجنبي بيقول نقص فيتامين هـ+سيلينيوم)

ومن هنا ذهبت لصيدليه بيطري وشرحتله عل عرض وطلبت علاجات و كانت العالجات كالآتي

1- للسالمونيلا اعطاني مسحوق ابيض 1 جرام على اللتر 12 ساعه لمدة 3 ايام ( للامانه سالته على اسم العلاج وللاسف نيسته )
2- للكوكسيديا اعطاني على اسمه سوبر كوك ( قرات الى مكتوب على العلبه هو سلفا + فيتامين ك ) واحد و نص cm على اللتر 12 ساعه لمدة 3 ايام
3- لإلتواء العنق اعطاني فيتامين هـ+سيلينيوم واحد cm على اللتر 12 ساعه لمدة 3 ايام

اولا : ايه راي حضرتك فى الى فات كله
ثانيا : دلوقتي انا عندي 3 علاجات لثلات امراض كل ولحد المضروض احطهولهم 12 ساعه في اليوم فهل ممكن احط 2 منهم على بعض فى 12 ساعه والـ 12 التانيه احط العلاج الثالث ولو كان
ينفع اختار اي الاثنين
ثالثا : ايه هي الادويه والعلاجات عموما الى لا يجوز اني اضع معها اد3هـ ( وخصوصا فى الادويه الى ذكرتها بالاعلى)

اسف على الاطاله وجزاك الله خيرا
مهندس زرعي / سامي مصطفى

[rtaa545]

اول شى الاعراض دى مش شرط دا تشخيصها ولو بصيت على كل طير يعمل اية ويخرج اية مش هتخلص
يعنى الاسهال الابيض دا ناتج من الكلية وعلى وجة الخصوص الحالبين يعنى اى حاجة تاثر على الكلية يجيب اسهال ابيض وعمر البلورم ما جاء على عمر 15 يوم الا نادرا

والاسهال البنى اى اضطرابات معوية تعملة
اما لف الرقبة هو اما نيوكاسل او نقس فيتامين ه
لو لاقيت اسهال اخضر يبقى نيوكاسل

اما كتر العلاجات هيكلفك كتير من غير جدوى ومش اى حاجة يقولها البيطرى تسمعها خاصة لو بيبع دوا

انتى قولى الاعراض اللى عندك وانا اجاوبك
* اكثر اسهال منتشر اية لونة اقول منتشر مش واحد او اثنين
* استهلاك العلف عامل اية
*هل فية ريش منفوش
*عدد النفوق اليومى وكم العدد الكلى
الاعراض اللى بتظهر على الطيور
* اخر تحصينة اية وامتى
جاوب على وانا اشخصلك واقولك العلاج

[samy35211]

جزاء الله خيرا على الرد
وجزاك الله خير على تصحيح معلوماتي

الاعراض
اليوم ال 15 بدات تظهر اول حالة التواء عنق تلاها بعد ذلك 3 حالات بمعدل كل يوم حاله جديده ( لسه عايشين )
انا حصنت نيوكاسل عترة هتشنر ب 1 فى اليوم التامن وبعدين عترة لاسوتا في اليوم العاشر
وحصنت جامبورو فى اليوم ال 15
سحب العليقه قل جدا من اول اليوم ال 15 صباحا حتى الان ( النهارده اليوم ال 18 )
لا يوجد انتفاش فى الريش
النفوق كله حتى الان ( 8 من اصل 400 كتكوت ) بالتفصيل :: (5 فى اول 3 ايام ) (1في اليوم التاسع ) (1 فى اليوم ال 11 ) (1فى اليوم ال 17 )
هو حاليا لا يوجد اسهال
الزرق لونه بني مائل لاخضرار خفيف جدا ولكنه خشن بعض الشيء
الزرق بيبقا في اخره نقطه حمراء مدممه
كمان ان الكتاكيت دي دائما ما يكون سدس الزرق الخاص بالكتكوت عباره عن ابيض هل ده طبيعي ولا ده بيبقا اسهال ابيض

وسؤال تاني بعد اذن حضرتك على متوسط الاوزان
متوسط الوزن عندي فى اليوم ال 12 كان 200 جرام البيطرى قال لي انه وزن متميز
متوسط الوزن النهارده ( اليوم ال 18 ) 300 جرام فقط فما هو راي حضرتك
ولو الوزن كده مش تمام اكمل عليقة باديء لحد امتى وبعدين احول نامي ؟؟

اسف على الاطاله

[rtaa545]

اولا جدول التحصينات بتاعك ملخبط
يعنى لازم يكون بين كل تحصينتين نيوكاسل اقل شى من 8 الى 12 يوم وانت الفرق بينهم يومين كمان لاسوتا مع انها معروفة بردة فعلها القوى
انا انصحك بعد كدة بالتحصين هتشنر على 7 ايام ثم كولون على عمر 17 يوم وكرر الكولون كل 10 ايام
اما الجامبورو فلو المنطقة عندك فية المرض حصن على عمر 12 وكرر التحصين مع الكولون على 17 يوم

اما الحالة اللى عندك عبارة عن اضطرابات معوية فقط مش محتاجة علاج ولو قلقان حطلها كولستين مع نيومايسين دا لو مفيش اصوات تنفسية

اما عن الوزن فهذا الطبيعى بتاع الساسو ولو مصدرة جيد ممكن يعمل اكثر من كدة

اما عن البادى الى شهرين واقلب على نامى دا لو عاوز وزن عالى

[samy35211]

جزاك الله خيرا يا باشمهندس
لله يطمنك انا كنت قلقان جدا من ان الوزن 300 جرام وهما عمرهم 17 يوم
بس سؤال النقطه المدممة فى اخر الزرق مش تلق
وماذا عن الحالات ملتوية العنق اعمل معاها ايه ؟؟؟

[rtaa545]

والله علشان تطمن حط الخلطة اللى كتبتهالك وشوف النتيجة
ومش اى عرض يظهر فى الطيور يهزك كدا مش هتلاقى نفسك
اذا العرض انتشر ابدا اتحرك
اما واحد او اتنين او تلاتة دى حاجة عادية

[samy35211]

معلش يا باشمهندس دي اول دوره ليا ولو مش هقلق دلوقت هقلق امتى فاعذرني
انا فعلا حطيت الخلطه الي حضرتك قولتلي عليها النهارده العصر
بس المشكله ان عدد التواء العنق قفز من 3 الى 6 في يوم واحد
وفيه ملاحظه ان التلاته الجداد اجسامهم فايره مش ضعاف زي التلاته الى قبلهم
مع العلم لني بحطلهم ه سيلينيوم من 3 ايام 12 ساعه

[rtaa545]

دا رد فعل للاسوتا
تانى مرة متستعملهاش
استعمل الكولون

[samy35211]

يعني عادي اني اكمل بقية التحصينات بتاع الدوره دي كولون ولا اكمل لاسوتا وبعدين اشتغل فى الكولون من الدوره الى جايه

النقطه الحمراء اختفت الحمد لله
ما ظهرش حالات التواء عنق جديد برده
مافيش اسهال والزرق اصبح متماسك ولونه طبيعي
وزي ما حضرتك نصحت انا مكمل عليه بادي

الجديد دلوقت او بمعنى اصح الي المشكله الي باقيه هي ان حيوية الكتاكيت ضعيفه والنهارده الصبح تقريبا 60% من الكتاكيت كمشانه ومش واقفه منتصبه والريش من عند العنق منتفش
و بسمع اصوات زي طشمه كده ( عطسه) بس مش منتشره قوي
مع العلم اني بديلهم اد3ه بانتظام
هل فيه حاجه اديهالهم ممكن تزود الحيويه

شكرا يا باشمهندس