لأسئلتكم في مجال الدواجن بكل انواعها

[rtaa545]

اولا : شكرا يا بشمهندس على الرد
طيب انا العنبر بتاعي 5000 كتكوت هبرد
تسمين عادي 45 يوم يعني
ولو سمحت تفهمني يعني ايه عليقه عليقه علاجيه مع تسمين
واخيرا : لو ينفع حضرتك تجهز ملف شامل بموضوع العليقه بكل فروعها المتشعبه وتبقا نفعت اخوانك المهندسين كل فى مجل عمله فى الدواجن

عليقة علاجية مثل الاتية وهى تستخدم فى اخر الدورة
درة
صويا
مركزات
لنكوميكس (200 جرام على الطن)
اى مركب كلاروزوريل (200 جرام على الطن)
10 كيلو ثوم على الطن
300 جراو اوكسى خام
1 كيلو نيومايسين
5 كيلو جير
2 كيلو ملح طعام

جربها وهتدعيلى

[rtaa545]

السلام عليكم انا اربى بط بكينى وابيع على 15 يوم هل هناك من يشترى الكمية كاملة حوالى 2000 فى الدورة؟ انا من الشرقية وشكرا

انا فى السعودية
لكن اتصل بالبورصة التجار كلهم هناك

[fahadsaud]

جزاك الله خير اخي عاطف .
بعد تكسير البيض وجدت معظم الصوص ميت وصغير لم يكتمل نموه.
طبعا هناك نسبة فقس لاتتجاوز2% ومع ذلك يكون صوص الرومي مكسح.

[rtaa545]

كدة عندك مشكلة فى الرطوبة مع تزبذب درجات الحرارة بالارتفاع والنقصان مع تخزين البيض لمدة اطول او فى ظروف غير صحية
اما عرج الصوص فهو
تغذية غير سليمة للامهات

[fahadsaud]

شكرا لك ياباشمهندس وبارك الله فيك.
بالنسبة للتغذيه اما الرومي فانا اعطي الامهات غذا الدجاج البياض واللاحم مناصفة من انتاج اراسكو بالاضافة الي مجموعة الفيتامينات المخلوطه.
ارجو ان كان هناك اي توصيات خلاف السابق لتغذية امهات الرومي لانتاج البيض ان تزودنا بها.
وجزاك الله خير بعدين طالما انت في السعوديه عاوزين نعزمك علي ديك رومي بالفرن.

[ashraffadelt]

ارجة ارشادى عن الاماكن المتاحة لتربية الدواجن علما بانى من سكان مصر الجديدة .. و ارجو الافادة عن كيفية استخراج التصاريح و هل هى ضرورية ام يمكن العمل بدونها .. اذا كان لديكم خلفية عن اسعار الااضى أو عن القيمة الايجارية للمزارع فارجو التفضل بذكرها .. و لكم وافر التحية
انا فى مرحلة جمع المعلومات عن مزارع الدواجن و لكن ليست لدى خلفية دراسية .. ارجو التبسيط فى الشرح و شكرا

[ashraffadelt]

سيدى ... هل يوجد فى القاهرة اى مكان يمكننى ان التحق به للحصول على دورات فى تربية الدواجن ؟

[rtaa545]

اى سوال فنى او علمى انا تحت امرك
لكن انا بالسعودية الان ولى اكثر من 4 سنين منزلتش مصر فمعرفش اية اخر القوانين ولا اية اللى حصل عندكم

[rtaa545]

اى خدمة او استفسار احنا بالخدمة
................................... ...........

[recko84]

شكرا يا باشمهندس على إخلاصك فى الرد على المستفسرين . انا مهندس اتالات يعنى ماليش خبرة فى الموضوع ده المهم اتفقت اناوواحد زميلى مع مهندس زراعى اننا نعمل الموضوع ده وطبعا انا عارف ان موضوع التفرغ والاهتمام مطلوب المهم انا ليا استفسارين . الاول ان المهندس الزاعى قال نجيب عنبر 250 متر اتكلمت مع واحد خبرة فى النقطة ديه قال لازم 500 متر وكدة شكيت فى المهندس اللى معايا مع انى عارف انه 15 سنة خبرة. النقطة التانية والمهمةجدا هل يمكن الحصول على نشرة باسعار الدواجن على مدار العام ولو موجودة من اى مكان يمكن الحصول عليها ياريت يابش مهندس ترد عليا وربنا يبارك فيك على اخلاصك

[rtaa545]

اولا
لية الشك فى المهندس العنبر ممكن يكون طولة 500 وممكن يكون 250 وممكن اى طول بس اهم شى الطول يتناسب مع العرض ويتناسب مع نظام التهوية

ثانيا
بالنسبة للسعر فى بورصة دواجن فى بنها فى سندنهور على ما اتذكر اتصل عليهم وخذ سعر كل يوم

اما اى خدمة خاصة بالدواجن انا تحت امرك

[IBRAHIM.KORTOBI]

استاذنا الفاضل عندي ارض كبيره 10 فدان في محافظة حلوان ان شاء الله ناوي ازرع ذره واجيب طاحونه وخلاطه وانتج علف دجاج وعلي كمية العلف الي هاحصلا عليها ان شاء الله هاعمل مزرعة دجاج لحم ولو فيه امكانيه مزرعة دجاج بياض ماش ياعمنا عايزين بقي خبرتك وعلمك في عمل المشروع بفرض 30 الف تسمين و20 الف بياض حدد انت بقي نوع الدجاج ومساحة العنابر وتركيبة وكمية العلف اللازم للمشروع ونخلية مرجع لكل واحد عايز يبدأ في مشروع دجاج لحم او بياض وجزاك الله خير ونفع بعلمك الجميع وتقبل تحياتي

[recko84]

يا فندم انا عارف ان البورصة بتقدم اسعار يومية انا بقول نشرة سنوية هل يمكن ايجادها فى البورصة وانا عاوز من خلالها اخد overview للسوق على مدار العام لان الاسعار بتتغير بشكل عشوائى جدا وللاسف مالقيتش اى تفسير للقصة ديه وليا استفسار هل زيادة سعر الكتكوت لازم يقابله زيادة فى سعر العلف واستفسار اخر المهندس الزراعى مرشح سلالة اربر ايكرز بلس و زى ماذكرت انى سالت واحد خبرة قال انه بيشتغل فى سلالة اسمها كب والسلالة ديه بتكون اغلى من الاربر ايكرز بحوالى ربع جنيه فى الكتكوت طيبايه الفرق بين الاتنين . بكرر شكرى ليك يابشمهندس وارجو من حضرتك تجوابنى بالتفصيل وانا والله شاكر ليك ربنا يبارك فيك يارب ولو حضرتك عند تفصيل زيادة

[IBRAHIM.KORTOBI]

شكرا اخونا الكريم ومافيش مشكله نستني يومين او تلاته يعني حسب الوعد هاستنا الشرح الوافي وانا ان شاء الله بناءا علي شرحك هانفذ وانا مقيم برضة في السعوديه في جده بس ان شاء الله ناوي والنيه لله ان انهي العمل وانزل مصر اتفرغ تماما لهذا المشروع وفي انتظار التفاصيل وانت عارف التفاصيل لواحد ماعندوش الاساسيات وربنا يوفقق ويجعلها في ميزان حسناتك ان شاء الله

[rtaa545]

[QUOTE=recko84;131208]يا فندم انا عارف ان البورصة بتقدم اسعار يومية انا بقول نشرة سنوية هل يمكن ايجادها فى البورصة وانا عاوز من خلالها اخد overview للسوق على مدار العام لان الاسعار بتتغير بشكل عشوائى جدا وللاسف مالقيتش اى تفسير للقصة ديه وليا استفسار هل زيادة سعر الكتكوت لازم يقابله زيادة فى سعر العلف واستفسار اخر المهندس الزراعى مرشح سلالة اربر ايكرز بلس و زى ماذكرت انى سالت واحد خبرة قال انه بيشتغل فى سلالة اسمها كب والسلالة ديه بتكون اغلى من الاربر ايكرز بحوالى ربع جنيه فى الكتكوت طيبايه الفرق بين الاتنين . بكرر شكرى ليك يابشمهندس وارجو من حضرتك تجوابنى بالتفصيل وانا والله شاكر ليك ربنا يبارك فيك يارب ولو حضرتك عند تفصيل زيادة

بالنسبة الى الامور فى مصر انا بقالى مدة مش متابع اللى قلتهولك هو اللى اعرفة

اما الفنيات ما تتغير من بلد الى بلد

يعنى سوالك عن السلالة انا ارشحلك الكوب لانها سلالة تقبل العلف يعنى كلما رفعت البروتين والطاقة رفع معاك الوزن وهى لها تركيبة خاصة من العلف