سؤال خاص للمتزوجين فقط

[walid walid]

سؤال فعلا محيرني ؟
ليه انتم قبل الجواز مش زي بعده ليه قبل الجواز لما ايدك تلمس ايديها قلبك ينبض
زي الرعد وعينك تلمع ولا البرق وتهمس بكلام ولا همس النسيم للورد وان عطست عطسه تلاقي الف كلمه حمد لما تيجي تمشي تلاقي دموع كأن فصل الشتاء حل وتقول كلام ولا الف كلمه حب وكل دقيقه التليفون بيرن والحجه خايفه عليك من حبه برد وبعد الجواز تلاقيهم مشين بعيد عن بعض ولا كأنهم يعرفو بعض ولا حتي كلمه حلوه ولا حتي بسمه علي غدوة حد يقدر يفسر لي بصراحه انا احترت ................................... ................................... .

مواضيع مشابهة:

• لدي اسئله للمتزوجين
• كاريكاتير للمتزوجين........

[شوقى سالم]

الاخ الكريم طيب تقدر تفسر لى هذة الابيات طبعا دى بعد الجواز

يا مراتى لية
يا مراتى لية بقةسيبانى وناسية قلبى ونسيانى
لا مرة عطرتى هدومك ولاكحلة فى العين علشانى
ولا مرة سرحتى شعورك ولا نظرةمنك ترعانى
يا هل ترى انا على بالك وازاى اعيش بقةوحدانى
الحالة دى مش عجبانى بصراحة منك اةيانى
من كتر اهمالك ليا انا باشكى دايماوباعانى
وعشان كدة ان جبت غيرك لومى انتى نفسك سمعانى
انتى ال جنيتى على روحك وعليا اما انا مشجانى

[walid walid]

الاخ الكريم طيب تقدر تفسر لى هذة الابيات طبعا دى بعد الجواز

يا مراتى لية
يا مراتى لية بقةسيبانى وناسية قلبى ونسيانى
لا مرة عطرتى هدومك ولاكحلة فى العين علشانى
ولا مرة سرحتى شعورك ولا نظرةمنك ترعانى
يا هل ترى انا على بالك وازاى اعيش بقةوحدانى
الحالة دى مش عجبانى بصراحة منك اةيانى
من كتر اهمالك ليا انا باشكى دايماوباعانى
وعشان كدة ان جبت غيرك لومى انتى نفسك سمعانى
انتى ال جنيتى على روحك وعليا اما انا مشجانى

بصراحه ممكن يكون ده سبب بل من اهم الالسباب بس مش معقول كلهم كده

[ام عبد الله]

السلام عليكم اخي الفاضل بعد الزواج لن يتغير حالك اي تبقى تعمل صباحا وتعود تمارس ما تفعل بقية اليوم الذهاب للسوق او للقهوة او لقاء اصدقائك كل شيئ عادي بالنسبة لك اما بالنسبة للزوجة فعندما تعود مثلك من العمل تجد عمل اخر بانتظارها اكلك وشربك وبيتك الذي تسكن انت فيه ولو وجدت اي نقص او خلل لما ارتحت فية ثم بعد سنة تزيد الاطفال الطين بلة ...هل حاولت دعم زوجتك ولو بكلمة حلوة او وقفت معها للتشجيع فقط داخل المطبخ هل خففت عنها من اعباء اليوم كان تقول اليوم لاتطبخين نأكل برة اي اكلة بسيطة لاتترك كل الامور على زوجتك فتشعر انها تدور في ساقية من المهام اليومية التي لا تنتهي ويصيبها ذلك باحباط وتشعر بالندم لانها تزوجتك رغم انها تحبك لكن لا تجعل حبك يتوقف عليها بل افعل شيئا وكن انت البادئ ببداية بسيطة وستدهشك ردة فعلها. اتمنى لك التوفيق ولكل المتزوجين.[at]

[walid walid]

السلام عليكم اخي الفاضل بعد الزواج لن يتغير حالك اي تبقى تعمل صباحا وتعود تمارس ما تفعل بقية اليوم الذهاب للسوق او للقهوة او لقاء اصدقائك كل شيئ عادي بالنسبة لك اما بالنسبة للزوجة فعندما تعود مثلك من العمل تجد عمل اخر بانتظارها اكلك وشربك وبيتك الذي تسكن انت فيه ولو وجدت اي نقص او خلل لما ارتحت فية ثم بعد سنة تزيد الاطفال الطين بلة ...هل حاولت دعم زوجتك ولو بكلمة حلوة او وقفت معها للتشجيع فقط داخل المطبخ هل خففت عنها من اعباء اليوم كان تقول اليوم لاتطبخين نأكل برة اي اكلة بسيطة لاتترك كل الامور على زوجتك فتشعر انها تدور في ساقية من المهام اليومية التي لا تنتهي ويصيبها ذلك باحباط وتشعر بالندم لانها تزوجتك رغم انها تحبك لكن لا تجعل حبك يتوقف عليها بل افعل شيئا وكن انت البادئ ببداية بسيطة وستدهشك ردة فعلها. اتمنى لك التوفيق ولكل المتزوجين.[at]

فعلا ام عبد الله انا شفت ناس كده واكيد لازم يشارك الزوج زوجته حتي ولو بكلمه حلوه وانا مش هتكلم في موضوع العمل بالنسبه للنساء بس اكيد مش كل الازواج كده اشكرا جدا للمشاركه الطيبه

[محمد عبداللطيف]

مش كل الناس زى ما نت فاكر كدة
بس المشكلة ان الغالب كدة
ليه الملل اللى موجود دة عارف ليه لأن فى الغالب الراجل بيبقى مش فاهم يعنى ايه جواز بيبقى مفكر ان جاب خادمة عشان تريحوا وبس من غير ميفكر فى اى حاجة الزوجة محتجاهة يعنى مطلوب منها تهتم بالبيت وبيه من غير اى تقصير وفى نفس الوقت ممنوع انها تتعب او تزهق او حتى تحس
على الجانب الأخر أغلب الزوجات ياإما مهتمة بالبيت ومطنشة الراجل خالص يا اما ضربة الدنيا صرمة ولى مهتمة بالبيت ولا بالراجل
من الأخر احنا نتعامل مع بعض كخصوم كل واحد علية واجب لازم يعملوا
أما قبل الزواج كل منا يسعى لإسعاد الآخر

[وائل الجندى]

انتم عالم رايقةةةةةةةةةةةةةةةةةةةةةةةةةةةةةةة ةة

[sayed.fawzy]

جوابي علي سؤالك اخي العزيز بإختصار:
بتحب التفاح أو المشمش أو أي حاجه؟؟؟
بمووووووووووووت فيهم
جرب بقي تشتغل في مزرعه تفاح او مشمش أو الأي حاجه دي
هتبص تلاقي نفسك ممكن تفضل اسبوع منغير متدوق طعمه
الملل
الزوجه اللي عامله زي التفاحه زوجها لازم يمل من اكل التفاح
لازم تكون يوم مشمش و يوم خوخ و يوم عنب و يوم جميز و دا في ايد كل زوجه تعمله
لازم تكون مزرعه فيها جميع أنواع الفاكهه بدل ما زوجها يطلع ياكل بره

[ام عبد الله]

هل يعني انه اذا لم يكن الرجل مثل المزرعة يمكن للست ان تطلع تاكل برة.هل هذا مقبول ؟

[ابو يزن]

ام عبدالله................أحسنتِ فليس دائماً المرأ ة هي السبب.

[IBRAHIM.KORTOBI]

والله ياساده بعد الصلاة علي النبي وماشاء الله تبارك الله انا عندي 52 سنه وذوجتي كذلك ومتجوزين واحنا عندنا 25 سنه بس لسه الحب والود والكلام الحلو والتحرش كما لوكنا لسه في فترة الخطوبه وانا ببقي في قمة السعاده واحنا مع بعض وهي ايضا واحنا مقيمين في السعوديه وهي طول عمرها معي ولما نزلت بالاولاد مصر عشان الجامعه انا قررت انهي تعاقدي السنه ده وهانزل عشان اكون مع ذوجتي حبيبة العمر . علي فكره احنا اتجوزنا وكنا تحت الصفر ماديا لكن كنا بنحب بعض وبنخاف علي بعض وعمرنا مادخل بنا في اي خلاف اي من الاقارب وده كان دائما يعمل لنا خلاف مع اهلنا اننا مابنشتكيش ولا بنطلب النصيحه ولا حد عارف عنا غير اننا في نعمه وخير . اهم حاجه الي انا اقدر ارجع السبب في توفيق ربنا لنا وارتباطنا هي صلة الرحم احنا حاطين اهالينا فوق رسنا بصرف النظر عن معاملنهم لنا بل العكس داءما وفي كل مره نقول يارب احنا بنوصل الرحم رغبة في رضاك مع ان الموصول لا يسحق الصله وهو ده السر في ناس كثيره توصل المستحق بالصله يعني المعامله بالمثل وبينسو ان صلة الرحم يجب ان تكون لقاطع الرحم قبل الواصل والله ياخوان هو ده السر في اننا ولله الحمد في عيشه هنيه ورغده وسعاده ده غير بقي العقارات والاطيان التي تم شراءها عن غير قصد ولا شطاره ودلوقتي بماليين . لو كل ذوج وذوجه ايقن انه ليس له حد اهم في الدنيا من الاخر وخاف ربنا في معاملاته الماليه ووصل رحمه هيكون ذي انا وحبيبتي .

[المهندس الاستشاري]

ببساطه عندما تحصل علي شيء لاتستطيع الحصول عليه وبعد الحصول عليه ويمكث معك فتره من الزمن تعتاده وتذهد فيه شان كل الامور في الدنيا الا قام هذا الشيء بتطوير مستمر لنفسه يجعلك دائما ترغبه

[مؤيد1978]

السلام عليكم ورحمة الله
اضحكتني المشاركة كثيرا وحقا تعبر عن خفة دم
للجميع اقول ما قبل الزواج ليس كما بعده لكن ليس كما صوره الاخوان بظلام دامس لليلة لا قمر فيها فقبل الزواج شباب بدون مسؤوليات وبعد الزواج هناك الكثير من المسؤوليات وطبعا الكثير من الهموم خصوصا في عالمنا الذي يفتقر النسبة الاكبر من شعبنا الى ابسط مستلزمات الحيات لكن في العدد الاكبر في رأي وخصوصا الزواجات التي تتم عن قناعة الطرفين التامة تكون زواجات ناجحة ويستمر الحب وانا اشبه مشاكل الحيات الزوجية بملح الحيات الذي يعطيه نكهته .. وشكرا للجميع

[Dr.TaReK]

انا ردي بسيط جدا جدا جدا وفي كلمتين وبس

هذا بسبب البعد عن ما أمرنا به ديننا الحنيف العظيم الذي لا عزة لنا إلا به

لو يراعي كل منا حق الزوجة وتراعي كل منهن حق الزوج لأصبحت الحياة جنة
وليكن قدوتك في هذا سيد الخلق والبشر محمد صلى الله عليه وسلم في التعامل مع زوجاته
فوالله لن تجد أجمل من هذه الحياه حياة
ولن تجد خير منها أبـــــــــــــــــدا

ربنا يسعدكوا ويهنيكوا ويكرمكوا جميعا بطاعته ورضوانه ويرزقنا بالذرية الصالحة

[shiitake]

السلام عليكم
الموضوع ببساطه ان شكل الحب يختلف قبل الزواج عن بعد الزواج فقبل الزواج تكون فترات اللقاء صغيرة فدائما هناك شوق و لهفة و يكون الحب بدون مسئوليات الا مسئوليات شراء الهدايا طبعا في الاعياد و المناسبات اما بعد الزواج فشكل الحب يجب ان يختلف و يصبح تحمل للمسئولية و رعاية الاسرة و الاهم تحمل طباع الطرف الآخر التي لم نعايشها كل لحظة قبل الزواج و مساعدته في مهامه ان استطعنا و مشكلة الناس انها تريد ان يدوم شكل الحب في فترة الخطوبة بعد الزواج لكن ما يجب ان نفهمه هو ان لكل مرحلة خصائصها