أي قسم أختار في كلية الزراعة؟

[amaal]

انا جالي كلية زراعة وانا بصراحة حباها وعاوزة اعرف ايه اقسام الكليه عشان انا نفسي ادخل قسم(الهندسه الوراثيه) بس في ناس قالوا ليا انها صعبه وانا محتاره ادخل اي قسم وهل ليها مجموع معين لدخولها ارجو الرد بسرعه وشكرااااااااااااااااااااااا

انا دخلت كلية زراعة جامعة القاهرة بس انا مترددة ادخل اي قسم بس انا حابه ادخل قسم الهندسه الوراثيه بس عاوزة حد يفيدني بس يكون بسرعه وشكرااااااااااااااااااااااااااااااا اااااااااا

مواضيع مشابهة:

• ارجوكم ساعدوني في كلية الزراعة !!
• [عرض]  وظائف لخريجي كلية الزراعة 13/09/2011
• [عرض]  وظائف لخريجي كلية الزراعة 01/06/2011
• ما المطلوب في كلية الزراعة؟

[soulplants]

اي انسان يحب شي رح يبدع فيه وينجاح فيه مدمك تحبي الهندسه الوراثيه اوكي ادخليه ولا تسمعي لي الناس خليكي وثقه من نفسك وجربي ورح انشاء الله تتوفقي فيه

[amaal]

اي انسان يحب شي رح يبدع فيه وينجاح فيه مدمك تحبي الهندسه الوراثيه اوكي ادخليه ولا تسمعي لي الناس خليكي وثقه من نفسك وجربي ورح انشاء الله تتوفقي فيه

بس انا عاوزه اعرف اي سنه اتخصص في اللي انا عاوزاه وسنة اولي دي عامله ازاي انا عاوزه حد يفيدني في الحاجات دي عشان اروح الكلية وانا مطمنه ممكن و شكرااااااااااااااااااااا

[محمد الشيخ 999]

ياريت تشوفى ايه التخصص اللى له شغل بالنسبه ليكى؟ أو التخصص اللى انتى بتحبيه ويكون له شغل ؟

[amaal]

ياريت تشوفى ايه التخصص اللى له شغل بالنسبه ليكى؟ أو التخصص اللى انتى بتحبيه ويكون له شغل ؟

والله انا حابه الهندسه الوراثيه بس انا خايفه جداااااا من اني الاقيها صعبه معرفش امشي فيها وبعدين انا سمعت اني اول سنتين عادي جدا وتالته ورابعه هي التخصص اللي انا اختاره بس انا بسال هل اي قسم بعتمد علي التقدير بتاعي
ارجوكم حد يساعدني

[محمد زهجر الدين]

الاخت امال كل عام وانت بخير انا مهندس زراعى شعبه عامه اقترح قسم زراعه الانسجه لانه مطلوب فى سوق العمل الان ولكن لا تخافى من اى قسم من الاقسام مهما كان صعوبته نفسنا نلاقى مننا العلماء والمخترعين والمبدعين بلاش نختار السهل ويكفيكى شرف المحاول
م/ محمد زهجر الدين

[وليدالشرقاوي]

الاخت امال ...
ربنا ييسر لك ، كمان قسم الارشاد الزراعي ليه شغل ممتاز و مطلوب جدا و راي هذا عن تجربه لان واحد زميل ليه الان ما شاء الله بيحضر ماجستير في الارشاد الزراعي و قسمه مهم جدا و دائما مطلوب في شغل ، و ربنا ييسر لك الخير ...

[هيما]

السلام عليكم
اولا مرحبا بك اخت امال عضوة جديدة فى منتدانا
وبم انك زراعية جديدة فنتمنى ان تستفيدى معنا وان تفيدى
اما موضوع التخصص
فانا خريج حديث للشعبة العامة
وكما ذكرت انت ان التخصص يبدا من الفرقة الثالثة
فاتركى الامر حتى تنتهى من الفرقة الاولى والثانية
لكن عليك العمل بجد والاجتهاد حتى تتمكنى من الالتحاق باى قسم ترغبية ولا يفرض عليك قسم معين
وعند انتهائك من الفرقة الاولى والثانية سوف تكون قد تكونت صورة واضحة لديك عن اى التخصصات ترغبى ان تدخليها
سواء كانت هندسة وراثية ا بيوتكنوللوجى او زراعة انسجة او غيرها من التخصصات
وساذكر لك ماحدث معى فى الفرقة الاولى
كنت ارغب كثيرا فى قسم الاراضى والمياة او قسم الحشرات
ولان كليتى لاتعترف بالتخصصات الدقيقة لذا فدرست بالشعبة العامة
لكن بمرور الوقت اكتشفت ان الافضل لى هو قسم الوراثة لذا ساحاول الاستكمال فية فى الفترة القادمة
اقبلى مرورى وموفور احترامى

[amaal]

بجد شكرا ليكوا اوي علي هذه المساعده الحلوه
وانا لو احتجت حاجه انشاء الله هبقي اسالكوا شكراااااااااااااااااااااااااااااااا اااااااااااااااااا اوي

انا عاوزه افهم حاجه الاختصاص بيبقي في سنه كاااااااااام؟؟؟؟؟؟؟؟؟ لاني سمعت كلام كتير ومش مصدقه انا عاوزه اعرف من حد فاهم ومتخصص وياريت اللي عنده اي حاجه عن كليه الزراعه يقولي لان الواحد لما يفهم مش هيلاقي حاجه صعبه عليه
وشكرااااااااا مره تانيه انا تعبتكوا معلشي بقي

[ezz eldin youssef]

التخصص من السنه الثالثه فيما عدا قسم الهندسه الزراعيه من السنه الاولى .

[م/ فوفو]

السلام عليكم ورحمه الله وبركاته
أولا مرحبا مليون مرحبا بك فى زراعة نت بين اخواتك واخوانك
وكل عام وانتى بخير بمناسبة عيد الفطر المبارك اعاده الله علينا وعلى الامة السلامية بالخير واليمن والبركة
بالنسبة لموضوع التخصص
فلن يحدد هذا سواك وسوى رغباتك انت
توكلى على الله أولا وابدأى دراستك للفرقة الأولى والثانية ولا تقررى شيئا الا بعد الفرقة الثانية فقد تتغير اتجاهاتك أو يتغير سوق العمل فى السنتين التاليتين
وأكيد الدراسة سوف توضح ميولك وأهدافك وسوف تعطيك فكرة جيدة عن جميع الأقسام بعدها تستطيعين أخذ القرار المناسب ووقتها فقط يمكنك أن تسألى عن سوق العمل المناسبة وفقك ميولك انت ورغباتك من حيث الاقسام التى تستطيعين التكملة بها
فاذا كانت كليتك بها عدد معين من التخصصات فستجدين هناك بعض الاقسام التى تحبينها اكثر من غيرها وهناك ماتستبعدينه تماما من تفكيرك وقتها سيكون الاختيار أسهل وعلى اسس سليمة
وفقك الله
وأهلا بك مرة أخرى فى بيتك الثانى زراعة نت

[م/ فوفو]

أختى الفاضلة التخصص من الفرقة الثالثة
أما الفرقة الأولى والثانية فهى دراسة عامة لكل التخصصات تقريبا فيما عدا الألبان والدواجن تقريبا فهى أقسام منفصلة تأخذى فكرة عنها فى التدريب الصيفى بعد الفرقة الثانية
وعموما لاتقلقى فلن تختارى التخصص الا بعد ان تكونى أخذتى فكرة كاملة عن جميع التخصصات بالكلية
وفقك الله
وكل عام وانتى بخير

[م/ فوفو]

بس انا عاوزه اعرف اي سنه اتخصص في اللي انا عاوزاه وسنة اولي دي عامله ازاي انا عاوزه حد يفيدني في الحاجات دي عشان اروح الكلية وانا مطمنه ممكن و شكرااااااااااااااااااااا

السلام عليكم ورحمه الله وبركاته
سنة أولى وتانية دراسة عامة تعتبر مقتطفات لما درستية بالثانوية العامة بس على أخف طبعا
يعنى بتدرسى
من كل قسم الاساسيات له
مثلا
الفرقة الأولى بتدرسى
نبات عام فى قسم النبات
كيمياء فى قسم المبيدات
فيزياء فى قسم الأراضى
حيوان عام فى قسم الحشرات

رياضيات فى قسم الميكنة (الهندسة الزراعية)
دا كان فى دفعتى لكن حاليا اعتقد ان قسم الميكة أصبح كلية مستقله فلا أعلم ماحدث من تغييرات

وأشياء مثل ذلك
والفرقة الثانية أيضا مثل ذلك
وعلى فكرة كل ما تقدمت بالدراسة كلما أصبح من السهل عليك التفوق
فلا تقلقى من ذلك وكل ماعليك فعله الانتظام بالدراسة والحضور ومتابعة دروسك أولا بأول حتى لا تتراكم عليك وعندها لن تجدى أسهل من التفوق بإذن الله
وفقك الله

[carmonsun]

ياريت تركزى شويه فى دراستك بالفرقه الأولى والثانيه وبعدها انتى اللى هتختارى تخصصك بنفسك وبدون مساعده من اى شخص اخر
المهم تجتهدى بالسنتين الأول وبعدها ربنا بيسر الأمور

[ابن الشاطىء]

يا افندم الكلية كلها تحت أمرك

وياريت العميد كان معانا هنا فى المنتدى

و ياريت أنا كنت العميد أو حتى وكيل الكلية