مشاكل ومفاهيم علميه(الموضوع متجدد)

[mloshm]

مشعارف اكتب ايه ولا ايه
اشكرك بجد
يارب نكون عند حسن الظن
ياريت يكون كلامي صحيح ويكون ملخص الموضوع بكل تبسيط
شكرا ليك
وبصراحه هو حقيقي علم واسع اوي اوي جدا بجد وانا الحمد لله غاوي اوي بس للاسف الدراسه مقتصرة ولكن انا حاولت اني نفسي بقراتي لمراجع اجنبيه حتي اطور نفسي وكدة
وياريت لولاحظت ان انا بقول كلام خطا ياريت تقولي اكون شاكر فضلك
وشكرا ليك مرة تانيه

[mloshm]

بسم الله الرحمن الرحيم


ابدا كلامي بتحيه لكل الموجودين
الملوحه ياجماعه مشكله من اهم مشكلات استصلاح اراضي وبالنسبه للمختصين كل يوم بيكون في نتائج جديدة وطرق جديدة للتخلص من الملوحه باختصار شديد انتا معلوماتك ان وجد تزهر املاح علي الارض وتكوين قشرة crustملحيه بيتم الغسيل بدون شك ودة طبعا vesiual diagnosisيعني اقصد تشخيص بصري ودة اللي احنا بنسميه من اسس field investigationاي الفحص الحقلي اللي بيقوم بيه vestigatorالفاحص اول حاجه يشوفها
او مهندس عندة خبرة حقليه
بعض الناس ومن المشكلات يقولك والله انا وضعت البرنامج السمادي وعملت كل شيء ولكن النبات مش ظاهر عليه او بمعني اصح في defficit نقص علي النبات للعناصر الغذائيه
ماذا تتوقع ؟ودة طبعا بعد الفحص الحقلي طبعا يتضح مشكله الملوحه
لذلك انا هستعرض معكم الملوحه وتاثيرها علي النبات في نقط بسيطه وصغير ة خالص
تؤدي الملوحه الزائدة في ماء الري الي ضعف انبات البذور وبدرجه كبيرة وتهتك انسجه الجذور وموت معظم النباتات ويرجع ذلك الي......
زيادة الضغط الاسموزي للمحلول الارضي وبالتالي فشل البذور والنباتات في الحصول علي كل احتياجاتها من الماء نتيجه عدم انتقال الماء من التربه الي داخل النسيج النباتي ويؤخذ في الاعتبار النفاذيه الاختياريه للانسجه النباتيه
الضرر المباشر الذي تحدثه الايونات المرافقه للصوديوم وكلور وتتواجد الاملاح داخل الماء والنسيج النباتي متحدة مع بعض اذن حدث ضرر من الايونات المرافقه لكل من الصوديوم والكلور
عدم اتزان العناصر الغذائيه في المحلول الارض وبالتالي ظهور اعراض نقص بعض العناصر قد تظهر اعراض نقص علي النباتات لاترجع لنقص العناصر بصورة مباشرة ولكن يرجع الي زيادة الملوحه المحلول الارضي مما يعيق النبات من قدرته علي امتصاص العناصر الغذائيه رغم تواجدها في بيئه النمو بصورة صالحه
ماتحدثه الاملاح من تغيرات في الخواص الطبيعيه والكيماويه بنسميه بعرف ولغه الاستصلاحsolodization and degradation اقصد التدهور ادي ذلك الي وجود تجمعات كاذبه غيرقابله للثبات يعني مثال بسيط للجمله دي يعني ايه تجمعات كاذبه باختصار شديد؟؟؟؟في تقدير عندنا في اراضي مهم جدا اسمه النخل الجاف والنخل المبتل النخل الجاف وزنه من التربه بنمررها علي مجموعه من المناخل مرة في الهواء عادي ودة الجاف ومرة بتبقي في جردل مملوء بالماء النخل المبتل وفيها الوزنه من التربه
لكل منخل ليه قطر معين انا بكون عارفه المقصود من تجربتي للنخل الجاف اعرف منها الصادق والكاذب اما النخل المبتل تعرف منها الصادق فقط مين الصادق دة؟
المقاومresistance لاي قوة مثل الماء لذلك اضافه الماء علي كتله طين لايحدث لها تفتيت يدل علي زيادةresistencyمقاومتها وتماسكها ضد الماء نكمل كلامنا الملوحه تعمل علي تجميع تجمعات كاذبه غير قابله للثبات بالاضافه الي ان التركيز العالي للاملاح تؤدي الي تاثير سيء علي الصفات الطبيعيه للتربه والكيماويه مثل زيادة SAR( SODIUM ADSORPTION RATIOاي زيادة نسبه الصوديوم المدمص علي سطح غرويات التربه
بينشا عن ذلك الحبيبات الفرديه وبالتالي يقل مسام التربه
وشكرا لكم

[mloshm]

[mloshm]

[mloshm]

CLAY MINERALS
CRYSTAL SYURCTURE

[mloshm]

... aggregation of mineral grains

شاهد قدرة الخالق سبحان الله

[mloshm]

A microscopic view of an aggregation ...

سبحان الله

[mloshm]

[mloshm]

to a soft absorbent clay mineral ...
سبحانك ياالله

[ساره مصطفي]

موضوع اكثر من رائع وربنا يوفقك في تقديم المزيد

[ياسر عبد السلام]

موضوع جيد و يستحق كل التقدير و اتمنالك كل التوفيق

[ياسر عبد السلام]

معلومات فى غايه الاهميه يا بشمهندس احمد

[amrelsisy]

السلام عليكم ورحمة الله وبركاته
موضوع اكثر من رائع

[mloshm]

بسم الله الرحمن الرحيم
من اهم شيء ياجماعه ومن اقوي المشكلات فعلا حساب النتائج والتركيزات بطريقه سليمه
اللي انا بشوفه كتير جدا خصوصا من مهندس البساتين او المحاصيل او الاراضي يصعب عليه فهم الميكانيزم او الايدلوجيه لطرق الحساب فيضطر الي الحفظ ولكن يوجد من يتعامل معهم بكل سهوله والسبب في ذلك انه مدرك للاساس العلمي للمعادله
فكرت كتير في الموضوع دة وخصوصا اني بالاساس فيزيائي يعني ناس كتير قالت انا بميل للتعقيد بس انا في ذهني انها ليست شيء معقد وبصراحه في رئيي اللي يقدر يفهم فيزياء كويس جدا يقدر يفهم اي حاجه دة بخصوص طبيعه الاراضي وحاليا بدرس انا وحدي فيزياء لفروع اخري وهي منها تستطيع معرفه كل شيء فالموضوع بسيط وسهل وانا هلخصه معاك في خطوات مجرد انك تكون علي خلفيه بها تستطيع ان تكون ديناميكي حركي في اي expresion تعبير يختر علي بالك
الشيء التاني واللي احبكوا تعرفوة ان فعلا فعلا
مقياس ذكاء طالب او باحث الاراضي بيتوقف علي دي
خصوصا اننا قسم اغلب شغله زي مادرستوا الكيمياء التحليليه
ولكن بالتخصص والدراسه تنقسم الكيمياء التحليليه لفروع كثيرة جدا
ولكن اغلب شغلنا هو volumetric analysis اي التحليل الحجمي هو جزء من quantitative analysis التحليلات الكميه
هنبتدي مع بعض في حلقات وحاول تركز كدة وان شاء الله تكون افضل واحد في الموضوع دة باذن الله

[mloshm]

التعبيرات منسوبه لحجم مستخلص التربه والمياة
1- ضرب الحجم × العياريه = ملي مكافي
2- الحجم × العياريه × الوزن المكافيء = مليجرام
3- الحجم × العياريه × الوزن المكافيء/ 1000 = بالجرام
4 - الحجم × العياريه / 1000 = المكافيء
ملحوظه
الوزن المكافيء = الوزن الجزيئي / التكافوء
ناخد مثال
H2SO4
عبارة عن
2×1+32+ 4×16/2 لان حمض الكبريتيك بيحمل شحنيتن = 49
اي 98 /2 = 49
5 - PPM عبارة عن مليجرام / لتر
لتر عبارة عن 1000 ملي لتر
اي PART PER MILLION اي جزء في المليون
6 - PP2M عبارة عن PPM ×2
اي PART PER 2 MILLION اي جزء في 2 مليون
7 - PPB
اي PART PER BILLION
البليون ياجماعه 1000 مليون
اذن PPB = PPM ×1000

نا اخد امثله ايه هي التعبيرات الشائعه في هذة الحاله
زي مليمكافيء / لتر
مليجرام / لتر او PPM
مكافيء / لتر
جرام / لتر
PP2M AND PPB
انا كل اللي انا عايزك تعمله بمنتهي الهداوة خالص
هنعوض عن كل حاجه زي ما انا اديتك الاساسيات
وليكن انا طلبت منك

مليجرام في اللتر
هتقولي الحجم في العياريه بالمليمكافيء اضربها في الوزن المكافيء يبقي بالمليجرام
قسمتها علي الحجم الماخوذ بالماصه يبقي مليجرام في الواحد مل ضربتها في 1000 يبقي
ملجرام في 1000 مل ما انا قايلك 1000 ملي ب 1 لتر
سهله وبسيطه مفيش مشاكل
يبقي المعادله علي الشكل التالي
ح × ع × وزن مكافيء / الحجم الماخوذ بالماصه × 1000 يتم الحصول علي PPM او مليجرام / لتر

ناخد مثال تاني
لما اقولك هاتلي جرام /لتر
يعني ايييييييييييييييييييييييييييييييييي يييييييييييه شغل دماغك الله يكرمك
هتقوم قايلي
لما اضرب الحجم في العياريه يبقي بالمليمكافيء لما اضربها في الوزن المكافيء يبقي بالمليجرام لما اقسمها علي 1000 يبقي بالجرام لما اقسمها علي الحجم الماخوذ بالماصه
يبقي جرام في 1 مل لما اضربها في 1000 يبقي انا حصلت علي ايه جرام في 1000 ملي
اللتر = 1000 مليليتر

طيب لما اقولك مليمكافيء /اللتر
هتقولي اضرب الحجم في العياريه بالمليمكافيء اقسمه علي الحجم الماخوذ بالماصه يبقي في مليمكافيء في الواحد ملي اضربه في 1000
يبقي ملي مكافيء في 1000 ملي اي ملي مكافيء في اللتر
بسيطه سهله مفيش اي مشاكل
استعرضت معاك اهم التعبيرات في هذا المجال
يارب تكون بسيطه
وانا حبيت اكتبهالك بطريقه مفصله
بدلا من كتابه المعادله
ولا تستفيد بمحاورها الاصليه
دة الدرس الاول احب اشوف اي تفسيرات