دراسة جدوى صوبه
النتائج 1 إلى 13 من 13

الموضوع: دراسة جدوى صوبه

  1. #1
    تاريخ التسجيل
    Apr 2007
    الدولة
    مصر
    المهنة
    خبير ومهندس زراعي
    الجنس
    ذكر
    العمر
    50
    المشاركات
    1,015

    دراسة جدوى صوبه


    دراسه جدوى صوبه زراعيه
    **فكرة الدراسه –هى الالمام بمدى جدوى الاستثمار فى البيوت المحميه ومعرفه التكاليف الحقيقيه للصوبه الزراعيه (البيت المحمى) وأيضا" معرفه الايرادات المتوقعه للصوبه ومن ثم خصم الايرادات من التكاليف وتحديد او معرفه الربح ومن ثم تقرير واتخاذ القرار بالاستثمار من عدمه وعدم التفاؤل فى الدراسه وتركه جانبا"
    **نبدأ بعون الله فى سرد جانب التكاليف متبوعا" بالايرادات ومن ثم تحديد الربح وتحليل الدراسه ومعرفه معدل الفائدة على رأس المال
    **التكاليف الثابته للمشروع
    1-الصوبه الزراعيه
    وفى هذة الدراسه الصوبه عبارة عن 9متر عرض ×56طول اى ما يعادل مساحه 504متر مربع
    --مواصفات هذة الصوبه عبارة عن اقواس 2بوصه حديد مجلفن ونوع الجلفنه على الساخن
    عدد 3جسر طولى 3/4بوصه وسمك القوس 1.8مم والجسر الطولى 1.5 مم وايضا حامل المحصول 3/4بوصه وعدد 2باب خلفى و2باب امامى بالاضافه الى باقى المواصفات الاخرى
    **تكلفة هذة الصوبه تساوى 7004جنيه بالتحديد شامله النقل والتركيب
    -يضاف الى هذا البند من التكاليف الثابته الغطاء البلاستيكى عبارة عن 151كيلو بلاستيك او رول بلاستيك بطول 61متر وعرض 12متر معالج 10% وسمك 150ميكرون وتكلفته الغطاء تقدر بمبلغ 151×15جنيه للكيلو 2265جنيه
    --شبكه الرى داخل البيت عبارة عن ما يعادل عدد 1 لفه خرطوم GRوهو تقريبا الى هذا الوقت من افضل خراطيم الرى بالتنقيط ويقدر ثمن هذا البند بمبلغ 200جنيه مصرى
    --ايجار مساحه عدد3قيراط ارض هى تقريبا ما يعادل المساحه المقام عليها الصوبه ويقدر هذا البند 400جنيه فى العام
    **الى هذا البند انتهت التكاليف الثابته للمشروع ويمكن وضعها فى جدول لحساب التكاليف الثابته وحدها هنا فقط للوضوح للمستثمر بصورة افضل
    م
    عنصر التكاليف
    سعدر الوحدة
    عدد الوحدات
    اجمالى
    1
    صوبه
    7004
    1
    7004
    2
    بلاستيك
    2265
    1
    2265
    3
    خرطوم تنقيط
    200
    1
    200
    4
    ايجار
    400
    3قيراط
    400
    5
    تركيب
    350
    1
    350
    -
    اجمالى
    -
    -
    10219
    **والان وبعد سرد جانب التكالبف الثابته نأتى الى جانب التكاليف المستهلكه او المتغيرة او ما نسميه نحن الزراعيين تكاليف الانتاج
    --1-السماد العضوى وهذا البند يلزم للصوبه الواحدة عدد 2متر سماد عضوى متحلل خليط ما بين سماد الدواجن و مخلفات الحيوانات (الابقار والجاموس) وهذا البند تكلفته عبارة عن 100جنيه للمتر المكعب من هذا المخلوط فيكون 1×200=200جنيه
    **عمال التخطيط واقامه المصاطب وشد خراطيم التنقيطوهذا البند تكلفته عدد 2عامل ×50=100جنيه
    ** الكيماويات اللازم اضافتها مع السماد العضوى وتكلفتها حوالى 200جنيه تضاف مع السماد العضوى عبارة عن كبريت زراعى لمعادله حموضه التربه ونترات نشادر وايضا" سوبر فوسفات الكالسيوم كمصدر للفوسفور عند التزهير
    **خيوط التسلق وتكلفتها تقدر 180جنيه مصرى
    **شتلات الخيار اللازمه للصوبه وهى عبارة عن 1100شتله نلكفه الشتله الواحدة بعد التحضين فى المشتل 75قرش فيكون الاجمالى لهذا البند 1100نبات او شتله ×75قرش=825جنيه
    **الاسمدة الكيماويه والمبيدات وتتكلف الصوبه الواحدة من المبيدات الحشريه والتسميد الورقى حوالى 350جنيه للصوبه الواحده
    م
    العنصر
    عددالوحدات
    سعرالوحدة
    اجمالى
    1-
    سمادعضوى


    200
    2-
    عماله


    100
    3-
    كيماويات


    200
    4-
    خيط تسلق


    180
    5-
    شتلات
    1100
    75قرش
    825
    6-
    أسمده كيماويه
    -
    350
    350
    7-
    عماله يوميه
    -
    -
    500
    8-
    اجور جمع
    -
    -
    350

    اجمالى
    -
    -
    2705
    **
    اخوانى نأتعى الان الى نقطه هامه وهى معرفه حجم مجموع التكاليف كلها سواء الثابته و المتغيرة معا"
    --أجمالى الثابته=10219جنيه+2705جنيه=12924جني ه
    **اجمالى تكاليف الصوبه مقاس 9متر ×56متر من بدايه الشراء واقمه الصوبه مرورا" بزراعتها حتى موعد جنى المحصول 12924جنيه
    ***الايرادات
    من المعروف ان نبات الخيار من واقع تجاربى الشخصيه لايقل انتاج النبات الواحد عن 5كيلو جرام ولا يزيد عن 9كيلو جرام ومن ثم نأخذ المتوسط كالتالى 5+9=14كيلو جرام/2=7كيلو جرام للنبات الواحد
    --عدد النباتات فى الصوبه 1100نبات ×7كيلو للنبات الواحد =7700كيلو جرام من الخيار
    --بأفتراض ان سعر الكيلو من الخيار 1جنيه كمتوسط
    *هذا يعنى ان انتاج الصوبه فى الاربعه اشهر الاولى يعطر أيراد قدرة 7700جنيه فى أسوأ الظروف هنا تعمدت ان اترك جانب الفاؤل اطلاقا على العكس فى بعض العروات كنت اقوم بتسويق الكيلو جرام من الخيار بأكثر من 2.70قرش وفى بعض الاحيان بل غالب الاحيان يتم تسويق الكيلو فى حدود ال160قرش هذا للعلم فقط ولا أقوم بتحديد الدرراسه عليه اطلاقا"
    **ملحوظه هامه يجب أخذها فى الاعتبار وهى ان الصوبه فى العروة الاولى لها عند موازنه المصروفات بالايرادات فان معدل الخسائر عبارة عن 5224جنيه لكنها فى نظرنا نحن الزراعيين مكسب ممتاز وذلك لان الايرادات 7700جنيه فى حين تكاليف الانتاج او المصروفات الانتاجيه او التشغيليه عبارة عن 2705جنيه لو طرحناها من 7700جنيه فيكون الفرق حوالى 4995جنيه مضروبا" ×3عروات فى السنه يساوى مبلغ وقدرة 14985جنيهصافى ارباح بافتراض استرداد راس المال الثابت فى خلال سنه وهو مبلغ10219جنيه
    فيكون معدل الربح بعد عام حوالى 14985-10219=4766جنيه صافى ربح فى العام الاول
    **اما فى العام الثانى فان معدل الربح يزيد بأكثر من 200% مقارنه بالعام الاول لانه فى هذا الوقت سيكون لدينا اصول استرددنا رأس مالها عبارة عن
    10219جنيه فيكون كل عروة من العروات الثلاثه التاليه فى العام الثانى تكلفتها فى حدود 2800جنيه على الاقل او تحديدا" وبهذا يكون لدينا مصروفات فى العام الثانى على مدار العروات الثلاثه 2705×3=8115جنيه وايرادات العروات الثلاثه عبارة عن 7700×3=23100جنيه مطروحا" منها مبلغ وقدرة 8115جنيه
    **23100-8115= 14985جنيه صافى الربح للصوبه الواحدة فى العام بنفس المقاس السابق ذكرة فيكون معدل الفائدة على رأس المال المستثمر فى البيوت او الصوبه الواحدة عبارة عن 1.84قرش اى انه كل جنيه مستثمر فى هذا المجال يدر ربح مقدارة اكثر من 185% فى العام الواحد
    واخيرا" اتمنى ان اكون وفقت فى هذة الدراسه واتمنى ان اخدم بها دينى ووطنى وامتى وادعو الله ان أكون عند حسن ظن الكثير من اخوانى المستثمرين والمزارعين والمهندسين الزراعيين والحمد لله رب العالمين
    **تمت هذة الدراسه عن طريق المهندس الزراعى **أسعد عبد العزيز الفقى
    n عضو نقابه المهن الزراعيه بكفر الشيخ /مصر
    n أعداد دراسات جدوى المشاريع الزراعية
    n أدارة مجموعة الاخلاص للبيوت المحميه
    n أدارة معمل الفقى لتفريخ الدواجن وتصميم المفاقس
    n **موبايل
    n 01024404227
    n
    n aelfke[at]yahoo.com
    n asadalfke[at]hotmail.com
    جمهورية مصر العربيه


    مواضيع مشابهة:
    التعديل الأخير تم بواسطة اسعدالفقى ; 05-08-2012 الساعة 11:18 PM
    م/أسعد الفقى **0533021646 بالمملكة العربية السعودية
    http://omrasad.blogspot.com/
    اعداد دراسات جدوى المشاريع الزراعية

  2.    روابط المنتدى



  3. #2
    تاريخ التسجيل
    Jun 2009
    الدولة
    ام الدنيا
    المهنة
    مهندس
    الجنس
    ذكر
    المشاركات
    3

    بشمهندس اسعد

    لقد عملت فترة كبيرة مع شركة تصنع الصوبات الزراعية السنجل
    وقرات موضوعك ولكنى مستغرب نهائيا مما ذكرت
    فالمقايسة للصوبة السنجل لاتمت للواقع بصلة واردت مناقشتك فى بعض الامور حتى تتضح الامور

    انا هناقش معاك حتى نفيد الناس وانا ايضا

    اولا المواصفات العامة للسنجل 9 *56 حسب مواصفات وزارة الزراعة التى يتبعها جميع العاملين فى المجال فى مصر هى ؛
    الاقواس من مواسير 5و1 بوصة تخانة 2 مللى مجلفنة على الساخن اما المواسير ال 8و1 فهى غير مجلفنة على الساخن بل هى مواسير سحب صاج مجلفن مسحوب اما الاستاندر للساخن 2 مللى حتى ال2 بوصة

    ثانيا:الجسر او المدادات كما تقول عمر الصوبة السنجل ال9 متر ما هتنفع ب3 مدادات لان الكلام دة فى الصوبة ال6 * 40 اما ال9 متر فلازم اجبارى 5 مدادات علوى وجانبى وارضى دة بالنسبة لل 5و1 بوصة ما بالك بال2 بوصة

    ثالثا هناك شى اسمه نسبة وتناسب بمعنى ان لو قلنا الاقواس بوصة ونصف يبقى المدادت 4/3 "
    اما لو 2 بوصة اوتوماتيك على طول لتقل المواسير تبقى المدادت واحد بوصة
    ويستثنى حمالات المحاصيل فى الحالتين ممكن4/3 "

    رابعا البلاستيك سيدى العزيز لو قلنا بلاستيك 150 ميكرون يبقى هنقول صوبة 6* 40 لكن استحالة نقول 9*60 لان المصرح بية فى هذة الحالة وهو عرف متبع من 200:180 ميكرون معالج ضد الاشعة فوق البنفسجية
    وتتطلب الصوبة من 190 الى 200 كيلو سعر الكيلو (هيما بلاستيك) 13 جنية

    خامسا : ودة مهم جدا عندما يتم تحديد سعر الصوبة لا يذكر فيها التركيب لاننا ممكن نركب فى الصحراوى
    وممكن نركب فى السلوم يبقى تتحدد ازاى ياعنى لو فى توشكى هيبقى زى القاهرة ازاى

    سادسا ودة المهم النهاردة سعر الصوبة بمواصفات الوزارة الرسمية يتعدى بالبلاستيك مواسير 5و1
    بدون تركيب ونقل يتعدى ال14000 الف جنية يبقى ازاى 2 بوصة بالنقل والتركيب والبلاستيك بمبلغ9269
    الف كل دة والرى برة الحساب
    سيدى هناك شى انا مش فاهمة وارجوا توضيحة لعل انا المخطى



  4. #3
    تاريخ التسجيل
    Jun 2009
    الدولة
    ام الدنيا
    المهنة
    مهندس
    الجنس
    ذكر
    المشاركات
    3

    انا فى انتظار رد حضرتك للتوضيح
    وشكرا لك مجهوداتك



  5. #4
    تاريخ التسجيل
    Apr 2007
    الدولة
    مصر
    المهنة
    خبير ومهندس زراعي
    الجنس
    ذكر
    العمر
    50
    المشاركات
    1,015

    اخى الحبيب


    اقتباس المشاركة الأصلية كتبت بواسطة عماد والى مشاهدة المشاركة
    بشمهندس اسعد



    لقد عملت فترة كبيرة مع شركة تصنع الصوبات الزراعية السنجل
    وقرات موضوعك ولكنى مستغرب نهائيا مما ذكرت
    فالمقايسة للصوبة السنجل لاتمت للواقع بصلة واردت مناقشتك فى بعض الامور حتى تتضح الامور

    انا هناقش معاك حتى نفيد الناس وانا ايضا

    اولا المواصفات العامة للسنجل 9 *56 حسب مواصفات وزارة الزراعة التى يتبعها جميع العاملين فى المجال فى مصر هى ؛
    الاقواس من مواسير 5و1 بوصة تخانة 2 مللى مجلفنة على الساخن اما المواسير ال 8و1 فهى غير مجلفنة على الساخن بل هى مواسير سحب صاج مجلفن مسحوب اما الاستاندر للساخن 2 مللى حتى ال2 بوصة

    ثانيا:الجسر او المدادات كما تقول عمر الصوبة السنجل ال9 متر ما هتنفع ب3 مدادات لان الكلام دة فى الصوبة ال6 * 40 اما ال9 متر فلازم اجبارى 5 مدادات علوى وجانبى وارضى دة بالنسبة لل 5و1 بوصة ما بالك بال2 بوصة

    ثالثا هناك شى اسمه نسبة وتناسب بمعنى ان لو قلنا الاقواس بوصة ونصف يبقى المدادت 4/3 "
    اما لو 2 بوصة اوتوماتيك على طول لتقل المواسير تبقى المدادت واحد بوصة
    ويستثنى حمالات المحاصيل فى الحالتين ممكن4/3 "

    رابعا البلاستيك سيدى العزيز لو قلنا بلاستيك 150 ميكرون يبقى هنقول صوبة 6* 40 لكن استحالة نقول 9*60 لان المصرح بية فى هذة الحالة وهو عرف متبع من 200:180 ميكرون معالج ضد الاشعة فوق البنفسجية
    وتتطلب الصوبة من 190 الى 200 كيلو سعر الكيلو (هيما بلاستيك) 13 جنية

    خامسا : ودة مهم جدا عندما يتم تحديد سعر الصوبة لا يذكر فيها التركيب لاننا ممكن نركب فى الصحراوى
    وممكن نركب فى السلوم يبقى تتحدد ازاى ياعنى لو فى توشكى هيبقى زى القاهرة ازاى

    سادسا ودة المهم النهاردة سعر الصوبة بمواصفات الوزارة الرسمية يتعدى بالبلاستيك مواسير 5و1
    بدون تركيب ونقل يتعدى ال14000 الف جنية يبقى ازاى 2 بوصة بالنقل والتركيب والبلاستيك بمبلغ9269
    الف كل دة والرى برة الحساب

    سيدى هناك شى انا مش فاهمة وارجوا توضيحة لعل انا المخطى
    بالطبع اخى الحبيب لا اعرف كيف اخطأت لكن الخطأ كل الخطأ فى نظرى وهو الاكيد ان حضرتك بس لم تعرف اسعار هذة الايام ويريت نتعامل مع بعض وانا مستعد لتنفيذ ما اقول لك كل الحب والتقدير
    اما موضوع الميكرون والجلفنه وهذا الكلام فهو على القل تليل من اهميه الدراسه من ناحيه سيادتكم ولكن ليعلم الجميع انى لم اكتب اى دراسه الا اذا كنت نفذتها على ارض الواقع وعموما هذا شرف لى ان استقبل سيادتكم فى مقر المجموعه وترى انجازاتنا التى بفضل الله حققناها ولله الحمد واتشرف بيك للمرة الاخير سيدى الفاضل وشكرا" على المداخلة

    التعديل الأخير تم بواسطة اسعدالفقى ; 13-06-2009 الساعة 10:37 PM سبب آخر: لغةى

  6. #5
    تاريخ التسجيل
    Jun 2009
    الدولة
    ميلانو
    المهنة
    مهندس زراعى
    الجنس
    ذكر
    العمر
    42
    المشاركات
    26

    اولا السلام عليكم ورحمة الله وبركاته
    ثانيا سؤالى الى الباش مهندس اسعد الفقى انا ليا قطعة ارض فى الصالحية الجديده وعايز اعمل صوبه بس المشكله اللى بتقبلنى هى التسويق ممكن تساعدنى فى عمل الصوبه والتسويق نظرا لانى خارج مصر مع الشكر


  7. #6
    تاريخ التسجيل
    May 2009
    الدولة
    مصر
    المهنة
    مهندس زراعي
    الجنس
    ذكر
    المشاركات
    37

    الاخوه الاعزاء انا شخصيا افضل الصوبه 9*46 من اجل التهويه
    بعدين اليومالصوب بتم نظام حدادي وليس مصانع
    علشان بتكون رخيصه
    بجيب المواسير من المصنع وبيتم التقويس بالورشه
    بالخطاطبه
    سعر الماسوره 6م /1.5بوصه/2.3ملي ب 102ج
    والبوصه 71
    والنص41



  8. #7
    تاريخ التسجيل
    Aug 2009
    الدولة
    mansoura
    المهنة
    دكتور بيطرى
    الجنس
    ذكر
    العمر
    40
    المشاركات
    44

    ياباش مهندس اسعد الاسعار دى غالية اوى لتكلفة الصوبة الواحدة ده انا سائل واحد بالخطاطبة بيعمل الصوبة الصغيرة ب 3000 جنيه حديد وغطاء فى 12 صوبة 36000 جنيه للفدان يعنى رخيص اوى ومتهيأ لى باقى التجهيزات مثل الجسر الطولى وحامل المحصول دى لا تذكر بالتكلفة كثير وبيقولى كمان الفدان فى اول مرة بيجيب ثمن التكلفة وزيادة صغيرة وممكن يكسبك فى السنة 90 الف جنيه من الخيار والمحاصيل الاخرى ايه رايك؟


  9. #8
    تاريخ التسجيل
    Apr 2008
    الدولة
    الجزائر الحبيبة
    المهنة
    تقني سامي ومحب لمجال الزراعة
    الجنس
    ذكر
    المشاركات
    153

    معلومات قيمة شكرا الدكتور اسعد
    كم يساوي الجنيه بالأورو ؟


  10. #9
    تاريخ التسجيل
    Jul 2009
    الدولة
    الجزيره
    المهنة
    مهندس زراعي
    الجنس
    أنثى
    العمر
    39
    المشاركات
    10

    تشكروا علي المعلومات انازراعيه جديده وكانت عندي نفس الفكره بس واجهتني مشكله التمويل السودان معروف بالاراضي الخصبه ووفره المياه بس مشكله راس المال هي العائق الوحيد


  11. #10
    تاريخ التسجيل
    Apr 2007
    الدولة
    مصر
    المهنة
    خبير ومهندس زراعي
    الجنس
    ذكر
    العمر
    50
    المشاركات
    1,015

    شكرا لكم جميعا لكن اخوانى انا اكلمكم من ارض الواقع واتمنى من الاخوة الذين دخلو حيز التنفيذ مع احتلرامى للاخرين لان فعلا" بيقابلنا نفقات كتيرة جدا" وصدقونى عن تجربه والله اكثر من سنوات عديدة وشكرا لكم جميعا"


  12. #11
    تاريخ التسجيل
    Apr 2007
    الدولة
    مصر
    المهنة
    مستورد
    الجنس
    ذكر
    العمر
    68
    المشاركات
    2,178

    الموضوع جميلمهندس اسعد
    والسؤال
    اذا اردت تركيب مبدئيا وللتجربه عدد 2 صوبه فى مطروح مع العلم ان مطروح الرياح بها شديده فى الشتاء فهل سيظل هذا العرض قائم ام ان به بعض التغيير علما ان نسبه الملوحه بالمياه تتعدى3000 الاف جزء فى المليون
    ولك كل الشكر واتمنى ان نعمل سويا ان شاء الله


  13. #12
    تاريخ التسجيل
    Apr 2007
    الدولة
    مصر
    المهنة
    خبير ومهندس زراعي
    الجنس
    ذكر
    العمر
    50
    المشاركات
    1,015

    اخى كل شيء ممكن لكن بنسبه الملوحه التى كتبتها اللى هى اكثر من 3000 جزء بالمليون هو دا اللى مش ممكن ابدا" لان الخضار او غالبيه الخضار حساس جدا للملوحه وخاصه ملوحه مياه الرى ربما افيدك فى موضوع اخر الا انى انصحك بان لاتزرع بهذة المياه اطلاقا"


  14. #13
    تاريخ التسجيل
    Feb 2009
    الدولة
    مصر
    المهنة
    مدير عام وعضو مؤسس شركة قطاع خاص
    الجنس
    ذكر
    العمر
    72
    المشاركات
    5

    المهندس أسعد لدى خامات مست ( 35 × 60 م ) محتاج تركيب
    أنا فى الوادى الجديد / الداخلة أتمنى تساعدنى ولك جزيل الشكر
    أخوك / جمعه سعيد محمول : 0118574484 / 0100989764