كيفية تكاثر نبات مسك اللليل

[abuelenain2000]

الظروف ببساطة شديدة جدا انك تقطع العقل وتزرعها باتجاها الصحيح في تربة جيدة الصرف خاليه من الاملاح والمسببات المرضية وتحطها بعد كده داخل الصوبة البلاستيكية المغطاه بالثيران أو تظللها بأي شئ وتحافظ دايما علي رطوبة عالية داخل الصوبة لحين نجاح التجذير
أما بالنسبة للهرمون فده للانتاج التجاري بنجيب أقراص الاندول اسيتيك اسيد IAA وندوبها في كحول ونعامل بيها العقل لتشجيع التجذير.

و ممكن تستخدم أكتر من طريقة للاكثار الخضري مثل (الترقيد الهوائي و السرطانات و الترقيد الارضي و.......)
وكلا أسهل من العقل
ولو مهتم ممكن أكمل
واحنا دايما في الخدمه

[محمود بك]

الاقراص دى اخى الكريم تباع اين وانا ناعندى صوبة بلاستيكية وماهو اتجاها الصحيح وياريت صور اخى الكريم وجزاك الله خيرا وتوضح اكثر

[abuelenain2000]

أخي محمود
بالنسبة للعقلة الاتجاه الصحيح هو أن اتجاه البراعم لاعلي
أما الصوبة فاتجاهها من الشمال الي الجنوب والباب يكون جهة الجنوب عشان لو في رياح
أما بالنسبة للتربة فتكون بنسبة 1بيتموس :2رمل بعدغسل الرمل بالماء جيدا عشان لو فيه أملاح ومرقد العقلة ممكن يكون أي حاجه كوبايات بلاستيك أو فخار أو( صواني فوم عيون واسعة )أو صناديق خشبية أو صناديق بلاستيكية أهم حاجه فيها أنها توفر الصرف الجيد وترصها علي حجاره من الطوب الابيض لضمان الصرف
والري يكون عن طريق الرش (مست) لضمان الرطوبة للعقل
أما بالنسبه للمعاملة بالهرمون فده بيختلف من نبات لاخر علي حسب التركيز وكمان بيختلف شكل العبوة ممكن تكون سائله أو أقراص زي ما قولتلك المهم انك تعرف أن التركيز حوالي 400:500 ppm أي 0.4 :0.5 جرام للتر وتغمس فيها قواعد العقل لمدة 10 ثواني وبتحسبها انك بتعد لغاية عشرين بعد كده تتركها تجف لعشر دقائق وتزرعها بعد ذلك .
بالنسبة للصور هحاول أجيبلك صور توضح الكلام ده كله

[محمود بك]

ياريت اخى الكريم صور وماهو الهرمون المناسب للورد الجورى ومسك الليل وانا ماعندى صوبه من اصله وياريت اميلك فى رسالة خاصة وجزاك الله كل خير سوف ازرعه فى اناء