انا شايف الموضوع عشان ينجح محتاج:
1- اهداف واضحه (حتى لا يحدث اختلاف بين الشركاء).
2- اداره جيده (دراسه جدوى ثم نخطيط مالى و تخطيط فنى و الاستعانه بالخبرات العمليه و العلميه).
3- الموضوع ده بالبلدى كده محتاج رجاله يعنى محتاج انك تاخد قرار هيغير حياتك من الحياه المدنيه التى نعمل فيها كموظفين على مكاتب مكيفه و محتاج صبر و اصرار.
تانى, محتاج صبر و اصرار. بس عشان تصبر لازم تكون عارف انت عايز توصل لايه (ايه اهدافك).
انا هدفى:
1- تحقيق دخل فى حدود 10 الاف جنيه شهريا (باسعار اليوم) بعد 3 ثلاث سنوات من الان.
2- زراعه محاصيل مناسبه للبيئه الصحراويه و ما اكثر الصحراء فى بلادنا.
3- اضافه جزء تصنيعى على المنتج الزراعى كقيمه مضافه على المنتج تزيد من المردود الاقتصادى.
4-تخصيص جزء من الارباح حتى لو كان ضئيل لتطوير ما ننتجه (ده مهم جدا لازم جزء من الدخل نصرفه على التطوير بس ده فى مرحله لاحقه بعد تحقيق ارباح).
الاخ العزيز خالد الشريف
كلامك منطقي جدا وعملي جدا جدا وانا تقريبا عندي دراسة جدوى مبدئية ولكنها تحتاج لتنقيح نظرا لتغير الاسعار بشكل يصعب حسابه نسبيا في العامين الاخيرين .بس انا كنت فعلا محتاج مبدئيا اننا نتجمع ونتعرف على بعض كويس . اقصد المجموعة اللي عندهم الحماس لنفس الفكرة كل واحد يصب عصارة تفكيره وكل اللي اتوصل ليه من معلومات عن موضوع الاستصلاح ونستفيد كلنا من افكار المجموعة الي جانب طبعا الحماس اللي هنستلهمه من وجودنا مع بعض.
دى خطوة اوليه لا تغنى طبعا عن الخطوات العمليه اللي اشار ليها اخونا خالد الشريف جزاه الله خيرا اللي هى طبعا مهمة جدا بل اساسية.
وطبعا انا عارف ان ممكن حد يقول طيب يا جماعة لسه هنقعد مع وندرس ونروح ونيجي ونحاول, طبعا ده نقولوا يا اخى بتجمعنا ده وتفكيرنا مع بعض مش هيكون في خسارة ابدا حتى لو ما بداناش اي شىء لانه اقل شيء هنستفيد خبرة وهندرس فكرة مع بعض وهنناقش دراسة جدوى مهمة حتى لو مش لينا فهى مهمة لاى شاب مسلم ممكن يستفيد بيها
وفي الاول والاخر يكفينا شرف المحاولة وخاصة محاولة التفكير الجماعى اللي بنفتقده على مستوى العالم الاسلامى لا سيما في ايامنا الحالية
فتعالوا نحاول مع بعض يمكن ربنا يوفقنا وننجح وطبعا أملنا في توفيق ربنا كبير
وشكرا جزيلا
السلام عليكم
السلام عليكم ياشباب
بجد أنا مبسوط جدا من المشروع ده وأتمنى يتحقق ده حلمى من زمن طويل بس ياجماعة لابد أننا نتعامل بحكمة لئلا نختلف بعد بداية المشروع فلابد من وضع مبادئ وأسس نلتزم بيها لأنى وضعت في اعتباري مخاوف أخي أبو على المصري ولدي حل لهذا باذن الله والله الموفق أولا وأخيرا وعلى الجادين مراسلتى على abod117[at]yahoo.com أو abod117[at]hotmail.com أو 0100080052 لنبدأ في التفاصيل
ملحوظة: أعتقد أننى على قلة شأني أستطيع المساعدة في اختيار الأرض في مكان مناسب وبأسعار جيدة
بما ان فى هناك كثيرون متحمسون للفكره من مختلف التخصصات, انا لدى فكره اطرحها للمناقشه:
انشاء تجمع زراعى فى صوره (Business Cluster) التعريف باللغه الانجليزيه اضغط هنا.
تعريف:
هو تركز جغرافى لمجموعه من الشركات و الموردين و الهيئات المصاحبه فى مجال معين. و ذلك لزياده الانتاجيه و القدره على المنافسه محليا و دوليا.
الفكره ببساطه:
لو فرضنا ان لدينا 50 فرد يريدون المساهمه فى الموضوع
1- يتم تكوين خمس مجموعات كل مجموعه 5 افراد من تخصصات مختلفه و هذه المجموعه هى نواة تكوين شركه بعد فترة تعارف اوليه بين المجموعه و مشاركه الاهداف و الافكار. و لكل مجموعه مشرف عام من الافراد الخمسه يتم اختياره للتنسيق مع بقيه المجموعات الاخرى.
2- بعد ذلك اصبح لدينا نواه لخمس شركات كل منها اهداف متعدده و لكن الجزء الاهم ان تتفق فى بعض الاهداف الاساسيه مثل نوعيه المحاصيل التى ستتم زراعتها و خطط النمو.
3- تكوين راسمال محدد لكل مجموعه على اساس الاهداف التى و ضعتها المجموعه و المقرر فى دراسه الجدوى.
4- تم اختيار ارض مساحتها لا تقل 500 فدان على اساس 50 فدان للمجموعه.
5- يتم انشاء مركز استشارى و تبادل خبرات Knowledge Base من المهندسين الزراعيين و الباحثين و علماء الزراعه من مختلف التخصصات الزراعيه و كلا منهم بصفته موظف او شريك من هذه المجموعات او حتى استشارى خارجى.
6- المشاركه فى الصرف على هذا المركز بين جميع المجموعات بحيث تتوزع التكاليف على عدد اكبر.
7- المشاركه فى سيارات النقل و المعدات و المكينات الزراعيه و بالتالى ايضا توزيع تكاليفها على عدد اكبر.
8- المشاركه فى مركز تسويقى / شرائى واحد و بالتالى قدره تفاوض اكبر و فرص تحقيق سعر وفر عند الشراء من الموردين.
مزايا هذه الفكره من وجهة نظرى:
1- تحقيق انتاج كمى و تحقيق وفورات فى تكاليف الانتاج.
2- فرص تصديريه اعلى نتيجه تحقيق الانتاج الكمى.
3- عامل نفسى وجود مجموعات اخرى تعمل بجانبك عامل مشجع على تحدى الصحراء.
4- المركز الاستشارى هو اهم ما فى الموضوع حيث الزراعه بدون علم و التخصص الدقيق هو عامل مخاطره عالى.
5- التشارك فى تكاليف البنيه التحتيه التى لا يقدر عليها مجموعه قليله من الافراد.
عيوب:
1- الحاجه الى قدرات تنظيميه عاليه لاداره هذه الفكره و التطوير الدائم لها.
السلام عليكم
شكرا جزيلا للأخ خالد الشريف اللي بستلهم منه الحماس نظرا لافكاره الجيدة وروحه الوثابة ولكن لي تعليق بسيط ليس على تطويره للفكرة بالعكس لانها عجبتنى جدا ولكن لاننا مازلنا لم نبدأ بعد فمن الممكن ان نترك التطوير وأفكار زيادة الطاقة الانتاجية وزيادة الكم المهنى والنوعي للشراكة حتى نبدأ اولا بنواتنا الصغيرة ثم نكبر مع الوقت حتى لا يحدث تشتيت لافكار المجموعة خاصة انا هناك بعض الاخوة وانا أولهم لم نفهم جيدا ابعاد هذه التطورات
فلنبدأ أولا حتى نستطيع تجميع راس مال قوي ثم بعد ذلك نطور شركتنا خطوة بخطوة حتى نكون على اكبر قدر من الامان ونضع ارجلنا على ارض صلبة ويكون الكل مدرك الى اين يذهب ومقتنع بما يفعل
وشكرا لكم جميعا
ما شاء الله على الافكار العال جدا .
وانا معك اخ خالد فيما تكرمت به.
يجب الدراسه كامله لجميع متطلباته.والموضوع عايز تأنى وتروى بلاخد بيه وتطبيقو على ارض الواقع بعد تمحيص وتفتيش .
وانا اقول ابدأ دائما كبير تبقى كبير.
ولكن هنا وجهة نظر الاخ محمد برضو صائبه بأن تبداؤوا بلصغير والقليل لتكبرو منه خطوه خطوه ان شاء الله
ليكبر وينمو المشروع كما صممتم وخططتم له.,وبلتوفيق لكم ان شاء الله.
التعديل الأخير تم بواسطة نسرين يونس ; 05-06-2009 الساعة 02:03 AM
محمد
بالنسبه لفكره التطوير انا معاك ليس الان.
و لكن الفكره ان انا و انت لسنا مهندسين زراعيين. انا اخر علاقه لى بالزراعه انى زرعت فول فى اصيص ايام ما كنت فى ابتدائى.
ان الزراعه علم و خبره و تخصصات كثيره و علوم دقيقه.
فكرتى ان كل مجموعه مكونه من 5 اشخاص يجب ان يكون من بينهم مهندس زراعى متوسط الخبره من خمس الى عشر سنوات فى احد التخصصات الزراعيه.
و فى المثال الذى اعطيته عن 50 فرد يكونوا 10 مجموعات و بالتالى اصبح عندك خبرات و علم 10 مهندسين زراعيين فى الموضوع من مختلف التخصصات محاصيل, ميكنه, رى, دراسات جدوى.
و على فكره اعتقد احد اشكال ال Business Cluster فى مجال الزراعه هى توشكا فى جنوب مصر.
و من ضمن امثلتها البعيده عن مجال الزراعه Silicon Valley فى امريكا حيث اكبر تجمع لتكنولوجيا المعلومات.
و لكن الفكره المطروحه بها بعض التعديلات عن فكره توشكا, حيث ان توشكا شركات كبيره الحجم من ناحيه اخرى الفكره تعتمد على تكتل مجموعات صغيره من الاشخاص.
و لكى اعطيك مثال مناسب لشرح فكرتى من بيئه عملى كمبرمج حاسب.
ساعطيك 5 مليون جنيه و عشرون جهاز كومبيوتر بالسوفت وير الخاص بهم و مكاتب مكيفه و جاهزه للعمل.
و عشرون شخص من مختلف التخصصات و لكن دون البرمجه (مهندسين مدنى, محاسيبن, خريجى أداب)
و وقت لمده سنه.
و طلبت منهم عمل برنامج Software من اى نوع حسابات , مخازن, اى شئ.
النتيجه فشل مع انك كل الامكانات معك!!
بيئه الاعمال هى بالضبط مثل لعبه كنت العبها على الكومبيوتر اسمها سيزر Ceaser
لكى تنجح فيها يجب ان تظبط كل العوامل و المعطيات و دون طغيان شئ على حساب الاخر.
ليس بالامر السهل الموضوع و لكنه توفيق من الله اولا ثم علم باداره مواردك بطريقه علميه.
السلام عليكم ورحمة الله وبركاتة الموضوع جميل وكل مدا بيزيد بناس خبرة ماشاء الله ياريت بس ناخد خطوة جدية حتى لو كل واحد يضع دراسة الجدوى من وجهة نظرة ونقول ارائنا . علشان نقدر نحط رجلينا على اول السلم ميبقاش كلام وخلاص. ياريت ناخد خطوة جدية. اخوكم احمد المصرى .انا اللى فى مكة يبطاطا.
ولكن اعتقد ان تجمع الخبرات ورأس المال قد تكون افيد لانجاح هذه الفكره
بمعنى يمكن عمل شركه لكل الساده المهتمين بهذا الموضوع وذلك بدلا من تقسيم رؤوس الاموال والخبرات الى مجموعات ، ويكون للشركه مجلس اداره يكون من واجبه تحقيق الاهداف المرجوه للمساهمين
وتقوم هذه الشركه بعمل كل المشروعات المطلوب تنفيذها على ان يعمل مجلس ادارة الشركه على توفير الكوادر والخبرات والموراد اللازمه لتحقيق الخطط الموضوعه ، سواء من المساهمين او من خارج الشركه
السلام عليكم
اهلا وسهلا بأخونا أحمد حمدي يشرفنا جدا انضمامك للحلم .
يا ريت يا أحمد تحط ايميلك هنا عشان أخونا خالد الشريف ان شاء الله هيبعتلك استمارة تعبيها وشكرا لك
اقتباس