الارزالهجين ممتاز جدا
ولاكن تكليف انتاجه عليه
لانه يحتاج الى الشتل اليدوى
وعماله خاصه للشتل
يتكلف الفدان عماله شتل حوالى400جنيه مصرى تقريبا
واسعار التقاوى غاليه الثمن حوالى 14 جنبه للكيلو الواحد
ياتى من مركز البحوث بكفر الشيخ
او الاداره الزراعيه
هذه بعض المعلومات البسيطه
ابوشتيه
الأستاذ المبجل ... مشرف القسم ... المشاتل قربت خلاص .... و عايزين معلومات كافية عن هذا النوع.... أذا كان فى الصالح العام يا ريت تفيد الجميع ..... قولنا بيختلف فى ايه عن الأنواع التقليدية ؟ .. تسميده ايه ؟ ... أنتاجه هل فعلا 6 طن ؟... هل عندك خلفية عن التسويق ؟..... أرجوك خلى الناس تستفيد من التكنولوجيا دى :]
الساده المشرفين .....ساعدونا من أجل الأفضل لنا جميعا ..... أنا بحط أيدى مع أيد أستاذ رفيق ... يا جماعة المشاتل داخله علينا خلاص ... وعايزين نرسى على بر .....أذا كنا هنزع النوع ده ولا هنفضل زى ما أحنا ....... أرجوكوا فيدوا أكبر عدد ممكن ....وتخيلوا لو مزارعين كتير أستخدموا النوع عالى الأنتاج ده .... أنتاج مصر هيبقى الضعف... هيزيد التصدير بلا شك ... وفى نفس الوقت السعر جوة البلد هيبقه عادل والفلاح هيربح أكتر ... الساده الأفاضل سابقى الخبرة .... أولولنا من أول الشتل لحد الدرس ....نعمل أيه ؟؟؟؟
يا عزيزي الفلاح باع الأرز هذا العام بحوالي 1200 جنيه للطن .. والحكومة لن تسمح بزيادة السعر عن ذلك ..
حتى يتم توفير الأرز رخيصا للمصريين
وهذا لا يشجع على زراعته مره أخرى .. نظرا لارتفاع تكلفة زراعته والأفضل التوجه لزراعة اللب السوبر والسمسم والبامية والملوخية فعائدها أفضل وتكلفتها أقل
الارز الهجين معروف من فترة طويلة فى العالم واول ما نشأ كان ى الصين بالتحديد فى مقاطعة هونان وفكرته بسيطة وهى تحويل نبات الارز الى نبات عقيم الذكر ليتم استخدامه كانثى وبالتالى يمكن تهجينه بصنف آخر لنحصل على الجيل الاول وهو ما يسمى بالهجين والذى يكون له صفات تتفوق على صفات الاب والام وذلك ما يسمى فى علم الوراثة بالهيتروسز Heterosis واول من اكتشف السلالة عقيمة الذكر هو العالم الصينى ايوان لونج بينج ويسمى الان بابو الارز الهجين وهى كانت نوع من الارز البرى تم تطويرها الان والبناء عليها لتكون اول نطرية للارز الهجين فى العالم وهو ما يسمى بنظرية الثلاث سلالات
1- السلالة الاولى هى السلالة العقيمة ذكريا Male sterile line
2- السلالة الثانية وهى السلالة الذكرية Restorer
3- السلالة الثالثة وهى سلالة اعادة الخصوب maintainer
المهم
انشاء الله نكمل فى مرة اخرى
اقتباس