السلام عليكم
اخى الفاضل قبل متشطرى البطارية من المصنع اوالمكتب شوف نموذج للبطارية وستلم علية
اما بلنسبة للارانب استلم الارانب من المزرعة مشمن التاجر
امابلنسبة للبيور موجود في كلية الزراعة جا معة الاسكندرية (الاسبانى)
السلام عليكم
يا جماعة انتو قلبتو الموضوع شخصى اوي
وبعدين الاستاذ صاحب الموضوع اعطانا تحذير بارك الله فيه والتحذير بشكل عام مش من حد معين
فيا ليت اللي عندو رد علمي اوك
يعنى هو بيقول مفيش سلالات نقية اللي عندو دليل على سلالة نقية يقول فين وعند مين ونوعها اسمه ايه وخلاص مفيش داعي للتجريح ولا للمناقشات اللي مالهاش علاقة بالموضوع
احنا بنتكلم عن الارانب في الموضوع ده وبعدين مع احترامي للاخوة اللي بيستخدمو في نقدهم ايات او احاديث يحاول يكتب صح لغويا
اسمها العزة بالإثم وليس بالاسم وشكرا لكم جميعا
مصر اللى كانت ام الدنيا و دلوقتى ولادها مطلعين عنيها
المهنة
فلاح
الجنس
ذكر
المشاركات
63
الى جميع الآحوة السلام و التحية، الكلام اخذ و عطا و الناس بتتعلم حتى اخر دقيقة فى عمرها، و لما كان المنتدى مكان للتعبير الصريح و التعليم و ابداء النصيحة من قبل افراد او شركات و النيات الله و حده يعلمها فارى انه لاداعى للمزايده باسم الوطن او أقحام السياسه او ما يشبها فى الموضوع.
الاخ خيرى قال مافيش سلاله نقية فى مصـر -- الكلام 60% مظبوط فالانواع التجارية الموجودة زى النيوزلندى مش خالصة مخلصة و لكن متقلمة على المناخ المصرى و الظزروف المحيطة بالتربية،
الـ40% الاخرى فيه سلالات اخرى نقية بس فين و بكام ده اللى ممكن نسـال عليه زى الاخ الاخير ما قال فى جامعة اسكندرية الاسبانى بيور -- الراغب فىه عليه التوجه هناك و السؤال عنه
برضه الاخ خيرى قال البطاريات مختلفة و مش مطابقة للمواصفات : نقول انت بتشترى ليه و بتنقلها ليه مادامت بره المواصفات محدش يجبرك عليها، و اختيار الورشة او المصنع او المكتب يرجع ليك من الاول
المهم ختاما للموصوع و لقفله نهائيا يجب على كل فرد يرغب فى شراء شى يسل الكثر من مرة و المثل بيقول لا خاب من استشار
الحمد الله الذى هدانا و ما كنا لنهتدى لولا ان هدانا الله
ايمن رشـاد[at]
أرجو أن تتقبلوا ردي على الموضوع بصدر رحب لأني أقصد المصلحة العامة
في الحقيقة كل الردود على الموضوع تجاهلتا صلب الموضوع و تحولت الى نصائح شخصية للعضو المشارك بتحسين أسلوبه عن أصحاب المكاتب. أنا شايف ان الراجل ما غلطش في حدو أسلوبه كويس بالعكس أعتقد ان أي أحد لا يعرف صحة هذا الكلام يفتقد الى الخبرة العملية في هذا المجال ولا أنصحه بدخول المجال دون الاستعانة بأحد المتخصصين
من متابعتي للمنتدي و المواضيع المطروحة فيه و أيضا من مربيين اخرين في المجال ان الناس بتبذل مجهود كبير في المشروع ده ولا تلقى المقابل المجزي علشان كده ناس كتير بينهوا الموضوع بعد فترة قليلة.
السبب الرئيسي يا سادة باختصار شديد ان معظم (المكاتب)القائمين على انشاء وتسويق هذا المشروع بجميع مشتملاته في مصر غير مؤهلين علميا لذلك . وهدفهم الرئيسي هو الربح التجاري فقط . معتمدين في الدعاية على دراسات جدوى نظرية . وطبعا المربي الجديد لا يجد أمامه غيرها و بيدخل المشروع بناء عليها ثم يواجه مشاكل لم تكن في حسبانه لا يستطيع التعامل معها و قد لا يوفق في ايجاد من يدله على الحلول السليمة.
يعني ممكن تقابل حد يقول لك ما فيش سلالات بيور في مصر و واحد تاني يقسم لك ان في سلالات بيور و ممكن يوفرها لك بس غالية شويه. نفس الكلام عالبطاريات ده غير طبعا مشكلة معظم المربيين بخصوص الأعلاف فحدث ولا حرج .
المشكله ان ما فيش مرجع ثابت زي الدواجن مثلا بالنسبة للمستثمر الجديد علشان كده ناس كتير بتشتغل و بتعمل كل اللي عليها بس ما فيش عائد.
ممكن يكون المشكله في السلالة و ممكن تكون في الاسكان (بطاريات أو مزرعة) و ممكن أوغالبا بتكون في العليقة و للعلم معظم العلائق الموجودة في السوق هى علائق تجارية متقاربة في التركيب و أي حد يقدر يلاحظ كده من تقارب الأسعار مش محتاجه خبراء.
يا جماعة كل عنصر في هذا المشروع له أسس علمية و له مختصين كأي مشروع انتاج حيواني في ناس شغلها الوراثة و ناس التغذية و هكذا...لا يعيب أي حد أن يهدف للربح كلنا كده و أنا أولكم .. و لكن لكل شيء أصول. فمن قال لا اعرف فقد أفتى.
أعذروني على الاطالة لكن بصراحه ناس كتير بنشوفها بتعاني من المشاكل دي و بتخسر فلوسها اللي ممكن تكون كل ما تملك و ترمي الذنب على المشروع .المشروع زي أي مشروع غيره محتاج عوامل لنجاحه لو اتوفرت لا ينقصنا الا توفيق من عند الله جل وعلا.
اقتباس