انا بحب الزراعة جداوبقالي كذا سنة بجيب من معرض الزهور اصص زرع لنباتات عطرية وبحطها عندي في البلكونةوبتقعد معايا من السنة للسنة بس عايزة ابتدي ازرع خضروات ف ايه انسب الخضروات اللي ازرعها في البلكونة من غير ما تفشل او تموت علما بان البلكونة تدخلها الشمس من الظهر 1-2 حتي المغرب
يمكن زراعة الخس.البطاطس الجزر البصل. وأشياء عديدة
لكن أهم سؤال هو
ألبلكونة دي عدد ساعات الأضاءة فيها كام ساعة؟
يعني الشمس بتدخلها بشكل واضح وقوي و مؤثر كام ساعة في اليوم
مش معقولة هتستني محصول من نبات الشمس بتزورة ساعة أو ساعتين في اليوم
لو فية سطح أو مكان مفتوح يكون أفضل
الاستاذ اوركيد المصري :اشكر لحضرتك اهتمامك و انا قصدي الشمس بتدخل من الساعة 11 ظهرا حتي الغروب يعني معظم اليوم تقريبا وبالنسبة للخضروات اللي حضرتك ذكرتها دي بتبقي بذور ولا شتلات ولك جزيل الشكر
السلام عليكم.............................. ................................... .
انا اضم صوتي مع الاخ اوركيد المصري في اختيارة الجيد وخاصة لتحملهن للضروف الجوية
وضروفالبلكونة
فى البداية يمكن زراعة الخضروات الورقيه مثل الجرجير والخس والبقدونس والكسبرة حيث انها تتحمل العديد من الظروف الغير مناسبة كما انها سهلة الزراعة فى البداية ويكمن جمالها فى سرعة انتاجها وانها لا تتطلب جهد فى زراعتها او اعمال الخدمة بعد ذلك
ثم بعد ذلك يمكنك الانتقال الى زراعة الثمرية مثل الكوسا والفلفل والباميا وانصح بزراعة فردية اى صنف واحد للزراعة لكل مرة اى التركيز على نوع واحد من الخضار ومتابعتة
والله الموفق ونتمنى ان تنتشر فكرة زراعة الخضروات او النباتات فى اى مكان بالمنزل , فكل الاماكن صالحة للزراعة