الاول السلامو عليكم يا حبايبي ... انا كان ليا بس استفسار سألت كتير وبرضه مش لاقي حد يفهمني صح
انا حاليا فى كلية العلوم بجامعة الازهر , قسم البيولوجي وكنت المفروض انى ناوى ادخل قسم الميكروبيولوجي / كيمياء
لكن انا مدخلتش الامتحان في ماده , فاتضح انى هدخل قسم الميكروبيولوجي فقط معاهوش كيميا يعني
لكن لقيت ان في شكوا بقدمها للادارة وممكن التحق بقسم الميكرو / كيميا لكن في ناس قالتلي بلا وجع قلب وشكاوي وممكن يرفضوها وبتاع .... ياعم ادخل كمل في قسم الميكروبيولوجي خاص واتكل على الله ده قسم جميل جدا , وافضل من قسم الدبل كورس اللى هو ميكروبيولوجي / كيميا
المهم انى احترت وانا مش عارف حاجه خالص اكمل في الميكروبيولوجي فقك , ولا اقدم شكوى والتحق بقسم الميكو/ كيميا
لكن السؤال بقا .... ان باسمع عن مهنه اسمها مشرف جوده فى المصانع واسمع ان بتوع علوم بيتعينوا فيها ؟؟؟؟ هل دا صح
يعني انا سألت استاتذه كتير , هو ايه الفرق بين الميكرو فقط , و الميكرو /كيميا قالولى ده دبل كورس بيدرس نص كيميا ونص ميكرو .... أما الميكرو بس بيدرس كل الميكرو
اغلب الناس بقا بتقول ..ان الميكرو/ كيميا افضل من الميكرو خاص ....
طب ازاى بقا انا شايف ان الميكرو خاص افضل من الميكرو /كيميا
يعني ياريت من اخواتى حبايبي الخبره اللى هنا يفهموني ايه الوظايف اللى ممكن اقدر اشتغلها لو ربنا دخلني ميكرو خاص .... وايه اللى ممكن اقدر اشتغلها لو دخلت ميكرو كيميا ... ويعني ايه مشرف جوده وهى شغلانه كويسه ولااااا
اصل انا بصراحه مكنش في دماغي علوم خالص , كان نفسي هندسه بترول , لكن القدر دخلني علوم لكن الحمد لله متفوق والكليه ماشيه وسهله جدا ........بس انا مش حببها .. لكن اعمل بقا المهم اهى حاجه هتجيبلنا شغل ؟؟؟
المصيبه بقا ان كتير بيعقدوني ويقولي علوم دي وظايفها قليله ومتقدرشي تسافر بشهادتها بره والكلام اللى يعقد ويحبط ده
كلة واحد معدتش فارقة بس لو تقدر كمياء وميكرو أحسن ليك ولمخك وتفكيرك وهتفتح امامك أبواب أكتر من مجال الصناعات الغذائية ومتتخيلش انك هتروح مصنع هيطلب منك تعمل تعريف وتصنيف للبكتريا و لا مسائل كميائية معقدة كلها حاجات بسيطة تعد علي اصابع اليد وسواء درست أحد هذة العلوم تستطيع الاندماج بسرعة العملية بسيطة جدا مش محتاجة حيرة وأحب أضرب لك مثل انا عندي في المختبر أقسم بالله أن الي يبحضر الميديات والمحليل العيارية هو نفس العامل الي بيكنس الارض ويعمل الشاي ودي مش تريقة بس أنت أجتهد وحاول تركز لأن المجالين هما المستقبل وخاصة التحليل الالي ولو عاوز تكبر دماغك من كل دة وتبقي معلم حوش 750 جنية وروح مصلحة الكمياء في رمسيس وقدم دورة تحليل الي لمدة اسبوعين تخرج بعدها معاك شهادة علمية وعملية وتتكلم مع اي دكتور بقلب جامد
السلام عليكم
ابني العزيز اهلا بك في المنتدي
اولا احب ان اقول لك انت الان بكلية العلوم بداية اقوقول لك حب مجالك واجتهد وبعد كدة اترك الامور علي الله
ثانيا مجال العمل وسوق العمل ليس له مقياس معين فكثير من الشباب بعد الدراسة يجدو نفسهم يعملون في مجال اخر بعيد عن مجالهم وينجحون فية ولكن اهم شئ
ان تحب مجال عملك ومجال دراستك
اما بالنسبة الميكروكيمياء يعتبر مجال العمل بها اكبر من الميكرو فقط
وبالنسبة لعمل مراقب الجودة يستلزم ان يكون ملم بجميع التحاليا الخاصة بالميكروبيولوجي وكذلك التحاليل الكيميائية ومجال مراقبة الجودة مستقبلة جيد بالرغم ان اصحاب المصانع لايهتمون بمراقبة الجودة بقدر اهتمامه بالانتاج بالرغم ان العالم الغربي تقدم من خلال الجودة والمعامل عندهم هي الاساس
وخلاصة القول حب مجال دراستك حب مجال عملك سوف تجد هذا العمل يحبك ويقدرك