العمر :شهرين الاشويه
البلد :مصر
المستوى الدراسي أو العمل :
حاصلة على بكالوريوس زراعة
الهوايات :
القراءة والبحث عن المتاعب
الحاله الاجتماعيه :
أنسة
عيوبك :
ماتعدش (خد عندك مثلا عصبية ...عنيدة .......
ميزة فيك :
الوضوح والحيادية
طموحك :
ألاقى شغل كويس عشان أقدر أكمل دراستى
أمنياتك :
أصلى فى المسجد الأقصى بعد تحريره ان شاء الله
كلمةللأخ عوني:
no comment
( لأنة مفيش أى كلمة توفيه حقة)
موقف مضحك حصل لك :
كنت بأجمع عينات للدراسة مع أحد المهندسين فى مديرية الزراعة وطبعا معانا عربية المديرية
وطبعا كل حقل ننزلة كنا بنقابل صاحبة الأول نستأذنة ونعرفة سبب الزيارة دى وهو جمع عينات عشان نعمل دراسة على مرض معين لسة جديد
أحد المزارعين بقى شافنا خارجين من حقل جارة وهو جاى من بعيد كدا
فسأله فية اية ياحاج ؟ مين دول ؟
فرد علية
(وطبعا الحوار كله بصوت عالى جدا )
دول جايين من وزارة الزراعة بيقولك فية مرض جديد طلع و.......
قبل مايكمل كلامة لقيت المهندس بيقولى اجرى يابشمهندسة
دول حيطلعو علينا يضربونا دلوقت اجرى بسرعة
وما أعرفش وصلت العربية ازاى!!!!!!!!
ومن يومها كل ما افتكر الموقف دا أموت م الضحك
موقف محرج حصل لك :
فى الامتحانات الشفوى بتاعت الكلية كلنا بنذاكر الأسئلة الصعبة جدا ونشوف أسئلة غير متوقعة وأسئلة ذكاء وحاجات من دى عشان ممكن توقع أى حاجة ف الشفوى دا
جا دورى للشفوى ف امتحان النبات دخلت وقفت قدام الدكتور سألنى
ماهى أنواع التغذية ف الفطريات ؟
طبعا حاجة عارفينها من اعدادى
مانطقتش
نسيت كل حاجة
نسيت أساسا يعى اية فطريات دى اللى هو بيتكلم عليها وهى بتتغذى طب ازاى
والدكتور عمال يتحايل عليا انطق اى كلمة
ولو غلط بس سمعينى صوتك
والله ولا كلمة
موقف مبكي حصل لك :
هو موقف كان حصل لى أيام الدراسة كنت قلت كلمة بهزار قدام معيد عندنا وهو كان صديق لنا جدا فزعل منها ولما رحت اعتذر له هزأنى قدام زمايلى مع انها كانت كلمة عادية جدا وبهزار
قعدت أكتر من شهرين تقريبا تعبانة وكل ما أقعد لوحدى ولو دقيقة افتكر الموقف دا واعيط
ولحد دلوقت والله ما أعرفش اية السبب اللى خلاه يعمل كدا
مثل اعجبك :
ابتسم عند الهزيمة وتواضع عند النصر
بيت شعر اعجبك :
وسلا مصر هل سلا القلب عنها أو أسى جرحه الومان المؤسى
كلما مرت الليالى عليه رق والعهد فى الليالى تقسى
كلمة اخيرة :
اللهم علمنا ماينفعنا وانفعنا بما علمتنا
يارب بقى ما اكونش طولت عليكم